ملتقى طلاب وطالبات جامعة الملك فيصل,جامعة الدمام - جامعة الملك فيصل وش السالفة ؟ .. أفيدوني

- - جامعة الملك فيصل وش السالفة ؟ .. أفيدوني (https://vb.ckfu.org/showthread.php?t=417000)

جامعة الملك فيصل وش السالفة ؟ .. أفيدوني

بسم الله الرحمن الرحيم

ما أدري من وين أبدأ حقيقة ! .. ودي أعرف وش قصة الموظفين اللي ما يردون
على الهاتف ، أنا طالب مستجد و قُبلت و سددت و من فترة بعد لكن ما أدري متى
ناوي يعطوني الرقم السري !!! .. دخلت على رابط استخراج كلمة المرور جتني
رسالة غريبه " تم إيقاف حسابك الرجاء التواصل مع عمادة تقنية المعلومات قسم الشبكات وأنظمة التشغيل أو الاتصال على رقم الهاتف المباشر "
و إتصلت على الرقم اللي طلع لي و قال لي إرجع إتصل علي بعد ساعة أشوف حالة
حسابك ! .. بصراحة ما أدري وش الموضوع ولا وش السالفة ولا متى بينزلون لي
الجدول ولا متى يمديني أسوي معادلة المواد أنا متلخبط و نظام الجامعة رديء جداً
يخلون الطالب في حيرة ولا يدري وش يسوي مافيه مواعيد ولا فيه تواصل برسائل
الجوال و المشكلة ماخذين علينا رسوم رسائل ولا شفنا إلا الدجة !

و أمس الساعه 01:30 ص رسالة من الجامعة انو تم اعلان نتائج الفصل و يمكنك
الإطلاع عليها و حاطين موعد تسجيل المقررات اللي هو يوم الإثنين 9 ربيع الأول !
طيب أن يا الطالب المستجد وش وضعي وش بيصير علي متى رقمي يجيني و متى
استلم جدولي و ادخل النظام !!! .. يا إخوان اتمنى منكم تفيدوني بالمعلومات الكافية
أنا وش وضعي خلال الأيام الجاية متى راح يكون معي رقم سري بجانب الرقم
الجامعي و متى اسوي المعادلة ترى طقت تسبدي <:biggrin:>

رد: جامعة الملك فيصل وش السالفة ؟ .. أفيدوني

اول شي بالنسبه لمعادلة المواد ما تتم الا بعد الترم الاول وهذا قريته من احد المشاركات من الاخوان

في الملتقى

وثانيا ماتقدر تعدل جدول ولا شي دامك المستوى الاول

وثالثاً جدول الاحتبارات اذا تبيه سبق وان نزلته الاخت ام عمر جزاها الله خير

واخر شي انتظر حتى تخف الضغوطات ع السيرفر بسبب

الاخوه قاعدين يبحثون عن نتائجهم

وانا الى الان مثلك عندي الرقم الاكاديمي

( ان غير مقبول في الجامعه او بياناتك خاطئه )

شي عادي انتظر

ولكن ليس مفعل اتوقع لانه يقول غير صحيح

تقبل ودي

ع ـــــلوش

رد: جامعة الملك فيصل وش السالفة ؟ .. أفيدوني

اذا انتم مستوى اول ... تراى اموركم طيبه ... وانتظرو الى بداية الدراسه وكل شي يصير تمام

مع التحيه

رد: جامعة الملك فيصل وش السالفة ؟ .. أفيدوني

الحين من جدك المعادلة بعد الترم الأول :42: !!
لأني فهمت من الموظف إن المعادلة يبي لها أقل شي من شهر إلى 3 شهور يعني لو أسوي
معادلة بالتيرم هذا راح تنزل بالتيرم الثاني فَ شلون أسويها مع التيرم الثاني و هي بتاخذ
كل هالفتره على ما يعادلونها لي !! .. و الحاجة الثانية إحنا وش علاقتنا بالضغط اللي حاصل
على السيرفر و دام المواد مسجله لنا أساساً ليش ما عطونا مجال نستلم الرقم السري عشان
اللي يبي يسوي معادلة يقدر يسويها أما الآن احنا في ضياع تام ما ندري وش وضعنا !

مشكور أخوي على مرورك .. لكن اتمنى الإفاده أكثر !

رد: جامعة الملك فيصل وش السالفة ؟ .. أفيدوني

هذي المواد اللي راح تكون معك في السمستر الاول

من اعداد الاخت الفاضله / ام عمر

كونها مديرتنا يالمستوى الاول

بالمرفقات

وعلى ما اعتقد البداية راح تكون من من يوم الثلاثاء الموافق 1434/6/27 هــ

وترى افضل من الترم الماضي لانو كان فيه ضغط مادتين في نفس اليوم

يعني احمد ربك واشكره

دمت بود

ع ـــــلوش

رد: جامعة الملك فيصل وش السالفة ؟ .. أفيدوني

اقتباس:

المشاركة الأصلية كتبت بواسطة a.o.t (المشاركة 8110167)

بداية تهانينا لك عزيزي على القبول ودعواتي لك بالتفوق والنجاح
بالنسبة للمعادله راح تكون مره واحده خلال مسيرتك الدراسيه
بإمكانك الآن ترفعها ولكن بشرط أن لا تكون معادله من مقررات
المستوى الأول بحكم أنها إجباريه يأخذها الطالب ..
عليك أن تعادل من المستوى الثاني فأعلى وبمعدل لا يقل عن c
وفي نهاية السمستر تظهر لك النتيجه بإذن الله ..
أما بالنسبة للرقم السري راح توصلك رساله من الجامعه
بعد إرسال كافة الوثائق لها ومنها يتم تفعيلك وبإمكانك الدخول
للأنظمه .. ولكن حتى الآن ما بدأت الدراسه وراح تكون بدايتها
يوم السبت 14 - 3 - 1434هـ بإذن الله
وإذا لديك أي مشكله أو إستفسار عليك بالتواصل مع العماده
عبر البريد المذكور في الرابط
http://www.kfu.edu.sa/ar/Deans/elear.../contacts.aspx

بالتوفيق للجميع :16:

رد: جامعة الملك فيصل وش السالفة ؟ .. أفيدوني

انا مثلك يالغالي يطلع لي

تم إيقاف حسابك الرجاء التواصل مع عمادة تقنية المعلومات قسم الشبكات وأنظمة
التشغيل أو الاتصال

مع العلم سجلت انا وخويي بنفس اليوم تقريبا خويي طلع الرقم السري عادي وانا يطلع لي تم ايقاف حسابك !!

ارسلت للجامعه وانتظر ردهم ويارب تكون مشكله بسبب ضغط السيرفر فعلا وتنحل !!