اقولكم شيء:ماشلت هم الاختبارات كثر ماشلت هم تضليل البيانات الشخصية(تعالوا دردشة ماقبل النتائج)
 

السلام عليكم

بما ان اللحظات العصيبة اوشكت :42:
خلنا ندردش ذا اليومين لين نفرح بنتايجنا ان شاء الله

======

مثل ماذكرت بالعنوان
والله العظيم اني ماشلت هم اسئلة الاختبارات كثر ماشلت هم تضليل وجه الورقه اللي فيه البيانات الشخصية
لدرجة مرة في اختبار تقنية المعلومات 2 جاني نموذج c
وادهررررت كالعااده ضللت المعلومات الشخصية وبعدها فتحت الورقه الا لقيت ان نموذج c هو نموذج الاجابات
طبعا انا حزتها مابين كذا :6:وكذا:4:وكذا:42:<<طبعا الاخيرة اكثر شيء هههههههههه
حليت اول ثلاث اسئلة
الا شوي مااشوف الا واحد من اللجنه جاي يررررركض وشماغه وراه تلحقه
تبون الصراحه عاد وجهي صار كذا:36:
وجهي بررد ههههههههههه
اول مادخل القاعه قال من نموذجه c
انا عرفتها خلاص قلت له سمممم ومديت له الورقه
قال : يعني ماشاء الله عارف ولاعلمت
قلت : له وحليت ثلاث اسئله بعد:42:
انا على بالي انهم بيجيبون لنا نموذج c بس انه مو محلول مثل اللي كان عندنا
الا عشر دقايق رجع ومعه نموذجd وورقة بيانات جديدة لنموذج d
طبعا انا هنا طنقرت:32:
قلت له : من يعبي البيانات الشخصية<<ووجهي طبعا عليه قوووة فوبيا تضليل
قال : انت
قلت : انا عبيت الاولى
قال : ياابني عبي الورقه الثانية وراح نحتسب لكم الوقت من جديد
انا والله انغبنت
قلت : طيب بس باانزل اشرب شاي لاني صدعت بصراحه
قال : يجيك الشاي لين هنا
قربت منه وقلت له : تسمح لي ادخن بعد هنا؟
الا قال : تعال واخذني معه برا
قالي : اسألك بالله بس تبي شاي وتدخن <<يعني يبي يتطمن اني ماابي اروح اغش والا اجيب اجابات وكذا
قلت له : الحق لاوالله بس باادخن وبالنسبة للورقه ترى حتى الثلاث اسئلة اللي حليتها تراها طارت من القهر
قال : يلا روح معك خمس دقايق بس
وانا االلي دربق دربق دربق مع الدرج وبسرررعه اروح السياره وادخن وارجع له وانا كذا:42::42:
واضلل نموذجd وانا مااشوف الدرب ههههههههههههه
وحليت والحمد لله

======

انتو ماتوافقوني الرأيي انه حرام كل اختبار تروح منه نص ساعه في تضليل الوجه حق البيانات الشخصية؟
انا قسم بالله العظيم يجيني شد عضلي في اصباعي وش ذااااااا

رد: اقولكم شيء:ماشلت هم الاختبارات كثر ماشلت هم تضليل البيانات الشخصية(تعالوا دردشة ماقبل النتائج)
 

اذا انت منتسب وحيران وانت صاير مستوى ثالث ايش نقول احنا اللي تو في بداية المشوار بالنسبة للتضليل تبع البيانات الشخصية هو حلو في تأكيد مصداقية البيانات ومو حلو في تعب الاصابع وفي الوقت البي يروح عليها
رأي شخصي
تشكرات

رد: اقولكم شيء:ماشلت هم الاختبارات كثر ماشلت هم تضليل البيانات الشخصية(تعالوا دردشة ماقبل النتائج)
 

:24: انا اتعب وانا اضلل المعلومات اكثر من اني احل

لدرجة اني لازم اريح اصابيعي بعد تضليل المعلومات احس تنشد اعصابي منها هذا طبعا بأول ايم الأختبارات على اخر يوم خلاص تعودت :14: بس شيء يتعب :36::12:

رد: اقولكم شيء:ماشلت هم الاختبارات كثر ماشلت هم تضليل البيانات الشخصية(تعالوا دردشة ماقبل النتائج)
 

سالفة (منتسب حيران) سااالفة طووويلة
اووول ماسجلت بالجامعه ولاجاني اليوزر والباسورد بصراحه احترت
لدرجة رحت البنك اسألهم ياناس ياهوووه فلوسي اكيد تحولت لجامعة الملك فيصل والا لغيرهم
ولقيت منتدى النقاش حق الجامعه وجيت متحمس بااقولهم مشكلتي
الا هم بعد يصدموني ولاخلوني اسجل لان ماعندي يوزر وباسوورد من الجامعه
وبالصدفه لقيت المنتدى ذا وقلت خلني اسجل يمكن القى عندهم الحل
وسجلت عندهم بمعرفي ذا لاني كنت فعلا حيرااان
واتفاجأ ان فيه الآآآآآآآآآآآآآآف مثلي ماجاهم اليوزر والباسوورد قلت اشوووووووووووووووووووه
وانااا اللي استااانس:42:

رد: اقولكم شيء:ماشلت هم الاختبارات كثر ماشلت هم تضليل البيانات الشخصية(تعالوا دردشة ماقبل النتائج)
 

التضليل وماادراك ماالتضليل العالم تخاف من انها تحل او لا وانا اكثر شي اخافه منه الة الرصد تتطير شي صح علي :38:

رد: اقولكم شيء:ماشلت هم الاختبارات كثر ماشلت هم تضليل البيانات الشخصية(تعالوا دردشة ماقبل النتائج)
 

والله نفسسسسسسس اللي يصير معي
انا في اخر يوم في الاختبار احس ان طبقة جلدة اصباع الابهام ميته مااحس فيها ورربي هههههههههههههههه

رد: اقولكم شيء:ماشلت هم الاختبارات كثر ماشلت هم تضليل البيانات الشخصية(تعالوا دردشة ماقبل النتائج)
 

والله انها تطري على بالي احيانا بس بطريقة ثانية
اقول كيف لو ماكينة التصحيح ذي تاخذ الورقه وتشقها جوه
تفكير سوداوي صح:(

رد: اقولكم شيء:ماشلت هم الاختبارات كثر ماشلت هم تضليل البيانات الشخصية(تعالوا دردشة ماقبل النتائج)
 

هذا من حرص الجامعه على دقة المعلومات
بس نتعب وحنا نضلل

رد: اقولكم شيء:ماشلت هم الاختبارات كثر ماشلت هم تضليل البيانات الشخصية(تعالوا دردشة ماقبل النتائج)
 

الجامعه تحرص وحنا تطلع عضلات في اصابعنا ههههههههههههه

رد: اقولكم شيء:ماشلت هم الاختبارات كثر ماشلت هم تضليل البيانات الشخصية(تعالوا دردشة ماقبل النتائج)
 

معناااااة هالورقة :7:

بالنسة لي بعد ما اضلل المعلومات، أخذ بريك اهمز اصابعي بعدها ابدء احل هههههههه


طلاب المستوى السادس والسابع اصابعهم معضله هههههه