هل تحولت جامعة الملك فيصل لشركة ربحيه لا تهتم بجودة التعليم ؟

[كنت نايم]

السلام عليكم ورحمة الله وبركاتة ..

الكل لاحظ مشاكل المحاضرات والمناقشات وصعوبة الدخول لموقع الجامعة من فترة، طبعاً عدى عن سوء السيرفرات وعدم تحملها للضغط طريقة إدارج المحاضرات في في البلاك بورد او الافتراضي ماهي منتظمة في نهاية كل اسبوع محاضرة اغلبها تنزل 4 محاضرات في اسبوع واحد مع مناقشتها وواجبتها والبعض منها لم يظهر لحد الأن وهالشيء سبب تراكم المحاضرات على الطلاب والدخول في وقت واحد على سيرفرات لا تحتمل!



واشوف ان مشاكل هالانظمة ترهق الطلاب وتشغلهم عن التحصيل العلمي وكلنا على أعصابنا ( حسب لي دراجات ولا ؟ ) (يمدي احمل ماتبقى من المحاضرات؟ احل في الافتراضي ولا البلاك بورد!! ) ومحاضرة تلاقيها في البلاك بورد ولا تلاقيها في الافتراضي والعكس يعني تضييييع بينهم ولا تقدر ترتب امورك، غير التخبطات في تغيير أوقات الاختبارات و و و و



في الختام اتمنى من القائمين على الجامعة الاهتمام في الجانب التقني والانتظام في إدارج المحاضرات في وقتها، خصوصاً ان اعتماد دراسة الانتساب المطور تعتمد 100% على هالاشياء!! وترك الطلاب يتفرغون للدارسة بدون انشغال في امور لا تستحق.




وبالنسبة لي نسيت كل اللي ذاكرته من كثر ما اجلس قدام الشاشه انتظر بالساعات المحاضره المباشرة تفتح، او انتظر التحميل يكتمل وينقطع بوسط التحميل ويمر اسبوع ماقدرت احمل محضرتين على بعضهم ولا يرفع الضغط مثل ما اجلس ساعة اكتب المناقشة وارسل الرد يطلع لي خطاء في الموقع ويروح تعبي خلاااااص طابت النفس من هالجامعة

[أسامه السامي]

** الآن أصبح كل شيء بالمال . والمجال يطول في هذا الأمر .

** الجامعة كغيرها سلبيات وايجابيات . ولكن هو مشوار بدأنا فيه . هل نصبر ونسلك هذا المشوار حتى النهاية

مهما كان هناك من معوقات أو خلافه .

** لا أعتقد إنها ربحية , ولا نركز على السلبيات التي ربما تؤثر على المعنويات . أسأل الله التوفيق لي وللجميع .

[ريجينا 2012]

معاك حق

[saudi-com]

عجله الحياة تسير اخوي ..
سابقاً اللي يتخرج من الجامعه يعطونه 50 الف و مكافأه شهرية و خلافه .
شوي صار لك مكافأتك فقط .
شوي صار للمكافأه شروط معدل فوق ال 2 و كذلك ما تجاوزت سنوات التخرج .
الحياة كل مالها و تصير معقده بسبب التنظيم و الترتيب لأن ما يحصل سابقاً جميل على من يجتهد و يحاول النهوض . لكن على من يحاول الاتكال على هذا النظام و العشوائية فإنه يكون سبب لأهدار ثروه من ناحية المال و الوقت ..


الجامعه لها عيوب و لها مميزات . لكن تواصل العميد و توضيحه لأمور كثيره تهون علينا .
كذلك الماده العلمية مفيده و مثمرة نسأل الله الاخلاص فيها و في العمل فيها و تحصيلها ..

انا معاك ان هناك اعطال كثيره بالسيرفر وهذا وارد في اي امر اذا حصل له ضغط .. الآن الكثير من الطلاب يحاول الدخول لتحميل المحاضرت و بشكل مكرر و هذا طبيعي انه يسبب شلل في السيرفر .

انا عانيت من بطئ و تعليق و اعطال السيرفر بشكل عام لكن الحمد لله حملت جميع المواد حالياً .. لأني تقريباً من بداية السنه حريص على تحميلها و على متابعه المناقشات و الواجبات .


نظم عملك ترتاح حتى لو كانت هناك عقبات لاحقه .. لأنها لو حصلت تكون عليكـ من اخف من غيرك من المستخدمين المتأخرين ...

وصدقني الرسوم اللي تاخذها علينا الجماعه قليلة جداً ... لأنك لو تطلع على سوم الجامعات الاخرى لأصبت بصدمة ...
4 سنوات راح تكلفك تقريباً 23 الف ...
بعض الجامعات ال 23 الف تدفعها بترم وحد لو تبي تدرس انتظام .. و اكثر ..


وفقني الله و اياك .

[متخرج]

تسعدني اقرا ردود الشباب الواعية
والجامعة جالسة تعالج مشاكلها بسرعة واشوف الوضع تحسن بكثييييييير

[@الصبر@]

كلامك صحيح 100%

ينقص هالنظام الشي الكثير ومعظمها ذكرتها

وأنا أضيف على كلامك رسايل الجامعة التي لاتغني ولاتسمن من جوع لأنهم ياخذون 10 ريال ومايرسلون شي لينا

تحياتي الخاصة لك على قلمك المميز

[ياسر الفريدي]

كلام لاغبار عليه ..

صحيح سيرفر يتعلق واتصال يقطع وهـلـماجراء . . .

من هالتعقيدات ..

لكن..؟!


التواصل معهم بابسط طرق

وتقدر تتناقش معهم وترفع مشكلتك

ونتواصل معهم لحل ..

مو للازم نعود انفسنا على الكسل و التسهيلات ..
على الاقل اشوف هالي يحصل مجرد عثرات وللازم اتحداه ..
أو اراه صعوبات تواجه ككل واحد وللازم انا اتحداه مو العكس واحطم نفسي ..

غيرك كل صباح ماسك خط يتردد على جامعه..
واحنا بكبسه زر نخلص كل شي واحنا مريحين ببيوتنا ..
اللهم لك الحمد ..

الكمال ل الله سبحانه ..

نتمنئ ماتكثر هالمواضيع المحطمه للبعض ..

وأذ وجدت أن تناقش ب اسلوب ايجابي مو سلبي ..

وننظر للوضع من جوانب اخرى .


آتمنى التوفيق للجمييع
والله يسهل علينا كل أمر تستصعبه انفسنا .

[اتقى الله]

جامعتي لا لا تسبووونها لنا الفخر انا نحمل بكالوريوس جامعة الملك فيصل رحمه الله واسم الفيصل يكفي جامعتنا لها مكانها وقيمتها في المملكه ليست كليه من محافظه لكي تتحسر على مادفعته المبلغ الذي ندفعه شي بسيط جامعتي احبك فحققي طموحي

[مافي احد مثلي]

ابعدووو الجوانب السيئه خلوها على جنب وتذكرووو شي مهم الي مصبرني
ومطلع لي روووحي

انه راح تكووووووووووون عندي شهاده ولله الحمد

[مافي احد مثلي]

تستاهل اصبر على بالاويها واصبر على الدفع وكل شي
وانتضر يوم اتخرج وتصير عندي شهاده
واقدر اقدم اي مكان وباذن الله اتوظف ويارب يسهل امورنا يارب