ملتقى طلاب وطالبات جامعة الملك فيصل,جامعة الدمام - من يساعدني بجدول مذاكرة يناسب الطالبة اللي عندها اطفال وبيت

صفحة 2 من 3

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى طلاب التعليم عن بعد جامعة الملك فيصل (https://vb.ckfu.org/f183)

- - من يساعدني بجدول مذاكرة يناسب الطالبة اللي عندها اطفال وبيت (https://vb.ckfu.org/t366675.html)

انامــل نـاعمه

2012- 9- 6 09:21 PM

رد: من يساعدني بجدول مذاكرة يناسب الطالبة اللي عندها اطفال وبيت

حبيبتي مو انتي بس اغلب اللي يدرسون متزوجات وموظفات بنفس الوقت ,رتبي وقتك وبتتيسر الحمدلله كان معدلي رائع وغير متوقع وانا كنت مثلك متخوفه بس ياربي لك الحمد ربي يعين .

Pure Lady

2012- 9- 6 09:54 PM

رد: من يساعدني بجدول مذاكرة يناسب الطالبة اللي عندها اطفال وبيت

الله يسعدكم ويوفقكم جميعا
مرررره استفدت من كلامكم
بصراحة هذي بشاره خير بالمنتدى
احس الاعضاء والعضوات هنا راعين فزعات ويحبون الخير
الله يوفقنا اجمعين
شكرا مره ثانية

Pure Lady

2012- 9- 7 08:03 AM

رد: من يساعدني بجدول مذاكرة يناسب الطالبة اللي عندها اطفال وبيت

اقتباس:

المشاركة الأصلية كتبت بواسطة طموح فتاه (المشاركة 7174305)

أنتي مستوى أول هو أول مستوى وثاني مستوى مواد عامه سنه تحضيريه ,, واعتقد عندك ثمان مواد صح
عندك لكل ماده محاضره بالاسبوع شوفي المحاضرات شوفي محاضره أو محاضرتين باليوم حسب وقتك وفراغتك بحيث تشوفين محاضرات الأسبوع كلها وعندك منتدى الحوار حلي المناقشات كل ماده مناقشه وحده بالاسبوع ,, عليها 10 درجات
وعندك ملفات الباوربوينت تبع المحاضرات احفظيها وحوليها الى وارد او رتبيها في ملف وارد واطبعيها هذا اذا تبين الاجتهاد وتكون المذاكره عليك أخف وتجيبين معدل عالي ومتى مافضيتي ذاكري فيها وحتى تركز المعلومات اللي شفتيها
ماانصحك تعتمدين على الملخصات بدون مشاهدة المحاضرات ابد طريقه ماعجبتني :biggrin:وبرضو مشاهدة المحاضرات عليها درجات
وعندك 3 واجبات لكل ماده وعليها 10 درجات وبرضو محاضرات مباشره عليها درجات اذا ماحضرتيها لايف شوفيها مسجله على البلاك بورد
وبرضو حاولي تطورين مستواك اللغوي بالانجلش خلال السنه التحضيريه
هو أول مستووين سهلين مره ومواد عامه مافيه تخصص
وفيه هنا بالمنتدى جدول يساعدك في الدراسه اطبعيه وعدلي على المواد هنا الرابط بارك الله في صاحب الموضوع بس عدلي على اسماء المواد
http://www.ckfu.org/vb/t364453.html
امممممم وبس والباقي يفيدونك اكثر

تصدقين نسخت كلامك عندي
الله يوفقك
بس عندي استفسار انا عندي لاب توب صغير اخاف ما يتحمل البلاد بورد والنر وكذا وافكر اشتري ايباد وش رايك اقدر اسوي كل اللي قلتي علية من الايباد ماعدا الطباعة مو مشكلة

S0ma	2012- 9- 7 11:52 AM

رد: من يساعدني بجدول مذاكرة يناسب الطالبة اللي عندها اطفال وبيت

موفقه:106:

الفاتنه~

2012- 9- 7 12:58 PM

رد: من يساعدني بجدول مذاكرة يناسب الطالبة اللي عندها اطفال وبيت

pure lady
اول شي حلو اسمك :10111:

راح اعطيك جدول ان شاء الله يعجبك ..

اذا كانت موادك 8 وعيالك كلهم بسن مدارس
يكون كل اسبوع من السبت للثلاثاء مادتين والاربعاء مراجعه والخميس والجمعه اجازه
تصحين من الفجر تجهزين الفطور للعيال وابوهم واذا باقي وقت نظفي المطبخ
او اي شي (اذا ماكان عندك شغاله طبعاً)
وبعد مايروحون كلهم ع الدوام خلي لك ساعه مثلا من 7-8 تنظفين اللي يحتاج تنظيف ..
بعد كذا خلي ساعتين لكل ماده من 8 - 10 و من 10:30 - 12:30 وبعد كذا تسوين الغدا
وتمارسين يومك عادي

الساعتين اللي لكل ماده ..
1- شوفي المحاضره واكتبي ملاحظاتك من المحاضره والدكتور
2- حلي المناقشه
3- احفظي محتوى المحاضره
4- دايما شيكي ع الواجب واذا صار فيه حليه
5- شيكي ع المحاضره المباشره ومتى مافضيتي اسمعيها مسجله
لأنها محاضرتين او ثلاثه بالكثير في السمستر كله ..

يوم الاربعاء من كل اسبوع ذاكري فيه المادتين اللي حضرتيهم يوم السبت
والاسبوع اللي بعده مادتين الاحد وهكذا وبعدين ارجعي من جديد ..

اقري المحتوى وافهميه من الاول لحد اخر محاضره توصلون لها
ولكل ماده ساعتين زي كل يوم ..

وقبل الاختبارات باسبوعين ابدي ذاكري مذاكرة جدية للاختبارات
في كل وقت فراغ حتى الخميس والجمعه ..

وبس كذا راح يكون جدولي ان شاء الله مع ان ماعندي عيال :biggrin:
واتمنى جدولي يساعدك ..

بالنسبه لسؤالك عن اللاب توب انا افضل اللابتوب على الايباد لأنه عملي اكثر في الدراسه والتحميل..
بالتوفيق :106:

red roes1

2012- 9- 7 07:30 PM

رد: من يساعدني بجدول مذاكرة يناسب الطالبة اللي عندها اطفال وبيت

اقتباس:

المشاركة الأصلية كتبت بواسطة حلم مستحيل (المشاركة 7175571)

انا اشووف ان افضل حل يناسبك هو
السبت تحميل المحاضرات
ومن الاحد الى الجمعه
بالوقت اللي أطفالك نايمين فيه
وزوجك مش موجود او نايم بحيث انه مايشغلك
خصصي ساعتين باليووم بأي وقت يناسبتك

مثلا الأحد مقرر الإنجليزي عامه تشاهدين المحاضره وتتابعين مع الدكتور وتحلين المناقشه
طبعا الحل راح يكون موجود كل اللي عليك نسخ ولصق من الحلول اللي عندي او تدورين بالمنتدى والأسهل من اللي بتشوفينهم في السؤال

كل يوم ماده او مادتيين
لا يجي السبت إلا انتي مخلصه كل المواد

حاولي تنظمين وقتك
الصباح شغل البيت لأن زوجك مش موجود
الظهر الغدا لك ولزوجك ولعيالك
العصر اذا عندك من عيالك بالمدرسه ذاكري له تكون مذاكرته من 4 الى 6

حاولي عيالك يناموون كلهم الساعه 10
وبيكون عندك من 10 الى 12 واكيد زوجك بيكون نايم ذا الوقت عشان الدوام
تقدرين تخلين ذا الوقت للمذاكره
ومن 12 نامي عشان تشبعين نوووم وتصحين متنشطه لعيالك وزوجك ودراستك

كل مانظمتي وقت بشكل افضل
كل ماصارت حياتك مرتبه لا ضغوطات لا مشاكل لا عوار راس

انا مش متزوجه وما اشتغل منظمه وقتي
لشغل البيت ولنفسي والمذاكره
والحمد الله في إنجاز في كل الأحوال

امممممممم طيب انا وضعي نفس وضعك:119:
اذا ممكن حابه اعرف كيف جدووولك :060:

طموح فتاه

2012- 9- 8 12:22 AM

رد: من يساعدني بجدول مذاكرة يناسب الطالبة اللي عندها اطفال وبيت

اقتباس:

المشاركة الأصلية كتبت بواسطة Pure Lady (المشاركة 7179660)

:wink: والله :060:
الله يوفقك ويسهل أموركــ ..
انا ماافكر أحمل محاضرات أكتفي بالمشاهده ,, اذا حابه تحملين محاضرات تحتاجين اللاب توب
وأنا افضل اللاب توب على الآيباد للمحاضرات لأن بالمشاهده مايطلع لك الدكتور بالشرح يطلع فقط الشرائح أو الشاشه اللي يشرح عليها الدكتور طبعاً هالشي يقلل الفهم ويسبب تشتت للذهن بشكل كبير ,, معروف ان الآيباد أخف بس هو ممتاز للتصفح وللألعاب والتقنيات الثانيه
ومن الأب ستور تقدري تحملي تطبيقات مجانيه ومدفوعه لتعليم الانجليزي تساعدك في تطوير اللغه
أما للمحاضرات ماانصح فيه انا استخدمته للمشاركه في منتدى الحوار ,, وحالياً مامعي آيباد
اما اللاب توب الصغير قصدك يتحمل استعمال البلاك بورد (نعم يصلح)
وتحميل المحاضرات برضو يتحمل واكيد فيه مساحه وتقدري تحفظينهم على هارديسك وتشوفينهم في أي وقت ,,
واللاب توب برضو قادرة تطبعين منه
وبرضو مشاهدة المحاضره افضل من تحميلها وقادره تتابعينها أكثر من مره ولاتأجلين شي لوقت الأختبارات وتعودي من البدايه على الاجتهاد حتى لاتستثقلينه في المستويات الجايه

Against Gravity

2012- 9- 8 01:01 AM

رد: من يساعدني بجدول مذاكرة يناسب الطالبة اللي عندها اطفال وبيت

انا مستجده مثلك ولاني متزوجه عشان اقدر افيدك

بس حبيت اذكرك بحديث الرسول علية الصلاة والسلام ( بورك لأمتي في بكورها)
بعد صلاة الفجر أو بعد ماتفطرين عيالك ويورحون للمدرسه
هالوقت من افضل الاوقات لان المخ فيه فاضي ماانضغط بمشاكل اليوم وظروفه
كل يوم ماده
اسمعي المحاضره وراجعيها وحلي مناقشتها
مايجي وقت الغدا الا انتي خالصه ان شاء الله
اذا عندك وقت بالليل بعد ماينامون راجعي قبل نومتك وتريه يرسخ ان شاء الله
انا يوم كنت احفظ القران كانت هذي طريقتي
بعد الفجر وقبل النوم
انسب الاوقات للي مشغوله بالحيل

ويارب يسهل عليك ويوفقك وينجحك ويصلح ذريتك
استمري وتوكلي على الله ولاتشيلين هم ابد ولاتقولين لاحد من جيرانك او حمياتك انك تدرسين
ترى بعضهم مابه الا انه يحبطك ويسد نفسك ويشغلك اسألي مجربه :000:
والتوفيق من رب العالمين

شعاع النور

2012- 9- 8 01:32 AM

رد: من يساعدني بجدول مذاكرة يناسب الطالبة اللي عندها اطفال وبيت

الف مبروووك التسجييل وقبولك بالتعليم عن بعد
طبعا الجمييع ماقصروا
لكن بخبرك شغله حلوووه اول ماسجلت كنت مرعوبه وخايفه ومش عارفه شي وحاسه اني ضايعه
لكن لما دخلت الملتقى اي اعلان جديد من الجامعه بلاقيه هنا الله يعطيهم العافيه
على العموووم اهم شي تدخلين كل يوم للملتقى فقط تشاهدين اي موضووع مهم خبر جديد
وطبعا المستوى الاول هنا
http://www.ckfu.org/vb/f311
بتشوفيين فيها ملازم تنفعك او ملخصات مثبته
وايضا اسئله للاختبارات السابقه
وغيرها
وطبعا افضل يكون معاك لاب توب صغير لاني استعمله انا ونافع لي احمل المحاضرات المسجله وايضا المحاضرات المباشره طبعا لما تنزل مسجله

وجهاز الايفون علشان اتصفح الملتقى فقط او اي جهاز تتصفحيين الملتقى وانتى مع اولادك
وفيه شي مهم بعض المقررات مهم لازم تتابعينها اول باول مثل الاداره
وايضا الاحصاء بمستوى ثاني محتاجه تركيز
بالتوفيق لك يارب

مكافحه

2012- 9- 8 02:47 AM

رد: من يساعدني بجدول مذاكرة يناسب الطالبة اللي عندها اطفال وبيت

الله يعطى العافيه للجميع الى ردو :106:
موفقه اختى ترى الدراسه سهل وميسره :106::106:

All times are GMT +3. الوقت الآن حسب توقيت السعودية: 01:54 AM.

صفحة 2 من 3

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه