حفل الزواج بالسعودية !!!!

[zezzo]

زوجاتنا في السعوديه اكثرها كانها عزاء
الرجال كل واحد يطالع الثاني وساكتين وبعضهم معبسين و وجيهم تجيب الهم
بعض الشباب ماعنده مشكله يلبس الثوب ويجي والشماغ متعرفط بس اهم شي ياكل رز ولحم ويشرب حمضيات
وبعضهم عمره بالاربعين ويلبس بشت ريحته كمون ومعه عصا ومسوي نفسه شايب ويالله يمشي عشان يقلط مع الاوليين ! واذا قلط رمى البشت وتسمع طقطقت ضروسه كنك جالس بجنب نمر!
وبعد العشا كل واحد حاط عود اسنان في فمه ويركب سيارته ويكلم رفيقه :مااااش يابو فلان اكلهم مو ذاك الزود! وهو ماشاء الله عليه مفترس نص الصحن!!

والحريم افضل منا يفلونها شوي وعندهم حوسه قبل الزواج مكياج وميك اب وجوجو تكلم بنت خالتها ولا صديقتها سوسو عشان تسلفها فستانها
وفي القاعه الطقاقه كل شوي تغني( كل اهل المعرس خياله) ويزعلون اهل البنت وتغني (كل اهل العروس خياله) ماشاء الله علينا حنا يالسعوديين كلنا خياله ؟؟ ملعوب علينا حتى في هالاغنية

بصراحه بالنسبه لي اسوا شي اذا جتني بطاقة دعوة لحضور زواج

[زهرة الخليج وبس]

هذا شي بسيط حنا هل الجنوب عندنا الزواج 3ايام ومشغل وطقطقه وحوسه مايعلمها الاالله

[الكويتي 1]

دائما مميز

ولا كل اغنيه بمبلغ وقدره حشا مو طقاقه منشار صاعد ماكل نازل ماكل

[ليثاوي الرياض]

zezzo
شكرا لك بس احس ان الكلام مبالغ في شوي

[وطني الجبيل]

كنت انوي نقل هذا الموضوع الى القسم العام .

ولكن بعد قراءة الموضوع لا ارى ان الموضوع يستحق نقله او قراءته لانه يحمل الكثير

من الانتقاص الى شعب بأكمله حيث اني لم اشاهد في حياتي هذه المشاهد التي

تكلمت عنها .. ولا أقول عنك كاذباً فمن الممكن انك رأيت هذه المشاهد في محيطك .

يغلق مع خالص اعتذاري لشعبنا الغالي

[¾قبور الياسمين¾]

اجابه الدعوه فيها أجر
وثاني شي مو المهم والله الطقطقه ولا العشااء
من وجهة نظرري