|
اصحاب الراي الحكيم تفضلوا لو تكرمتوا
بصراحه مستواي متوسط بالانجليزي وشفت الخطه االمستوى الثالث وتخوفت وبديت افكر احول علم اجتماع او ابقى وابي مشوره طلاب انقليش او احد يعرف من الناس الي حوله صار لهم مثلي كملو او حولوا ولي بيقول الاراده والطموح انامن هالناحيه موجوده الاراده بس محتاره
|
رد: اصحاب الراي الحكيم تفضلوا لو تكرمتوا
والله انا ماعندي خلفيه عن الإنجليزي لكن صلي صلاة الإستخاره واللي يطلع معك بالصلاه سويه , بالتوفيق
|
رد: اصحاب الراي الحكيم تفضلوا لو تكرمتوا
شووفي انا مثلك كنت محتاره ومتخوووفه
بس صليت استخارة وتوكلت والحين انا رايحه مستوى رابع وماحس بصعوبه الحمدلله بس يبيلك اجتهاد وحفظ اول باول وبيكون كل شي اووووووووووووك |
رد: اصحاب الراي الحكيم تفضلوا لو تكرمتوا
:106:شكرا عالمرور ...دمت سالم
|
رد: اصحاب الراي الحكيم تفضلوا لو تكرمتوا
حلم ربي يوفقك
|
رد: اصحاب الراي الحكيم تفضلوا لو تكرمتوا
صدقني اللي يبي الشئ بيصبر لين يحصله من رغبه |
رد: اصحاب الراي الحكيم تفضلوا لو تكرمتوا
والله يالغالي اني مثلك ودي احول انجليزي لانه رغبتي بس اخاف اغرز بنصف الطريق وانا ابي الشهاده فقط عشان الترقيات علم الاجتماع يهون لانه كله حفظ وعربي يعني اذا جتهدت ان شاءالله امورك طيبه ولا الانجليزي يبي لك حفظ وفهم اول بأول وممارسه حسب ماسمعت وعساك تعدي الجد اني في حيرتن من امري ولكن الاقرب خلك على مجنونك لايجيك اجن منه |
رد: اصحاب الراي الحكيم تفضلوا لو تكرمتوا
شوفي وانا اخوك كلنا كان مستوانا مو متوسط الا اقل من المتوسط بكثير انا عن نفسي كان لي رغبة تعلم اللغة الانجليزية بطرق صحيحة وتأسيس قوي للسبب هذا التحقت في الجامعة هنا بتخصص لغة انجليزية رغم اني مااحتاج الشهادة في مجال عملي لأني عندي دبلوم الكلية التقنية من 15 سنة والحمدلله اموري كلها ماشية ،، بالنسبة للتخصص والمواد فيه انا عن نفسي مااشوف فيها شي تعجيزي ابدا وكانت اسهل بكثير مما كنت متوقع ،، كل مافي الامر انها تحتاج تعطيها شوية اهتمام وراح تمشي امورك باذن الله ،، انا رأيي تستمرين في التخصص اذا كان عندك رغبة جادة في تطوير نفسك وتعلم اللغة واذا ماكان عندك الرغبة هذي فالافضل انك تغيرين التخصص ،، وللمعلومية مافيه تخصص سهل ابدا حتى علم الاجتماع يحتاج مجهود وحفظ بشكل مكثف حسب مايصلني من بعض الاصدقاء ،، وراح ابين لك طريقة انا ماشي عليها وساعدتني كثير في تحسين مستواي في اللغة الانجليزية ،، احتفظي بــ نوتة وكل مادة تخلصيها بنجاح ان شاء الله من مواد التخصص تسجلين فيها الاشياء اللي تحسين انها راح تفيدك في لغتك مثل مصطلحات مهمة او مقارنات او معلومات مفيدة ،، ونوتة ثانية للكلمات .. وتحتفظين فيهم للابد بحيث يكونون مرجع دائم لك لحد ماتشوفين ان المعلومات رسخت وثبتت ،، وشي مهم ثاني انك تستمعين للمحاضرات حتى لو كنتي ماتفهمين شي ابدا منها فمجرد سماعك يعود اذنك على تقبل الكلمات وهذا يساعدك كثير في الحفظ وحتى النطق الصحيح . اتمنى ان شاء الله اكون افدتك ولاتقدمين على اي شي الا بعد صلاة الاستخارة ثم اعتمدي على نفسك وثقي فيها واجتهدي اكثر وراح تلاحظين التغير الى الأحسن ان شاء الله . بالتوفيق ان شاء الله . |
رد: اصحاب الراي الحكيم تفضلوا لو تكرمتوا
الجميع ع راسي بس سمو احساس :119:استفدت من كلامك وراح اكمل واتوكل ع ربي بس ابي مواقع فادتك او كتب الله يوفقك
|
رد: اصحاب الراي الحكيم تفضلوا لو تكرمتوا
بارك الله فيكم على حسن التعاون والتجاوب مع زميلتنا
:106::106: |
رد: اصحاب الراي الحكيم تفضلوا لو تكرمتوا
قي رأيي أن التفوق لا يعتمد لا على الخلفية المسبقة في التخصص ولاحتى حب التخصص
هذي الأشياء هي عوامل للتفوق لكنها أشياء ثانوية الشيء الأساسي هو الصبر والإرادة, وهو يكفي للتفوق حتى مع عدم حب التخصص وعدم وجود خلفية عنه طيب ممكن أحد يسأل: كيف أتفوق مع كرهي للتخصص؟ الجواب: إذا أنا كنت معزم أسوي شي وكلي إرادة في إنجازه, الحب والكره ما له علاقة بالموضوع. ويمكن الكره يكون عامل محفز لما يتصوره الشخص تحدي من التحديات. بعض أصحابي لغتهم ممتازة جدا قبل ما يدخلوا قسم اللغة الإنجليزية في الانتظام, لكنهم ما قدروا يواصلون المشوار مع حبهم للتخصص, لأنهم ما كان عندهم صبر على الدراسة ومشاكلها. وناس أعرفهم كانت خلفيتهم في اللغة مشي حالك, والآن هم مدرسين أد الدنيا. لأن الفاهم أحيانا يحط في باله: يالله ياجامعة خلصوني عطوني الشهادة بس!! وما يكون عنده استعداد للمشاكل والصعوبات وأهم شي يكون قرارك مبنى على قناعاتك مو خوفا من كلام الناس, إذا شايفة أن علم الاجتماع يناسب طموحك توكلي على الله ومثل ما قالوا الإخوان, كل تخصص له صعوباته شطحة: المستوى الثالث هو أسهل المستويات, ومافيه شي يخوف (يمكن القراءات بس) |
رد: اصحاب الراي الحكيم تفضلوا لو تكرمتوا
تعوذي من ابليس
وتوكلي على الله وكملي الماده سهله والدكتور ساعدنا واجد والامور طيبه واحنا بخير لا تترددين وتوكلي على الله:004: |
رد: اصحاب الراي الحكيم تفضلوا لو تكرمتوا
انشالله راح اكمل انقليش:d5:
|
رد: اصحاب الراي الحكيم تفضلوا لو تكرمتوا
اقتباس:
تفضلي هذي بعض التوجيهات المفيدة من قناة ابوعمر http://www.youtube.com/watch?v=E6l4t...feature=relmfu وانصحك بمتابعة دروسه فهي جيدة ،، والدرس الاول يدلك على مجموعة كتب مميزة جدا ببساطتها وعدم تعقيدها .. |
| All times are GMT +3. الوقت الآن حسب توقيت السعودية: 06:36 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام