|
GhadaALShammari
السلام عليكم يالقرابه الحين ابي افهم ليش قفلوا خدمه رسائل هالزور!! الحين كل شي اوكيه بخصوص المحاضرات بس كثيررررررره مره هالمحاضرات!! بخصوص الوجبات للحين مادري شلون الطريقه ولا وين ينزلونه!! اما بخصوص المناقشه بصراحه استغربت لان في ناس نسخ ولصق!!!!!!!! اما الشي الي يضحك من جد، بخصوص ماده الانجليزي اغلبيه الناس مسويه نسخ ولصق للسوال!!! شكل الدكتور يبي يتنازل عن شهاده من هالطلاب هق هق هق !! انتي كيف الوضع معاكي! |
رد: GhadaALShammari
الله يرجك ياجمال
هالحين يجينا الباند انا وياك الله يستر والله ان النوايا اخويه والله الشاهد للاسف منعت رسائل الزوار بس نبي نقولهم اننا جماعه :biggrin: عادي الوضع ان شاء الله والله يجزا الجميع كل خير على حهودهم وحرصهم وإن دل فإنما يدل على رقي هذا الملتقى الشامخ :060::(204): الوضع تمام الحمدلله معي المحاضرات وكله بالنسبه للواجبات مانزلت بس اتوقع الاسبوع الجاي وتلقاها خيار من ضمن خيارات المحاضرات المسجله او تحت منتديات الحوار تصير معهم هو سؤال واحد كل شهر اجاباته خياري ولك 3 فرص للاجابه واتوقع بعد مكرره اكيد نلقاها بقوقل الله يوفقك والجميع ويسهل دروبكم \ايه صح بالنسبه للمناقشه يقولون ياخذون الدرجه عادي حتى لو نسخ ولصق |
رد: GhadaALShammari
ربي يوفق الجميع ..
جديد الملتقى : متابعة الاعضاء وامكانية تنبيه عضو او عدة أعضاء الى موضوع ما او مشاركة |
رد: GhadaALShammari
ايه قصدك نسخهم للسؤال :biggrin:
فيه تجمع للمستوى اول للنقاش وتبادل الاسئله موضوع حلو وفيه تعاون كبير :004: بس انت ماعمرك دخلت الله يصلحك ورح موضوع الاخ هتان حمل الملازم هناك واطبعهم وذاكر اول باول والمحاضرات تونا ماهي كثيره ولاشي غربة نفس الله يجزاك كل خير :004: |
رد: GhadaALShammari
وش اسوي ياخي ابي اكلمك ! اصلا مادخل هالمنتدي الي علي شانك هع هع
طيب غاده هالحين الاسائله والمناقشه بين الطلاب والطالبات واحده ولا مختلفه؟!! اذا واحده عشان ترسلين لي الاجابه :060: لاني اذا اخطيتي انتي عادي بس انا لا :58545: |
رد: GhadaALShammari
الله يصلحك ياجمال
كل الاخوان والخوات هنا قمه ماشا ءالله ومنهم انا تعلمت واستفدت ادخل كثير وتابع كل مايستجد ماادري والله بس اتوقع كل شي موحد بالنسبه للاجوبه فيه هنا اجابات المناقشات وسو بحث بقوقل مثلا حل نقاش مبادئ التعلم المحاضره 3 وبتلقى اللي يسرك |
رد: GhadaALShammari
والله مادري عن شي انا
انا دخلت سجلت بهالجامعه ولا اعرفه احد بالرياض ماغير انتي وبلشت بهالمنتدي ماقدر حتي اتواصل معاكي وش هتان هذا! عنده فرج هتان !!! اذا عنده سنع ارسلي لي الرابط عشان اطبع الملخصات |
رد: GhadaALShammari
جمال
والله من التنسيم :hahahahahah::hahahahahah: اما فاتح موضوع عموما اكيد فيه تجمع في ملتقى مستوى اول ومحد بيقصر معكم وبما انك انجليزي ومن القرابه اي خدمه او استفسار انا حاضر :wink: |
رد: GhadaALShammari
ابي الملخصات والاسئله الاختبارات للعوام السابقه
|
رد: GhadaALShammari
بالنسبه للنقاش
ماادري والله بس اتوقع كل شي موحد بالنسبه للاجوبه فيه هنا اجابات المناقشات وسو بحث بقوقل مثلا حل نقاش مبادئ التعلم المحاضره 3 وبتلقى اللي يسرك هتان هو من كبار هالمنتدى الله يجزاه خير شف موضوعه بقسم المستوى الاول واضح وعنده درزن نجوم :004: حمل واطبع يالمهمل :biggrin: تراه 8 مواد مهي سهله لاتسقط وتفشلنا :41jg: وكل شي هنا بالمنتدى انت بس لو تدخل دايم والحين شف بالمواضيع كثيررر خصوصا قسم المستوى الاول |
رد: GhadaALShammari
اقتباس:
كلها موجوده هنا في المواضيع المثبته http://www.ckfu.org/vb/f311 ماعليك الا تحفظ الملف وتطبع :wink: |
رد: GhadaALShammari
فيه مواضيع للاخ لاكوست بقسم المستوى الاول هنا http://www.ckfu.org/vb/f311
فيها اسئلة الترم الماضي وياقربت الاختبارات تكثر مواضيع الاسئلم الماضيه ومواضيع الاخت الغاليه حفيدة الفاروق فيها ملخصات وغيرره :004: |
رد: GhadaALShammari
سبقني الاخ مان :biggrin: الله يوفقه
المهم انك مهمل ياجمال يوم بدت الناس تفكر تذاكر توك تفكر باسئلة النقاش :41jg: |
رد: GhadaALShammari
انا كل يوم مقابله هالمنتدي لاني بالدوم ماعندي شي واجلس مقابله.
بس الحين بشوف هتان والنعم . انتي هالحين مخلصه كل المحاضرات وشايفتهم وحاله كل الواجبات؟!! والله من الدفاره الي في راسك مو انا بس مقابل هالجهاز بدون سنع! |
رد: GhadaALShammari
لا لا انا حليت كل المناقشات ولا عندي اخلاف!
بس المحاضرات : خلصت اللغه الانجليزيه كله . وخلصت واحده بس من المحاضرات الحاسب وبادي الثانيه. اما المناقشات كلهم بالجيب مخلصهم بالدوم( نسخ ولصق) ماعدي الانجليزي جلست اتفلسف. |
رد: GhadaALShammari
لو نسلم من هالتفلسف كان بخير ههههه
قل ماشاء الله يالنحوت والا اتفلي بسطل :biggrin: وين مقابله لو انت مقابل المنتدى صح كان الحين عارفن منهو هتان وعارفن وين المواضيع اللي بها كل شي :wink: مانزلت الواجبات للحين ايه الحمدلله حملت المواد مع حل المناقشات وكلنا عندنا اشغال بس الواحد لازم يرتب جدوله لايغرك طول الشهور والله تطير بسرعه ماتحس الا باكر الامتحان وساعتها الواحد يروح فيها لو مااجتهد من اولها لان موادنا فيها نسبة صعوبه ومعتمده على الحفظ وكثيررره ودسمه :139: |
رد: GhadaALShammari
الوكاد يابعد شمر كلهم ياغاده وماقصرتي ونخدمك ان شاء الله ب:mh001:
ولا تقطعيني ، انا كل يوم متصل بهالمنتدي من الساعه ٧:٣٠ الصبح الين الساعه ٤:٣٠ . دوم مدينه الملك فهد الطبيه. وبالتوفيق للجميع |
رد: GhadaALShammari
الله يوفقك والجميع
ولاتعوده هههه :cheese::Looking_anim: اهم شي تابع مواضيع قسم المستوى الاول دايم تنزل مواضيع جدد ومفيده وفيه اسئلة الترم الماضي |
رد: GhadaALShammari
الأيميل ممنوع ..
أحترم المتواجدين بالملتقى من مشرفين واداريين المفروض كل واحد يكون رقيب على نفسه .. |
رد: GhadaALShammari
ان بعض الضن اثم.
ياربي الواحد الي اذا يبي يساعد احد ، يحطون فيه مليون الف عذروب!!! الناس تعلمت واخترعت وسوت كل شي ، حني للحيني ايميل ومادري ايش!!!! لاحول ولا قوه الا بالله. |
رد: GhadaALShammari
اقتباس:
أنت ما أحترمت المتواجدين ولا المشرفين ولا الاداريين أتوقع كان هناك شروط للتسجيل قبل دخولك للملتقى وكان ردك بوضع علامة صح لتقبل تلك الشروط .. اسمح لي إذا تسمي ردك أختراع فهنيئا لك بتفكيرك ومساحة عقليتك .. كل التوفيق للجميع :004: |
رد: GhadaALShammari
هذه المرة الثانية لمخالفتك القوانين ..
تسجيلك معنآ يدل على موافقتك التامه للقوانين .. سوف اتجاوز ايضاً هذه المرة عن مخالفتك .. المرة القادمه سوف أطبق عليك العقوبات المنصوصه ،، يُغلق ،، .. |
| All times are GMT +3. الوقت الآن حسب توقيت السعودية: 04:25 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام