|
رد: الى مستوى ثاني إداره بالنسبه للمحاسبه2
خوذيهن كلهن مع مهارات الاتصال يصير 18 ساعة واجلي الانجليزي والصحة واللياقة من واقع خبرة |
رد: الى مستوى ثاني إداره بالنسبه للمحاسبه2
عن نفسي واعوذ بالله من نفسي الأمّارة بالسوء قررت وبعون الله نحن طالب كويس شطف الرياضيات واخذ محاسبة 2 وعلى الجهات المختصة انفاذ امرنا هذا طالب كويس ملك بريطانيا وقراها |
رد: الى مستوى ثاني إداره بالنسبه للمحاسبه2
اقتباس:
الله يوفقك ماقصرتي بس انا ابي تذكرين لي فقط يعني مثلاً ملخص الاقتصاد المحاسبه كل ماده وملخصها للي انتم ذاكتوا منها الله يبعد وجهك وجه والديك عن النار وياليت اسماء دكاتره المواد ؟ وهل نعتمد على ملخصاتكم بعد الله سبحانه ؟؟ يعني تكون نفس المحاضرات والمحتويات او تغير ؟؟؟ اسف كثرت الاسئله :biggrin: |
رد: الى مستوى ثاني إداره بالنسبه للمحاسبه2
الله يسلمك ويحفظك اخوي وامين يارب يبعدنا جميعا عن النار ويسلمنا من عذابه بالنسبه للمحاسبة2 هي اسهل من المحاسبه1 بس ماذبحنا الا كثرة الجداول بالاختبار الاول وكثرة المسائل بالاختبار الثاني تخيل تقريبا 40 مسأله إذا مو اكثر وجبت فيها درجة مو حلوه D+ :sm5: واعتمدت ملخص فهد الشمري وهو يكفي ويوفي + نماذج اسئلة الاختبارات للسمسترات الماضيه واحاول وقت الاختبار اتواصل مع مواضيع الطلاب حتى استفيد اكثر من ملاحظاتهم وهم ماقصروا رحم الله والديهم :rose: بالنسبه للأقتصاد الكلي هو اسهل من الجزئي واعتمدت ملخص الأخت ~} خجل .. + نماذج الاسئله ومتابعة ملاحظة الدكتور حول المحاضرة السابعه والثالثه المباشره وملاحظات الاعضاء والحمدلله جبت فيه A ومذاكرتي كانت بس وقت الاختبار بالنسبه لتقنية المعلومات1 ماده حلوه يشرح لك فيها بعض برامج الكمبيوترمثل برنامج الورد والاكسل يعني هي مادة عن الكمبيوتر واجزائه وبرامجه وذاكرته بشكل شامل واعتمدت على ملخص الأخت دلـــو + النماذج وملاحظات الطلاب بالنسبة لنظم المعلومات الاداريه وهذي اخذتها من مستوى ثالث ماده دسمه وكثيرة الهذره وجابت لي الهم من اول ما بدات اذاكرها بس تواجد دكتورها معانا بالملتقى ومساعدته وحضوره خفف عنا المعاناه واعتمدت على ملخص الأخت تذكار العنزي كامل ووافي وشامل اسئلة الاختبار مو كلها صعبه وجايه من السمسترات الجايه لكن للدكتور كم سؤال اجابتها من بين السطور وهذا اللي شتت الطلاب جبت فيها B ولله الحمد ولو اني مطلعه عليها من بداية السمستر شان جبت فيها A+ واذكر وقت مراجعتها للأختبار كان في موضوع لأحد الاخوات عبارة عن شقلبه الاسئله والدكتور اعجب كثير بالطريقه وقال وهو يمزح والله العالم اذا يطبق ولا لأ انه راح يطبق هالشقلبه بنماذج الاختبارات الجايه :sm1: مهارات اتصال هم هذي من السمستر الثالث ماده سهله وحلوه كلها عن الرسائل وطرق اتصالاتها بس المشكله اللي صادفتنا ان دكتورها حسب ماسمعت اول مره يمسك هالماده فكنا مانعرف شي عن اسلوبه بطرح الاسئله ويختلف اسلوبه عن اسلوب دكتور السنه الماضيه لنماذج الاسئله وهم الحمدلله جبت فيها B+ اعتمدت على ملخص الأخت ليمونه حامضه حلو ومرتب + نماذج الاسئله ومتابعة ملاحظات الاعضاء اخر ماده اخذتها الرياضيات وللأسف حملتها :41jg: الدكتور لاشرح ولا اسئلة سنعه وهذا مو رأي لحالي حتى لايجي احد ويقول بالعكس الاسئلة سهله ومواضيع الاعضاء بخصوص هالماده والمحاسبه2 خير دليل وشاهد اعتمدت على محتوى المحاضرات نفسها مو ملخص + محاضرة رقم 14 كانت تقريبا شامله للمنهج +حل بعض نماذج اسئلة السمسترات الماضيه جبت فيها للأسف 21 درجه بالاختبار ناقصني 9 درجات وانجح ومن العوامل اللي ماساعدتني بالنجاح فيها اول عامل ضيق الوقت ساعتين ماتكفي وياليت الجامعه يشوفون لنا حل يناسبنا ويناسبهم عالاقل 3 ساعات للرياضيات اتذكر بقى لي قرابة20 سؤال حليتهم بخمس دقائق والمراقبه فوق راسي تبغا تسحب الورقه واكيد الحل كان عشوائي مافي مجال احل المسائل :41jg::sm1: + شرح الدكتور اللي يجيب لك النوم :24_asmilies-com: اتمنى اني خدمتك اخوي بطريقتي لإجتياز الاختبار واعيد واكرر لو مذاكرتي من بداية السمستر شان فالي A+ بس مذاكرتي بدأت فيها قبل الاختبار بعشرة ايام :000: ومع ذالك الحمدلله معدلي بدون ما احسب الرياضيات 3,99 ومع الرياضيات المحمول 3,39 :sm1: |
رد: الى مستوى ثاني إداره بالنسبه للمحاسبه2
نسيت اسماء الدكاتره :lllolll: دكتور الاقتصاد الكلي الاستاذ / عبداللطيف موسى بلغرسة دكتور المحاسبة2 / خالد عطية دكتور الرياضيات / الطاهر إبراهيم دكتور نظم المعلومات الاداريه الاستاذ / خالد سعيد خليل :(204): دكتور مهارات الاتصال / احمد عبدالرحمن بلالي دكتور تقنية المعلومات1 / احمد محمد الشريف ومثل ماقلت بالسابق بالنسبة لي اعتمدت على ملخصات الطلاب والطالبات اللي ذكرت اسمائهم وهي تكفي وتوفي :rose: |
رد: الى مستوى ثاني إداره بالنسبه للمحاسبه2
الله يرحم والديك والله ماقصرتي كفيتي وفيتي
بس اذا ماتغير دكتور الماده ؟ تبقى المحاضرات والمحتويات نفسها او لا |
رد: الى مستوى ثاني إداره بالنسبه للمحاسبه2
الله يرضى عليكي يااشعاع االامل بصراحه كفيتي ووفيتي والله هذا اهو ا الي ابيه ن المعلومات ولاتزعين انشاء الله تنجحين في الرياضيات وتجيبي a+ بس نصيحه لاتاخذين هذي الماده هذا السمستر اجيليها وانتى الحمد لله ناجحه وهذا المهم وهذي الماده اعتبري ؤ نفسك كأنك ماخذتيها |
رد: الى مستوى ثاني إداره بالنسبه للمحاسبه2
اقتباس:
اتوقع 95 % ماتتغير لو ماغيروا الدكتور والدليل في ملخصات اعتمدناها لطلاب مو من مستوانا كانوا سابقينا بالسمسترات لكن مازالت ملخصاتهم متداوله للطلاب الجدد وخير مثال بنت خالتي هي مستوى رابع ويوم سألتها منين ذاكرتي هالمواد عطتني اسماء ملخصات طلاب وطالبات هم نفسهم اصحاب الملخصات اللي اعتمدتها بهالسمستر :119: |
رد: الى مستوى ثاني إداره بالنسبه للمحاسبه2
اقتباس:
انا مفكره استبعدها ورتبت لي جدول ماراح اخذها الا اذا كانت اجباري بعض الطلاب قالوا لي لا مو اجباري وكنسلتها يمكن الله يغير الحال ويغير دكتورها وانا بالخدمه يالغلا :rose: |
رد: الى مستوى ثاني إداره بالنسبه للمحاسبه2
اذا احد يفكر بأخذ مادة نظم المعلومات الاداريه للدكتور خالد خليل
اتمنى يحفظ هالموضوع بالمفضله حتى لو راح الموضوع بالصفحات القديمه او ما احد انتبه له يكون هو حافظه هالموضوع مثل ماقلت بالسابق اثنى عليه الدكتور وله مشاركات وملاحظات عليه بالصفحات رقم 10 و11 على ما اتوقع وقال بموضوع ثاني ان هالموضوع عجبه واحتمال يستخدم هالشقلبه بالنماذج القادمه http://www.ckfu.org/vb/t334770.html اتمنى انه يفيدكم بوقت المراجعه منها تراجعون معلوماتكم وتستفيدون منه :(204): |
| All times are GMT +3. الوقت الآن حسب توقيت السعودية: 09:07 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام