ملتقى طلاب وطالبات جامعة الملك فيصل,جامعة الدمام - تعتذر الجامعه عن قبولك لوجود سجلك لدينا...

اقتباس:

المشاركة الأصلية كتبت بواسطة تقوى الهجر! (المشاركة 7210500)

السلام عليكم ورحمة الله وبركاته

صباحكم نقي .. كنقي ارواحكم الطيبه ..

عندي استفسار .. واذا فيه طالب او طالبه حاصل له نفس المشكله يفيدني بحلها

اختي قدمت وللمره الثانيه ع الجامعه بعد انسحابها منها

وكان ردهم انوو سجلها الاكاديمي عندهم .. يعني محسوبه كطالبه مع انهم ارسلوا شهادتها لنا

ولما استفسرت من الدكتور عبدالله الفريدان كان رده
سيعالج وضعهم بالايام القادمه !! متى هالايام مو عارفه .. والملاحظ ان اسماء الدفعه 3 صدرت واختي مووو من ضمنهم ...

فيه احد مثل حالتها الي عقدتني :017:

دمتم برضى الله ثم الوالدين

انا افيدك من والى لأني مررت بهالتجربة وحليتها ولله الحمد

اسمعيني يااختي الكريمة انا ماوثقت بكلمة سوف نرى حل للمشكله او مادري شنو مثل مارد الفريدان ومصلح اسمع الخطوات اللي عملت عليها

انا تقدمت وتم الرفض بسبب وجود سجل سابق عليك المراجعه هذا نص الرساله صحيح:

توجهت الى الجامعة وشرحت الحال ومن ثم قال لي اعطيني صورة الشهادة والبطاقة وسوف نتصل بك بعد العيد الى هنا انا اطمئنيت

اجا العيد وخلص ولا اي حركه ولا همس اتصالات مايرد عليها وان رد يقول لسى مابعد ويعيد علي السؤال انت قدمت يدوي نعم انا تقدمت يدوي لاتلومونه يدخلون عليه ع كلامه 800 طلاب كل يوم فا مايقدر يجمع

المهم انا ماقدرت اتحمل الوضع وبدت الدراسه ولا حس ولا خبر قلت يارجل مالك الا الانطلاق الى الجامعة غير كذا مايفيد طبعا وكلت اخوي يروح وانطلق ومادري وش حصل لكن كل مااعرفه انه تشاجر مع سكرتير العميد ومن هالهوشه وصل لمسؤولين كبار وقالوا له خلاص جيب الشهاده وسلمهم الملف كامل بين شهادة وصورة البطاقة والخ المتطلبات, وقالوا له انتظروا اتصال منا عشان التفعيل مادري شنو وكان هالكلام يوم الثلوث

جا الاربعا ولا حس قلت يارجل لازم تمر عليهم خلص امورك بنفسك ولا ماراح تحصل ع شي انطلقت يوم السبت اللي فات ودخلت على مصلح وشرحت له القضية ان انا سلمتكم الملف ولكن الى الان وضع الطالب منسحب والحمدلله طبع اوراق وسلمهم لشباك العمادة ودقايق الا فعلوا لي النظام وانطلقت البيت فرحان قلت الان راح اضيف المواد وهنا اكتشفت في مشكله ملغي لي نظام الاضافة اتجهت مره ثانيه الجامعه وتمت اضافت المواد عن طريقهم خلاصة الكلام هذا الفصل يكون الشخص ملفق على مايتعدل وضعه الفصل الجاي بسبب الانسحاب والرجوع

والان انا الحمدلله الحالة فعال وعندي مواد 17 ساعه وكلو تمام بفضل الله

كل ماابي اقوله انطلقوا باانفسكم ولا تنتظروا اتصال منهم او اي شي اعمل بنفسك وراح تاخذ مرادك

للمعلومية:

على فكرة انا من اوائل المسجلين في الجامعه من اول مافتح نظام الانتساب في سنة 2009 درست فصل وسحبت عليهم ولمن جا الفصل اللي راح قدمت وقالوا لي عندي سجل فاسحبت الشهاده وسجلت هالفصل ونفس الكلام وبعد مناقشات والخ اتضح لي انسوا مسألة ان السجل ينحذف راح ترجعوا عليه

واسف ع الاطالة واتمنى اني افدتك واي استفسارات او شي انا حاظر :119: