|
ودي اغير التخصص وش اسوي ؟
السلام عليكم ..
انا ماني مقتنع بهذا القسم .. قلت اطقطق على المستوى الاول ان مشت الامور كملت انتهى الاول وجبت معدل حلو جداً .. الحين الحوسه في الثاني .. والثالث واللي بعده في الطريق ان شاء الله وانا واحد ماني من حقين الرياضيات والمحاسبه والاحصاء وماشابهها من مقررات المهم مالكم بالطويله ودي احول لتخصص اللغه الانجليزيه وش الطريقه ووين اروح وكيف ابدا وهل بيحسبون لي مواد وزي كذا ولا ارجع من البدايه ؟!!! |
رد: ودي اغير التخصص وش اسوي ؟
أتوقع يالغالي أنك بترجع من الاول ,!
والظاهر أنك تعرف المثل ما أخس من قديد الأ عسفان هههه لكن نصيحه لك أستمر بالتخصص هذا وخذ الأمور بكل هداوه وسلاسه وفالك المستوى الثامن ......:060: |
رد: ودي اغير التخصص وش اسوي ؟
هلا اخوي أبو خالد
أول شيء كل شخص وميوله وقناعته الشخصية دام هالتخصص مو مجالك فالأفضـل التحويـل لميولك أما عن طريقة تحويل النخصص فهي عن طريق الخدمات الطلابية( ايقونة تغيير التخصص) لها شـروط ومن أهم هذه الشـروط هي 1- اجتياز 24 ساعة دراسية بنـجاح ---- هذه النقطة مهمة 2- المعدل التـراكمي لا يقل عن 2 طبعـا لازم يـكون في إمكانية في الكلية الجديدة أما بالنسـبة لسؤالك الثاني بخـصوص المقررات التي سبق درستها جميـع المقررات المسجلة سابقا وانهيتها بنجـاح تحسب لك وتفضل في سجلك الأكاديمي واذا صادفت أي مقرر في التخصص الجديد من المقررات اللي انهيتها لا تسجـلها موفق |
رد: ودي اغير التخصص وش اسوي ؟
اخوي ملفت ..
حاولت اقنع نفسي بالرياضيات والمحاسبه والاقتصاد وماشابهها من مواد تجيب الصداع ماااقدرت يااالله اني خلصت الاول قلت دام انه زي كذا اكمل بس المستوى الثاني مااعجبني مرررره احس اني ادرس طلاسم سحريه قلت خل اشوف وضع التغيير لاني من اول ودي بالانجليزي لان لغتي ولله الحمد جيده جداً وبشوف نتائج هالمستوى ان مشى الحال ولا غيرت وربك يسهلها |
رد: ودي اغير التخصص وش اسوي ؟
ابو خالد ليش دخلت الإدارة من الأساس دام مالك في الرياضيات؟
انت عارف ان الرياضيات أساس مقررات العلمي؟ |
رد: ودي اغير التخصص وش اسوي ؟
-
مَ قصّر أبو يزن :rose: إجآبة وآفية وَ كآفية . . بو خآلد [ لآ تنسى صلآة الإستخآرة ] وَ لآزم تحدد لك هدف مو تمشي ع البركة :10111::rose: اقتباس:
لآزم تكون جآد في تحديد هدفك وَ مستقبلك , وَ ماتخطي خطوة إلا أنت متأكد منّهآ , الله يوفقك يَ رب وَ بشرنآ بآخر أحوآلك :cheese::rose: |
رد: ودي اغير التخصص وش اسوي ؟
الله يوفقك باللي تشوفه مناسب لك ..
بس نصيحه شخصية / مجال اداره الأعمال لما تخرج منه - بإذن الله - يكون مفتوح لك كل شيء خاصه لو جبت معدل ممتاز بتكون مجالات كثير متاحة لك :106: |
رد: ودي اغير التخصص وش اسوي ؟
الله يوفقك ان اشاء الله |
رد: ودي اغير التخصص وش اسوي ؟
اح لو اني في سعود حولت فرنسي :cool:
|
رد: ودي اغير التخصص وش اسوي ؟
ربي يوفقك ويسهل دربك
|
رد: ودي اغير التخصص وش اسوي ؟
ابو يزن
الله يبيض وجهك بصراحه معلومات مهمه وضحتها لنا الامور واضحه وان شاء الله شرط الساعات يتحقق هذا الترم باقي الشروط متوفره لان معدلي مرتفع ولله الحمد في المستوى الاول ولما راجعت مقررات الكليه الثانيه لقيت كثير من المواد هناك يعني انتظر نتيجة هذا الترم وبعدها يقضي الله امراً كان مفعولا لا خلا ولا عدم يابو يزيد الف شكر لك |
رد: ودي اغير التخصص وش اسوي ؟
مملكة الرومان
يااخي اسمك يذكرني بلعبة ترافيان بيني وبينك انا من الاساس ابي الانجليزي جاني واحد من الاخوان وهو معنا في المنتدى وهو حق رياضيات بس ايام شبابه الحين ماعاد يحل القسمه الطويله الا بنظارات ههههههههههه حبيبي ابو تركي امزح معك :(269): قال ادارة اعمال وش رايك قلت ادارة اعمال ادارة اعمال وش ورانا ربك يسهلها ياترافيان وتمشي الامور عدل |
| All times are GMT +3. الوقت الآن حسب توقيت السعودية: 12:02 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام