ملتقى طلاب وطالبات جامعة الملك فيصل,جامعة الدمام - ضع سؤالك .. وسوف نجيبك بإذن الله ..

نعم تحسب لك الدرجة .. ... و هذي اعتبرها كأنك تشارك في القاعة او الفصل الدراسي .. مش مهم تكون صح أو خطأ المهم إنك تشارك ..
بعكس الواجبات .. هنا لازم تكون إجابتك صحيحة علشان تحصل على الدرجة كاملة ..

من وقت نزول ( الواجب ) أو ( المناقشة ) إلى آخر موعد لرصد الاعمال الفصلية للسمستر
و هو عادة يكون قبل الامتحانات بفترة بسيطة ..
و و قت حل الواجب او المناقشة .. ما يأثر في الدرجة أو ينقص منها شيئ .. المهم أنك تحلها
كلها ..

هاه وضحت الصورة ..
دعواتي ,,

~ Confidence

2012- 12- 6 12:35 AM

رد: ضع سؤالك .. وسوف نجيبك بإذن الله ..

اقتباس:

المشاركة الأصلية كتبت بواسطة sane (المشاركة 7651815)

السلام عليكم :16:
ابسأل كم مدة الترم بالتعليم عن بعد هل هو نفس مدة الترم الانتظامي ؟
وانا اقبلوني للترم الثاني وارسلت اوراقي وسددت .. متى تبدا الدراسه ؟
واذا ماعليكم امر ابي البرامج اللي بسخدمها اثناء الدراسه .. وشكراً

و عليكم السلام ..
حياك ..

ايه نفس المدة ,,
راح تبدأ إن شاء الله على خير 14 - 3 - 1434 على حسب تقويم الجامعة ..

و هذا رابط فيه كل البرامج الي ممكن تحتاجها ..
http://www.ckfu.org/vb/t359036.html

دعواتي ,,

~ Confidence

2012- 12- 6 12:41 AM

رد: ضع سؤالك .. وسوف نجيبك بإذن الله ..

اقتباس:

المشاركة الأصلية كتبت بواسطة dawal (المشاركة 7651985)

انا ارسلت الاوراق اللازمه للقبول حسب الرساله على جوالي وبعدين سددت المبلغ ولكن لم يصلني اي رد بخصوص التسديد
السؤال متى سيردون علي وماهي الخطوات القادمه

مستجد

خلاص .. انتهت القصة ..

ما راح تجيك رسالة تقول لك انه مثلا تم السداد .. لانك تسدد عن طريق رقمك الجامعي ..
الي عليك الحين ..

فقط أنتظر تجيك رسالة على جوالك فيها ( الرقم السري ) و هذا يحتاج وقت من 3 أسابيع او حتى شهر .. و الجامعة تاخذ هذ الوقت على بال ما تطابق بيانات جميع الطلبة .. و التحقق
منها ..

بعد ما يكون عندك ( الرقم الجامعي ) و ( الرقم السري ) ..
ساعتها خلاص تقدر تدخل الأنظمة التعيليمة و تحل و تحمل او تشاهد محاضراتك ...الخ ..

دعواتي ,,

~ Confidence

2012- 12- 6 12:43 AM

رد: ضع سؤالك .. وسوف نجيبك بإذن الله ..

اقتباس:

المشاركة الأصلية كتبت بواسطة الغابه (المشاركة 7652261)

انا من الطلبه المستجدين احل اسئله المناقشه من النظام الافتراضي هل تحتسب الدرجه ؟

نعم تحسب لك بإذن الله ,,
دعواتي ,,

فهد القلووب

2012- 12- 6 11:45 AM

رد: ضع سؤالك .. وسوف نجيبك بإذن الله ..

السلام عليكم

أنا سالفتي سالفه وأتوقع ماله حل

أنا سجلت الترم الأول وقبلوني ورحت سددت 2458 ريال ع طول قبل لأرسل الأوراق بالبريد وصار عندي ضرف ولا أرسلت الأوراق قلت أبأجل الدراسة للترم الثاني .

وسجلت بالترم الثاني وقبلوني رحت ع طول للبريد وأرسلت أوراقي ورحت أبتأكد من الصراف وطلع لازم أسدد 2458 ريال :24: لأن الرقم الجامعي تغير .

طيب وش السواة حرام أسدد مره ثانية مع العلم إني طالبت باسترجاع الرسوم الترم الأول بس مالقيت تجاوب منهم
عطوني حل الله يوفق اللي يجاوبني أبغى أحول الرسوم حقت الترم الأول للترم الثاني

وشلون أتواصل معهم أبغى آدمي منهم يعطينا وجه ويحل مشاكلنا

الله يخليكم ردوا علي

**Besho0o**

2012- 12- 6 12:09 PM

رد: ضع سؤالك .. وسوف نجيبك بإذن الله ..

وعليكم السلام

ان شاء الله تلقى الحل الي يريحك
تفضل
http://www.kfu.edu.sa/ar/Deans/elear.../contacts.aspx

تواصل عن طريق الرقم او الايميل يوم السبت
ويردون عليك بسرعه وهذا عن تجربه

محمد99

2012- 12- 6 12:57 PM

رد: ضع سؤالك .. وسوف نجيبك بإذن الله ..

يوجد بها معادله للمواد كـ حد أقصى 15 ساعه
من بعد السمستر الأول .. وسوف يكون تقديم
طلب المعادله عبر أيقونة معادلة في الخدمات
الطلابيه
طيب وشلون هالحين ينتظر لين بدايه السنه والا كيف ؟

**Besho0o**

2012- 12- 6 01:35 PM

رد: ضع سؤالك .. وسوف نجيبك بإذن الله ..

في معادله مواد بتاريخ 2/2
وهذا الجدول الزمني بيفيدك
http://www.kfu.edu.sa/ar/Deans/elear...term2_face.pdf

فهد القلووب

2012- 12- 6 01:53 PM

رد: ضع سؤالك .. وسوف نجيبك بإذن الله ..

يعطيك العافيه يا **Besho0o** وماقصرتي ربي يوفقك

أرسلت قبل فترة من شهر أميل للفريدان وأرسلت إيميلات كثيره بس ما في تجاوب ومره أو اثنين صار فيه تجاوب يصير بشكل غير مفهوم يعني رد ما استفيد منه

وإذا اتصلت عليهم يقولون تواصل معهم بالإيميل يعني ضعت بينهم :24:

All times are GMT +3. الوقت الآن حسب توقيت السعودية: 05:53 PM.

صفحة 519 من 628

519

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه