رد: أعـتـراض على نتائج الأختبار
 

قال ايش قال نسبة النجاح هالترم عاليه. وش هالنتيجه اللي غير متوقعه. انا راسبه في 4 وزميلتي في 6 مواد. لا وواحده من المواد صفر عندها

رد: أعـتـراض على نتائج الأختبار
 

انا منقصيني ثلاث درجات في المشاركه وانا متاكد انها كامله عندي
والثلاث درجات راح تنجحني
حسبي الله ونعم الوكيل

رد: أعـتـراض على نتائج الأختبار
 

الظلم انك
تحمل ماده عشان درجتين او ثلاث وتدرسها من جديد وتدفع فلوس :Cry111:
دي السياسة يا إخوان وأخوات
الله ينتقم من كان السبب :mad:

رد: أعـتـراض على نتائج الأختبار
 

اسمعو قصتي وسوي زيي اذا انتم متاكدين انكم مظلومين



انا لما كنت في ثالث ثانوي اختبار نهائي وبعد طلوع النتائج اشوف درجاتي الا عندي مادتين ناجح فيهم بس خافسين فيني الارض

مع اني متاكد اني جايب فيهم درجات حلوة مرة

المهم شفت النتيجة منهنا ولا يردني الا مدير المدرسة ودخل علية وقولة اني ابي اراجع حلي في ها المادتين لاني انظلمت فيهم وانا متاكد من حلي

تبسم المدير وقال يعني الاستاذ متقصدك قلت لا بس الخطاء وارد المهم شافني معصب قال خير ان شاء الله تعال بكرة بطلع اوراقك قلت طيب

المهم جيتة بكرة اول ما شافني تبسم وقال انت اخذت الي تستحق ما فية غلط قلت لة طيب ابي اشوف اوراق حلي قال منت مصدقني قل الا مصدقك بس ليطمئن قلبي

قال طيب شوي الا هو جايب الاوراق ومعاهم نموذج الاجوبة الي حاطة المدرس علشان يمشون علية المدرسة في التصحيح

وراني اسئلتي ونموذج الاجابات ولا اسئلتي غير نموذج الاجابة الي حاط المدرس قلت لة حتى لو كانت يختلف نموذج اجابة الاستاذ عن حلي انا متاكد من حلي قال كيف قلت الي بيني وبين المدرس المنهج الكتاب الا اذا كان المدرس ما يعترف بالي في الكتاب حق الوزارة فان طلعت الان من هنا على الوزارة وقدمت شكوى وتظلم

قال ليش الحل مو زي الي في الكتاب قلت ايوة نمذج الجوبة يختلف حق الاستاذ قال مو معقول قلت هات الكتاب للمادتين قال ما عندنا احنا اخر السنة ووزعنا كل الكتب قلت لة انا عندي الكتب انا جار المدرسة ابروح اجيبها وجي قال طيب لا تتاخر وهو يتبسم من الثقة والاستهتار

المهم رحت جبت الكتب ولما فتحنا على الاجوبة حقتي طلعت با الزبط زي ما في الكتاب وصار المسودة حقت الاستاذ الي يرجعون لها غلط

قلت للمدير ها وش رايك انصدم وسكت ثم قال مصيبة المشكلة مو فيك المشكلة احنا صححنا 1400 طالب عندنا حسب اوراق المدرس

قلت طيب انا برفع شكوى للوزارة وبي صورة من نموذج الاسئلة حقت الاستاذ

صدقيني قام يترجى فيني وقال بتسبب في فصل المدرس وضرر المدرسة المهم راحت عنترياتة وصار يترجاني وافقت بشرط تتعدل النتيجة

قال طيب ابشر بنرسلة للوزارة وبنقول خطاء مطبعي بس ابي منك طلب ما تقول لاحد قلت طيب


والله ها القصة حاصلة معي بالزبط


يعني اذا لكم حق لا تخلونة طالبو فية

ولا يهمونكم الي يقولون خير ة وش خيرة خيرة انكم حملتو مادة اي خيرة ذي

رد: أعـتـراض على نتائج الأختبار
 

ياخي الله يعينك هذا القهر بعينه لما يكون باقي ع النجاح 3 درجات وتنقص بسبب المشاركه

بسبب ماحملت ملف ؟؟ يمكن محمل الملف وطلع خطأ بالتحميل ليش ما يعذرون الطلاب ؟

ويعطون الجميع الدرجه كامله مشاركه وهو وحله بالاختبار ..

صعبه تعيد مادة عشان درجة مشاركه لازم الجامعه تنظر للوضع

حتى اللي ناقصه درجتين على النجاح نظاما ترفع للطالب حتى درجة النجاح مقبول

الحين بالثانويه المنتسبين .. يزودونهم الى 10 درجات حتى يتجاوزوا الرسوب وهنا درجة

واحده مو راضين يجبرونها للبعض خاصة اللي عنده درجة مشاركة كامله

يعني تعيد مادة على شان درجة واحده او درجتين ؟ !! مشكلة والله

رد: أعـتـراض على نتائج الأختبار
 

انا ماأقول إلا من جد وجد ومن زرع حصد الله يوفقكم وتجبون بالمواد الي حملتوها +a حافظكم الله

رد: أعـتـراض على نتائج الأختبار
 

انا الحمدلله نجحت بس منقصين بالمشاركه ليش

رد: أعـتـراض على نتائج الأختبار
 

الصحة وا للياقة ماهي سهله ابد الا اللي يمر عليها مرور الكرام وانا متاكد هذا غلطك انا اختبرت المادة كانت من اصعب المواد مش لانها صعبة في ذاتها لانه اجاباتها دقيقة والفروق بينها بسيطه وتحتاج تركيز كبير الحمد لله جبت فيها درجة عالية بس والله اخذت مني مجهود كبير

رد: أعـتـراض على نتائج الأختبار
 

قسما بالله ظلم

الصحة واللياقة طلعت وانا اقول ٧٠ من ٧٠
وكنت اضحك واقول خلهم ينقصوني درجتين زكاة.

اتفاجئ الدرجه ٥١ من ٧٠.

ياللي تقولون فيها لخبطه ومن هالكلام.

من توقع صفر صفر خطأ الى ١٩ خطأ. والله ما يعقل

فيه خطأ خصوصا في الصحة واللياقة لان كثير من الطلبه اشتكوا من هالمقرر
والله ما اسكت. لو اروح لهم لمقر الجامعه.


يا رصيف شف وش بتسوي وانا معك

رد: أعـتـراض على نتائج الأختبار