ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   جآي من الجآمعة ومعي الرد على استفسارات الناس اللي استفسرت + أخبار جديدة حيآكم (https://vb.ckfu.org/showthread.php?t=374410)

ya$$er 2012- 9- 26 01:19 PM

جآي من الجآمعة ومعي الرد على استفسارات الناس اللي استفسرت + أخبار جديدة حيآكم
 
السلآم عليكم ورحمة الله وبركآته ..

كيفكم وش علومكم .. أعتذر عن تأخير زملآئي وزميلآتي ..

ما نقول غير قدر الله وما شاء فعل على كل شيء ..

طبعا أول ما توجهت للجامعة توجهت لمبنى الادارة .. وإنتظرت وكيل الجآمعة الدكتور أحمد الشعيبي

وجلست ويآه بمكتبه .. وشكيت له وضعي اللي كنت رايح علشانه .. وقال بيحولني على الدكتور عبد الله الفريدان وهو راح يقدم لي المساعدة ..

قلت له أنا والله حتى معي استفسارات الطلآب وكذا قبل لا اجي شفت من اللي عنده استفسار ولا يقدر يوصله للجامعة .. لأني أكون صريح معاك فيه قصور واضح في خدمآت وسائل الاتصال بين الطلآب والعمادة المسؤولة عن التعليم عن بعد ..

قال في الحقيقة يا أخ ياسر أنا عندي 12 عمادة والله وعمادة التعليم الالكتروني واحدة منها فجدا مضغوط وكذا لكن بالنسبة لوسائل الاتصال سوينا رقم مجاني > كان ودي اقاطعه بس استحيت صراحة قلت خله يكمل .. المهم ويقول شكلنا فريق للعمل على البريد الالكتروني فقط مهمتهم بس يردون على الايميلات .. وبالنسبة لخطوط الاتصال كانت 8 خطوط ضاعفناها الى 16 وجاري العمل عليها ..
ورآح يكون لكل دكتور الهاتف الخاص به ..
رديت وقلت له مو جديدة هذه من اول وكل واحد له هاتف وله مواعيد ولا يردون .. قال ياسر انت وش تخصصك ؟
قلت تربية خاصة .. قال تخصصك فيه ما يقارب 17 الف طالب كم تتوقع عدد اللي يستفسرون ؟
فا يعني طول بالك علينا شوي .. قلت ابششر .. قلت طيب انا ماراح اطول عليك لأنك تقول عندك اجتماع خارج المبنى لكن بستفسر عن النقاط الرئيسية اللي دايم يصير فيها نقاش بين الطلاب

يعني مثل ما ذكرت لك وسائل الاتصال هذه نقطة ..

النقطة الثانية : الترم الصيفي
فقال : صرآحة ما نقدر نفتح ترم صيفي فقلت طيب يا دكتور اسمح لي تعطيني سبب مقنع إنكم والله ما تقدرون تفتحون ترم صيفي ؟

قال : اول سبب إن إنت عندك ما يقارب 130 مركز تغطي جميع أنحاء المملكة وهي في تزايد
هذه المراكز كما تعلم غالبيتها ان لم تكن كلها تحتوي على كراسي تعليمية يعني اقصد انها مدارس وجامعات وكليات .. فكل هذه الكراسي التعليمية او بمعنى ادق الابينة التعليمية يقوومون بصيانتها بالصيفية لأنهم مستحيل يقومن بصيانتها ايام الدراسة لآبد قبل بداية الدراسة تكون الابنية هذه جآهزة لبيئة التعليم ..
أضف الى ذلك عملية ارسال الاختبارات وارجاعها لنا وتصحيحها وإدخال الدرجات شغلة ما هي سهلة .. اضف الى ذلك اننا سنكون في حاجة الى مراقبين ومشرفين واغلبهم يستغل وقت العطلة في صلة الارحام يعني السفر خارج منطقته احيانا حتى يصل اقاربه وهكذا .. > بيني وبينكم اقنعني

قلت له النقطة الثالثة :
الطلآب والطالبات اللي يستفسرون عن الاعفاء عن الرسوم وكذا
قال يا عزيزي اغلب الطلآب يحسبون ان الجامعة تاخذ الفلوس وتتصرف فيها كيف تشاء .. لا ترى الجامعة ما تتصرف فيها لأن جامعتنا جامعة حكومية وليست جامعة خاصة فالمبالغ هذه تروح في ميزانية الدولة أو قال تروح في مالية الحكومة شيء زي كذا .. المهم يعني اللي ابي اقوله لكم ان الجآمعة زي ما قال الدكتور ما هي جامعة خاصة حتى تتحكم فيها الجامعة ..

بالنهاية شكرته على احترامه وتقديره وحسن استضافته لي واستقباله الطيب لسموي :biggrin:

وقال لي اصبر بس اتصل لك على الدكتور عبد الله الفريدان اعطيه خبر إنك بتروح له على اساس ما يأخرك وتنتظر هناك .. وفعلا دق عليه وقاله بيجيك طالب منتسب جاي من سفر اسمه ياسر وعنده استفسارت ولا اوصيك عاد .. :060:

تآبع ~~~

المحترمه 2012- 9- 26 01:40 PM

رد: جآي من الجآمعة ومعي الرد على استفسارات الناس اللي استفسرت + أخبار جديدة حيآكم
 
>>> جاري الإنتظار ثم التعليق

:(107):

البرنس العلوي 2012- 9- 26 01:45 PM

رد: جآي من الجآمعة ومعي الرد على استفسارات الناس اللي استفسرت + أخبار جديدة حيآكم
 
بخصوص معادله انا مسوي معادله مادري وش صار عليه ماطلع شي حتى الحين

الدب السريع 2012- 9- 26 01:46 PM

رد: جآي من الجآمعة ومعي الرد على استفسارات الناس اللي استفسرت + أخبار جديدة حيآكم
 
ننتظر الاخبار الجديدة:oao:

RoshoF 2012- 9- 26 01:57 PM

رد: جآي من الجآمعة ومعي الرد على استفسارات الناس اللي استفسرت + أخبار جديدة حيآكم
 
يا ملآ العآفيه أنتظر ردهم على إستفساري

ya$$er 2012- 9- 26 02:08 PM

رد: جآي من الجآمعة ومعي الرد على استفسارات الناس اللي استفسرت + أخبار جديدة حيآكم
 
في نقطة بغيت انساها ..

من النقاط اللي عرضتها على الدكتور أحمد ..

نقطة الحوآفز .. يقولكم اصبروا شوي لا تستعجلون خلال شهرين بالكثير راح يتم الاعلان والافصاح عنها ..


المحترمه 2012- 9- 26 02:23 PM

رد: جآي من الجآمعة ومعي الرد على استفسارات الناس اللي استفسرت + أخبار جديدة حيآكم
 
بالنسبة للمراكز الصيفيه والله ما أحس أنها عذر

طالما أن الساعات المسموح فيها 9 ساعات أو أقل منها

وبالتالي راح تكون 3 - 4 مواد للإختبار

معقوله هالـ 4 أيام بتعوق للصيانه !! ناهيك عن أن

المراكز بعضها غير مؤهله للإختبار بالأصل

>> ماش عجزت أقتنع بهذا السبب :139:

بالنسبة للإتصالات طيب ليه ما يوظفون الشباب اللي

مليانه البيوت منهم ويسنعون الـ مليون طالب بإستفساراتهم

يمكن ضغط عليهم ولكن هذا ما يمنع أقول فيه إهمال تجاه

الطلبه والطالبات للأسف ..

الحوافز وش الفايده إذا طلعت بعد الإمتحانات :000:

يفترض الإعلان عنه حاليا حتى يكون الجميع على بيّنه من أمرهم

كان الله في العون بس ووفقنا الله جميع

شكرا لك أخ ياسر على هذه الخدمه والله يبارك فيك وجزاك الله خير

تقديري لك :106:

تقوى الله 2012- 9- 26 02:24 PM

رد: جآي من الجآمعة ومعي الرد على استفسارات الناس اللي استفسرت + أخبار جديدة حيآكم
 
طيب بنبي رقم يردون علينا صديقتي عندها مشكله في التحديث يقول خطا الجواب وهي طالبه مستجده

تقوى الله 2012- 9- 26 02:24 PM

رد: جآي من الجآمعة ومعي الرد على استفسارات الناس اللي استفسرت + أخبار جديدة حيآكم
 
ومااحددت مكان الاختبار ماعندها رقم سري

ya$$er 2012- 9- 26 02:30 PM

رد: جآي من الجآمعة ومعي الرد على استفسارات الناس اللي استفسرت + أخبار جديدة حيآكم
 
طبعا وصلت للدكتور عبد الله الفريدآن ..

رحب في وكذا وقلت له على مشكلتي وقال إن شاءالله يستم حلها ..

قلت له : في استفسارات للطلآب قال مسموح لك 10 دقائق بس من وقتي لأن بعد شوي عندي إجتمآع ..

وبعدين قال في ايميلات تواصل معها ارسلوا استفساراتكم وما راح يقصر معكم الفريق ..

قلت نرسل وما يجينا رد ..

قال انتوا مشكلتكم ترسلون وتبون الرد بنفس الوقت الطالب منكم يحسب إنه لحاله اللي قاعد يستفسر ..

وقال نفس الكلام اللي قاله الدكتور احمد إنه سووا فريق الخ الخ ..

قلت له طيب تسمح لي تاخذني وتوريني الكلام اللي تقوله لي ؟

قال ابشر ما عندك مشكلة ووداني للفريق عبارة عن غرفة فيها 3 شباب كل واحد منهم قاعد على كمبيوتر يردون ع الاستفسارات قلت عادي استخدم كاميرا التصوير كتوثيق ..

قال لا اسف ممنوع .. قلت طيب .. قال بس انتوا يالطلآب واحد مرسلي الساعة 5 الفجر ويجي الساعة 10 الصبآح يقول ما جآني رد ؟!!

المهم الدكتور عبد الله الفريدآن يقول لكم انتظروا بالكثير 48 ساعة وان شاء الله الرد راح يكون قبلها
هو قال 48 ساعة علشان الخميس والجمعة لكن يقول لي الشباب ما يطلعون الا وهم مصفرين الايميلات ..

قلت طيب بالنسبة للسيرفر يعني يكون عليه ضغط وكذا مما يؤدي الى بطء الانترنت واستخدامه

بالذات وقت المحاضرات المباشرة !
قال حتى الان محد اشتكى وحنا فعلآ عملنا على تطويره وان شاء الله تكون الامور تمام معاكم ..

وقال بالنسبة للطلاب اللي ما يفتح ويآهم النظآم هذول لآزم يحدثون البيانات ويطلع لهم رقم سري جديد حتى يفتح وياهم ..

طبعا طريقة الكلمة السرية الجديدة حتى تكونوا على بينة لازم تتكون من الاتي ( حروف صغيرة + حروف كبيرة + ارقام +رموز ) مثال : ( *&*Ya20*&* ) يعني سووها حركات وكذا حتى تصير سهلة عليكم ..

طبعا عطاني وسائل اتصالات شخصية وقال لا تعطيها لأحد .. :lllolll:

تــآبع ~~~


All times are GMT +3. الوقت الآن حسب توقيت السعودية: 02:46 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه