ملتقى طلاب وطالبات جامعة الملك فيصل,جامعة الدمام - مركز الاختبار وامكانية تغيير المكان ..

رد: مركز الاختبار وامكانية تغيير المكان ..

طيب انا اقدر ابدل مركزي من الجوف الى جدة لان زوجي صارت له ضروف ابوه بالعنايه الله يشفيه ومايقدر يوديني للجوف انا من القريات واخواني يدرسون بجدة بالله وش اعمل احجز معهم ولا ايش اسوي ضاقت علي دنياي

رد: مركز الاختبار وامكانية تغيير المكان ..

انا ابغى اعرف ليه ما يقدر الطالب يحدد مركز الاختبار الاقرب له او يقدر يعدل عن طريق البوابة الالكترونية لان الكثير محدد لهم مراكز بعيده والطريف ان فيه مراكز جنب بيوتهم اواماكن دوامهم بس لازم يضرب مشوار لا ويقلك الكراسي محدودة المفروض يحددو المراكز بالاحياء عشان يعرفوا ويش الاقرب مو بالمنطقة مثلا انا ساكن بالسويدي وعملي بالمرسلات ومركز اختباري بلبن هههههههههههه والله حالة يعني لازم اسنتر من الصبح مع زحمة الرياض لا غير المشوار والزحمة الي صارت 24 ساعة .

بس ما اقول الا الله يعين راسلت الشعيبي والفريدان والجامعة وما في فايدة :12: لا رد والمشكلة توني بعمل جديد ما كملت 3 شهور وحسب نظام العمل لا استحق اجازة :39: يعني افرك بدري وسنتر عند مركز الاختبار .

رد: مركز الاختبار وامكانية تغيير المكان ..

تكفون نبي الحل
انا في الجبيل الصناعيه وحاطينني في البلد ليش :12:

رد: مركز الاختبار وامكانية تغيير المكان ..

مانقول الا حسبي الله ونعم الوكيل عليهم هم ونظامهم
الواحد يعيش بهم وقلق المواصلات والزحمه خاصه احنا البنات
هذا غير هم الاختبار :20::24:

رد: مركز الاختبار وامكانية تغيير المكان ..

سمر انا نفس حالتك من الاحساء وراح اختبر بجده مالقيت موافقه بس بغامر

رد: مركز الاختبار وامكانية تغيير المكان ..

اتوقع لو بنفس المنطقه مايوافقون بس لو منطقه ثانيه وعذر قوي بيوافقون والجامعه ماتقصر بس يكون فيه شي يستاهل للتغيير

رد: مركز الاختبار وامكانية تغيير المكان ..

سمر روحي اختبري في جده .. بنت خالتي الترم اللي فات غيرت اختبارها من الخبر الى ابها لظروفها الخاصه والوضع طبيعي ماقالوا لها شي ..

رد: مركز الاختبار وامكانية تغيير المكان ..

الحين بسأل

وش يقصدون بالمشرفة .. مديرة المدرسة نفسها ولا غيرها ؟