مقترح الشفافية بين الجامعة والطلاب

[aboudi5]

السلام عليكم ورحمة الله وبركاته

من زمان يا شباب وحنا إذا طلعنا من الإختبار وعبينا الإجابات كلها نقول أكيد بجيب درجات زينة ( زينة ولا نحول ) ولما تجي النتايج تكون الدرجة على الحفة ، وتقول إنت في نفسك أنا متأكد إني حال في الإختبار

أيوا إنت أكيد حليت كل الأسئلة بس مش معنا إنها كلها صح وفي ذاك الوقت لو كل واحد طلب يشوف درجات الإختبار راح تكون صعبة لأنها كلها كتابة وراح يتعب المدرس

لكن مع طريقة الخيارات التي يتم تطبيقها في الجامعة من السهل أن الطالب يراجع اجوبته ويعرف هل النتيجة صحيحة أم لا

لأني وبكل صراحة مستغرب من بعض المواد عندي متأكد من إجاباتي

وهنا المقترح ، أن توافق الجامعة على أن يقوم الطالب بمراجعة ورقة الإجابة والتأكد من الدرجة فقط للإطمئنان ، مقابل رسوم معينة لأني أعرف الجامعة يحبون الفلوس ، ويحبون التوفير حتى في رسائل الجوال موفرينها

ها وش رايكم نرفع خطاب للعمادة بأن يلتزم الطالب بدفع رسوم مقدمة مقابل رؤية الإجابات ( رؤية شرعية )

[dalaal]

[align=justify]
دام يحقله لماذا الرسوم .. وللامانه ماني معك بالفكره اذا على كذاا كل الطلبه جو وصارت زحمه يمكن لو يكون الطالب المتقدم للاستعلام ان يرسلون له نسخه على بريده اشوف كذا افضل

واشكرك على موضوعك
[/align]

[جورجي~♥]

والله كلامك زين ماعليه غبار لين وصلت لها النقطه

مقابل رسوم معينة لأني أعرف الجامعة يحبون الفلوس

عزالله فلسناا بسبتك
كلامك حلوو مرتب بس لاتطري الدراهم كل شي غالي ورانا رمضان وعيدين

[aboudi5]

المشاركة الأصلية كتبت بواسطة dalaal

[align=justify]
دام يحقله لماذا الرسوم .. وللامانه ماني معك بالفكره اذا على كذاا كل الطلبه جو وصارت زحمه يمكن لو يكون الطالب المتقدم للاستعلام ان يرسلون له نسخه على بريده اشوف كذا افضل

واشكرك على موضوعك
[/align]

مشكرو على الرد ، بس الطالب ما يحقله يراجع ورقة الإجابة ليست حق من حقوقه ، يقدرون عن طريق الرسوم أن ينظمون مثل هذا المقترح يعني يخصصون كل مجموعة في وقت معين للمراجعة أو زي ما تفضلتي يرسلونها له على الإيميل أو عندي حل أبسط شوي وهو أن الإدارة تدور على الطلاب في بيوتهم وتوريهم الأسئلة والأجوبة

المشاركة الأصلية كتبت بواسطة جورجي~♥

والله كلامك زين ماعليه غبار لين وصلت لها النقطه

مقابل رسوم معينة لأني أعرف الجامعة يحبون الفلوس

عزالله فلسناا بسبتك
كلامك حلوو مرتب بس لاتطري الدراهم كل شي غالي ورانا رمضان وعيدين

مشكرو أختي على الرد بس أنا لما أقول رسوم مش قصدي مبلغ مثلاً 100 ريال ولا 200 ريال لا قصدي 500 ريال أو 1000 ريال علشان مش بس نفلس في رمضان والعيدين لا نفلس طول السنة وحتى ما نقدر ندفع رسوم الجامعة للفصل الثاني وبكذا يقفلون الجامعة ، ول شفيني رحت لبعيد

المهم هناك ضعف في التواصل بين الإدارة الخاصة بخدمات طلاب الإنتساب والطلاب

[dalaal]

[align=justify]
ههههههههههههههههههههههههههههههه

اقنعتني ..
[/align]

[ARAMCO GUY]

ومن قالك اصلا ان الجامعه ماياخذون رسوم الله يهديك

انا رحت قبل اسبوع براجع اوراقي لاني متاكد منهم وطلبو مني اودع 300 ريال في بنك البلاد لحساب الجامعه

اذا طلعت اجاباتك غير تصحيحهم يرجعون الفلوس لك واذا العكس تروح عليك فلوسك

ويعطونك موعد بعد اسبوعين تراجع اجاباتك مو بنفس اليوم ..

يعني تدفع فلوس وترجع لهم بعد اسبوعين ..

وجامعه الملك عبد العزيز عندهم رابط خاص اذا قدمت اعتراضك على درجاتك تقدر تراجع ورقتك بنفسك واذا انت مو مقتنع تقدر تراجعهم الجامعه وبدون رسوم


بس للامانه انا ودعت الفلوس في حسابهم ورجعوها في حسابي

بس المشكله كرمهم خلاني اشك في حركتهم اكثر


الوعد بعد اسبوعين والله يكتب اللي فيه خير

[aboudi5]

المشاركة الأصلية كتبت بواسطة aramco guy

ومن قالك اصلا ان الجامعه ماياخذون رسوم الله يهديك

انا رحت قبل اسبوع براجع اوراقي لاني متاكد منهم وطلبو مني اودع 300 ريال في بنك البلاد لحساب الجامعه

اذا طلعت اجاباتك غير تصحيحهم يرجعون الفلوس لك واذا العكس تروح عليك فلوسك

ويعطونك موعد بعد اسبوعين تراجع اجاباتك مو بنفس اليوم ..

يعني تدفع فلوس وترجع لهم بعد اسبوعين ..

وجامعه الملك عبد العزيز عندهم رابط خاص اذا قدمت اعتراضك على درجاتك تقدر تراجع ورقتك بنفسك واذا انت مو مقتنع تقدر تراجعهم الجامعه وبدون رسوم


بس للامانه انا ودعت الفلوس في حسابهم ورجعوها في حسابي

بس المشكله كرمهم خلاني اشك في حركتهم اكثر


الوعد بعد اسبوعين والله يكتب اللي فيه خير

طيب عند من تروح عشان تراجع الإجابات ، وهل مبلغ 300 لكل المواد ولا بس مادة