كيف تصبح دافووووراً ؟؟؟

[عيونك لي وطن]

السلام عليكم ورحمه الله وبركاته

في البدايه حبيت اشارك بها الموضوع للطلاب والطالبات المستجدين وبرضو لأخواني وخواتي الغير مستجدين وهي كيف عمليه ما هو وتعريف وسوف << خبص ابوها >> كيف تصير دافور بنسبه لنظريتي وهي النظريه العيونكيه << لساني انعفط

الأمور جداً سهله وبسيطه لجميع المواد اذا كنت دافور من مبطي الي عليك تسويه كالآتي :
- حاول تشيك على البلاك بشكل شبه يومي وتابع المحتوى
- اطبع او اشتر الملزمات وابدأ في التصفح في أوقات الفراغ من الآن
- تابع المحاضرات المسجله فديو اذا اشكل عليك شي
نتيجه بأذن الله حتحصل على درجه متفوقه جداً بعد توفيق الله وتجي الاختبارات وانت مرتاح نفسياً وذهنياً .
أما اذا كنت دوفير << وهو تصغير لمفهوم دافور >> ودوفير هو شخص الي ما يذاكر الا وقت الاختبارات مايطلع من البيت . الي تسويه الآتي :
- ناظر البلاك بورد كل اسبوعين مره
- حاول تعرف موادك وش تكلم عنه وش محتوى كل ماده
- قبل الاختبارات باسبوع ابداء ذاكر مذاكره وليست قراءه
- ركز على الاسئله الي نهايه الملازم من المكتبات تشتريها .
بإذن الله ستحصل على درجه ممتازه

أما أخواني وخواتي الي ماعندك أحد << بالعربي متكين أخر الفصل ايام الدراسه والي صاكها نومه بالفصل والي جايبه مناكير معها . فأنصحهم بالتالي :
- فلها من الحين لين يقلون بكره الاختبار
- استلم البلاك بورد وانفضه نفض كل المواد شيك عليها واجبات مشاركات محتوى
- لا أوصيكم على مسأله النسخ واللصق << وهي لعبتكم ولديكم مهاراه فيها عجيبه غريبه
- ركزو على اسئله الاعوام الماضيه وحطو تحتها مليون خط أكرر ركزو على الاسئله حقت الاترام الي قبل لان بنسبه كبيره تجي الاسئله اكثرها منها
- حاول وانت رايح للاختبار تطبع اسئله الواجب لان يجي منها
- مذاكرتك تكون بشكل يومي وقت الاختبار وقبل الاختبار بثلاث ساعات ابدا ذاكر صحيح يجي لخبطه بس خل مذاكرات على الاسئله سؤال وجواب لا تدخل بالمحتوى وتلخبط نفسك
- اذا طلعت لا تراجع وسوى نفسك حامل الماده حاملها << هههههههههه
وفي الختام :
اسئل الله لي ولكم التوفيق وان يكتب لي ولكم الخير والنجاح في حياتنا العمليه والعلميه .

انا ترا من الي ماعندك أحد << ههههههه
وماكتبت الموضوع ذا عشان أهبط عزيمتكم وتقلون الامور سهله وبنعدي اجل لا والله بس فيه بعض الناس وبالأخص المستجدين خايفين ولا يدرون وش الوضع الأمور سهله جداً والجامعه ماقصرت رغم الأخطاء وغير كذا الي يقرا الموضوع ولاهو بالجامعه كوده يتحمس ويخش الجامعه ويدري ان الامور سهله
وأنت بالاول والاخير تقدر تاخذ معدل ممتاز وتقدر تاخذ مقبول

وتحياتي لكم

[زينب الجهني]

حلو..

طيب الان تنصحني اشتري ملخصات من الان واسير دافووورة :) ولا انتظر لما اشوف الدكاترة وش يقلولنا

بما اني مستوى اول..

[تاج راسي امي]

طرح رائع يرفع المعنويات بعد ضغط الاعصاب اللي عشناها هالاسبواعين و الكلام كله مفيد جدا و راح ناخذه بالحسبان بارك الله فيك

[أفا يا قلب]

الله يوفقنا وياكم ونجيب اعلى الدرجات

[نادر511]

بالحزم والعزم والجد والاجتهاد والتوكل على الله ومن أتكل على الله كفاه وتوكلو على الله حق التوكل

[أسير بلآ قيود]

ضحكني عنوان الموضوع الله يسعدك


بالتوفيق يالدافور الكبير

[ابوخالد@]

الدوافير الشباب والشابات اما الشيبان مثلي راحت عليهم
شكرا على النصائح الرائعة وموفق يارب

[@الصبر@]

بارك الله فيك

عدل عدل عدل



مشكور اخوي

[عيونك لي وطن]

اشكر لكم مروركم يا أخواني وخواتي الفيصلييين

بس ماقلتو لي انتم من اي نوع الدافور ولا دوفير ولا الي ماعندك احد

شكل كل الي ردو ماعندك احد ههههههههههههههه
بتوفيق

[ابو مهرة]

الله يوفقنا جميعا وبأعلي الدرجاات