ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   دعوه لأحترام العقول وبداية جديدة بإذن الله (https://vb.ckfu.org/showthread.php?t=465856)

جُ ــنُونُ 2013- 5- 24 04:21 AM

دعوه لأحترام العقول وبداية جديدة بإذن الله
 
السلام عليكم ورحمة الله وبركاته

بداية سبب كتابتي لهالموضوع الأمور اللي نشوفها تتكرر خلال فترة الاختبارات

حاولت أتجاهلها كثير ويمكن كثير مثلي

بس اللي صاير أنكم أجبرتوني أحكي بالموضوع

أول شيء أنتو جالسين تقولون حنا كبار ومافي أحد فينا أقل من 20 سنه

أجل وش حركات المراهقين هذي والدعاوي على العالم

كل ماتضايقتوا من دكتور ماده أو مراقب بديتوا فيها

وش اللي يشوفها بعياله والله لا يبارك فيه وماني عارفه ايش

عيب ياعالم والله عيب بطلو هالتصرفات

الدكتور مطلوب منه يختبرنا بكل شي موجود بالمحتوى من حقه يحط اي سؤال دامه ماخرج عن المحتوى


و المراقب أنسان مسؤول وهذي أمانه وراح ينسأل عنها يوم القيامه

أعطوه أوامر محدده وقوانين محدده وهو لازم يطبقها بحذافيرها

ارسلوا لنا الجامعه مسج أن الجوال غش مرتين خلال الاختبارات يعني الحكايه واضحه أنهم مدققين

ويجيك واحد يدعي عالمراقب ويهاوش والعالم وراه ماصدقوا يمسكون سالفه


أنا معكم أن مرات الإنسان نيته سليمه بس النظام نظام

وهالأمور أماااااااااااااااااااااااانه حطوها في بالكم أماااااااااااااااااااااانه محد يقدر يخون الأمانه ربي بيحاسبنا عليها

بطلوا حكاية الدعاوي هذي وربي كرهت الملتقى من كثر ماأشوف هالدعاوي دكاتره ومراقبين خلاص بجد يكفي


كلنا عندنا بيوت ووظايف وعيال ونذاكر اختبارنا ونذاكر لهم أختبارهم بعد هذا غير المسؤليات خارج البيت بعد

مافي شي يجي بسهوله مو معقول بيعطونا شهاده وحنا ماسوينا شيء

لحد يقول مشغول وماعندي وقت وظروف كل واحد يقدر يدبر له لو ساعتين يذاكر فيها

أبدأ من أول السمستر أمسك المواد شوي شوي كل وقت فراغ عندك

وإذا كنت ماتقدر بلاش هالجامعه من أساسها

لأني أول وحده ماراح أسمح أن أحد ينعطى شهاده بدون مايكون يستاهلها

لأن في الأخير الجيل الجاي عيالنا هم اللي بيخسرون بسبب مافي معلمين كفؤ

بسبب أن فيه ناس ماخذين الشهادات بدون مايكون أستفاد من تعليمه شيء

أخطائك لاتحملها غيرك أجتهد حاول قد ماتقدر

وربي مايضيع تعب

هالحكي من قلبي وأتمنى تفهمون وجهة نظري لأن جد تعبنا من هالحكايات

وحنا كبار كثير عليها

تمنيت ماأكتب موضوع مثل كذا بس يمكن تصحون من هالغفله وتنتبهون لهالأخطاء الكبيره
ختاماً أرجو أنكم تتقبلون كلامي بصدر رحب لأن ماحكيت الا من قهر فيني

قلب أبوها 2013- 5- 24 04:33 AM

رد: دعوه لأحترام العقول وبداية جديدة بإذن الله
 
مشكلتنا كل واحد يجي يطقطق ب امور م تستاهل النقاش فيها ويحسسنا ان سكان الارض فيهم ملائكة =\

من يشوف كلام "نقادنا" يقول هالطلاب شعب الله المختار م يمديهم يقولون يارب إلا استجابت دعوتهم حتى لو كانت ظلم =|
ي عزيزتي اذا ربنا سبحانه قال "لا يؤاخذكم الله ب اللغو في أيمانكم" وهو حلف ب اسم الله العظيم كيف دعاء من غير استحضار قلب ومن دون حق ؟
واذا ربنا -سبحانه- ح يستجيب لأي دعوة "شر" رايحة جاية راح يتصف ب الظلم [ تعالى الله عن ذلك علوا كبيرا ]

يعني الله يعافيكم هي كلها فضفضة الواحد يجي يفضفض سالفة تبغون البشر على م تشتهوون مب صايرة يعني م ادري ايش دخل العقل واحترامه ب فضفضة كم طالب،

اذا شفتونا خلصنا كل مواضيعنا "المهمة" وحليناها هاتوا المواضيع الثانوية اللي تسبب حششو وزحمة ع غير سنع وبس قرق ...


وعذرا جنون إذا اني جننت في موضوعك واطلت :16:

زورق* 2013- 5- 24 06:57 AM

رد: دعوه لأحترام العقول وبداية جديدة بإذن الله
 
.




وعليكم السلام ورحمة الله وبركاته


كلام سليم يا جنون ١٠٠٪


الكل التحق بالجامعة يريد الشهادة وعارف انها دراسة


فإذا أخفق الشخص في خطواته فلا يرمي إخفاقه على


دكتور أو مقرر بعينه وقبل أن يرفع يديه للسماء عليه أن يتذكر


بأن دعوته مردودة عليه إن كانت بغير حق ..


وحينما نحكم العقل والمنطق سنجد بأن الأسئلة كانت في متناول الجميع


بل كانت مناسبة لأصحاب المستويات الأقل من متوسطة لكن البعض


تعود يذاكر بليلة الاختبار الأسئلة المصورة لنماذج قديمة وعاجبه الوضع ورافض التغيير


ومن حق الدكتور يضع أسئلته شاملة لجميع المستويات ويراعي الفروق الفردية


وعشان يراعي هالفروق طبعا الكل بيقول لازم يكون فيه فقرات سهلة عشان الطلاب الأقل مستوى


وبقول برضوه لازم يكون فيه فقرات صعبة تميز الطالب المتفوق وأسئلة متوسطة وهكذا


هذا الصحيح اللي يزعل منه البعض والحق المفروض ماينزعل منه


وان شاء الله يتعلم كل شخص من هفواته ويبدأ بصفحة جديدة


شكراً جنوووون وجزاك الله خير


واعية ومميزة كما عهدناك


بالتوفيق






.

آلله يسهلهآ 2013- 5- 24 09:42 AM

رد: دعوه لأحترام العقول وبداية جديدة بإذن الله
 
كلامك سليم اختي و الله يبارك فيك

بالنسبه لي أضعت كم درجه كانت بمتناول اليد و أوجه اللوم لنفسي و ليس للدكتور

بالعكس تماما كانت الاسئله سهله و موضوعيه و متعاونين مع الطلاب و مقدرين لظروفهم الاجتماعيه و أشغالهم اليوميه

الله يبارك فيك و فيهم و يجزاك خير

:2:


All times are GMT +3. الوقت الآن حسب توقيت السعودية: 02:00 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه