ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   رد الجامعة لسبب نقص المشاركة (https://vb.ckfu.org/t422885.html)

ابـــو حـــمود 2013- 1- 28 11:03 AM
رد الجامعة لسبب نقص المشاركة
 
السلام عليكم ورحمة الله وبركاته

ياخوان الفزعه عندي 4 درجات بفقه السيره ناقصه وتظلمت بالاميل ودقوا علي اليوم قالوا تاكدنا هذي ناقصه عليك الدكتور منقصها مشاركاتك نسخ ولصق المهم قاموا يصرفونها وش اسوي اروح الاحساء اتفاهم معهم ولا وش السواه

Just have fun 2013- 1- 28 11:04 AM
رد: رد الجامعة لسبب نقص المشاركة
 
طيب أنت نسخت و لصقت و إلا لا ؟؟؟

xXبــورضــاXx 2013- 1- 28 11:07 AM
رد: رد الجامعة لسبب نقص المشاركة
 
هل المشاركات التي كتبتها كانت كلام غير مفهوم ام نسخت المناقشات كامله
هناك طلاب كثيرون حصلو على 30 درجه بالنسخ واللصق

الطالب الموهوب 2013- 1- 28 11:07 AM
رد: رد الجامعة لسبب نقص المشاركة
 
اما عاد خوش عذر اتوقع تصريفة :31:

ابـــو حـــمود 2013- 1- 28 11:09 AM
رد: رد الجامعة لسبب نقص المشاركة
 
والله وانا اخوك كل العالم تنسخ وتلصق ماحد يقول شي طبعا فقه السيره اكتبها بنفسي لانها سهله والمواد اللي نسخناها يمشونها نظام تلاعب اصلا الدكتور فاضي يقرا الوف مؤلفه نصابين اصلا يوم يكلمني موظفهم يتعتع ويصرف

مــاجـــد 2013- 1- 29 03:30 AM
رد: رد الجامعة لسبب نقص المشاركة
 
عذر أقبح من ذنب
ويبغونك تصدق التصريفه حقتهم
اذا كان تصحيح الاختبارات يكون تصحيح آلي
بيجلس الدكتور يناظر في كل المناقشات ويقرر فلان حل المناقشه عن طريق نسخ ولصق
وفلان الثاني حل المناقشات بإجتهاده
من جد شيء يضحك ويقهر بنفس الوقت
الله يعينك اخوي وبالتوفيق ان شاء الله

همه راقيه 2013- 1- 29 03:37 AM
رد: رد الجامعة لسبب نقص المشاركة
 
انا كانى سمعت ان الدكتور ماله علاقه بهذا كله بس يلقي المحاضره ويمشى والباقى كلها الكترونى
الله يكفينا شرهم

A&A 2013- 1- 29 03:51 AM
رد: رد الجامعة لسبب نقص المشاركة
 
كذببببببببب

_Nothing 2013- 1- 29 05:16 AM
رد: رد الجامعة لسبب نقص المشاركة
 
الاغلب ينسخ و دراجتهم كاامله ، وهم يصرفوونك بذا العذر :23:

sultan15 2013- 1- 29 05:44 AM
رد: رد الجامعة لسبب نقص المشاركة
 
اقتباس:
المشاركة الأصلية كتبت بواسطة مــاجـــد (المشاركة 8208018)
عذر أقبح من ذنب
ويبغونك تصدق التصريفه حقتهم
اذا كان تصحيح الاختبارات يكون تصحيح آلي
بيجلس الدكتور يناظر في كل المناقشات ويقرر فلان حل المناقشه عن طريق نسخ ولصق
وفلان الثاني حل المناقشات بإجتهاده
من جد شيء يضحك ويقهر بنفس الوقت
الله يعينك اخوي وبالتوفيق ان شاء الله

جميع الجامعات اللي تدرس بنظام التعليم عن بعد عندهم برامج تكشف عملية النسخ واللصق وتشابه المشاركات لذلك ممكن تصيب مع اشخاص و أشخاص لا

بس لو رجع الواحد يشتكي بيقولون له هالكلام انت ناسخ ولاصق المناقشة

اكاديمي منتسب 2013- 1- 29 06:09 AM
رد: رد الجامعة لسبب نقص المشاركة
 
سلاااااام عليكم

صباح الخير

الدكتور ماله علاقة بأي درجة في التعلم عن بعد
فقط يوضع الاسئلة من بداية الفصل الدراسي مع المحاضرات المسجلة ويتابع الجوال والمحاضرات المباشرة

بالتوفيق:2:

KBJ911 2013- 1- 29 06:17 AM
رد: رد الجامعة لسبب نقص المشاركة
 
كل مشاركاتي نسخ ولصق

والحمد لله كامله


سالفة يكشون نسخ ولصق.....مادخلت مخي:40:

وردة 2011 2013- 1- 29 07:07 AM
رد: رد الجامعة لسبب نقص المشاركة
 
اقتباس:
المشاركة الأصلية كتبت بواسطة همه راقيه (المشاركة 8208056)
انا كانى سمعت ان الدكتور ماله علاقه بهذا كله بس يلقي المحاضره ويمشى والباقى كلها الكترونى
الله يكفينا شرهم

صح عليك :21:

زبرجد 2013- 1- 29 07:56 AM
رد: رد الجامعة لسبب نقص المشاركة
 
الله يكون بعونك ويسهل عليك ويكفينا اخطائهم

هذا اذا كانوا مخطئين

:verycute::(107):

عبدالعزيز 200 2013- 1- 29 08:45 AM
رد: رد الجامعة لسبب نقص المشاركة
 
كيف طريقة الاعتراض
حاولت عن طريق بريد الجامعة والهوتميل ولا عرفت
الفززززززززززعة

دافنشي كود 2013- 1- 29 08:58 AM
رد: رد الجامعة لسبب نقص المشاركة
 
ما اتوقع ردهم لك صحيح

لأن اغلب الطلاب والطالبات نسخ ولصق :33:

طالبه العالي 2013- 1- 29 09:32 AM
رد: رد الجامعة لسبب نقص المشاركة
 
كاني سمعت انو هالسنه منعوا النسخ واللصق الله يوفقك

bader358 2013- 1- 29 09:53 AM
رد: رد الجامعة لسبب نقص المشاركة
 
بسم الله الرحمن الرحيم

السلام عليكم ورحمة الله وبركاته ----- حاب اوضح طريقة حساب الدرجات --- طبعا الطريقه كالتالي:

النظام يسجل كل طالب طبعا حسب رقمه الأكاديمي -- وتحت اسمه عدة ارقام خاصة بالمواد.

نأتي الآن للأهم: يقوم الربنامج بتسجيل عدة امور منذ دخولك ليس الى البلاك بورد او الإفتراضي فقط بل عند دخولك على الماده..

باطرح مثال على ماده معينه مثلاً رياضيات:

لما ادخل على الرياضيات يبدأ حساب الوقت وكأنه رسم بياني

يوجد جدول مقسم الى عدة نقاط منها المحاضرات اللي نزلها والمشاركات والواجبات.

يعطي نقاط على كل عملية نقوم فيها.... حتى حل الإختبار كل سؤال صحيح بنقطه.

ولما تتنتقل الى ماده اخرى يتوقف الوقت عن احتساب وجودك في هذي الماده.



يعني :
تنسخ او تكتب مباشرة == لك نقطه.
الجدول يبين للدكتور اذا فتح على رقم الطالب - ولكن ما يقدر يغير شيء -- التغيير من الدعم الفني فقط.


طيب ليه فيه درجات ناقصه: اعتقد لما يصير فيه مشاكل من الدعم الفني او خلل فني تُلغى بعض النقاط اللي تسجلت في السجل الأساسي (ما يضهر لنا ) ولما يعدلون الوضع واللي قد يأخذ ساعات او يوم كامل ما راح ترجع لنا النقاط.

يوجد باك أب --- وهو نُسخ احتياطيه تؤخذ في فترات معينه يمكن من خلالها يحدث فقدان لبعض النقاط.

لذلك اغلب مشاكل الطلاب ترجع الى الدعم الفني والخلل اللي يصير من وقت الى آخر.

اللي يتذكر مشكله صارت قبل ترمين تقريباً: الغيت علينا واجبات كنا حالينها واختفت مشاركات كنا مسجلينها ولا جانا اي تنبيه من الجامعه لكن احد الأخوات او الأخوان تنبهوا للموضوع وكتبوا موضوع وفعلا رجعنا نحل من جديد.

الخطأ وراد والمتضرر الطالب.


وش الحل طيب مستقبلاً:

1- الدخول باستمرار الى البلاك بورد او الإفتراضي - ادخل على الماده وخذ وقت.
2- ما يمنع من المشاركه بالكتابه -- واللي يشارك اول بأول ما راح يلاقي تعقيد - زيادة إطمئنان فقط -
3- بعد كل عطل او على الأقل آخر السنه ارجع الى المحاضرات واعمل لها تشغيل (هذا اذا اشتغلت :35:)
وايضا المناقشات بس تأكد من وجودها ودرجات الإختبار باقي موجوده.

miss*jojo 2013- 1- 29 10:01 AM
رد: رد الجامعة لسبب نقص المشاركة
 

حسبي الله ونعم الوكيل ،قسم بالله قاهريني :icon9:
جيبو لي واحد بس قال عدلوله درجته محد !

ابـــو حـــمود 2013- 1- 29 02:38 PM
رد: رد الجامعة لسبب نقص المشاركة
 
بكره رايح لهم يانا ياهم مع اني اقول بنفسي ٤ درجات وناجح ماتستاهل ١٥٠ كيلو بس تصريفهم ماعجبني اعلمكم وش يصير ان شاء الله
يارب اصحى الصبااااح لو تروح نوووووومه ام القهر

ابو حسام 2006 2013- 1- 29 02:56 PM
رد: رد الجامعة لسبب نقص المشاركة
 
الله يعين

lavender faris 2013- 1- 29 04:32 PM
رد: رد الجامعة لسبب نقص المشاركة
 
الله يكون بعونك ... كل العالم كوبي وبيست ... :10:

غصون الازهار 2013- 1- 29 04:35 PM
رد: رد الجامعة لسبب نقص المشاركة
 
:24:

الزهيري1 2013- 1- 29 04:39 PM
رد: رد الجامعة لسبب نقص المشاركة
 
تصريفه

Homood 2013- 1- 29 04:52 PM
رد: رد الجامعة لسبب نقص المشاركة
 
هذي مفهووومه تصريفه ارسل للعميد وبلاغه بالكلام وشوووف وش رده .... موووفق خير ،،،

^___^ 2013- 1- 29 04:57 PM
رد: رد الجامعة لسبب نقص المشاركة
 
لامو سبب عشان لسخ ولصق هومجرد تكتب جواب بنظام علطول يحسبون لك درجه مايخصه الدكتور لانه بنظام السستم اضن كذا بس انا اسوي نسخ ولصق ودرجاتي الحمدالله بلمشاركه كامله

ابو ناصرر 2013- 1- 29 05:29 PM
رد: رد الجامعة لسبب نقص المشاركة
 
هذي جامعة نصابة وآخر همهم الطلاب

ابو ناصرر 2013- 1- 29 05:30 PM
رد: رد الجامعة لسبب نقص المشاركة
 
اقصد المختصين بالتعليم عن بعد والانتساب المطور

saudi-com 2013- 1- 29 05:39 PM
رد: رد الجامعة لسبب نقص المشاركة
 
انا شغال نسخ و لصق و الحمد لله دجاتي كاملة .
احد الزملاء كذلك ولكن ناقصه درجه في الرياضيات و درجه في مادة ثانية .
احد الزملاء راسب في 4 مواد ولكن درجات المشاركة له كاملة .

فلذلك أعتقد انه هناك لبس في موضوعك .

تاكد يمكن ما تكون حملت المحاضرات كاملة . او انك حملت جزء من المحاضرة و الغيت التحميل .
او ما حليت الواجبات بشكل سليم .
او ما حليت المناقشات بشكل سليم .

bnr2004 2013- 1- 29 05:51 PM
رد: رد الجامعة لسبب نقص المشاركة
 
مساء الخير,,,
عزيزي المناقشات كله نسخ ولصق المشكله احتمال تكون منك نسيت بعض المناقشات ماشاركت فيها او خطأ من السستم عندهم.وفي الحالتين انت تتحمل المشكله.
(كل مشاركاتي نسخ ولصق ولعلمك حتى المحاضرات افتحهم لمدة دقيقة اول اقل والحمدلله كل الدرجات كاملة):26:

اخوك ,,تخصص تربية خاصة ..صعوبات تعلم المستوى الثامن اول دفعه:19: .والحمد لله باقي فقط التطبيق.:21:
مع تمنياتي للجميع بالتوفيق ,,,,,

عبوررر 2013- 1- 29 06:03 PM
رد: رد الجامعة لسبب نقص المشاركة
 
انا نفسك والله ناقصتني 3 درجات يالمشاركه


مع العلم كل المواد انسخ والصق :18:

غيم الفرح 2013- 1- 29 06:12 PM
رد: رد الجامعة لسبب نقص المشاركة
 
لا تنسخون وتلصقون أنا صراحة أحل المناقشات بمجهودي وفهمي من المحاضرات والا أش فايدة دراستي اعتمد

على جهد غيري أو أدرس شي ما أستفيد منه ؟؟!مهما كان أنا درست علشان أطور نفسي وأعرف أشياء ماكنت

أعرفها والحمدلله درجات المشاركه كاملة عندي وبكل المواد أنت ممكن تدارك هالموضوع في باقي الأترام وموفق

أخي .

al_hawawy 2013- 1- 29 08:32 PM
رد: رد الجامعة لسبب نقص المشاركة
 
حسبنا الله ونعم الوكيل اصلا يكفي دخول الطلاب وحله المناقشه او الواجب ولو نسخ ولصق لان العبره في فهمه واطلاعه وهو في الحالتين رايح يذاكر الماده كامله فليش هذا التسيب من لدنهم وعدم الاهتمام كفى تلاعب وتنطنيش وظلم الناس جايه تدرس موو تنهان ..!

ابـــو حـــمود 2013- 1- 30 02:43 PM
رد: رد الجامعة لسبب نقص المشاركة
 
رحت للعميد الفريدان اليوم وقلتله الموضوع ودخل من جهازه على رقمي اول ماشافها ٢٦ المشاركه قال هذا الواجب الثالث ويوم يدخل بالفعل طلع مو مسجل مع العلم والله العظيم اني حاله وخابره وشيكت عالملزمه لاني كل ماحليت واجب اكتب اني حليته لكن وش اسوي اقول نظامك غلط ولا اوريه الملزمه ماينفع سكت ومشيت حسبي الله عليهم وقلت له يوم تظلمت دقوا علي يقولون تنسخ وتلصق قال يقولون لك الاحتمالات ممكن تنسخ وتلصق ممكن ماحليت الواجب زي كذا المهم صرفوني وروحتي ع الفاضي الله يعوضنا طلعوا يدقون على الواحد يكذبون عليه وهم ماشافوا سجله

foofaa 2013- 1- 30 03:12 PM
رد: رد الجامعة لسبب نقص المشاركة
 
الله يعوضك اخوي في السمسترات الجايه
بالتوفيق ان شاء الله

foofaa 2013- 1- 30 03:13 PM
رد: رد الجامعة لسبب نقص المشاركة
 
الله يعوضك اخوي في السمسترات الجايه
بالتوفيق ان شاء الله

دلول 2013- 1- 30 03:27 PM
رد: رد الجامعة لسبب نقص المشاركة
 
حسبنا الله ونعم الوكيل
حتى انا منقصيني في نص المواد
والنص الثاني معطيني الدرجه الكامله

وكلهم نسخ ولصق

:12:

ابـــو حـــمود 2013- 1- 30 05:49 PM
رد: رد الجامعة لسبب نقص المشاركة
 
شكرا لكل من رد على الموضوع و كل من دعا لي واسال الله لنا ولكم التوفيق جميعا ولجميع المسلمين

noofi 2013- 1- 30 05:53 PM
رد: رد الجامعة لسبب نقص المشاركة
 
كذب كذب لاتروح اذا عندك احد قريب يروح خله

adaz 2013- 1- 30 06:34 PM
رد: رد الجامعة لسبب نقص المشاركة
 
الرجاء من الأخوان والأخوات
المراجعه والتشيك قبل إغلاق السستم
أنا حصلت معاي هذي الحركه حال الواجب ومتأكد منه وعندما شيكت لقيته لم يسجل بالرغم من أنه صحح الواجب وأعطاني النتيجه
الله يعوض الجميع

طاطا الصقور 2013- 1- 30 07:01 PM
رد: رد الجامعة لسبب نقص المشاركة
 

بحر - العود 2013- 1- 30 07:09 PM
رد: رد الجامعة لسبب نقص المشاركة
 
حسبي الله ونعم الوكيل علىهالجامعة ياليت يصدقون بأن هدفهم التعليم وليس المادة.
لهط فلوس

بحر - العود 2013- 1- 30 07:21 PM
رد: رد الجامعة لسبب نقص المشاركة
 
اقتباس:
المشاركة الأصلية كتبت بواسطة miss*jojo (المشاركة 8209524)
حسبي الله ونعم الوكيل ،قسم بالله قاهريني :icon9:
جيبو لي واحد بس قال عدلوله درجته محد !
ترم العام عدلو بس عن طريق المشرف ابو محمد اخذ الارقام الجامعية من الطلابة وعدلها جزاه الله خير الا انا ماعدلي شي سبحان الله .


All times are GMT +3. الوقت الآن حسب توقيت السعودية: 12:54 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه