ملتقى طلاب وطالبات جامعة الملك فيصل,جامعة الدمام - ::: :: تجمع طلآب وطآلبآت مستوى ثآلث إدآرة أعمآل

خطة5*6

مستمره الى التخرج يعني ترتيب المواد راح يضل بهذا الشكل على طول والأفضل دائماً نمشي على الخطأ حتى ما نتفاجا وقت التخرج بمواد ما أخذناها فيه وحده قبل فتره نزلت موضوع المفروض متخرجه وطلعت عندها ماده ما حذتها وبتدرس تيرم طول بعرض علشانها:31:

الله يعين انا شكلي باخذ ترم زياده علشان الانقلش اذا مانزل صيفي في الفترات الجايه :12::12:

Ms.Solo

2013- 6- 4 08:47 AM

رد: ::: :: تجمع طلآب وطآلبآت مستوى ثآلث إدآرة أعمآل :: :::

والله كانت الأسئلة حلوه التيرم هذا لو انك اخذتيه ما كان تعبتك الدفعة ما شاء الله ما قصروا كانوا مره متعاونين ويشرحونها للجميع ويبسطونه

أن شاء الله ما تحتاجين تيرم زياده

هتان 2

2013- 6- 4 08:50 AM

رد: ::: :: تجمع طلآب وطآلبآت مستوى ثآلث إدآرة أعمآل :: :::

اختي ام سلوو انا عندي اخ مايحب لي الخير مايبيني اكمل تعليمي الجامعي يتضاهر ان يحب لي الخير بطريقة الخبث طوال السنوات الي مضت شفت منه الشرر رغم انه اخوي يعني ماشفت منه شي يد ل انه يبي الخير انا بعض الاحيان اسولف معه صحيح وكذيه المهم دائما وابدا يقولي غير تخصصك وغير تخصصك انا حلمي بهاتخصص اني اشتغل في بنك وربي حاط املي بعد الله سبحانه بهاتخصص المهم الناس الي حوليه انا دائما ولله الحمد مداوم بالمسجد قالي واحد مؤذن كبير بالعمر انت الحين وش تسوي تشتغل تدرس قلتله ادرس قالي وش تدرس قلتله ادرس بالجامعه قالي وش تخصصك قلتله ادارة اعمال مع اني مابي احد يدري اني ادرس بس قلطه بلساني طلعتها لان هنا بالحاره فيهم صفة الحسد وكذيه وانا اخاف من هشي جاني اخوي هذا الي يكرهني قالي لاتقول حق احد انك تسوي كذيه ولاتسوي كذيه ماراح يفرحون لك راح يحسدونك ماراح يتمنون لك الخير راح يتكلمون من وراك ويقولون هذا طلع مب سهل الرجال وكذيه وهذا الكلام كان بأيام الامتحانات الفصل الثاني وربي كلا افكر بالموضوع وكذا والشيطان يلعب مخي وحاط بنفسي قناعه اقوول فيها لاتترك دراستك مهما كان السبب :39: وكل ماسمع ذاك المؤذن تجيني حاله غريبه اقول بنفسي ليتني ماقلتله شنو نصايح الي توجهيها لي يام سلوو جزاك الله خير يارب:22:

جواهر ناصر

2013- 6- 4 08:51 AM

رد: ::: :: تجمع طلآب وطآلبآت مستوى ثآلث إدآرة أعمآل :: :::

اقتباس:

المشاركة الأصلية كتبت بواسطة Ms.Solo (المشاركة 9088880)

أن شاء الله

بس اكره ماده عندي الانقلش :mh12:

Ms.Solo

2013- 6- 4 09:01 AM

رد: ::: :: تجمع طلآب وطآلبآت مستوى ثآلث إدآرة أعمآل :: :::

شوف وأنا أختك انا قريت كلامك أيام الاختبارات وتوقعت انك نسيت وانتهى الموضوع
ويبدو أن الموضوع للأسف لا زال شاغل حيز في تفكيرك

الحسد يورد الرجال للقبور والجمال للقدور

لكن وأشدد على كلمة لكن

كل شئ بعد الله وحوله والتوكل عليه حق توكله بيدك
بتقولي كيف ،، بقولك كل شخص مسؤول. عن كل فكره يزرعها بعقله الباطن ويكبرها

استمرارك بالتفكير بالموضوع هو اللي راح يكبر حجمه ويسبب لك مشكله حتى لو كان ما يستأهل

ولأجل أبين لك أني افهمه عليك وحاسه بشعورك وما أتكلم من فراغ ،، انا عند أختي الله يصلحها نفس الطبع
عندها شعار إذا ما كنت أحسن منها يخرب عليها:5:

زمان كنت دائم أزعل واشيل هم ومدري ايش ولقيت والله محد بيتعب غيري وبيدي انهي الموضوع لما اتجاهلها و اوكل ربي
بالعكس راح يموتون قهر ،، وهنا انا انسدح بالصالة تحت المكيف وأجمع في ذا الحسنات وي الله من فضلك :5:

وبعدها والله ارتحت لا علي من احد ولا اعطي احد أكبر من حجمه لان هذا اللي يسبب المشكلة من الأساس

كبرها بتكبر وصغرها بتصغر خيو هتان :21:

اشغل نفسك بدراستك وانساااهم

هتان 2

2013- 6- 4 09:29 AM

رد: ::: :: تجمع طلآب وطآلبآت مستوى ثآلث إدآرة أعمآل :: :::

اختي ام سلوو كلامك جميل جداا وربي انا هنصايح لازم احطها في بالي وحطها ملف مقدر استغني عنها بصراحه وصحيح كلامك كثر تفكر يمكن يسببلي كوارث ماله نهايه وصح اذا صرت احسن منه قال اخرب عليه وهذا الي يبقاه وربي انكم جنه معاي بالمنتدى الله يحفظكم اختي ام سلو نادي ام جهاد بعد تعلق على موضوعي الي فووق لان بنسبالي هالبنت كنز بعد وبقية البنات الوردة الخجوله ومنيرة اشكثرهم الي يحببوون الخير لي وللجميع وربي اشكرعلى هالمجموعه الطيبه ربي لايحرمني منكم وبحاول قد ماقدر انسى الموضوع يارب سهل دربي وكن يارب واذا لي نصيب باخذه بأذن الله سبحانه :29:

Ms.Solo

2013- 6- 4 09:34 AM

رد: ::: :: تجمع طلآب وطآلبآت مستوى ثآلث إدآرة أعمآل :: :::

ربي يسعدك تم التنبيه

جواهر ناصر

2013- 6- 4 09:39 AM

رد: ::: :: تجمع طلآب وطآلبآت مستوى ثآلث إدآرة أعمآل :: :::

اقتباس:

المشاركة الأصلية كتبت بواسطة هتان 2 (المشاركة 9088894)

اخوي هتان 2 اذا بتفكر بكلام الناس بتتعب كثير ولا راح تنجز شي بحياتك لا العلميه ولا العمليه احصر تفكيرك بدراستك ومستقبلك وإستعن بالله بكل أمورك .

mo7ammo

2013- 6- 4 10:03 AM

رد: ::: :: تجمع طلآب وطآلبآت مستوى ثآلث إدآرة أعمآل :: :::

اقتباس:

المشاركة الأصلية كتبت بواسطة هنادي خالد (المشاركة 9088110)

تصبحون على خير

والسموحة من اي احد نسيت اسمة

:16:

انا اول واحد نسيتي اسمي :39:

وما راح اسامح إلا بعد ما اشوف المفطح قدامي :42::8:

All times are GMT +3. الوقت الآن حسب توقيت السعودية: 01:04 AM.

صفحة 131 من 493

131

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه