|
(عدة اسئله اتمنى الاجابه عنها)
السلام عليكم
انا توني جديد بالمنتدى وعندي كم سوال عن الجامعه خاصه التعليم عن بعد اول شي الاختبارات كلها اختيارات ولا فيها كتابي اشوف ناس تقول فيه مقالي؟؟؟؟ واذا النت عندي ضعيف كيف احمل المحاضرات؟ الــمحاضره لو نزلت اليوم مثلا وحملتها بعد سبوعين ولا اكثر عادي ولا لا؟؟؟ واذا جا وقت الاختبارات هل فيه ملخصات تسهل المذاكره ولا اذاكر الكتاب كامل ؟ واذا فيه ملخصات من وين اخذها فيه مكتبه محدده ولا من الانترنت؟ وكم مده الاختبارات يعني اكثر شي؟ سبوع ولا سبوعين؟ والتعليم عن بعد هل يعتبر افضل من الانتساب بمراحل كثيره؟ واعذروني على كثره الاسئله لاني توني جديد واتمنى تجاوبون على كل الاسئله وسلامتكم ههههههههههههه |
رد: (عدة اسئله اتمنى الاجابه عنها)
اقتباس:
بالتوفيق اخووي ارجو اني افدتك |
رد: (عدة اسئله اتمنى الاجابه عنها)
يعطيك العافيه ما قصرت كفيت ووفيت :21:
|
رد: (عدة اسئله اتمنى الاجابه عنها)
تذكرت كم سوال
متى يبدء التسجيل بالتعليم عن بعد يعني اقرب موعد متى؟ بالتاريخ واقدر اختبر بالرياض ولا لا؟سمعت انه فيه عدد محدد بس يعني الكراسي محدوده؟ وسالفه الاختبار المقالي اليوم فرفرت بالمنتدى وجا واحد وكتب النظام الجديد 50 سوال و70 درجه والاختبار بيكون مقالي يعني صح وخطا وعرف وعدد ومدري وش مدري هالكلام صحيح ولا لا لانه لو كان مقالي انا بجيب العيد هههههههههه |
رد: (عدة اسئله اتمنى الاجابه عنها)
وعليكم السلام ورحمة الله وبركاته حياك الله يا عزيزي .. مع خالص المُنى لك بالتوفيق والنجاح بأعلى المستويات بالنسبة لنظام التعليم عن بُعد حسب ما هو موضح أن الأسئله تكون لـ جميع المقررات إختيار من متعدد بإختلاف مقررات العلمي تكون ( 50 سؤال ) والمقررات النظري ( 70 سؤال ) والدرجه من ( 70 ) لكلا الأسئله .. حاليا هذا السمستر تغير القرار نوعا ما ... أصبحت جميع الأسئله ( 50 سؤال ) وعليها ( 70 درجه ) بمعنى أن السؤال الواحد عليه ( 1.4 درجه ) أما الأقسام اللي عدد طلابها أقل من ( 100 طالب ) راح يكون وضع الأسئله لديهم مقالي ... أما درجات المشاركه راح تكون من ( 30 درجه ) موزعه كالتالي : المحاضرات المسجله وهي ( 14 محاضره مسجله ) بالإضافه إلى المحاضره التمهيديه .. راح تنزل بشكل أسبوعي محاضره واحده وعليك تحميلها تحميل كامل بدون إنقطاع بأي صيغة تريد سواء بالصوت أو الفيديو ... أو أنك تتابعها بما لا يقل عن ( 30 دقيقه ) وراح تنحسب لك الدرجه ... وحضورك لها عليه ( 7 درجات ) المحاضرات المباشره وهي راح تكون بمعدل كل شهر محاضره مباشره وهي التواصل مع الدكتور مباشره ( اون لاين ) للإستفسارات عن المقرر والمراجعه وهي ( 3 محاضرات مباشره ) .. يتطلب منك حضورها مباشره وفق التوقيت الزمني المحدد من قِبل الجامعه أو أنك تحملها بعد ما تنزل مسجله في النظام .... وكلا الحالتين تنحسب لك الدرجه وعليها ( 3 درجات ) المناقشات وهي مجرد أسئله تتعلق بالمقرر تنزل أسبوعيا مع المحاضرات المسجله وهي ( 14 مناقشه ) لكل مقرر وعليك الإجابه عليها وعليها ( 10 درجات ) الواجبات وهي ( 3 واجبات ) تنزل كل شهر للمقرر وهي اختيار من متعدد وراح يكون هناك ( 3 فرص محاوله ) للإجابه الصحيحه وتظهر لك الدرجه ... وعليها ( 10 درجات ) جميع درجات المشاركه راح تكون متاحه معاك من بداية السمستر حتى يكتمل نصابها آخر السمستر ويكون لها وقت محدد وفق التقويم الزمني .. وغالبا ما ينتهي وقتها قبل الإختبار بأسبوع تقريبا .. عموما هي محدده من قِبل العماده في الجدول لكل سمستر أما ملخصات المقررات يوجد كثير من الملخصات للطلبه وهي اجتهادات قابله للخطأ والنقص .. تجدها هنا في الملتقى وتجدها في المكاتب ... متى ما اعتمدتها عليك متابعتها مع الدكتور للتأكد من صحتها وعدم نقصها أما الإختبارات فـ هي أسبوعين بالتمام ولكن يعتمد على مقرراتك وأيامها .. بالنسبة للتعليم عن بُعد هو أفضل من الإنتساب أكثر كونه نظام مستحدث والإقبال عليه كثير من الطلبه والطالبات .. التسجيل للتعليم عن بُعد راح يبدأ العام القادم في رمضان .. ولكن حتى الآن لم يتم تحديد التاريخ بالضبط ولكن تابع موقع الجامعه وراح يكون موضح بإذن الله والإختبار راح يكون هناك تحديد للمراكز أي المناطق للإختبارات وراح يكون موضح في التقويم الزمني للجامعه عليك التحديد خلال هذا الوقت لأي منطقه تريد الإختبار فيها أتمنى أني أفدتك ... واتضحت لك الصوره بالتوفيق :16: |
| All times are GMT +3. الوقت الآن حسب توقيت السعودية: 02:17 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه