|
ودآعآ يا طلآب وطآلبآت جآمعة آلملك فيصل ,, فـ الآنسحآب حآن وقته !!
بسم الله الرحمن الرحيم ,, السلام عليكم ورحمة الله وبركاتة ,, أخواني وأخواتي طلاب ومشرفين وأعضاء وزوار حبيت أن أكتب هذا الموضوع الي بيكون آخر موضوع لي هنا ان شاء الله في ملتقى التعليم عن بعد - جامعة الملك فيصل وبيكون آخر موضوع لي عن الجامعة ان شاء الله لأنني قررت وقرارا بدون رجعه الأنسحاب من الجامعة نهائيا !! قد يتعجب البعض منكم هذا الموضوع وهذا القرار في وقت قصير على الأختبارات النهائية لا يهمني الوقت بل أنني كانت فكرة الأنسحاب تراودني من أشهر وحاولت أن أمسحها من مخيلتي ونجحت ولكن الآن أقتنعت بـ فكرة الأنسحاب ! سوف أبين للجميعأسباب الأنسحاب وسوف أقول لكم كل ما بخاطري عن هذه الجامعة والظلم الذي وصلني من قبلها مع العميد السابق / عبدالله النجار !! اقتباس:
ما كتب في الأعلى يختصر عليكم قصتي مع الجامعة العزيزة ! وكان هذا ردي في احد مواضيع الي تتكلم عن الجامعة من قبل أحد الطلاب, لم أحلم ولم أتوقع في حياتي بأن مستقبلي سوف يتدمر ويضيع بسبب جامعة حكومية مبدعة في القرارات التي تكون ضد الطالب ومبدعة أيضا بـ إجبار الطلاب على دفع الرسوم وإجباريا ولا تمهلهم ألا فتره قصيره ! ولكن في نظام المحاضرات والبلاك بورد مبدعة في التعطيل على الطلاب وسبق أن أشتكى مجموعة من الطلاب على الجامعة ولكن (أسمعت لو ناديت حيا ولكن لا حياة لمن تنادي !!) . دعوني أن أتكلم معكم عن الدكتور / عبدالله الفريدان الذي تباشرنا خيرا بتعيينه وكنا نطمح أن يكون خير خلف لخير سلف ولكن الواقع يثبت نفسه بأنه مبدع وما زال يبدع في قراراته الأشبه بالغريبه !, كثير من الطلاب تضرروا وكثير منهم أنسحبوا من الجامعة وحتى هذا الوقت ! . أعتذر لكل من :/ الأخ / my Dreams : فـ هذا الرجل أختلفت معه لكن يبقى الأحترام بيننا قائم . أعتذر من كل المشرفين الذين أتبعتهم معي في إغلاقهم لمواضيعي . أعتذر لكل من أخطأت بحقه ومن ضايقته أو ازعجته . أعتذر وأعتذر للجميع . \ وأشكر كل من وقف معي في أزماتي وأنتم مبدعون شكرا لكم فـ لكم تحية خاصة من القلب ومحبة لا تنقطع ان شاء الله :1: :16: :18: :2: فـ الفراق طعمه مر ! :44: :18: ملاحظة / اذا كان ضياع مستقبلك تحت يد جامعتك فـ ماذا تسمون هذا ؟! أذكروني بالخير وسوف أذكركم سامحوني وحللوني أخوكم ومحبكم / عبدالله عبدالعزيز والسلام عليكم ورحمة الله وبركاتة |
رد: ودآعآ يا طلآب وطآلبآت جآمعة آلملك فيصل ,, فـ الآنسحآب حآن وقته !!
معليش اخوي عبدالله الانسان مهما واجه من ظلم لازم يستمر في الحياة يما ظلمنا ومع ذلك ماشين
معليش عيد ترم عادي الدنيا تركض وتلقى نفسك خلصت بغمضه عين تعيد سنة وتكمل وتجيب نسبة زينه ولاتترك مستقبلك يتوقف على اسباب هي من معروفه من البشر لاتترك ارجع وتعوذ من ابليس والله معك باذن الله |
رد: ودآعآ يا طلآب وطآلبآت جآمعة آلملك فيصل ,, فـ الآنسحآب حآن وقته !!
حاول تغير رايك وانا اختك ... والله مو نهاية الدنيا اذا عدت ترم ..
ان شاء الله الامور سهالات وكل شي بيكون احسن باذن الله .. خليك طموح وعندك همه حسب معلوماتي البسيطه المتواضعه ان المتغيب بعذر لا يعاد له الاختبار وانما يعيد الماده((يحملها ويدرسها من اول وجديد)) وكانه راسب فيها بس الفرق ان الجامعه تعفيه من دفع رسومها لانه متغيب بعذر وهذا اللي اتوقع حصل معك بما انك غايب في كل المواد .. |
رد: ودآعآ يا طلآب وطآلبآت جآمعة آلملك فيصل ,, فـ الآنسحآب حآن وقته !!
الله يعينك ياخوي ماننكر ان اللي صار معك ومع أخواني الطلبه شي بعيد عن الإحترام والاخلاقيات بمراحل كثيره ومازلنا نجهل الاسباب يعز علينا انك تقطع الدرب بعد ماكملت فيه ولكن يضل هذا القرار شخصي بحت اسأل الله لك التوفيق وبإذن الله مابيوقف مستقبلك عليهم ..
|
رد: ودآعآ يا طلآب وطآلبآت جآمعة آلملك فيصل ,, فـ الآنسحآب حآن وقته !!
الحمدلله ع سلامتك.. في الحياة بتقابلك عقبات اكبر وبتمر بظروف اصعب.. ترم او ترمين زيادة مو مشكلة لكن انسحابك النهائي يعني استسلامك .. ياليتك تغيير قرارك.. |
رد: ودآعآ يا طلآب وطآلبآت جآمعة آلملك فيصل ,, فـ الآنسحآب حآن وقته !!
كان الله بعونك
ما تشيين الا تززين ..وأملي بالله كبير .. بعدين أنسحابك ما بيأثر بالجامعه ولا بتقفل أبوابها لكن بيأثر عليك ..بكل واقعيه فمشاكل الجامعات متماثله وكم من الظلم وقع حاول أنك تتجاوز الله كريم الترم الماضي غبت عن مادتين كنت منومه بالمستشفى وقدمت عذر ونزلت لي هالترم مع المواد اهم شيء مايكون تعارض وأبشرك بعيد حتى الـ30 درجه برغم أني خذيتها كامله.. خذ نفس عميييييييييييييييق .. وكمل معانا وأي خدمه حنا موجودين نعين ونعاون وقدامك ألف عافيه .. :16: |
رد: ودآعآ يا طلآب وطآلبآت جآمعة آلملك فيصل ,, فـ الآنسحآب حآن وقته !!
استهد بالله يا رجل
كونك دخلت الجامعة ودرست معناته عندك طموح تكمل دراستك وكون صارت لك مشكلة وظلم من جامعة مش حل انك تنسحب انت بداية دخولك للجامعه عندك هدف ولازم تحققه من كل الصعوبات وهاذي وحدة من الصعوبات لازم تتغلبها وتعديها وتخبطات انظمة الجامعة كثيرة لكن الشكوى لله نبي الشهادة والطموح والجامعات كل وحدة اخس من الثانية |
رد: ودآعآ يا طلآب وطآلبآت جآمعة آلملك فيصل ,, فـ الآنسحآب حآن وقته !!
اقتباس:
فعلا كلام صحيح أشكرك :16: دائما كن محاطا بالامل في حياتك ،، لتستمر بكل قوة وثبات مع متغيرات حياتك ،، تفائل دوما وانهض من جديد وابتسم تبتسم لك حياتك .. اذا شعرت بالفشل تأكد أن ماتشعر به هو مجرد صرااااع بين الاستسلام والمضي قدما نحو هدفك مازال لديك المزيد من الوقت .. :16: |
رد: ودآعآ يا طلآب وطآلبآت جآمعة آلملك فيصل ,, فـ الآنسحآب حآن وقته !!
إلي أعرفه إن الي معه عذر عن الإختبار يدرس المواد من جديد و يختبرها من جديد مع إختبارات الترم الي بعده مع الطلاب قصدي
أما إنهم يختبرونكم لحالكم ببداية الترم هذا غير صحيح و أول مرة أسمع فيها شكلك فهمت كلام المسئولين غلط الدليل ببداية كل ترم عند تسجيل المواد الجامعة يرسلون رسايل بالجوال إن الي معه عذر و قبلنا عذره لا يسجل مواد و الجامعه هي الي بتتكفل بتسجيل المواد له |
رد: ودآعآ يا طلآب وطآلبآت جآمعة آلملك فيصل ,, فـ الآنسحآب حآن وقته !!
اخوي عبدالله يبدو انك وصلت لمرحلة صعبه ومالومك في ظل القرارات المفاجأه وتعطل الانظمه يعني نشوفها من وين ولا من وين صابتني نفس حالتك وقلت خلااص مافيها طالعه طالعه بالرغم اني شادة حيلي وتعبت بالدراسه عشان احافظ ع معدل معين ومادري وش مصير معدلي هالترم اذا مصممين ع الخمسين درجه لكن وصلت لقناعه ان اذا هم يتحدوني فانا قد التحدي بعترض وبتكلم وبقول واللي فيه خير ربي يجيبه لكن انسحابك بسرعه كذا وبهالوقت ماله داعي لانك ماجربت نفسك بالتحدي للحين انا تأزمت من قرار الكل يشوفه انه ضد مصلحة الطالب بما انك تكلمت عن القرارات الغريبه وكلنا اعترضنا وللحين معترضين الا اذا كانت فيه تعديلات ثانيه مو بس بعدد الاسئله ترضي الجميع مثل زياده درجات المشاركه او تغيير تقديرات الدرجه .. انصحك اخوي ان تكمل وتشوف جرب احسن من انك تنسحب وماجربت ماتدري يمكن تكون خيرة ويمكن يتراجعون او يمكن يعدلون ع القرار ويمكن مع قرارهم الجديد ماراح يأثر عليك وتجيب معدل حلو ماتدري فيه احتمالات كثيره ممكن تصير |
| All times are GMT +3. الوقت الآن حسب توقيت السعودية: 01:24 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه