الفزعة ياأهل الخفجي (وين احصل الملازم في اي مكتبة ؟؟)

[الالماسة]

السلام عليكم ورحمة الله وبركاتة
الى اهل الخفجي الاعزاء لو تكرمتوا الله يجزاكم خير اللي عنده ملازم المستوى الاول كلية الاداب قسم علم اجتماع ويقدر يوفرها لي لاني ماخليت مكتبة في الخفجي الا ورحت لها ومالقيت الملازم واذا موجودة عند احد ومايقدر يستغني عنها عادي اخذها منه واصورها تكفووووووووووووووووووون والله اني تازمت من هالملازم الله يوفق اللي يساعدني ويسعده ويسهل له امره وفاله a+ ان شاء الله

[ح ــنين..]

وعليكم السلام ورحمة الله وبركآته..

الملآزم هي نفسها المحتوى اللي موجود بـ البلآك بورد..

إذا ماتوفرت بالخفجي ..

تقدرين تآخذينهآ من هالموضوع ..

http://www.ckfu.org/vb/t297206.html

تطبعينها بالبيت ..او تحطينهآ بـ فلآش ميموري..

وتودينها المكتبه يطبعونها ويغلفوونهآ ..

الامور سهلآت ي الألماسه.. : ) ..

موفقه..

[بدر 2011]

السلام عليكم اختي
اذا محتاجه شي ابشري
اذا ماقدرتي توفرينها
مستعد اوفرها لك وانا اخوك

[الالماسة]

المشاركة الأصلية كتبت بواسطة بدر 2011

السلام عليكم اختي

اذا محتاجه شي ابشري
اذا ماقدرتي توفرينها

مستعد اوفرها لك وانا اخوك

لا خلا ولاعدم يالغالي الله يسعدك ويوفقك وين ماتروح اليوم فريت مكتبات الخفجي مالقيت الملازم ياليت لو توفرها لي انت من سكان الخفجي

[المنصور]

الالماسة حتى بالدمام ماهي متوفره كلها
انا ماحصلة الا خمس مواد فقط
وابعطيكي فكره ياختي عن الملازم الي بالمكتبات
من شان ماتتعبي لو ماحصلتيهم
تريها من نفس المحتوى الموجود مع كل محاضرة
والبعض منها اجتهادات طلبه كانت المستوى الاول
نصها ناقصه
ارجو لا تتعبي نفسك اطبعي المحتوى الموجود عندك
ويكون افضل من الملازمه بس الي يحصلها جاهزه مايبي يتعب نفسه
هناء مربط الفرس

[ابو مها]

هلا الالماسة انا من سكان الخفجي فيه قرطاسية القرشي في حي الشمالية تحصلين عندة
او قرطاسية شعاع القدس في الغربية بجنب حلويات زين تحصلين عندة

[الالماسة]

المشاركة الأصلية كتبت بواسطة ابو مها

هلا الالماسة انا من سكان الخفجي فيه قرطاسية القرشي في حي الشمالية تحصلين عندة
او قرطاسية شعاع القدس في الغربية بجنب حلويات زين تحصلين عندة

مرحبا اخوي ابو مها انا رحت امس لقرطاسية القرشي ومالقيت عندهم ياليت لو تعرف ارقام قرطاسيات في الخفجي تكتبه لي ولك الشكر انغثيت من هالملازم

[وطني الجبيل]

اختي شوفي في اعلانات كثيرة في المنتدى عن مكتبات في الرياض والدمام

اتصلي على اي مكتبة واطلبي اللي تبين وهم راح يشحنونها لك وين ماكنتي وراح توصلك .

والافضل انك تشترين لك طابعة وتطبعين اللي تبين وانتي مرتاحه .. بالتوفيق ان شاء الله

http://www.ckfu.org/pics/alqlam.htm

[الالماسة]

المشاركة الأصلية كتبت بواسطة وطني الجبيل

اختي شوفي في اعلانات كثيرة في المنتدى عن مكتبات في الرياض والدمام

اتصلي على اي مكتبة واطلبي اللي تبين وهم راح يشحنونها لك وين ماكنتي وراح توصلك .

والافضل انك تشترين لك طابعة وتطبعين اللي تبين وانتي مرتاحه .. بالتوفيق ان شاء الله

http://www.ckfu.org/pics/alqlam.htm

مشكور اخوي اذا عن الطابعة عندي طابعة وامس شارية حبر جديد واواراق لاكن انا خلقي ضيق وتاخذ وقت في الطباعة وانا خلقة مشغولة حدي عندي التزامات مالها حد ابي اشتريها وارتاح علشان اذاكر من بدري

[الالماسة]

اخ بدر وين رحت تزهلت توفر لي الملازم واختفيت عسى المانع خير هذا ثاني واحد يتزهل لي بالملازم ويختفي شكل مالي حظ او اني منحوسة يالله دخيلك من قرادة النصيب