اكمل ولا انتظر تخصص تقنية المعلومات
 

السلام عليكم

ياخوان وش المستجدات بتخصص تقنية المعلومات ؟

هل راح تبدا فيه الجامعه الترم الجاي ؟ ووش سبب التاخير



الشي الثاني
انا سجلت الترم هذا تخصص انجليزي لكن ودي بتخصص تقنية المعلومات عشان تشابهه مع تخصصي بشهادة الدبلوم


نفترض لو فتح الترم الجاي وحبيت اغير التخصص اقدر عادي ؟

ووش تنصحوني فيه انسحب من البرنامج واسجل اذا فتح التسجيل الوقت الجاي


على فكرة ادري ان الانجليزي تخصص حلو وانا اقدر ابدع فيه لكن تخصص تقنية المعلومات يهمني اكثر وعيني عليه


ومشكووورين

رد: اكمل ولا انتظر تخصص تقنية المعلومات
 

اخوي كلنا تخصصنا تقنيه معلومات انا اصل تخصصي متخرج من الكليه التقنيه مبرمج لغات جافا واوراكل نسبتي 3.91 من 5 بفضل الله سبحانه ,,, مادري جامعه فيصل هل بعد السنه الاوله تقدر تعادل لي الشهاده وثاني شي الترم الجاي بيفتحون تقنيه معلومات واتوقع نقدر نحول بس لازم نجيب معدل قوي علي حسب علمي بانظام الجامعه والله يوفقنا جميعا يالغالي

رد: اكمل ولا انتظر تخصص تقنية المعلومات
 

تسلم يالغالي

والله يوفقنا اجمعين

بانتظار من يجيب لنا العلم

رد: اكمل ولا انتظر تخصص تقنية المعلومات
 

تنسحب لا

لأن كذا كذا في مواد عامة بتلقاها مشتركة بين كل أقسام الجامعة

فلا تضيع الترم

وكذا كذا التحويل مسموح فيه

أنا أختي كانت علم اجتماع يعني كلية الآداب وبعد سنه من الدراسه يعني فصلين دراسيين قررت تحول لتربية خاصية يعني كلية التربية

والحمد لله كان في مواد أغلبها عامه ومشتركة بين الكليتين وما خسرت شي تقريبا
لأن غالبا كل جامعة لها مواد متطلبات اسمها متطلبات جامعة غير متطلبات الكلية ومواد التخصص

متطلبات الجامعة هذي تلقاها بأي كلية من كليات الجامعة
لأن أنا عندي أخ ثاني بالإارة ونفس الشي أخذ متطلبات الجامعة نفسها اللي أخذتها أنا بكلية الأداب واللي أخذتها أختي بكلية التربية

هذا والله أعلم ..~

والله الموفق .