ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   محتار أسجل في الترم الصيفي أو لا (https://vb.ckfu.org/t466625.html)

Olay 2013- 5- 26 04:09 PM
محتار أسجل في الترم الصيفي أو لا
 
السلام عليكم ورحمة الله وبركاته


كيفكم .. وعقبال النجاح للكل ,,,


الموضوع باين من عنوانه .. محتار أسجل في الصيفي أو اجله الترم الجاي ,,,
الموضوع عاجبني انه يومين ورا بعض على ما قال الاخوان
والي مو عاجبني اني برياض .. وراح بيكون برمضان ... وبالاضافه اقول خلها الترم الجاي :12:


وش رايكم ... احد معي محتار او نعقلها ونتوكل :19:

كاشف الاسرار 2013- 5- 26 04:19 PM
رد: محتار أسجل في الترم الصيفي أو لا
 
وانا مثلك محتار واتمنى لو يتجلمون ويكون هناك مركز اختبار على الاقل لو جدة لكن الاحساء صعبة وصعبة جدا

A3BOD 2013- 5- 26 04:22 PM
رد: محتار أسجل في الترم الصيفي أو لا
 
انا كنت معك محتار ومن الرياض بعد
بس فكر فيها كلها مادتين وعلى قولتك
الاختبارات يومبن ورى بعض
وتعرف رمضان اغلب الوقت تكون فاضي
حنى لو تقرا الملخصات
بعدين ترا تنفعك تقلل الضغط عليك
في المستويات الجاي

الله يوفقك ..

ومض 2013- 5- 26 04:32 PM
رد: محتار أسجل في الترم الصيفي أو لا
 
لاتحتار ولا شي لأن التسجيل مغلق

اكتفوا بالعدد اللي جاهم ،،


لعلها خيرة لنا :2:

A3BOD 2013- 5- 26 04:36 PM
رد: محتار أسجل في الترم الصيفي أو لا
 
اقتباس:
المشاركة الأصلية كتبت بواسطة ومض (المشاركة 9037238)
لاتحتار ولا شي لأن التسجيل مغلق

اكتفوا بالعدد اللي جاهم ،،


لعلها خيرة لنا :2:

انتظري اختي الى الساعة 6:30 يفتح التسجيل ان شاء الله
بس الارجح انها تكون لمادتين فقط فقة السيرة + الاخلاق الاسلامية
وبالنسبة لمادة قضايا ثقافية معاصرة إغلقت الشعبة يعني اكفتو ..


الله يوفق الجميع ..

العضيد1 2013- 5- 26 04:37 PM
رد: محتار أسجل في الترم الصيفي أو لا
 
إيه خيرة إن شاء الله. ملأتم الشعب علينا وبس.
ساحبين على أخلاق المهنة وقضايا معاصرة كل هذه الأترام وما حلا لكم تأخذونها إلا صيفي.
لا يكون ساحبين على قواعد البيانات وإنجليزي كتابة بعد؟.

ومض 2013- 5- 26 05:07 PM
رد: محتار أسجل في الترم الصيفي أو لا
 
^
^
المادة جديدة بالخطة ياأخ العرب

احنا الغلابا عيال البطة السودا ندرس خطة قديمة ومواد الخطة الجديدة :28:

اقتباس:
المشاركة الأصلية كتبت بواسطة a3bod (المشاركة 9037258)
انتظري اختي الى الساعة 6:30 يفتح التسجيل ان شاء الله
بس الارجح انها تكون لمادتين فقط فقة السيرة + الاخلاق الاسلامية
وبالنسبة لمادة قضايا ثقافية معاصرة إغلقت الشعبة يعني اكفتو ..


الله يوفق الجميع ..

سمعت بكذا

لكن فقة السيرة اخذتها قبل واذا مااقدر اسجل مادتين

ماراح اضرب مشوار من جدة للحسا على مادة وحدة


وكل اللي يجي من ربنا طيب

احلى جوريه 2013- 5- 26 05:21 PM
رد: محتار أسجل في الترم الصيفي أو لا
 
انا بعدمحتاره
وزادت حيرتي لما قفلت قضايا ثقافيه
لاني خلصت فقه السيره
وعندي بس الاخلاق وقضايا

عبدالملك الراشد 2013- 5- 26 05:21 PM
رد: محتار أسجل في الترم الصيفي أو لا
 
لو إنت خريج أقول لك سجل ولا تحتار

احلى جوريه 2013- 5- 26 05:24 PM
رد: محتار أسجل في الترم الصيفي أو لا
 
اقتباس:
المشاركة الأصلية كتبت بواسطة العضيد1 (المشاركة 9037263)
إيه خيرة إن شاء الله. ملأتم الشعب علينا وبس.
ساحبين على أخلاق المهنة وقضايا معاصرة كل هذه الأترام وما حلا لكم تأخذونها إلا صيفي.
لا يكون ساحبين على قواعد البيانات وإنجليزي كتابة بعد؟.
وش ملانا الشعب عليكم وماحلت لنا الا ناخذها بالصيفي

الاخلاق الاسلاميه وقضايا ثقافيه ماتقررت علينا الا الترم اللي طاف

الفريدان عدل ع الخطه وشال وحط مواد بكيفه:32:

دكتور نت 2013- 5- 26 05:39 PM
رد: محتار أسجل في الترم الصيفي أو لا
 
اقتباس:
المشاركة الأصلية كتبت بواسطة العضيد1 (المشاركة 9037263)
إيه خيرة إن شاء الله. ملأتم الشعب علينا وبس.
ساحبين على أخلاق المهنة وقضايا معاصرة كل هذه الأترام وما حلا لكم تأخذونها إلا صيفي.
لا يكون ساحبين على قواعد البيانات وإنجليزي كتابة بعد؟.
ههههههههههههههه لا والله طالب جامعي مادة ما نزلت و تقررت الا المستوى الماضي الله يعين بس
نداء للمسلمين اللي يسافر و يوصل مكانه اللي يبيه يصوم من بكره مع المسلمين هاااه يا مسلمين انتبهوا من ذولاك اللي يخلطون عامي بشامي :20::8:

احمدبن عبدالله 2013- 5- 26 05:42 PM
رد: محتار أسجل في الترم الصيفي أو لا
 
اسجلهم ثنتيهم ؟


يعني كلهم سهلين ومايبي لهم شي

ابي اعرف وش ندرس فيهم وكذا عطونا معلومات

عايش الدور 2013- 5- 26 05:46 PM
رد: محتار أسجل في الترم الصيفي أو لا
 
انا والله الي محتار خصوصاً موادي نظرية المعرفة وانجلش كتابة وحده أول يوم والثانية أخر يوم


وكلاً منهن صعبه الظاهر اني بكنسسسل والله يكتب الي فيه خيره

shahran 2013- 5- 26 05:47 PM
رد: محتار أسجل في الترم الصيفي أو لا
 
اقتباس:
المشاركة الأصلية كتبت بواسطة olay (المشاركة 9037142)
السلام عليكم ورحمة الله وبركاته



كيفكم .. وعقبال النجاح للكل ,,,


الموضوع باين من عنوانه .. محتار أسجل في الصيفي أو اجله الترم الجاي ,,,
الموضوع عاجبني انه يومين ورا بعض على ما قال الاخوان
والي مو عاجبني اني برياض .. وراح بيكون برمضان ... وبالاضافه اقول خلها الترم الجاي :12:



وش رايكم ... احد معي محتار او نعقلها ونتوكل :19:
أبد لا تحتار ولا شي!

أساسا" جميع المواد لتخصص ادارة أعمال تم إغلاق شعبها

أنا تسجيلي أمس ومن وقتها وأنا أحاول ما قدرت أسجل الشعب كلها تقفلت!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!

العضيد1 2013- 5- 26 06:44 PM
رد: محتار أسجل في الترم الصيفي أو لا
 
أنا آسف. فهمتكم. فهمت الحامل والبطال واللي يريد ترم صيفي.
اقتباس:
المشاركة الأصلية كتبت بواسطة دكتور نت (المشاركة 9037561)
ههههههههههههههه لا والله طالب جامعي مادة ما نزلت و تقررت الا المستوى الماضي الله يعين بس
نداء للمسلمين اللي يسافر و يوصل مكانه اللي يبيه يصوم من بكره مع المسلمين هاااه يا مسلمين انتبهوا من ذولاك اللي يخلطون عامي بشامي :20::8:
آسف أيضاً. يا أخ دكتور تأكد أنه لا أحد يريد الفطر وهو قادر على الصيام لكي لا يصوم والناس مفطرون.
لكن لا يحق لأحد أن يزايد على رخصة الله في تأجيل الصيام للمسافر.
المهم: قالوا يفتح 6 ونصف وحتى اللحظة ما فتح. يطلع لي الفصل الصيفي 1433 ويقول غير متاح.

دكتور نت 2013- 5- 26 10:36 PM
رد: محتار أسجل في الترم الصيفي أو لا
 
اقتباس:
المشاركة الأصلية كتبت بواسطة العضيد1 (المشاركة 9037948)
أنا آسف. فهمتكم. فهمت الحامل والبطال واللي يريد ترم صيفي.

آسف أيضاً. يا أخ دكتور تأكد أنه لا أحد يريد الفطر وهو قادر على الصيام لكي لا يصوم والناس مفطرون.
لكن لا يحق لأحد أن يزايد على رخصة الله في تأجيل الصيام للمسافر.
المهم: قالوا يفتح 6 ونصف وحتى اللحظة ما فتح. يطلع لي الفصل الصيفي 1433 ويقول غير متاح.
يا ليت لو فيه أحد يترجم لنا الظاهر انه من ربع خوشي خودافيس ههههههههه المهم حنا يا المسلمين الصلاة للمسافر يحق له القصر و الجمع في السفر و في حال تأكد أنه سيجلس في سفره أقل من 5 أيام أما الصيام يحق له أن يفطر في السفر و إذا و صل للمكان اللي يبيه خلاص يبدأ الصيام حتى و إن كان عارف انه جالس يوم أو يومين ...
هذا للتوضيح بدلاً من التدليس و اللفلفه بفتوى فضيلة الشيخ الفوزان ... أما فتواك هذي لك و لأشباهك و حنا منها براء .
هذا للتوضيح مع تحيات أخوكم ( عمر ) طبعاْ مسميني أهلي على أمير المؤمنين عمر رضي الله عنه و أرضاه :41:

Olay 2013- 5- 30 06:19 PM
رد: محتار أسجل في الترم الصيفي أو لا
 
الله يتمم على خير انا ما خذت هذي المواد وفكره حلوه ان اخذ الصيف هذس 2 او 3 والصيف الثاني اخذ 3 يعني اكون حذفت ترم وريحت نفسي

العضيد1 2013- 5- 30 09:17 PM
رد: محتار أسجل في الترم الصيفي أو لا
 
اقتباس:
المشاركة الأصلية كتبت بواسطة دكتور نت (المشاركة 9039544)
يا ليت لو فيه أحد يترجم لنا الظاهر انه من ربع خوشي خودافيس ههههههههه المهم حنا يا المسلمين الصلاة للمسافر يحق له القصر و الجمع في السفر و في حال تأكد أنه سيجلس في سفره أقل من 5 أيام أما الصيام يحق له أن يفطر في السفر و إذا و صل للمكان اللي يبيه خلاص يبدأ الصيام حتى و إن كان عارف انه جالس يوم أو يومين ...
هذا للتوضيح بدلاً من التدليس و اللفلفه بفتوى فضيلة الشيخ الفوزان ... أما فتواك هذي لك و لأشباهك و حنا منها براء .
هذا للتوضيح مع تحيات أخوكم ( عمر ) طبعاْ مسميني أهلي على أمير المؤمنين عمر رضي الله عنه و أرضاه :41:
تصدق كلامك صحيح. لأن العبرة بالمشقة الحاصلة أثناء السفر نفسه. أول ما توصل خلاص ما فيه مشقة.
وفي الآية الكريمة (أو على سفر) لاحظ الدقة في الكلمة: على سفر وليس في سفر. على سفر يعني أنت في رحلة سفر. في سفر تكون لائقة أكثر بمن سافر ووصل.
لكن ليش استثنيت قصر الصلاة لتستمر بعد الوصول؟. أتوقع ما فيه قصر إلا أثناء رحلة السفر فقط. مثلها مثل الفطر للصائم.


All times are GMT +3. الوقت الآن حسب توقيت السعودية: 05:55 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه