مشورتكم يا جماعة الخير..
 

مساء الخير للجميع...
تحية طيبة.

اخواني انا طالب لغة انجليزي مستوى ثاني وجائتني دورة لغة 6 شهور من العمل لبريطانيا
واحتاج مشورتكم هل اني اقدم اعتذار وامشي لبريطانيا واخذ اللغة الانجليزية الي مدتها 6 شهور
او اني اكمل جامعة واترك الدورة وما اروح مع ان الدورة تكاليفها مدفوعة كامله من العمل.
موعد السفر 1 فبراير20013

مشورتكم يا اخوان وايش تنصحوني فيه..
ومتى تبدا اختبارات المستوى الثاني؟؟

انتظر ردودكم,,,,,,,

رد: مشورتكم يا جماعة الخير..
 

استخر الله

والظاهر انك توقف الدراسة وتسافر ...الدراسة ملحوق عليها

رد: مشورتكم يا جماعة الخير..
 

بو فهد طالب وليس طالبة- اخوك وليس اختك

رد: مشورتكم يا جماعة الخير..
 

رآيي من رآي ابو فهد الدراسه ملحوق عليهآ وماعليهآ حسافه توك مستوى ثاني
يعني تو بديت اخوي اشوف انك تلحق ع الدوره وراح تفيدك كثير
واذا رجعت كمل ..

رد: مشورتكم يا جماعة الخير..
 

بارك الله فيك اختي الكريمة.

رد: مشورتكم يا جماعة الخير..
 

هههههههههه

اعتذر

تم حذف ياء المؤنث السالم 😀

رد: مشورتكم يا جماعة الخير..
 

يارجال كمل دراسك ازين لك لانك ماتدري وش انت عليه هناك والحمدلله النت الحين فيه كل شي وتقدر تتعلم وانت بالبيت وتقدر تتعرف على ناس من بريطانيا وانت بالبيت ياحبيبي وش لك بالقروشه هناك حتى الرز ماعندهم :29: كمل دراسك بس 6 شهور مراح تفيدك بشي كلها ضيقت صدر وغثى


وهذا وجهت نظري

رد: مشورتكم يا جماعة الخير..
 

هههههههههه
بارك الله فيك

رد: مشورتكم يا جماعة الخير..
 

من وجهة نظري تتأجل الدراسه حتى إشعار آخر
الدوره طالما أنها تأسيس للغه الإنجليزيه راح تفيدك
في تخصصك بشكل واسع .. والدراسه راح تلحق عليها
بإذن الله .. وقبل وبعد هذا الإستخاره مطلب في كل حال
وقت الإختبار يوم الخميس تبدأ 6 - 2 - 1434هـ

الله يقدر لك كل خير وبالتوفيق :16:

رد: مشورتكم يا جماعة الخير..
 

استخر وتوكل على الله وروح الدوره
راح تفيدك بمجال دراستك
انا اشوف ان حرام تضيع عليك الدوره خصوصا ان مدفوع مصاريفه
والدراسه لا حق عليها ان شاء الله

بتوفيق ان شاء الله

رد: مشورتكم يا جماعة الخير..
 

انا اقول اعتذر احسن لك وادرس برا :14:

رد: مشورتكم يا جماعة الخير..
 

انا بــــــــ ع ـــــــــــــــد
اقول لو تسافر احسن لكـ .. الدراسهـ لاحق عليهـا
اولا و اخيرا : استخير ربكـ واللهـ يكتب لكـ كل خير ..
موفق..

رد: مشورتكم يا جماعة الخير..
 

توكل على الله واستخير وشوف راي الوالده وخلها تدعيلك وانا اشوف انك تساافر احسن لان تخصصك انجليزي ودامها مدفوعه اشوفها فرصه لك وقل لن يصيبنا الاماكتب الله لنا بالتوووفيق والله يكتب لك الخير ياارب

رد: مشورتكم يا جماعة الخير..
 

اتوقع بيمديك تختبر هالسمستر والسمستر اللي بعده قدم تاجيل

رد: مشورتكم يا جماعة الخير..
 

الف شكر للاخوة والاخوات الكريمات
وتحياتي للجميع.......

رد: مشورتكم يا جماعة الخير..
 

انتظر ردود اكثر حول موضوعي....

رد: مشورتكم يا جماعة الخير..
 

لو تكرمت كل الافكار اللي طرحت عليك مجرد اراء ب النهايه القرار لك
ف الافضل انك تشوف الشي المناسب والقريب ل قلبك .. مع وجود الارتياح من ناحيتك ..

استخير وشوف وين بتلقى الطمائنينه في قلبك لاية اتجاه وتوكل على الذي لا يخيب ظن احد ..
اسال الله لك التوفيق وان يجعل لك مع كل ذي عسر يسر ..

رد: مشورتكم يا جماعة الخير..
 

بارك الله فيك