خبر غير سار عن الاختبار
 

الدكتور محمد جوده في المحاضرتين المباشرتين لمادتي الايوبيين والمماليك وتاريخ الخليج العربي القديم ذكر ان الاسئلة ستكون مقالية وعبارة عن عشرة اسئلة لكل سؤال سبع درجات
ومن امثلة الاسئلة اكمل او اذكر الاسباب او اذكر تاريخ حدث ما , وقال ان هذا يتطلبه خصوصية مواد التاريخ .
صراحة اذا هذا الاجراء خاص بقسم التاريخ احس فيه غبن كبير

رد: خبر غير سار عن الاختبار
 

ما نقول الا الحمد لله على كل حال ونسال الله التوفيق والنجاح لنا ولكم سواء كانت مقاليه او موضوعيه وعلى كذا الامور تبي تتغير بقوووه لكن الله يسهلها وقسم التاريخ قالوا صفوا صفين قالوا حنا اثنين الشكوي لله اقول ثلج حار على كذا لازم نعتذر للاخت الريم .

رد: خبر غير سار عن الاختبار
 

اكيد اعتذر وبشدة وصارت تجيب العلم ماشاء الله عليها , لكن وش ذنبنا في قسم التاريخ مع ما نعاني من عدم توفر اسئلة اختبارات سابقة مثل زملاءنا في الاقسام الاخري تكون اسئلة الاختبار مقالية وغيرنا عنده اختيارات متعددة قد يكون الحل صحيح للطالب وهو مختاره صدفة

رد: خبر غير سار عن الاختبار
 

مستحييييييييييييييل

كذا انا اول واحد بحول قسم علم اجتماع اذا بيستغلوا ان عددنا قليل وبنكون اول دفعة يجربون فيها النظام هذا
نحول لعلم اجتماع ونختبر مثل الناس والله يعوضنا في المواد اللي اختبرناها ونجحنا فيها

رد: خبر غير سار عن الاختبار
 

الحين الشباب جالسين ويقولون كذا اجل وش خليتو للبنات كلامكم احنا نقوله انتو الشباب كلمو الجامعه تاكدو من الخبر ناقشوهم وليه وبعدين ليه ماعطونا خبر وش هالكلام انا حاسه انو هالسمستر فيه مصيبه من سويت الجدول على كذا انا اول وحده انسحب من الجامعه مو احول خذو فلوسنا ولا فيه توظيف بتخصصنا واخر شي مقالي يستهبلون ذولا وين وزارة التربيه والتعليم عنهم ليه يفرقون بينا وبين باقي التخصصات محسسيني انهم عندهم حركات وانظمه جديده هم لويضبطون الاعطال اللي تجي نهاية السمستر احنا بخير لا ولا مراكزهم الزفت اللي تى البنقالي مايختبر فيه مراكز زباله زباله وووصخه والشكوى لله اشكيهم لله الله لايوفقهم كل سمستر يدفعونا مبلغ وقدره واحنا ذنبنا نبي نتعلم ونرفع راس البلد وهم يحطون لنا قرارت تعسفيه وين قاعدين انا بصراحه كرهت الدراسه وكل شي بالبلد ناهبين حقوقنا عينك عينك وش ذا

رد: خبر غير سار عن الاختبار
 

معليش اختي خالديه شكلك معصبه حييييييييييييييييييييييل اليوم , طولي بالك وخذي الامور بسهاله وانتي ماشاء الله عليك قطعتي مرحلة طيبة في الدراسة وراح الكثير مابقا الا القليل وان شاء الله الخير قدامك الدولة متحمسة لتوظيف المواطنين وخصوصا البنات .
والله يجمع لك متعة العلم والشهادة والوظيفة

رد: خبر غير سار عن الاختبار
 

رد: خبر غير سار عن الاختبار
 

رد: خبر غير سار عن الاختبار
 

ليت انه غير صحيح لكن اقولك انا سامعه بنفسي وغيري كثير في المحاضرة المباشرة من الدكتور محمد جوده

رد: خبر غير سار عن الاختبار
 

الخبر اكييييييييييييييييد مليووون في المية انا الحييين توني مسكر السماعة من الجامعة

وقالي الخبر صحيح المواد اللي عدد الطلاب فيها اقل من 100 بيكون الاختبار فيها مقالي

وقلت له طريقة الشكوى قال اكتوا للعميد شكوى واطلبوا ان الاختبار يكون عادي مثل ما كان .. والله يعينكم