|
وجهة نظر : ضد بعض المطالب والسوالف اللي تعجن بعضها بعض ..!!
السلام عليكم ورحمة وبركاته اسعد الله ايامكم بكل خير واتمنا للجميع التوفيق والنجاح .. واحب اقول اني استغرب من كتابة بعض الاخوه وعناوينهم ونقاشهم ..!! فمثلاً : احدهم يرسل للجامعة يقول انت تضحك على دقونا .. والثاني يرسل ما نبغي اسئلة مقالية .. والبعض معتبرها حرب ولازم يفرض رأيه بالقوة ، ويجمهر الطلاب لوجة نظره الخاصه ضد الجامعة ..!! هذا غير السوالف اللي تعجن بعضها بعض ولا تفيد .. بالله عليكم هذا اسلوب ..؟ وفي النهايه .. اعتذر لو وجد البعض في كلامي قسوه ، لكن اللي يحب يطالب بشي لا يتوقع ان الجميع متفق معه بالاسلوب ..، والجامعة ما قصرت وبارك الله فيها و نطمح منها المزيد .. |
رد: وجهة نظر : ضد بعض المطالب والسوالف اللي تعجن بعضها بعض ..!!
السلام عليكم ورحمة الله أخوي محمد أسعد الله وقتك بكل خير لا شك ما طرحته في نظري هو عين الصواب ,وسبق أن ناقشنا مع بعض الأخوان هذي الإشكالية فالكل له وجهة نظره في حدود الأدب والنقاش الجدير بالأحترام وهذا المطلوب والواجب من الكل فأما ما يخص الجامعة فأنا أرى أن الجامعة لم تقصر على طلابها بل ساهمت وسعت لكل ما يفيد الطلاب من تسهيل أمورهم ومساعدتهم ونشكرهم كل الشكر على ذلك , وأن حصلت بعض الأخطاء البسيطة فجلا من لا يخطئ بالعكس الواجب علينا أن نلتمس العذر وأن نحسن النيه أتجاهـ إدارة الجامعة حبيت أطرح رأيي حول موضوعك القيم وبارك الله فيك وجزك الله خير وعذراً على الإطاله |
رد: وجهة نظر : ضد بعض المطالب والسوالف اللي تعجن بعضها بعض ..!!
اخوي محمد
فعلا كلامك صحيح من ناحية ان البعض معتبرها حرب وفرض رأي صح من حق الطالب يعترض و يقترح ويعطي رأيه بالشي المعقول بس لايصير أناني وهمه نفسه وراحته على حساب غيره:20: ويعارض الجامعة ويزعجهم على قرار مايناسب وضعه هو لوحده بدون مايراعي اوضاع غيره وبعدين سلامات هاللي يعترضون عالطالع والنازل :30: المفروض العمادة ياخذون موافقتهم قبل كل قرار مالهم حق كذا صراحة :42: |
رد: وجهة نظر : ضد بعض المطالب والسوالف اللي تعجن بعضها بعض ..!!
الطالب يعبر عن رأيه .. فـ هو حر يكتب مايريد .. لاتفرض على غيرك شنو يكتب وكيف يعبر ! على أساس أن المسؤول الآن ، راح يحقد على الجميع بسبب تعبير ( طالب ما ) يشتكي من ( حاجة ما ) !! عقلك في راسك تعرف خلاصك .. الموضوع اللي مايعجبك منت في حاجة تتجمهر فيه .. ..* |
رد: وجهة نظر : ضد بعض المطالب والسوالف اللي تعجن بعضها بعض ..!!
للجامعة حق وضع القوانين وللطلاب حق الاعتراض
الشكوى حق مكفول لجميع الطلاب بالطريقة اللي عاجبتهم وللجامعة حق الرد التضييق على الطلاب بحجة الاسلوب شي مو طيب ابداً ماقصرت ماقصرت ماقصرت ,, هذي الكلمة اللي اكرهها الجامعة صرح يقدم مادة دراسية للطلاب ( دفعوها من جيوبهم ) يعني عملاء عند الجامعة ,, وللعميل الحق بالاعتراض او حتى اختيار الطريقه اللي تناسبه بالاعتراض وللجامعة حق الرد اما بقبولها او رفضها ,, |
رد: وجهة نظر : ضد بعض المطالب والسوالف اللي تعجن بعضها بعض ..!!
يا جماعة الخير في اعتراض ايجابي وفي سلبي الإيجابي لما يكون لصالح الجميع ، والسلبي اذا كان من وراه مصلحة شخصية . وبعدين في سؤال يتكرر مقالي ولا ... والرد لا نفس السنه الدراسية يعني بديهيا ماهو مقالي لان الشباب ما اختبرو مقالي ، يا جماعة الخير المشكلة الأكبر والي الغالبيه لاحظوها في كثير ما يعرف يسأل يعني ولا يدري وش السالفه بس مع الخيل يا شقرا هذول سوو هذول قامو هذول حطو هذول شالو معهم اهم شي يشتكي لو يكلم الجامعة عن مشكلة مطبخ بيتهم يعني لا هدف ولا نتيجه اتمنى اي شخص قبل ما يشتكي يشوف الشكوى منطقية ولا بعدها يروح الله يسهل عليه اما 24 ساعه رسايل واتصالات سلامات هذي سوالف . طبعا الغالبية لانه ما ذاكر راح عمل زوبعه علشان يمكن يحصل له درجة درجتين ويلاقي حجه لعدم مذاكرته . واسمحولي على الاطاله متمني التوفيق للجميع :16: |
رد: وجهة نظر : ضد بعض المطالب والسوالف اللي تعجن بعضها بعض ..!!
انا استغرب من اللي يقول كل طالب حر باللي يقوله !! حر اذا تكلمت عن امر يخصك انت بس لكن امر يخص الاف الطلاب لازم تكون حذر في هالموضوع . |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
لما انا اكون حر وارفع قضية على الجامعة مو من حق الجامعة تشمل كل الطلاب بشكوى الطالب هذا والا بتصير مغفلة ولا تستحق لقب جامعة تتكلمون عن الجامعة وكأنها كلمة توديها وكلمة تجيبها ماعندها لجان تحقيق ولا لجان متابعة ,, خلوكم منطقيين شوي وانا اذا نزلت موضوع اشكي فيه الجامعة او نزلت شكوى بموقع الجامعة لازم اكتب ترى الشكوى تخصني وحدي لاتدخلون الطلاب معي فيها؟؟ |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
لما تكون الشكوى منطقيه كلنا معك لكن الحاصل عكس هذا |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
مين اللي يحدد ان الشكوى منطقية او لا؟ مو الجامعة نفسها؟ اللي هي تقرر؟ كيف اطلب من طالب مثلي يقرر لي اذا هي منطقية او لا؟ انت طالب زيي تشوف شكواي غير منطقية عارضني عليها ماعندك مشكلة لكن لا تطالب مني اسكت ولا اتكلم بحجة انها مو منطقية ( بنظرك ) هذا مقصدي |
رد: وجهة نظر : ضد بعض المطالب والسوالف اللي تعجن بعضها بعض ..!!
~
شلون لكم حق تطالبون هذه جامعه دخلتها تحت قوانين وترضى ع ماتفرضه عليك ياطالب من متى كلام الطالب يعلى ع المعلم فمبال المدير أتوقع فاهمين كلمه مدير عميد ايش تعني هم رأس الهرم هم الطاقم الإداري ومعروف أن الاداره هي من تفرض القوانين والطالب ينفذ أو العميل بصرآحه أنا مع الإخوان مطالبه ع الفاضي اغلبهم نبي ونبي ونبي ولما ينزل قرار مافي ياجامعه تنفذين القرار يعني أبي افهم الجامعات الثانيه مثلنا كثيرين الشكوى والتذمر. حتى التويتر ماسلم منهم هاشتقات وسب في الأساتذة وتشهير بالجامعه من غير الصحف انتم ياللي تشوهون سمعه الجامعه تسيء لنفسك قبل لما تخرج وتكون سمعه جامعتك بالحضيض والسبب كثر الشكاوي من يقبل بك أرتقو بحواركم واحترموا الأستاذ واتعلموا منه قم للمعلم ووفه التبجيلا ** كاد المعلم ان يكون رسولا والجامعة ع رأسها العميد يشكرون ع جهودهم ومن أفضل لاأفضل ياجامعتي الموقره :16: أتمنى مااحد يزعل هذه وجهه نظر ومثل ماانتم تشوفون ان لكم وجه نظر ورأي ع الجامعه !!! نحن لنا وجه رأي وعليكم أخذها واحترامها :2::2: مشكور صاحب الموضوع :21: |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
|
رد: وجهة نظر : ضد بعض المطالب والسوالف اللي تعجن بعضها بعض ..!!
^
خدمات ممتازة رآحت الشغله سياحه مو جامعه لها قوانين وفروض أعجبتك وافق وأدخلها ماتجوز لك بسلامتك :16: |
رد: وجهة نظر : ضد بعض المطالب والسوالف اللي تعجن بعضها بعض ..!!
ابد يا ملاك نحترم وجهك نظرك وهذا رأيك نحترمه حتى لو اختلفنا معه
واتمنى هالشي يكون موجود بعد عند الاخوان اللي واقفين بصف الجامعة : ) |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
لو كان الموضوع ( قوانين ) كان الحق مع الطلاب 100% ضد الجامعة ,, الموضوع ابعد من القوانين ,, مابين حذف مقررات والزام مقررات على طلاب ثانين واغلاق التسجيل في الصيفي لطلاب الاعمال فقط بحجة عدم وجود شواغر الى الى الى ,, اذا انتي ياملاك مرتاحة ( بقوانين ) الجامعة اللي تتكلمين عنها تأكدي في طلاب آخرين يعانون من ( عدم تطبيق القوانين ) المتفق عليها من قبل الجامعة ,, |
رد: وجهة نظر : ضد بعض المطالب والسوالف اللي تعجن بعضها بعض ..!!
وها هم المطبلين قد أتوا ،،
يا ناس ارموا الأقنعة من أنتم !!! |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
:21::21::21: سلمت يداك.. من كثر ما اشوف التذمر والمواضيع تبع الشكاوي انصدم .. بس من جد ايش كثر الناس اللي يسوون لنا احباط.. |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
ولكن بنفس الوقت لا تقولي لاحد لا تشتكي ومو من حقك يا طالب ويا طالبه تشتكوا ،، ونبيكم دايم تمدحون في الجامعة وترفعون في عميدها وطاقمه الاداري و و و طبلوا على مضض يا اخت ملاك صدقيني لو الطاقم الاداري يشتغل شغله صح ما شفتي هالسوالف ،، اكثر الناس تجي تشتكي هنا لانهم طلاب انتساب ومالهم الا المنتدى يتكلمون فيه تعرفين ليش ،، لانه للاسف الخطوط مشغولة ،، ومحد يرد عليهم ويشفي ما في صدورهم ،، فيلجأوا اكثرهم للمنتدى للتنفيس معلومة مهمة " مو معناته رد علي الفريدان في تويتر انه صار صديقي وازعل اذا احد جاب طاريه او طاري الجامعة " |
رد: وجهة نظر : ضد بعض المطالب والسوالف اللي تعجن بعضها بعض ..!!
^
حذف مقررات طيب هذه خطه الجامعه كيف تعترض ع خطه يعني من يضع الخطه الطالب مثلا !! أتمنى أكون فهمتك في هذه النقطه أغلاق التسجيل إذا بتلاحظ صرحت الجامعه أن الصيفي لمن لهم الحق وهم المقبلين ع التخرج هم الأولوية وإذا وجد شواغر يفتحون للي بعدهم وهذا القرار ماشوف فيه ظلم ،، أما انك تقول الاداره غير مسموح لهم الصيفي كان ممكن يتوجه شخص بالنيابة عنكم ويسأل العميد ويعرف مالاسباب حكايه ان الجامعه بتهظم حقكم ومارح تنصفكم أتوقع أنها جامعه عريقه بتكون أرقى وأكبر لايعنى أنها كامله لابد من الأخطاء مافي شئ كامل. أما إذا كنت مرتاحه ف هذه كثر منها لابد من العرقلات لكن عندي مشكله أتوجه بالكلام مع الشخص المقصود أعطى رأيه خلاص اطوي ع الموضوع بدون فضايح أو تشهير. وأشكر فيك أسلوب الاحترام لوجهات النظر |
رد: وجهة نظر : ضد بعض المطالب والسوالف اللي تعجن بعضها بعض ..!!
أنا سبق قلت إن أغلب المشتكين إما من فئة مصطفى أو من فئة المهجولين بتوع مذاكرة اختبارات السنوات الماضية!! ياخي ذاكر واتعب وتوكل على الله واعمل بالاسباب اللي تنجحك وتأكد إن الله ما يضيع عمل حتى لو أجمع الخلق على تضييعه.. ولكن للاسف فيه ناس مدرعمه وما ينفتح لها باب!! كل من جاب العيد بالاختبار قام حط حيلة بهالمنتدى والجامعة والله ما درت عنه وعن شكواه المكتوبة هنا والله لو كلن يذاكر ما احد اشتكى! في اختبار الاحصاء في الادارة واساسيات المحاسبة اطلعوا ثلثين الطلاب من الساعة الاولى للاختبار وهذا دليل انهم جايبين العيد لان الاختبار كان طويل ويحتاج وقت (للي مذاكر فقط)! |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
أعتقد قلت ماله داعي التشهير بالصحف والتويتر بالأخص الهاشتاقات ماقلت مالكم حق تتكلمون عن رأيكم بمنتدى وبعدين اللي ألاحظه أن مشكله اللي يشتكون بالمنتدى يتعصبون ويزرعون بقلوب الغير الغضينه والتحمل ع الجامعه فيهجمو عليهم بالتويتر أطالع بالتويتر لااسلوب لا احترام وكأن الطالب يتكلم مع زميله وبالأخص مع الأستاذ احمد الشعيبي ومع هذا الأستاذ يرد باحترام !!! قلت ارتقو بالحوار والاحترام وسالفه مطبله لن ارد عليك :2: |
رد: وجهة نظر : ضد بعض المطالب والسوالف اللي تعجن بعضها بعض ..!!
~
ولاتمدحون بالجامعه ماهي محتاجته لكن لاتذمونها وتنسون جهودهم وتهضمونها وكأن الجامعه كلها سلبيات مافي شئ إيجابي |
رد: وجهة نظر : ضد بعض المطالب والسوالف اللي تعجن بعضها بعض ..!!
الى متى ونحن ان لم تكن معي فأنت ضدي اساليب بعيده كل البعد عن ما يجب ان نكون شيء مؤسف جداً مع احترامي للجميع بأن الاغلبيه طلاب بكالوريوس وهذا ديدننا شد وجذب في حلقه مغلقه,,, ارتقوا بالحوار والمطالبه بدرجه متوازنه في احترام وجهات النظر وقرارات الغير ولا تضع نفسك ابو العريف في شتى المجالات فيخالفك الصواب احترم راي الجميع مع تحفظي على الكثير مما يكتب بهذا الصرح,,, |
رد: وجهة نظر : ضد بعض المطالب والسوالف اللي تعجن بعضها بعض ..!!
¸¸مـلآكـ¸¸ : أصبتي بارك الله فيك فوق التعليم والمشاكل والإقتراحات والحوار > ( الأحــتــرام مـع مـن هـم أسـاتـذهـ لك ) أنا لا أبرر لأخطاء الجامعة ومثل ما قلت جلا من لا يخطىء ولكن أزعلني ما رأيته من تهكم قاسي وتصريحات عابثه ورسائل لا تمت بالأدب ضد الأساتذهـ في جامعتنا وفي الوقت نفسه نحن مع كل الطلاب ونحن أخوهـ والمشكله هي مشكلتنا جميعاً ولكن يجب أن نتحرى الصدق أولاً ثم نملك الأعصاب ونجتهد ثم نقدم الشكوى بإحترام وبارك الله فيكم وبالتوفيق للجميع :2: |
رد: وجهة نظر : ضد بعض المطالب والسوالف اللي تعجن بعضها بعض ..!!
هناك ناس تحب الاعتراض لمجرد الاعتراض
وهناك ناس تعترض لكي تخفي فشلها وهناك ناس تجد نفسها خلف الاسم المستعار وهناك وهناك وهناك وهناك وفي النهاية ماتكتب يعكس صورة عنك .... وانا من لآن اسجل اعتراض على اي قرار يصدر من الجامعة او الاعضاء او من جيرنا |
رد: وجهة نظر : ضد بعض المطالب والسوالف اللي تعجن بعضها بعض ..!!
رضا الناس غايه لاتدرك
والله مهما فعلت الجامعه ستجد المؤيد والمعارض .. وهذه سنة الحياة :29: يجيك طالب مذاكر ملخص والا اسئله الفصل الماضي .. ويروح جزرة وقت الاختبار :42: ويقعد يتشكى ويتبكى :12: وخذ لك دعاوي .. ويبداء يصلي الوتر عشان يدعي على الدكتور .. ماشاء الله :5: + + + والا يجيك واحد مثل حبيبي مطر .. ويقول اموركم طيبه .. ومافيه تعمق في الاختبار مجرد رؤؤس عناوين وانت جالس تذاكر ومتحمس ووقت الاختبار تأتي الطامه الكبرى :4: .. عمق المتعمق وفصل المتفصل :42: ÷ ÷ ÷ ÷ في النهايه نتطلع للأفضل لما تقدمه الجامعه ... وان تتدارك سلبياتها |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
اقتباس:
اقتباس:
اقتباس:
نظام ( من أنتم ! ) .. ..* |
رد: وجهة نظر : ضد بعض المطالب والسوالف اللي تعجن بعضها بعض ..!!
اووه مشاء الله الحديث لا زال داير طيب الخص لكم الحوارات الثلاث في نقاط : 1- يا جماعة الخير التفاحة الخايسة لو كانت بصندوق حد سمع في المثل هذا اذا الطيبين الي يقولون ما يأثر بقرار الجامعة هذا المثل نمحيه . 2- الي يقول الجامعه لها حد معين ما نقدر نجادله اجل وش له دارسين دمقراطيه بالإدارة وان مافي هناك سقف والتعاون المشترك هو اساس النجاح. 3- اللي يقول انا ادفع فلوس ومن حقي اطالب اوكي يا بعد قلبي انا معك طالب بس بحقك يعني فلوسك اخذت عليها دروس وشروحات وواجبات باقي ياخي تفتح مخك وتذاكر لان هذي مالها دخل في الجامعه هذي راده عليك . 4- الدكتور انسان زيه زي اي واحد فينا انت لما يجيك اخوك الصغير يلقلق فوق راسك بشي مال امه داعي مو تعطيه فوق راسه هذا الدكتور نفس الشي لما تجي وتسأل يا دكتور زي السنه الماضيه يا دكتور ها اكيد اذاكر هذي يا دكتور ترا ماراح اذاكر شي ثاني اكيد بيقولك يا حبيبي اعتمد من السنه الماضيه الاسئله ولا غيرت شي علشان يفتك منك بعدها لو جاب اسئله ثانيه فهي انتقام من الجماعة الحلوه ربع ((( استاذ نجحني وابي الاختبار ترسله لي بالنص دافع فلوس يا حبيبي :8:))) . وبالنهاية مافي حد يمسك حد عن الكلام ولا عن الشكاوي هذا الشي حق مكفول للجميع بس في حاجه الا وهي ياخي مثل ما اسمعك اسمعني واختلاف وجهات النظر وارد وبالعكس شي ايجابي لما يكون في الشكوى تصحيح مستقبلي . شاكر لكم ردودكم وحماسكم وما جينا الا لاجل الفايده تركو التعصب والي بيزعل ما يشوف شر :16: |
رد: وجهة نظر : ضد بعض المطالب والسوالف اللي تعجن بعضها بعض ..!!
الله يحرم يدينكم عن النار
استهدو ب الله |
رد: وجهة نظر : ضد بعض المطالب والسوالف اللي تعجن بعضها بعض ..!!
:21:
|
رد: وجهة نظر : ضد بعض المطالب والسوالف اللي تعجن بعضها بعض ..!!
بالعكس كلامك ما فيه قسوة
و أنا بعد مستغربة من البعض كيف يتكلم ،، و كيف يلح على مطالب مال أمه دخل فيها << بعضهم يتكلم و كأن الجامعه جامعة أبوه البعض ما يفرق بين حقوقه إللي يطالب بها و بين حرية الجامعة في إتخاذ قراراتها و تغيير منهجها ووووو ما إلى ذلك |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
|
رد: وجهة نظر : ضد بعض المطالب والسوالف اللي تعجن بعضها بعض ..!!
حيا الله الجميع , ومشكورين على ردودكم .. والقصد ليس السكوت عن بعض الاخطأ وعدم المطالبه .., لكن اسلوب المطالبه مزعج صياغة الكلمات مؤذيه , ولا احد يقبل الاهانه .. بمعنى " هل انت محتاج توصل مطالب محدده ولا رغبتك ان توصل كلمات مؤذيه ..؟؟ " اتوقع ان الفرق واضح ..!! وفي نفس الوقت اشوف ان ردود الاخوه والاخوات تبشر بالخير , وتحياتي للجميع ..:16: |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
أحمد الشعيبي له لسان يرد وله يدين تكتب ،، مهما صار مو من حقك تجي هنا تدافعي عنه وتسوي الرجل الأخضر اللي بيسكت الناس كلهم :19: وابو عبدالمحسن جاي مسوي انا الاسلوب الهادي اللي بيسكت الطرفين وجايب مثال التفاحة الخايسة :5: بعض الكلام شرهه :23: |
رد: وجهة نظر : ضد بعض المطالب والسوالف اللي تعجن بعضها بعض ..!!
كل الاعتراضات والشكاوي كوم واللي يبون مشروع تخرج وتدريب ميداني كوووووووووووووم ثاني :20: مامر على اعتراض وامرضني مثله
|
رد: وجهة نظر : ضد بعض المطالب والسوالف اللي تعجن بعضها بعض ..!!
100 علي100 محمد كلامك هو ما كان يجب ان يحضر قبل الكلام الفاضي اللي يقال ناس ما يذاكرون ويبغون ينجحون حلها لهم يهتم الواحد وبعدها يتكلم ...
|
رد: وجهة نظر : ضد بعض المطالب والسوالف اللي تعجن بعضها بعض ..!!
اقول انا خلاص بعترض على الجامعة دام الدعوة كلها اعتراض في اعتراض :30:
واطالبها يسوون مقابلة شخصية قبل قبول اي واحد في الجامعة :8: فيه ناس تشوف ردودهم تقول هذا حرام معاه شهادة ابتدائي فكيف بكالوريوس وجامعي :25: |
رد: وجهة نظر : ضد بعض المطالب والسوالف اللي تعجن بعضها بعض ..!!
السلام عليكم.. من اخر يوم في الامتحانات وبدت تفتح مواضيع (نطالب,نعترض,الترم الصيفي,وغيره...)المهم ادخل على المواضيع واشوف الردود الغريبه..أحس الواحد فيهم جالس كذا فاضي ما عنده شي قال خلني ادخل المنتدى افتح موضوع واطالب فيه(ي حبكم للطلايب) اللي يبي 10 عشر درجات لان يوم الامتحان كان في غبار والثاني شعبه مقفله وهو في المستوى الاول و زعلان ليه ابغى اسجل يبغى يخلص بدري الاخ نسى انها دراسه جامعيه في حمل ورسوب ودراسه يعني لو خلصت ب أربع سنوات أحمد ربك.. عينات غريبه..واذا جيت رديت من حطك محامي(من قالك ان هذه حريه..ي اخي مثل ما انت حر انك تطالب مطالب تشوفها انت انها صح انا من حقي اتكلم و ارد عليك عادي ليشش تعصب وتنرفز وشووي يغمى عليك) تحياتي,, |
رد: وجهة نظر : ضد بعض المطالب والسوالف اللي تعجن بعضها بعض ..!!
الأمر بسيط جداً ولا يستأهل التشنج من حق الكل يعترض حتى لو كانت بنظري أو نظرك إنهاء اعتراضات بدون قيمة أو فائدة ...هي تعني لصاحبها الشيء الكثير ومن حقك أن لأتقبل الاعتراض أو التذمر أو الشكوى ولكن ليس من حقك أن تنكر على غيرك حقه قد يأتي يوم وأنت نفسك تريد الاعتراض ( تجد وقتها من ينتقدك أما لكلام عن دكتور أو إداري في الجامعة ذا كان بدون تحقير أو تسفيه أو تجريح ( هم شخصيات عامة ) والشخصية العامة محل انتقد ونقد انا اعتراض على أن الجامعة تساوي بيني وبين طالب توه عمره بالعشرينات ( الله يعطيه الصحة والعافية ) وانا اكبس للخمسين . لابد الجامعة تراعي فارق السن وتعطيني انا شخصياً 50 درجة منحه وأحاول أجيب العشرة الباقية بحول الله وقوته ثم بفزعة الطيبين ماعليكم فلسلفة شايب |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
السلام عليكم أخوي.. أجل افتح لك موضوع حدد فيه مطالبك وبعد بالمره خليهم يجيبون الاسئله لحد عندك (تعرف شايب ولا تقدر تحرك )الله يعطيك الصحه والعافيه.. تحياتي لك,, |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
تذكرني باللي يقول : " ما هو أنت اللي تكلّمني كذا .. أنت ما ترضى تزعّلني عليك .. في كلامك ما تسبّب لي أذى " تسلم يا بطل :) |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
وعليكم السلام انت:21: فكره جميلة منك ليش ماتجيب الشهادة مره وحده |
رد: وجهة نظر : ضد بعض المطالب والسوالف اللي تعجن بعضها بعض ..!!
اقتباس:
ثلاث سنوات ونصف وكانت الأسئلة على نمط واضح(موضوعي)، وبعد هذه المدة تتغير الأسئلة إلى مقالية 10 أسئلة كل سؤال منها بسبع درجات، لا تقول من حق الجامعة وضع ما تريد من الأسئلة وتغيير النمط. إن كان من حق الجامعة فعلا، أليس من حق الطالب أن يعرف هذا في بداية الترم!! إلا تكون هذه لغرض في نفوسهم ألا وهو خفض المعدلات ومحاولة اخفاق أكثر عدد من الطلاب لدفع الرسوم مرة أخرى. لا تقول كما قال الفريدان للقياس التحصيلي، هنالك تخصصات لازالت موضوعي- لا نحسدهم على هذا- هذا التخصصات كيف يتم قياس المستوى التحصيلي والمعرفي؟ اتمنى الأخذ بعين الاعتبار انصر أخاك ظالما أو مظلوما. وأيضا حديث (لا يؤمن أحدكم حتى يحب لأخيه ما يحب لنفسه) الفريدان ماذا قدم حتى يأتي كل هذا الثناء؟؟؟؟ كل هذا التعليم عن بعد من أعمال النجار، وعمله أسئلة مقالية و50 سؤال موضوعي أغضب به الكثير وأحزنهم. بالعامية( كل الطلاب والطالبات على خطأ وهو الوحيد على الصواب) |
| All times are GMT +3. الوقت الآن حسب توقيت السعودية: 02:40 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام