أخر نصيحة أبغاها منكم

[ثمان سنوات عاطل]

أنا قررت خلاص أدرس بس أنا اللحين متشتت مخي فيه جامعتين وحده جامعة الملك فيصل والثانية جامعة الدمام وأنا من سكان المدينة المنورة أبغى الأختبار قريب من المدينة المنورة عشان تعرفون خساير أجار الشقق ما أبغاها أيش تنصحوني أدرس با أي جامعة فيهم وثاني شئ ماعندكم رقم عميد الجامعة أقدر أتصل عليه أبغى أكلمه يقبلني قبل شهر رمضان تتوقعون يوافق أني أكمل قبل تقديم رمضان ولو رفض ودرست بشهر 9 برمضان ماني عارف كيف راح أذاكر وماني عارف كيف أحضر الحصص اليوميه وأقسم بالله حرام عليهم يسون كذا لو الأنتساب التقليدي أشوفه أحسن من كذا بكثير فرضا درست أبغى أحظر الحصص وين أحظر أبغى احل الواجبات وين احل أبغى أشارك مع الدكتور كيف أشارك أقسم بالله ماني عارف كيف الأنظمة حقت التعليم عن بعد أحسه ملخبط الواحد ما يعرف كيف يسوي وأبغى أعرف كم أخر نسبة يقبلون لأن أخاف نفس الأنتظام بالجامعات لو نسبتك 90 بالقوة يقبلونك وبالواسطة (بعد) ويمكن مايقبلوك أبغى أعرف هل أذا أخترت تخصص راح أنقبل فيه ولا التعليم عن بعد على حسب النسب يحطونك بتخصص وأنا أبغى أدرس بكالريوس كيف أختار بكالريوس أخاف يحطوني دبلوم وأتورط وأبغى أعرف هل فيه أترام صيفية وأبغى أعرف أنا الحقيقة يمكن راح أتوظف عسكري والمعروف الدورات العسكري زي السجن يحبسوك سنة كاملة ولا6 أشهر مثلا كنت سنة ثالث بالجامعة وجاتني وظيفة بالعسكرية كيف أقدر أجل الدراسة وبعد ما أتخرج من العسكرية أرجع أكمل دراستي من سنة ثالث وشكراً كم سنة المسموح للواحد يقدر ياأجل دراسته بالجامعة وبعدين يرجع يكمل دراسته وهل يبغى ياأجل دراسته لازم عذر مستشفى ولا عذر قوي طيب مثلا عذري أني راح اتوظف والوظيفة نفس السجن مراح أقدر اذاكر ولا مسموح أدخل لابتوب معاي لأنها عسكرية صعب أدخل لابتوب معاي كيف أقدر أسوي تاأجيل بس مدة الدورة العسكرية يعني ياسنة أو 6 أشهر

[شذى عطري]

صباح الخير..
1/ مافية تقديم الا برمضان..
2/ فية مقر للاختبار بالمدينة..
3/ تقبل كل النسب عاااااااااادي..
4/ اذا قبلتك وظيفة عادي وقف ترم بعدين ارجع ادرس..
5/ باعكس هو احلى من الانتساب التقليدي طريقة حل الواجبات والمناقشات وحضور المحاضرات عن طريق البلاك بورد وهناك ايضا محاضرات مباشرة مع الدكاترة وايضا هناك تواصل عن طريق الايميلات و الساعات المكتبية..
اتمنى وصلت المعلومات الى تبيها..

[SALMAN26]

اللة يوفقك

[الكويتي 1]

بالتوفيق ان شاء الله تعالي

جامعه الملك فيصل لها مراكز اختبارات بأغلب مناطق المملكه ومنها المدينه المنوره

[حلااا الكوون]

هلا اخوي

التقديم يكون برمضان الجاي بإذن الله

والمدينةة فيها مقر اختبارات انا من المدينه واختباري فيها

بالنسبه للجامعات اللي ذكرتها الدمام ماعرف فيها شي صراحه لكن جامعة فيصل فيها تساهيل كثير واهمها المقر الاختبارات يكون عندك

اما بالنسبه انك كيف تحضر وتشارك بجامعة فيصل فيها نظام اسمه البلاك بورد هذا كل مشاركاتك ومحاضراتك وواجباتك تكون فيه والمحاضرات صوت وصوره وشرح يكون رائع وبامكانك تحملها وتشوفها كذا مرا اذا استصعب عليك شي وقتها

اما القبوول ف مو محدد لك نسبه معينه لو 70 تقدر تدخل الجامعه وطبعا حسب الالوليه ومو محدد عمر معين يعني لو عمرك 30 تقدر تدرس بالجامعه

والترم الصيفي للاسف لحد الان مافيه وان شاء الله يوافقون ع هالقرار انهم يسون ترم صيفي

التآجيل فيه تآجيل بس ضوابطه وكيف يكون ماقدر افيدك فيه لاني ماقد اجلت

بالمختصر التعليم عن بعد مريح جدا وسهل التعامل معاه وكل شي بيكون عندك وانت في بيتك انصحك فيه خصوصا انك موظف وبتكون مرتبط انت تشوفه ملخبط لانك ماجربته لكن لو جربته بتعرف انه مريح لابعد حد

موفق يارب دعواتك