ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   رايكم يهمني .. (https://vb.ckfu.org/t337727.html)

البريئة2 2012- 5- 25 05:42 PM
رايكم يهمني ..
 
السلام عليكم
انا مقبلة على التدريس في الروضة وليس لي سابقة بهذا واتسائل ما طبيعة العمل هناك وهل يناسبني وساحبه ام لا ؟ ما نوع المطلوب منا ؟ ما هو اكثر الامور صعوبة ؟ماذا تنصحوني ؟
لمن لديه خبرة او يعرف طبعا

آحسـآس آنثى 2012- 5- 25 06:18 PM
رد: رايكم يهمني ..
 
رفففففففففع

*Saleh* 2012- 5- 25 06:29 PM
رد: رايكم يهمني ..
 
موفقه ليت عندي وافيدكـ

مكمل دراسه 2012- 5- 25 06:35 PM
رد: رايكم يهمني ..
 
بالتوفيق

حمود بن أحمد 2012- 5- 25 07:02 PM
رد: رايكم يهمني ..
 
:139:

iMaybe 2012- 5- 25 07:28 PM
يرفع

إلى لجنة الاختصاص

:D

Sent From Sony xPeria S

سامي2 2012- 5- 25 07:35 PM
رد: رايكم يهمني ..
 
اختي البريئه
اسعد الله اوقاتك
هذا المجال جدا رائع ويستهدف عمر معين يلزم التعامل معه بدرايه كبيره وليس صعباً على انثى مثلك ان تقدم الرعايه والتوجيه لاطفال يملون لها بحكم الفطره
رياض الاطفال لا يعتبر بمقاس التعليم الذي نفهمه هو حضانه وامومه واكساب الاطفال بعض المهارات المناسبه لاعمارهم مثل الاعداد وارقام والوان وصور وبعض الحروف والاناشيد المحببه لهم
الاهم في هذا الموضوع تقبل الطفل لمعلمته كأم
استعيني بالله ولا تفوتي هذه الفرصه ويكفيك الخبره بفنون التعامل مع الطفل
وفقك الله وسدد خطاااااااااااك

البريئة2 2012- 5- 25 07:38 PM
رد: رايكم يهمني ..
 
:119:
ابتسم كل اللي ردو علي ذكور
وانا اشكرهم حقيقة للمساندة والرفع
شكرا لكم جزيلا اخواني

English Literature 2012- 5- 25 07:39 PM
رد: رايكم يهمني ..
 
ان كنت تحبين الاطفال وتصرفاتهم فلا تترددين

البريئة2 2012- 5- 25 07:41 PM
رد: رايكم يهمني ..
 
احب ان العب معهم واحب برائتهم وتلقائيتهم وصدقهم واشعر انهم يفهموني اكثر من الكبار ايضا واستهبل معهم واحن عليهم
لكن لم اجرب ان اقصقص لهم واسوي لهم اعمال فنية ووسائل ومادري ايش >> هذا اللي خايفة منه مالي خلق حق هلشغلات

DALAL99 2012- 5- 25 08:12 PM
رد: رايكم يهمني ..
 
شوفي اخي بريئة بعطيك اللي تعلمته من تجربة بنت أخوي في الروضة :)
ـ أشوفهم يركزون ع مسألة تعليم الأطفال بالألعاب يعني تعلمهم الاعداد بلعبة بسيطة
ـ منهجهم تعليم الحروف والارقام والكلمات العربية والانجليزية بس الاولوية للعربية ع حسب توجه الروضة نفسها
ـ ماشاءالله أشوف رحلاتهم كثير يعني مثلاً مصنع الايسكريم والمجمع الفلاني يلعبون ويفطرون عاد مرة تستانس تجلس تعلمنا قبلهاوبعدها باسبوع :)
ـ تعلمهم النظام بطريقة رائعة بدل ماتقول يلا كل واحد يجلس مكانه تقولها بشكل انشودة شوي كلهم مرتبين
ـ التعزيز مهم جداً أي شي بسيط لو قلم رصاص ملون ـ دفتر تلوين وعندهم فكرة حلوة كل اسبوع يطلعون طفل يسمونه طفل الاسبوع يكون هو محور الاهتمام طول الاسبوع يطلبون صورته يعلقونها طول الاسبوع وهو اللي يبدأ في اي لعب هو اللي يوزع الهدايا وكذا وأمور ثانيه جميلة
ـ أحياناً بتلاقين أطفال انطوائيين يجلسون لحالهم مايبون احد يكلمهم وش تسوي المعلمة ؟ تحاول فيه بهدوء إذا رفض تخليه ع راحته مع الوقت بيحاول يدخل نفسه إذا شاف الحماس واللعب والهدايا بس انتي قللي من الاهتام فيه فترة
ـ احرصي ع الاعمال اليدوية فهي تنمي القدرة ع التواصل بين الأطفال وتجديد روح النشاط وتعليم مهارات جديدة
هذه بعض الافكار البسيطة أتمنى انك تستفيدين والله يوفقك ويكتب لك الخير

البريئة2 2012- 5- 25 08:25 PM
رد: رايكم يهمني ..
 
حلو استفدت يا دلال انا احب العب معاهم وان شاء الله خير
مشكورة اختي

JUDY 1989 2012- 5- 25 08:46 PM
رد: رايكم يهمني ..
 
موفقه ...

katko0ot 2012- 5- 25 08:49 PM
رد: رايكم يهمني ..
 
اقتباس:
المشاركة الأصلية كتبت بواسطة البريئة2 (المشاركة 6646809)
السلام عليكم
انا مقبلة على التدريس في الروضة وليس لي سابقة بهذا واتسائل ما طبيعة العمل هناك وهل يناسبني وساحبه ام لا ؟ ما نوع المطلوب منا ؟ ما هو اكثر الامور صعوبة ؟ماذا تنصحوني ؟
لمن لديه خبرة او يعرف طبعا
أحسك تتكلمين ألغآز :biggrin:
هههههههههههههههههههههههههههههههههههههههههه
شسمه من إللي فهمته منك بجآوب :biggrin:

أول شي يختلف طريقة التدريس من عمر لأخر ..
في من عمر 3 إلى 5 سنوآت ونص وأحيآنآ 6 ...
كل عمر له طريقه بالتدريس .. والطريقة تآخذينهآ من نفس إدآرة المدرسة ..
لأنو كل مدرسة لهآ طريقتهآ ..
وإذآ كآنت طبيعة المدرسة تخلي للبنآت فصل وللأولآد فصل فأنصحك تبتعدين عن الاولآد هههههههههههههههههههه:biggrin:
مزعجين مرررررررررررررررررررررره ويتحركون أكثر من البنآت والأشكآل الله بالخير ههههههههههههههههه
أمآ البنآت تلآقينهآ مسويه عنقوصين ولآبسة أشيآء كذآ تخقخق وترآ البنآت السمر يوسعون الصدر إمسكي بطنك من وسآعة صدرهم ويحمسونك للشرح ..

بس يبي لك أقل شي شهر عشآن تتعودين عليهم .. :biggrin: لأنهم يجيبون لك الصدآع لآ تقولين أنآ احبهم :biggrin: أنآ أعشقهم بس سوو لي صدآآآع أليييييم ههههههههه :biggrin:


وأكثر شي صعب إنك مآ يمديك تآكلين تآكلين ممنوعآت قدآمهم :bawling: مآفي مشروبآت غآزيه ولآ حلويآت وشبسآت إلآ بالخش والدس :bawling:

وطبعآ بالنسبه للأطفآل إذآ كنتي مُجرد مُدرسة ( يعني مو إللي تجلس معآهم بالفصل ) فأمورك هينه مُجرد شرح وصدآع رآس وتطلعين بس لو كنتي بمدرسة أهليه بيكرفونك كرف :biggrin:

وطبعآ دآئمآ جيبي مفآجآءآت للأطفآل .. أغنيه جديدة لعبه جديدة من خلآلهآ يكون شرح درسك ..
وكوني مبتسمة دآآآآآآآآآآآآآآآآآآآآآآآآآآآآآآآآآآآئمآ :biggrin:
وبس عآد أكل تآيم برب :biggrin:

البريئة2 2012- 5- 25 08:58 PM
رد: رايكم يهمني ..
 
لا حمستيني كتكوت :000:
هونت خلاص

بدويه 2012- 5- 25 09:12 PM
رد: رايكم يهمني ..
 
مجال الاطفال رائع

أنا كنت إدارية واشوف تصرف المعلمات

المهم تكونين طويلة بال ف البداية < وهذا ف أي مجال عمل
تسألين اهل الخبرة قبلك في المدرسة وابداً لا تتردين
وإذا كان فيه معلمة اولى للمرحلة اللي راح تمسكينها الزقي فيها لزقة عنزروت < ام التشبية ياشيخة:cheese:
استفيدي منها ومن نصائحها وتوجيهاتها

الاطفال وين ماكانوا صاااادقيييين في مشاعرهم حبيهم يحبونك حتى ماراح يعذبونك

الخلاصة بالنسبة للمدرسة اذا ارتحتي مع ادارة المدرسة ولافيه تنغيص ع الرايحة والجاية ف رااااااااح تبدعين..

katko0ot 2012- 5- 25 09:13 PM
رد: رايكم يهمني ..
 
^^^^^^^^^^^^^^^
إنتِ هونتي وإلآ تحمستي :biggrin:
إختآري :biggrin:

جرح سيهات 2012- 5- 25 09:19 PM
رد: رايكم يهمني ..
 
بالتوووفيق :d5:

بنت الجبيل. 2012- 5- 25 09:21 PM
رد: رايكم يهمني ..
 
رفع ..
بس جميل تدريس الاطفاااااال
اذا كنتي تحبينهم :106:..
وحسب علمي يوم كنت بتوظف مابتكونين لحالك في الفصل الواحد يبكون معك مدرستين او وحده..

فضيل 2012- 5- 25 09:30 PM
رد: رايكم يهمني ..
 
بالتوفيق استشيري الاقربين والمدرسات وقرري

البريئة2 2012- 5- 25 09:34 PM
رد: رايكم يهمني ..
 
اقتباس:
المشاركة الأصلية كتبت بواسطة katko0ot (المشاركة 6648224)
^^^^^^^^^^^^^^^
إنتِ هونتي وإلآ تحمستي :biggrin:
إختآري :biggrin:
احترت
بعطي نفسي فرصة للتفكير وفي كلا الاحوال ما راح اخسر شي من التجربة وبضيفها لسجل خبراتي
لكن اشكر لك اضافتك القيمة فتحت لي بعض الافاق

ملآكي 2012- 5- 25 09:41 PM
رد: رايكم يهمني ..
 
وعليكم السلام ورحمة الله ..


ما اقدر افيدك , بس التعامل مع الاطفال شيء جممميل وبراءة ومن ابسط الامور
راح تحبينه ان شاء الله نفسي من زماآآن ادرس بروضة او تمهيدي بس الحمد الله .. :sm5:
موفقه اختي .. :rose::004:

البريئة2 2012- 5- 27 09:47 PM
رد: رايكم يهمني ..
 
بعد الاستخارة قررت انني لم ارتح طبعا حسب ظروفي والموازنات بين اعتبارات و ظروف شخصية رجحت ان الوظيفة لن تناسبني
وان شاء الله خير

فضيل 2012- 5- 27 09:48 PM
رد: رايكم يهمني ..
 
افضل شي

وان لجسدك عليك حق

البريئة2 2012- 5- 27 09:48 PM
رد: رايكم يهمني ..
 
:oao:

nsayim 2012- 5- 27 09:58 PM
رد: رايكم يهمني ..
 
اختي البريئه
اهنيك على الوظيفه وربي يوفقك ... الشغله جدا ممتعه رغم مافيها من تعب
اهم الأمور هي انك لازم تضبطين الأطفال وتنظمينهم
ولازم توسعين صدرك عليهم وماتكونين سريعة الغضب
حاولي تجذبينهم في وقت الحلقه بالأناشيد التعليميه
داخل اطار الحلقه
هذا أهم شي .... اقدم لك هذه النصائح عن تجربة سابقه
وإن شاء الله ربي يوفقك وييسر امورك

Heart story 2012- 5- 28 12:08 AM
رد: رايكم يهمني ..
 
اطفاااااااااااااااال من مايحب يكون بين براءة الاطفال

توكلي على الله والله يوفقك

:119:

white tulip 2012- 5- 28 12:10 AM
رد: رايكم يهمني ..
 
تجربة رائعة
رائعة
رائعة
انا جربتها من كم سنة اروع تجربة عشتها بحياتي كلها
لا تضيعيها

سعودي طموح 2012- 5- 28 12:23 AM
رد: رايكم يهمني ..
 
نصيحة لاتتردي بالعمل هناك

فهم سوف يفدمو لكي الحياة بشكل اخر رائع

البريئة2 2012- 5- 28 12:29 AM
رد: رايكم يهمني ..
 
ايش دراك يا سعودي مجتهد ؟

ابو فجر-1 2012- 5- 28 12:40 AM
رد: رايكم يهمني ..
 
السلام عليكم..
شغلات الروضات مكلفه نوعا ما.. لان تعتمد اداره المدرسه على الجانب الترفيهي العلمي ,, مثل الوسائل التعلميه ,, او الاشكال والنماذج التي تحتاج لمبغ مادي باغلب بداياتك,,
والروضه ماتدعم المدرسه....لابد تصرف اكثر من نصف الراتب
على وسايل وعلى اعمال فنيه للاطفال وهذا مكلف جدا ,,
وناهيك عن التعامل مع الاطفال,, لابد يكون بعدم رفع الصوت.. وعدم توبيخ الطفل.. وأوامر كثيره, لان بالاساس المدرسه دخلها الرئسي هالاطفال وطالب واحد يفرق لو انسحب من الروضه,, ولو اخطيتي على طول قضبوك الباب:(269):
فلابد تجمعي بين برائتك وطول بالك..:119:

وبالاخير اتمنا لك التوفيق ,,
وصلاه الاستخاره تكفي وتوفي..
تقبلي احترامي:106:

البريئة2 2012- 5- 28 12:42 AM
رد: رايكم يهمني ..
 
اقتباس:
المشاركة الأصلية كتبت بواسطة ابو فجر-1 (المشاركة 6663203)
السلام عليكم..



شغلات الروضات مكلفه نوعا ما.. لان تعتمد اداره المدرسه على الجانب الترفيهي العلمي ,, مثل الوسائل التعلميه ,, او الاشكال والنماذج التي تحتاج لمبغ مادي باغلب بداياتك,,
والروضه ماتدعم المدرسه....لابد تصرف اكثر من نصف الراتب
على وسايل وعلى اعمال فنيه للاطفال وهذا مكلف جدا ,,
وناهيك عن التعامل مع الاطفال,, لابد يكون بعدم رفع الصوت.. وعدم توبيخ الطفل.. وأوامر كثيره, لان بالاساس المدرسه دخلها الرئسي هالاطفال وطالب واحد يفرق لو انسحب من الروضه,, ولو اخطيتي على طول قضبوك الباب:(269):
فلابد تجمعي بين برائتك وطول بالك..:119:

وبالاخير اتمنا لك التوفيق ,,
وصلاه الاستخاره تكفي وتوفي..

تقبلي احترامي:106:
تدري يا ابو فجر
من اسباب اللي ما شجعتني هو الجانب المادي انا ادري ان رواتبهم مش ذاك الزود بعدين يطلبون منك هدايا ووسائل غير المواصلات اللي ما يوفرونها لك مجانا فتضطر تدفع نص الراتب عليه وبكذا الراتب يروح ويمكن يكرفونك على شئ انت ما تحبه مثل الشغلات اللي علكمبيوتر من روق عمل وغيره وقصقصة

سم سم هير 2012- 5- 31 02:21 AM
رد: رايكم يهمني ..
 
انا جربت هذا المجال وابشرك فنقشت خخخخخخخ

بس ترى هو على حسب ادارة المدرسه وتعاملهم

ممكن اعرف اي مدرسه :biggrin:

البريئة2 2012- 5- 31 02:24 AM
رد: رايكم يهمني ..
 
ليش فنقشتي ؟

run2fast 2012- 5- 31 02:38 AM
رد: رايكم يهمني ..
 
كل انسان له حق التجربة .... جربي وما راح تخسري شئ مهما كانت التجربة جيدة او سيئة في الاخير انت اخذت فكرة عن الموضوع وخبرة ........... لا تحكمي على تجارب الاخرين لانه كل واحد له شخصية وظروف مستقلة عن الاخر .
اعملي للاطفال مسابقات اعتقد انك عندك خبرة بذالك :53:

أميرة الذووق 2012- 5- 31 05:56 AM
رد: رايكم يهمني ..
 
انصحك الروضه مالها الى التعب وربي وغير كذا رواتب ماهي حلوه

حافز اعلى منها 2000

اذا حافز يستلمون 2000 هذول الروضه 1500

مجربتها انا :Cry111:

Code-R 2012- 5- 31 06:03 AM
رد: رايكم يهمني ..
 
اذا كنتي تدرسين اطفال كويس :53:

اذا طلاب ثانوية النحشه :biggrin:

هو يعتمد على شخصيتك

المهم الله يوفقك وييسر امورك:106:

Code-R 2012- 5- 31 06:04 AM
رد: رايكم يهمني ..
 
اهااا الروضة يعني روضة اطفاااال

حسبته حي الروضة :biggrin:

:41jg:

احلى جوريه 2012- 5- 31 06:10 AM
رد: رايكم يهمني ..
 
اختي انا درست بالروضه ومو من اختصاصي ولا اعرف عنه اي شي
خضت هالتجربه مثلك بخوف وتردد لاني ما اعرف اي شي ومديرة الروضه تدقق كثير ومايعجبها اي شي
لكن كانت معاي وحده خلتني اثق بنفسي جزاها الله الف خير وتعلمت اشياآء كثيره في شهر وحضرت لي المديره
والحمدلله امدحتني كثير وحزت ع رضاها
خلاصة الكلام لاتخافين من شي وثقي بنفسك ومافي شي صعب اذا الانسان حسس نفسه انه قدها واهم شي من هذا كله
انك تحبين المجال اللي انتي فيه وبهذا الحب راح تبدعين
موفقه يارب

هتان بن محفوظ 2012- 5- 31 09:05 AM
رد: رايكم يهمني ..
 
من البدايه دلع ، شدي حيلك وانتي قدها وقدود وفي اسوء الاحوال اعتبريها اول خطوة في طريق الحياه المهنيه منها بيصير عندك خبرة ومنها انك تشغلي وقتك وبرضو تطوري من نفسك.

هتان بن محفوظ 2012- 5- 31 09:12 AM
رد: رايكم يهمني ..
 
وبعدين وشدعوى نسينا

انا بالروضه ويا اصحابي ساعه للعبي وساعه لكتابي اعرف اصور وارسم صورة في شجره وفيها عصفورة يالله يا ماما يالله يابابا ................. الخ ترى وناسه ، وانا متاكد بيطلع لك واحد ربع توله ابو سروال وفنيله في الصف حقك بيكون في قمة الهجولة بس على قلبك زي العسل لان الاكشن مطلوب واكيد بيكون في واحد ثاني ابو سنسونه بس يبكي فربي يعينك. وبالتوفيييييييييييييييييييق

راشد عبدالله 2012- 5- 31 09:23 AM
رد: رايكم يهمني ..
 
اقتباس:
المشاركة الأصلية كتبت بواسطة هتان بن محفوظ (المشاركة 6686576)
وبعدين وشدعوى نسينا

انا بالروضه ويا اصحابي ساعه للعبي وساعه لكتابي اعرف اصور وارسم صورة في شجره وفيها عصفورة يالله يا ماما يالله يابابا ................. الخ ترى وناسه ، وانا متاكد بيطلع لك واحد ربع توله ابو سروال وفنيله في الصف حقك بيكون في قمة الهجولة بس على قلبك زي العسل لان الاكشن مطلوب واكيد بيكون في واحد ثاني ابو سنسونه بس يبكي فربي يعينك. وبالتوفيييييييييييييييييييق

:71::71::71::71::71::71::71::71:

قسم بالله تعليقك قااااااااااااااااااااااااااااااااااااااااااااااااا اااااااااااااااتل
انا في المكتب واللي بجنبي يطالع فيني وانا اضحك ههههههههـ الله يسعدك

بدر 2011 2012- 5- 31 09:29 AM
رد: رايكم يهمني ..
 
اتمنى لك التوفيق
بس انتي وش تبين هذا الاهم
من ناحية التعب فيها تعب
ومن ناحية الراتب فهو قليل
بس اذا تبحثين عن الخبره فيها خبره
يسعدك ربي ويرضى عليك دنيا واخره

راشد عبدالله 2012- 5- 31 09:30 AM
رد: رايكم يهمني ..
 
اييييييهـ ذكرتيني بـ ابله أمل , يااااااااالبى قلبها فديتها :biggrin:

والله للحين اذكرها من حبي لها إذا جيت للروضه وهي غايبه اتصل على امي
اقول تعالي اخذيني :53: .


شوفي مثل ماقالو لك بعض الشباب , اهم شي تكسبين الأطفال في صفك

وتخلينهم يحبونك بـ اسلوبك وتعاملك معهم

ولا تعتبرينهم مجرد اطفال , حطي في بالك ان كل طفل وله شخصيته

اللي عصبي ومتعود كل شي ياخذه , واللي في حاله , واللي في مرحله هيصه مبكره ههههـ

اهم شي تكسبينهم في صفك ويتمنون تكونين عندهم << مجرب


واتمنى لك التوفيق يا غاليه << وها الله هالله في الاطططفال المهجولين القزمان تراني احبهم :biggrin:

سامي2 2012- 5- 31 01:09 PM
رد: رايكم يهمني ..
 
اختي البريئه
اطلعت على مشاركات الاخوان والاخوات جزاهم الله خير الجزاء وكانت الردود تقريباً شبه اجماع على تأييد خوض هذه التجربه التي تضيف اليك الكثير والكثير من اتجاهات عده منها الخبره ومنها التعامل مع الاطفال ومنها ارضاء لنفسك في مجال مهني وكما اسلفت بمشاركه سابقه الاطفال يملون لك من باب الفطره كأم والتعامل معهم يبنى على هذا الاساس لا يطلب منك معجزات سوا العطف والمهاره المهنيه
الامر ليس صعباً اذا كانت لديك الرغبه والطموح والنجاح في اداء هذا العمل بفن مهني والتردد وجعل امامك عوائق قبل ممارسة العمل على ارض الواقع من المؤكد يثبط من طموحك ... جميع المهن اذا نظرنا لها من الاتجاه النظري نجد فيها نوعاً ما من الصعوبه ولكن عندما نطبقها عملياً تكون اسهل بكثير فلا تستسلمي او تترددي
وفقك الله

البريئة2 2012- 5- 31 05:27 PM
رد: رايكم يهمني ..
 
حسنا
الاطفال رائعون والتعامل معهم امر ممتع لكن ليس سهلا ان تعلمهم بحيث تبسط لهم المعلومة وتقدمها لهم بطريقة ممتعة هذا يحتاج الى فن ومهارة وحب لما تقوم به


انا اتفق معك اخ سامي ان خوض التجربة مفيد دائما

مملكة الرومان 2012- 5- 31 05:31 PM
رد: رايكم يهمني ..
 
مساء الخير ان شاء الله تكوني بأتم صحة وعافية ... الخ
شوفي يالغالية برأي الخاص روحي يم المكان الي ناوية تتوظفي فيه وخذي لك زيارة شاملة وتعرفي على الموجودين ولا تطلعي إلا وأنتي مأخذة فكرة شاملة عن المكان سواء روضة ولا زهرة أطفال وبعدها قرري يناسبني او لا يناسبني ....


All times are GMT +3. الوقت الآن حسب توقيت السعودية: 09:53 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه