طفشت من السداد

[heartms98]

يا جماعة الخير ايش الحل مو راضي يسدد الى الان
جربت سامبا + بنك البلاد
مو معقول يسدد عند البعض والبعض لا . هذا نظام يمشي على الكل .
اللي سددوا انتو مستجدين ولا قدامى ؟؟؟؟؟؟؟


انا مستجده وطفشت من التشييك كل شوي على السدداد اذا هذا اولها لخبطه وتأخير اجل كيف بعدين

[خلواااد]

الله يعين وانا بعد مثلك مو راضي يسدد معي بس الصبر زين وبنحاول وانشاء الله يضبط معانا لا تتحلطمين من البدايه

[ورده 2]

انا نفسكم يكتب لي الحساب غير صحيح تعببببببببببببببببببببببببببببب

[عبدالإله 30]

السلام عليكم ،،،
أخواتي أنا كنت مثلكم في البداية يطلع لي الحساب غير صحيح لمدة أسبوع كامل ومن بعدها تم السداد ولله الحمد، فأرجو عدم اليأس وإن شاء الله الجميع بيسدد ، ونسأل الله للجميع التوفيق والسداد والنجاح إن شاء الله .

[Ms.Solo]

والقادم مذهل لا تحرقون اعصابكم من الان

تو الناس ما شفتوا شي

الله يسهل اموركم موفقين وحياكم في جامعتنا الموقره

[سلطان87]

انا صار معي بعد اسبوووع السداد ....طفشت

الاهلي النت .. سددت عن طريقه من اول مره صار

[MOH-23]

كان يقولي رقم المشترك غير صحيح ويوم الجمعه الفجر سددت
ولد عمي سدد امس .. صديقه كان معه رفض يسدد يقوله رقم المشترك غير صالح

[جبرني الشوق]

اختي الكريمه انتي اول ترم لك يعني لازم السداد من البنك يعني تدفعيه للبنك وهو يودع على حساب جامعه الملك فيصل روحي بننك الرياض او الاهلي

اذ صرتي الترم الثاني يحق لك تسددي عن طريق الصرافه

باالتوفيق اي خدمه انا حاضر

[heartms98]

من تعليمات الجامعه ان لا يقبل التحويل العادي . ولازم تحويل من النت

[عبدالإله 30]

المشاركة الأصلية كتبت بواسطة جبرني الشوق

اختي الكريمه انتي اول ترم لك يعني لازم السداد من البنك يعني تدفعيه للبنك وهو يودع على حساب جامعه الملك فيصل روحي بننك الرياض او الاهلي

اذ صرتي الترم الثاني يحق لك تسددي عن طريق الصرافه

باالتوفيق اي خدمه انا حاضر

عفواً أخي الفاضل،، أنا هذا أول ترم لي وتم السداد عن طريق الصراف، وبعدين بالنسبة للإيداع عن طريق البنوك إذا كان الرسالة ألي جتنا من الجامعة تقول ( ولا يقبل التحويل البنكي أو الإيداع المباشر ) .