|
الدراسة عن بعد (إستفسار)
أخواني أعضاء المنتدى
أنا موظف و أرغب بإكمال الدراسة الجامعيه ولكن ما لقيت إجابة أكيدة لإستفساراتي .. ودي أكمل بكالوريوس إدارة وكلمت جامعة الدمام وقالوا لي أن برنامج البكالوريوس (دراسة عن بعد) لا يمكنك إكمال الماجستير بعد التخرج, يعني غير معتمد لإكمال الماجستير ... فحبيت أسأل وين الجامعة اللي شهادتها للبكالوريوس معتمدة لإكمال الماجستير؟ لأن ما ودي أدرس وأنتظر 4 سنوات (بأفضل الحالات) وبعد التخرج يقول لك ما تقدر تكمل ماجستير .... حبيت أسأل وين أقدم بأي جامعة بالشرقية ... لأني لو ما حصلت فما عندي فرصة إلا الدراسة بالبحرين ( مع أني ما أبي البحرين إلا إذا إضطريت لذلك) مشكورين مقدمااااااااا |
رد: الدراسة عن بعد (إستفسار)
حياك الله عزيزي ..
للأسف سؤالك لن تجد عليه إجابه .. كل مسؤول يقول أن جامعته مقبوله .. ولكن حتى الآن لا تتضح بالنسبة لجامعة فيصل السمستر القادم تخرج أول دفعه للجامعه ومنها نستشف المسمى للمؤهل والقبول ... بالتوفيق :16: |
رد: الدراسة عن بعد (إستفسار)
:4: يا خوفي جمعتنا نفس الحكايه.... اتمنى اي احد عنده حساب بالتويتر يسال الدكتور الفريدان هل نستطيع إكمال الماجستير بعد التخرج؟؟؟؟؟؟؟؟؟؟؟؟؟
|
رد: الدراسة عن بعد (إستفسار)
:3:احسنتي العميده
|
رد: الدراسة عن بعد (إستفسار)
اقتباس:
التعليم العالي حتى الآن ما أعطانا الموافقه بخصوص الماجستير الحين خلينا نتخرج على خير ويحلها الله بالتوفيق :16: |
رد: الدراسة عن بعد (إستفسار)
يا اختي الفريدان يقصد الماجستير عن بعد.واحنا اللي نقصده البكالوريوس عن بعد هل يؤهلنا لإكمال في برنامج الماجستير العادي هنا السؤال؟
|
رد: الدراسة عن بعد (إستفسار)
اقتباس:
مشكورة أختي (المحترمه) على ردك وإهتمامك ونتمنى نلقى الرد الأكيد |
رد: الدراسة عن بعد (إستفسار)
اقتباس:
أشكر لك مرورك ومشاركتك |
رد: الدراسة عن بعد (إستفسار)
اقتباس:
العميده؟؟؟!!!!! شكلك قريت الإسم غلط يالحبيب |
رد: الدراسة عن بعد (إستفسار)
انا كنت شاك بهذي الشهادة شهادة عبارة عن ورق لا تسوي
|
رد: الدراسة عن بعد (إستفسار)
بانتظار المزيد من الردود للإفادة
|
رد: الدراسة عن بعد (إستفسار)
اقتباس:
نعم وهذا رد الدكتور عبدالله الفريدان القبول في الماجستير يكون بالمنافسة لمحدودية المقاعد >>يعني ع حسب المعدل والله اعلم شدو حييييلكم وبالتوفيق للجميع ~~~ |
رد: الدراسة عن بعد (إستفسار)
جزاك الله خير ما قصرتي اختي ابيات :16::43:
|
رد: الدراسة عن بعد (إستفسار)
اقتباس:
|
رد: الدراسة عن بعد (إستفسار)
اقتباس:
|
رد: الدراسة عن بعد (إستفسار)
طيب متى يبدأ التسجيل بالجامعه؟
هل هناك ترم صيفي أقدر ألتحق فيه؟ ولا لازم مع بداية السنة الجاية؟ بالنسبة لإستفساري أعلاه وش الجواب النهائي؟ يقبلون تكمل فيه ماستر ولا لا؟ |
رد: الدراسة عن بعد (إستفسار)
والله سؤالك خلاني اعيد التفكير :4:.. خليتني موسوس ..
وسويت بحث ولقيت ناس يقولون انه معترفه ولقيت بموقع جامعه الامام انه شي معترف به بس لقيت موضوع " يغبن " وهذا الرابط http://www.skaau.com/vb/showthread.php?t=664562 طبعا في هالموضوع فيه خطاب + مذكور فيه الجامعه الالكترونيه السعوديه < هذي جديده وعندها نظام حضور 25% شكل الشغله بزنس :42: يعني بعد 5 سنوات بيوقفون الانتساب والانتساب المطور .. تبي سجل بالسعوديه ما تبي خلك في بيتكم ضايع :42: < يقصد تبي تسجل سجل بالسعوديه الالكترونيه < من الصدمه ما عرف يكتب :38: طبعا تراني اشك بالخطاب لانه مكتوب الانتساب والانتساب المطور < علطول بدا كذا التعليم عند بعد .. < نقطتين الذي عقد بمكتنا !! < سلامات !! ( خمس سنوات ) < حاطها بين قوسين يبنا نركز فيها ؟! يعني ما خش مزاجي . بس ليش هالخطاب يطلع كذا قدامنا مصور < مدري واحد له هدف .. او ان الموضوع حقيقي < واني مسوي فيها كونان :17: |
رد: الدراسة عن بعد (إستفسار)
:4::4::4::4::4:
مدري وش اقول :4::4::4::4::4: خليتني موسوس واعيد حساباتي طبعا انا عندي بعثه بس سحبت عليها بعد اللغه لان السفاره الامريكيه ما عطتني فيزا لي 7 اشهر <يذلونك :4::4::4::4::4: |
رد: الدراسة عن بعد (إستفسار)
قتلتني .. :4:
لقد قتلني رسام يا اصدقائي من حيث لا يعلم .. جعل الغسان الذي بداخلي هرما :\ |
رد: الدراسة عن بعد (إستفسار)
اقتباس:
|
رد: الدراسة عن بعد (إستفسار)
ياليل ابو لمبه وش بعد هالكلام اللي يضيق الخاطر :4::12:
|
رد: الدراسة عن بعد (إستفسار)
انا كل شوي ارقي الموضوع ابيكم تشوفونه :42: ابي احد يضيق صدره معي مو بس لحالي :42:
|
رد: الدراسة عن بعد (إستفسار)
لهذي الدرجة شهادة التعليم عن بعد مالها قيمة :4: اجل ليه ندرس دام مالها قيمة ؟؟؟
والله ماكان في بالي هالامر بس تدرون بلاش نستعجل في الامور نشوف الي يتخرجون وش مصيرهم اكيد مورايحين يسكتون عن الوضع واكيد ان شاء الله راح الامور تنحل عاد تفائلوا بالخير تجدوه :19: |
رد: الدراسة عن بعد (إستفسار)
اقتباس:
طيب مافيه أحد يعرف دكتور بالجامعة يتأكد لنا من المعلومة هذي .... (إعتماد شهادة البكالوريوس لإكمال الماجستير) كيف يفتحون مرحلة جامعيه وهم نفسهم مو معتمدينها للماستر؟ و لو درست وتخرجت هل ممكن أحصل قبول ماجستير حتى لو برا السعودية؟ هذا السؤال ياليت أحد يفيدنا فيه........ |
رد: الدراسة عن بعد (إستفسار)
اقتباس:
هذا احسن سؤال طرح والمفروض يوجهه لوزاره التعليم العالي لان هي الي بيدها كل شيء بالموضوع هذا , وهي الي تقدر اصلا تخلي شهادتك مقبوله بالخارج :42: موضوع اشغلني وتراي قلت ان ممكن هذا الخطاب مسويه شخص ( لا تسألون ليش .. الامراض العقليه في بني ادام كثيره فكذا هو شيء لا يستعبد ) < وحتى الشك الي انا افترضه مرض عقلي ههههههه .. بس محطوط رقم الصادر نقدر نتاكد منه اتوقع .. انا دخلت قسم الاتصالات الاداريه بوزاره التعليم العالي علشان اشوف رقم الصادر بس ما لقيت ودخلت على موقع المراسلات الالكترونيه الي تقدر تتابع فيه المعاملات الوارده والصادره < ما يدخله الا موظف لانه بيوزر وباسورد مو مهم الخطاب المهم هل الشهاده بتفيدني ادرس في اي جامعه ماستر فيما بعد او لا هذا السؤال الي المفروض يشغلنا |
رد: الدراسة عن بعد (إستفسار)
فيه ماجستير وقالها الدكتور /سميحان الرشيدي
|
رد: الدراسة عن بعد (إستفسار)
^ مو المقصد اني ادرس ماستر في جامعه انا تخرجت منها المقصد في جامعه اخرى
طبيعي اذا كانت الجامعه تتدرسك درجه ما .. اكيد انه يحق لك تتدرس الدرجه الي بعدها ( فيها ) اذا كان موجود يعني مثال .. درست بكالوريوس عن بعد.. وموجود عندها ماستر عن بعد < طبيعي انهم يسمحون لك تتدرس فيها بس بشروط لانها هي الي معتمده البرنامجين بس هل الجامعات ( الاخرى ) تقبل انك تكمل فيها او لا بتقول ليش تبي الجامعات الاخرى .. لان قبولك تتدرس ماستر في نفس الجامعه " يكون بنسبه معينه " يعني مثلا 30% ممكن تتدرس .. اما اذا كان درجتها معتمده عند الجامعات الاخرى والدول ( الاخرى ) تكون نسبه انك تكمل ماستر 99% واذا كان الخبر هذا الي انا نسخته " حقيقي " فمعناها قبولات الانتساب والانتساب المطور بيتوقف يعني حتى النسبه المعينه ( بمثالنا 30% ) الي كنت تسعى من اجلها مو صاير موجوده من الاساس :13: فانا نصحيتي ( الشخصيه ) الي بمنتصف الطريق , يكمل يعني الي بالمستوى الخامس وفوق علشان يرتاح ضميره فقط بعد ما يتخرج ويقول : وش اسوي انا جبت الشهاده بس التعليم هنا داج ماله نظام ويرتاح ضميره اذا قالها مع نفسه ..( انا تمنيت الحصول على شهاده علشان اردد هالكلمه ) < صحيح ان هالشي مايفيدك . بس راحه الضمير جدا مهمه واما الي بالمستوى الاول والثاني واعمارهم 18 الى 21 , فحسب تكفيخ التعليم لي في تجارب سابقه عددها 3 .. ارجو اختيار الطريق الصعب والمضمون ..:42: واما الي بالمستوى الثالث والرابع .. حالتك صعبه :4: قرر مع نفسك طبعا هذي النصايح شخصيه + اذا كان الموضوع حقيقي مو ملفق :17: قتلتني يا رسام :42: والقتل فيه مصلحه للجميع ههههههه |
رد: الدراسة عن بعد (إستفسار)
بعد الاستفسار من ( الناس ) مو من جهات متخصصه
يقولون ان الخطاب هذا المقصد فيه ان كل الطلاب يتحولون الى هذه الجامعه السعوديه الالكترونيه يعني تكون شهادات الطلاب من الجامعه هذي .. يعني مافيه انتساب جامعه فيصل , انتساب جامعه الملك عبدالعزيز .. كلها تكون شهاده وحده عن طريقه السعوديه الالكترونيه يعني مستقبل افضل للطلاب :3: ^ الله اعلم وش الصح .. :4: < لي يوم وهذا فيسي |
رد: الدراسة عن بعد (إستفسار)
ممكن تفيدونا برقم أحد عنده المعلومة الأكيدة؟
|
رد: الدراسة عن بعد (إستفسار)
(afridan@kfu.edu.sa)
د. عبدالله بن عبدالوهاب الفريدان عميد التعلم الألكتروني والتعليم عن بعد Tel: 0096635800000 ext. 1765Direct ip (035899738) |
رد: الدراسة عن بعد (إستفسار)
الفريدان هذا عميد التعليم الالكتروني < تبع جامعه الملك فيصل
لو تحط نفسك مكانه , ما تتدري اصلا وش الطبخه :42: وارح تعطي اي شخص يسألك اجابه" تسليكيه تعلقيه" لانه موضوعنا بيد ( وزاره التعليم العالي ) < هنا اذا كنت تبي تسأل عن دارسه الماستر وموضوعك بيد ( الخدمه المدنيه ) < اذا كنت تبي تسأل عن الوظايف وقبولها , ترا ما قلت كذا من داعي التفاهيم , بس قلتها لاني قد تكفخت في تجارب سابقه زي كذا ما يصلح الواحد ياخذ الكلمه من شخص ( ربط ) بين اثنين زي الفريدان الحين |
رد: الدراسة عن بعد (إستفسار)
أبشركم اليوم كلمت الجامعة ورد علي ذاك الشقردي وقال تطمن يمديك تكمل ماستر بعد إنهاء البكالوريوس مباشرة لأن البرنامج معتمد عندنا وأيضاً جامعة عزوز بجده..... بس مايمديني ألحق على هالترم
|
رد: الدراسة عن بعد (إستفسار)
الشكوى لغيييير الله مذلة
|
| All times are GMT +3. الوقت الآن حسب توقيت السعودية: 09:41 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام