ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   الترم الصيفي وطريقة الفوز به بأذن الله لنتعاون هلمووو (https://vb.ckfu.org/t445786.html)

ابو غيداء 2013- 4- 15 04:17 PM
الترم الصيفي وطريقة الفوز به بأذن الله لنتعاون هلمووو
 
السلام عليكم ورحمة الله وبركاته

http://store2.up-00.com/Apr13/FiK29652.png

زي منتم شايفين تغريدات الدكتور عبدالله

الله يعطيه العافيه
اخواني الطلاب اخواتي الطالبات

المغزا من كلام الدكتور هو الأستطلاع اذا شاف ان العدد واجد ويستاهل

بيفتحون صيفي وهذا هو المطلوب

يالزملاء


خلونا يد وحده لاحد يختار ماده من راسه
ركزو معي

على كل مستوى بكل تخصص فتح موضوع بهذا الشان والأتفاق من جميع الطلبه على مادتين واذا فتحت الأيقونه اختيار المادتين من كل طالب .

طريقة اختيار الماده : يكون بدارسة جدول الاختبارات على المدى الطويل بجميع المستويات القادمه واختيار الماده الصعبه و التي معها ماده بنفس اليوم ليسهل علينا الاختبار والتفوق بأذن الله .
*و اتمنى من المشرفين تثبيت موضوع بكل قسم بهذا الخصوص وكل طالب يطرح الماده التي هو بحاجتها وبالنهايه اختيار الماده لأكثر طلب عليها واتمنى ان لا يكون مقرر قد اختبر من قبل بل مقرر جديد.

اخواني الطلاب هذي فرصه لا نضيعها خلونا يد وحده متعاونه ومتماسكه لنكسب هذا الأستطلاع والله يكتب اللي فيه الخيرر

عذرا على عدم تنسيق الموضوع

ودي واحترامي للجميع

AL-Maram 2013- 4- 15 04:20 PM
رد: الترم الصيفي وطريقة الفوز به بأذن الله لنتعاون هلمووو
 
يب يب كلامك سليييم ..

im Diamond 2013- 4- 15 04:25 PM
رد: الترم الصيفي وطريقة الفوز به بأذن الله لنتعاون هلمووو
 
طيب والي حامل مواد ويبي يخلصهم بصيفي شيسوي ؟ اتوقع صعب الاتفاق لان كل شخص

عنده خطته وترتيباته احتمال تطلع بل حظ ان انتفقو ع مادتين بس

ابو غيداء 2013- 4- 15 04:34 PM
رد: الترم الصيفي وطريقة الفوز به بأذن الله لنتعاون هلمووو
 
اقتباس:
المشاركة الأصلية كتبت بواسطة im diamond (المشاركة 8600448)
طيب والي حامل مواد ويبي يخلصهم بصيفي شيسوي ؟ اتوقع صعب الاتفاق لان كل شخص

عنده خطته وترتيباته احتمال تطلع بل حظ ان انتفقو ع مادتين بس
يعطيك العافيه

كلام صحيح ولكن نحسبها بالعقل لو كل واحد حط ماده حاملها ماطلعنا بنتيجه ابد

ولكن بالأمكان الاتفاق ع ماده من مستويات قادمه بالصيفي لنظمن الترم وتسجيل الماده المحموله بالترم الذي يليه

كذا نطلع بنتيجه ان شاءلله

ترانيم الوفـا 2013- 4- 15 04:38 PM
رد: الترم الصيفي وطريقة الفوز به بأذن الله لنتعاون هلمووو
 
فكره حلوه

خلونا نتفق ونكون يد وحده

عساكم ع القوه:21:



يعطيك الف عافيه ع طرح الفكره

im Diamond 2013- 4- 15 04:40 PM
رد: الترم الصيفي وطريقة الفوز به بأذن الله لنتعاون هلمووو
 
اقتباس:
المشاركة الأصلية كتبت بواسطة ابو غيداء (المشاركة 8600490)
يعطيك العافيه

كلام صحيح ولكن نحسبها بالعقل لو كل واحد حط ماده حاملها ماطلعنا بنتيجه ابد

ولكن بالأمكان الاتفاق ع ماده من مستويات قادمه بالصيفي لنظمن الترم وتسجيل الماده المحموله بالترم الذي يليه

كذا نطلع بنتيجه ان شاءلله

الله يعافيك برضو كلامك منطقي الله يسهلها بس زين افتحو ولا هين الباقي سهل :34:

أبو عبدالله13 2013- 4- 15 04:56 PM
رد: الترم الصيفي وطريقة الفوز به بأذن الله لنتعاون هلمووو
 
كلامك أخوي ابو غيداء :21:

@منصور@ 2013- 4- 15 05:00 PM
رد: الترم الصيفي وطريقة الفوز به بأذن الله لنتعاون هلمووو
 
طيب معليش خلوني اشطح شوي

هالحين وش الفايده من الترم الصيفي , انا اشوف ان فترة الصيف فترة الواحد فيها يسترخي من شد الدراسة والهم والغثى , خصوصا اننا طلاب انتساب وليس انتظام والامور عندنا شبه سهالات ولله الحمد فليش الشده اللي ماادري وش النفع منها بالضبط ,, بالنهاية ماراح تختصر 8 مستويات كلها بناخذها ,, لماذا لا نأخذها بسعة واريحية ,, هذي هي خلاصة الموضوع

والله يوفقنا جميع

Faisal2020 2013- 4- 15 05:02 PM
رد: الترم الصيفي وطريقة الفوز به بأذن الله لنتعاون هلمووو
 
ممتاز الله يكتب اللي فيه خير يا رب :2:

Hanan_M 2013- 4- 15 05:09 PM
رد: الترم الصيفي وطريقة الفوز به بأذن الله لنتعاون هلمووو
 
اقتباس:
المشاركة الأصلية كتبت بواسطة im diamond (المشاركة 8600448)
طيب والي حامل مواد ويبي يخلصهم بصيفي شيسوي ؟ اتوقع صعب الاتفاق لان كل شخص

عنده خطته وترتيباته احتمال تطلع بل حظ ان انتفقو ع مادتين بس
اكيد الكل محتاج الصيفي بس كلام منطقي نراعي اللي حاملين مواد
وبالاول والاخير نخلص اختبار هالترم ونشوف كيف علشان نقدر نتفق ع المادتين
ويفضل كل شخص يختار له مادتين كانت عائق له لان كذا او كذا كل استاذ راح يكتب اسئله
وهذا مجرد رأي و اختلاف الرأي لايفسد للود قضية,,
ابو غيداء عساك ع القوه لاخلا ولاعدم
لك كل الشكر ع مجهودك الرائع
ودي واحترامي للجميع

Lovelyy 2013- 4- 15 06:00 PM
رد: الترم الصيفي وطريقة الفوز به بأذن الله لنتعاون هلمووو
 
ابو غيدا انت كذا:21::3::3::3:
فعلا الافضل كل مستوى يتفقون على مادتين عشان مايلقون عذر .....
وبعدين افضل عشان كل مستوي يتساعدون بالمراجعة والاسئلة مو كل واحد مادة .....
طبعا للي حاب يضيف صيفي ....
بس المهم مايطولون ب (فقط استطلاع للمقرارت)
ياليت يطبقونة عشان نبدا من ذا الصيف ونخفف من المواد الي علينا....
واللة يوفق الجميع ويسهل علينا.

مانجو بالحليب 2013- 4- 15 06:35 PM
رد: الترم الصيفي وطريقة الفوز به بأذن الله لنتعاون هلمووو
 
الاستطلاع حتى يشوفون المقررات (المواد) الاكثر طلب لدراستها في الصيف وينزلون فيها صيفي ...

لذلك لابد من كل مستوى الاتفاق من قبل الطلبة على اكثر المواد صعوبة للانتهاء منها في الصيف ..

طالبه علم الاجتماع 2013- 4- 15 06:54 PM
رد: الترم الصيفي وطريقة الفوز به بأذن الله لنتعاون هلمووو
 
انا عندي ثلا مواد عائقه لي هم الاحصاء والانجليزي كتابه لانه ماجلتها :18::23:

حلـ....ـم 2013- 4- 15 07:04 PM
رد: الترم الصيفي وطريقة الفوز به بأذن الله لنتعاون هلمووو
 
ياسلام على الأخبار الحلوه اليوم ..
أولها ايقونة تحديد المركز واللحين الترم الصيفي
طبعاً لازال استطلاع لكن بإذن الله تتم الموافقه عليه ..
كلامك سليم والهمه اللحين على مشرفينا الأفاضل بفتح مواضيع استطلاع لكل مستوى وتحديدالمواد زي ماتفضلت أخوي ابو غيداء..

يزيد الدوسري 2013- 4- 15 07:13 PM
رد: الترم الصيفي وطريقة الفوز به بأذن الله لنتعاون هلمووو
 
أقترح تكون المادتين لنفس الدكتور على أساس تكون جلسته في الصيف معنا مقنعة له ( تجيب هّمها ) :8: شرايكم في عبقريتي :14:

ميلاد دمعي 2013- 4- 15 07:20 PM
رد: الترم الصيفي وطريقة الفوز به بأذن الله لنتعاون هلمووو
 
انا موفق علي اللي تختارونه وانا معاكم في اختيار مادتين للمستوي القادم عشان نخفف علي انفسنا

وعشان مايجي المستوي الثامن الا باقيلنا عدد ساعات قليله ونرتاح بعد

سنعوره 2013- 4- 15 07:22 PM
رد: الترم الصيفي وطريقة الفوز به بأذن الله لنتعاون هلمووو
 
كلااااااام جميييييل
اتمنى ان يكون هناك ترم صيفي
اي احد مخه نظييييف يرتب لنا جدول
وانشاء الله نتفق مع بعض

الفريد 2013- 4- 15 09:31 PM
رد: الترم الصيفي وطريقة الفوز به بأذن الله لنتعاون هلمووو
 
جزاك الله خير

شموخ المطيري 2013- 4- 15 11:38 PM
رد: الترم الصيفي وطريقة الفوز به بأذن الله لنتعاون هلمووو
 
اتفقوا علي مواد العامه لانها دسمه وبرضو انجليزي

مثل قضايا وتاريخ وقواعد والحضارة ونظريه
يعني مواد العامه أصعب

¸¸مـلآكـ¸¸ 2013- 4- 15 11:57 PM
رد: الترم الصيفي وطريقة الفوز به بأذن الله لنتعاون هلمووو
 



~


معقولآٰ تركًيزهم عٰٓ آٰلمآٰده آٰلمفترض يركزوٰٓن ع عدٰٓد آٰلطلبهٰٓ آٰلمآٰخذين صيفي موٰٓ آلموآٰد شنوٰٓ آلهدف !!

منطقٰٓهم غريب كلٰٓ شخص له حريٰٓه آلأختيار وليس آلارتبآٰط ،، ولؤٰٓ عددٰٓ الطلبه قليلٰٓ ممكًن أكون معآٰهم لأن صعبهٰٓ نجيبٰٓ دكتور ع طلبه عددهم

لآٰيتجآٰوز آلعشره، لكن بعٰٓد صعبه نركًز ع دكتورين فقط ويرتآحو بآٰٓقي الدكآٰترهـ

موٰٓ عآٰرفه شنو آلمغزىٰ من تركيزهٰٓم ع المقررٰٓ أكثر من تركيزهمٰٓ ع آٰلطلبهٰٓ ..

لكًن بنهآٰيه أكيد مصلٰٓحه آلجماٰعه أهم دآٰم ممكًن نطلع بنتيجٰٓه :2:

رزان عبدالله 2013- 4- 16 12:20 AM
رد: الترم الصيفي وطريقة الفوز به بأذن الله لنتعاون هلمووو
 
يارب يكون لنا ترم صيفي. .وتكون 3مقررات

نـوره الشهري 2013- 4- 16 12:30 AM
رد: الترم الصيفي وطريقة الفوز به بأذن الله لنتعاون هلمووو
 
يعني الترم الصيفي يكون مادتين بس ليش سلامات ندرس ثلاث اشهر مثله مثل اي مستوى و بالاخير مادتين بس حنا نبي نخلص خير يحطون مادتين بس

نـوره الشهري 2013- 4- 16 12:39 AM
رد: الترم الصيفي وطريقة الفوز به بأذن الله لنتعاون هلمووو
 
انا اشوف لو نختار مواد سهله لان الصيف يكثر فيه المناسبات و الضيوف و الطلعات و الخرجات و السفرات يعني مو ملحقين على المذاكرة خلوها 2 في واحد عصفورين بحجر ناخذ مواد سهله منها نخفف ساعات و مواد بالمستويات القادمه و منها نرتاح ما نشيل هم بالصيف لانها مواد سهله و منها نذاكر بروقان لانها مواد سهله و منها نجيب معدلات حلوه لانها مواد سهلة و منها نقدر نسجل ساعات كثيرة لان معدلاتنا ارتفعت بسبب المواد السهله اللي اخترناها و و و و القائمة تطول لانها مواد سهله

وربي ان تفكيري بطل طيعوني صدقوني ما تندمون

ضحى 2013- 4- 16 09:09 AM
رد: الترم الصيفي وطريقة الفوز به بأذن الله لنتعاون هلمووو
 
كلنا نبي الصيفي

ع الاقل يخفف علينا ضغط المواد


:21: عجبني موضوع دورات اللغه


كل الشكر لك اخوي


:

عطرالحكي 2013- 4- 16 09:37 AM
رد: الترم الصيفي وطريقة الفوز به بأذن الله لنتعاون هلمووو
 
راح يكون في الرياض مركز اختبار للترم الصيفي او بس الاحساااء

NONYAH 2013- 4- 16 09:48 AM
رد: الترم الصيفي وطريقة الفوز به بأذن الله لنتعاون هلمووو
 
رآيي هو "
من الافضل ان تخصص الجامعه السمستر الصيفي لجميع المواد العامه بدون اتفاق او حصر لعدد معين او لماده معينه ، مع ٨ ساعات كحد آعلى للطالب
ع الاقل ننزل من الحمل اللي محملينا هوه :35:

Gm0o7 2013- 4- 16 10:03 AM
رد: الترم الصيفي وطريقة الفوز به بأذن الله لنتعاون هلمووو
 
الموضوع كذا صعب انا عندي مثلا ماده نحو ثنين وماده منً مستوي قادمً ابي اخفف الضغط ما يمكن نتفق بحكم اننا ندرس بفلوس مفروض الجامعه تلبي هالطلبً وكل طالب له اختيار مادتين ويكون فيه مواد منزله من الجامعه بامكانك تختار منها بكل فصل صيفي بالبدايه ولا تنسونً عدد طلاب الجامعه المنتسبين كبير جدا

بوحليقة الدمام 2013- 4- 16 10:03 AM
رد: الترم الصيفي وطريقة الفوز به بأذن الله لنتعاون هلمووو
 
بداية اود ان ادعو للجميع بالتوفيق ..
وبالنسبة لموضوع الفصل الصيفي انا مع الأخ ابوغيداء ، ولكن اعتقد بأن الموضوع يكون صعب حيث أن كل منا له ظروفه و الخطة التي يسير عليها ،..
فعليه يجب أن نحاول أن كل منا يختار مادتين وبالفرز ستحدد المواد ( واعتقد اننا لن نخسر شيء )

NONYAH 2013- 4- 16 10:21 AM
رد: الترم الصيفي وطريقة الفوز به بأذن الله لنتعاون هلمووو
 
راح ابدآ بنفسي
ان شاء الله راح اختار نحو تطبيقي ٢ + مبادئ الاحصاء

coffee mate 2013- 4- 16 11:11 AM
رد: الترم الصيفي وطريقة الفوز به بأذن الله لنتعاون هلمووو
 
أخواني وأخواتي اسمحو لي أن ابين وجهة نظري
انا أشوف الافضل ان لايكون هناك اتفاق على المواد لانه من المستحيل لان الطلاب والطالبات يختلفون في المواد والرغبات فمثلا بعض الطلاب رسب في مواد ويبي يخلصها صيفي والبعض الاخر له رغبه في مقررات معينه فمن الافضل ان كل طالب وطالبه يختار الماده على رغبته ومصلحته ولو افترضنا ان هناك اتفاق فخلونا نقول نتفق على مواد من المستويات المتقدمه يعني المستوى السابع والثامن لان الاغلبيه لم يدرسو هذه المقررات ومن الممكن ان يدرسها جميع الطلاب والطالبات يعني مثلا ماده من المستوى الثامن او مادتين او ثلاث مواد تجد جميع الطلاب لم يدرسوها نقدر نتفق عليها ونطالب فيها ونسجلها وبكذا نحل المشكله ولكن انا من وجهة نظري ان الجامعه مسئوله عن تأمين الترم الصيفي وان يتم تأمين نسبه كبيره من المقررات بدون وضع عقد واشتراطات فالانتظام في جامعة الملك فيصل عندهم ترم صيفي لغالبية المقررات والدكاتره الافاضل موجودين ؟السؤال المهم ليه يصعبون علينا موضوع الترم الصيفي ويحددون المقررات ونحن نطالب في الترم الصيفي من ثلاث سنوات؟
الان نقول لامانع من الاستفتاء واخذ وجهة نظر الطلاب ولكن هذا لايعفي الجامعه من ان يتم فتح الترم الصيفي وتوفير غالبية المقررات للطلاب والطالبات وتقبلو رأيي ولكم ودي

я σ σ η ч 2013- 4- 16 12:14 PM
رد: الترم الصيفي وطريقة الفوز به بأذن الله لنتعاون هلمووو
 
كل واحد منكم له رأي

بالنسبة لصيفي كل واحد ياخذ المواد اللي حملها ولا اللي اجلها والا اللي يحس انه مضغوط فيها

المهم طلاب وطالبات الانجليزي اللي ماخذ علم اجتماع ياخذه بالصيفي خاصتا مستوى رابع وثالث لان هي المادة الوحيده اللي تعارض مع مواد التخصص او يكون فوقها وتحتها مواد صعبه

ف نصيحة مني اخذوها بالصيفي عشان نفتك منها :11:
ونرتاح

السمو ترب خاص 2013- 4- 16 12:45 PM
رد: الترم الصيفي وطريقة الفوز به بأذن الله لنتعاون هلمووو
 
أهم شيء قضايا ثفافيه معاصره خلوها صيفي

ماشاء الله 2013- 4- 16 12:49 PM
رد: الترم الصيفي وطريقة الفوز به بأذن الله لنتعاون هلمووو
 
طيب كم حد اقصى لساعات راح يخلونه لنا في الترم الصيفي

ماشاء الله 2013- 4- 16 12:58 PM
رد: الترم الصيفي وطريقة الفوز به بأذن الله لنتعاون هلمووو
 
بس انا اشوف ان مادتين قليل فيه طلاب او طالبات يحملون اكثر من مادتين ياليت يزدوانهم على الاقل 6او7 ماده

я σ σ η ч 2013- 4- 16 01:33 PM
رد: الترم الصيفي وطريقة الفوز به بأذن الله لنتعاون هلمووو
 
اكيد اربع ساعات
الترم الصيفي اذا مشى معنا هذا الترم بيكون كل سنه فيه صيفي
ما نحتاج نضغط ع نفسنا ب صيفي واحد و ناخذ 6 او 7 مواد
وترم الصيفي ما راح بيكون زي الترم اللي متعودين عليه بيكون عندنا زوجات وعزايم وسفر وحاله

واختبارات احتمال تكون ب رمضان ^ الله عالم متى
حطوها ببالكم وبعد الفترات ووقت الاختبار

^ صعبه تخذون اكثر من مادتين :36:

سهم السهم 2013- 4- 16 01:50 PM
رد: الترم الصيفي وطريقة الفوز به بأذن الله لنتعاون هلمووو
 
لو كل واحد يبي المادة الي يختارها ماراح يكون فيه ترم صيفي

لكن المادة الوحيدة الي يتفق عليها الجميع هي فقة السيرة

لأن توقفت ترم بسبب الدكتور واغلب الطلبة احذفوها
اتفاقنا على فقة السيرة مهم

я σ σ η ч 2013- 4- 16 02:44 PM
رد: الترم الصيفي وطريقة الفوز به بأذن الله لنتعاون هلمووو
 
العام 15 الف طالب اخذ الفقة السيره
م ظنتي فيه ناس كثير ما اخذوها

أبو تركي الرياض 2013- 4- 16 04:46 PM
رد: الترم الصيفي وطريقة الفوز به بأذن الله لنتعاون هلمووو
 
جزاك الله خير ...


All times are GMT +3. الوقت الآن حسب توقيت السعودية: 07:33 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه