|
إدارة الأعمال نصيحة الترم الصيفي ما يناسبكم
السلام عليكم ورحمة الله وبركاتة بما أنني إدارة أعمال مثلكم , تحمست لفكرة الترم الصيفي كثير مثل الأغلبية هنا وقررت أسجل وأتعنى سفر ومصاريف في رمضان من الرياض للأحساء . ماعندي مشكلة اهم شئ أخفف بعض المواد مني البارح شاف حالتي واحد من الزملاء الخريجين القدامى وسالني عن الموضوع شرحت له السالفة قال وش المواد النازله لكم صيفي ؟ قلت الأخلاق الإسلامية و آداب المهنه فقه السيرة قال بس ؟ مافيه مواد تخصص ؟ قلت لا قال كم ساعة المواد ؟ قلت 4 قال أسترح في بيتكم ولا تفكر تسجل صيفي قلت ليه يأبو الشباب ؟ قال المواد ما تستاهل عنوتك للأحساء قلت وشلون ؟ قال المادتين هاذي ذاكرها قبل الإختبار بساعة وتحفظها 100 % وبعدين 4 ساعات مهي مسويه لك شئ بالتخرج ( يقصد تختصر الأترام الدراسية ) ويقول : الصيفي بالطريقة هاذي ينفع المتأخرين من المتخرجين حرام يدرسون السنة الجايه علشان أربع أو ست ساعات وينفع من نزل لهم مواد تخصص وأنتم بدري عليكم إذا نزل ترم صيفي فيه مواد متخصصة وتستاهل أنا معك سجل ولا تتردد سمعت كلامه وفكرت فيه حصلته صحيح 100 % قلنا ما يحتاج ترم صيفي هونا ولعل في الأمر خيره والسلام |
رد: إدارة الأعمال نصيحة الترم الصيفي ما يناسبكم
اصلا مماحد عطانا وجهه للحين وفتح لنا :30:
انا دفعه 2013 المناحيس :18: |
رد: إدارة الأعمال نصيحة الترم الصيفي ما يناسبكم
الشعب مقفله محد شاورنا
|
رد: إدارة الأعمال نصيحة الترم الصيفي ما يناسبكم
بس ترا نخفف عنك ساعات في المستويات الجايه يعني كلها ثلاث ايام مهب شي بس شكلها مهب مكتووبه لنا والا لو تحصل زين بس الشكوي علي الله
|
رد: إدارة الأعمال نصيحة الترم الصيفي ما يناسبكم
انا والله ودي بالتخفيف وماكان عندي مانع اجي من المدينه ع الاحساء بس شكلها مو مكتوبه لنا العوض بالاترام الجايهه بااذن الله :21:
|
رد: إدارة الأعمال نصيحة الترم الصيفي ما يناسبكم
غلط كلامه تنزل 3مواد وتخف المواد الاترام الجايه
وان شاءالله فيه صيفي بعد مستوى 7 وتخف ايضاً ان شاءالله وتنزل مواد اكثر |
رد: إدارة الأعمال نصيحة الترم الصيفي ما يناسبكم
التخفيف طيب :21:
كذا ولا كذا رايح تاخذهم اخلص منهم الآن واريح راسي وماتدري بانظمة الجامعة وش يتغير فيها عصفور في اليد ولا عشرة على الشجرة:42: |
رد: إدارة الأعمال نصيحة الترم الصيفي ما يناسبكم
عليك من نفسك وشوف اللي يناسبك
انا باقي لي 23 ساعة واتخرج وسجلت مادة وحده قضايا ثقافية معاصرة بكذا اقدر اتخرج الترم الجاي ان الله اراد |
رد: إدارة الأعمال نصيحة الترم الصيفي ما يناسبكم
انا مو راضي يفتح معي ابدااا :9:
|
رد: إدارة الأعمال نصيحة الترم الصيفي ما يناسبكم
اقتباس:
اقتباس:
ما نزل لنا إلا مادتين بس 4 ساعات والماده الثالثة قالوا تعارض المادتين سهلة جداً ممكن تأخذها بأي مستوى بدون ما تشيل هم أنها صعبة مواد عامه ممكن تأخذها بأي ترم صيفي قادم بسهولة بس يكون معها مواد تخصص أشوف أنها في الوقت الحالي ما تناسبنا نحن إدارة الأعمال المستويات المبتدئة خاصة أن فيها سفر وأيام رمضان ومصاريف سكان الأحساء ممكن يطقطقون عليها في رمضان الأحساء فقط حتى ولو كنت من سكان الخبر ولا الدمام ما سافرت علشان هذا الموضوع وكل واحد له رائه |
رد: إدارة الأعمال نصيحة الترم الصيفي ما يناسبكم
اقتباس:
أنت تناسبك جداً ومثل ما قال صاحبنا بأول الموضوع الترم الصيفي بالطريقة هاذي يناسب من هم على وجه تخرج علشان كذا إدارة الجامعة ميزتهم وأعطتهم الأولوية في التسجيل الله يوفقك |
رد: إدارة الأعمال نصيحة الترم الصيفي ما يناسبكم
:24:
|
رد: إدارة الأعمال نصيحة الترم الصيفي ما يناسبكم
ماسجلت اصلا
لو بشوال اهون لكن رمضان صعبه ماهو وقت دراسه صراحه |
رد: إدارة الأعمال نصيحة الترم الصيفي ما يناسبكم
يا اخون فيه ناس لو سعتين يستفيد
وكل واحد حسب ضروفه |
رد: إدارة الأعمال نصيحة الترم الصيفي ما يناسبكم
اقتباس:
|
رد: إدارة الأعمال نصيحة الترم الصيفي ما يناسبكم
اقتباس:
القضايا كيف تعارض هي بيوم لوحده القضايا حق مستوى8 ومعها التعاقد بيوم اول مره يكون مادتين بيوم والافضل ناخذها الان |
رد: إدارة الأعمال نصيحة الترم الصيفي ما يناسبكم
يعني هالحين اقدر اسجل مادتين
|
رد: إدارة الأعمال نصيحة الترم الصيفي ما يناسبكم
اقتباس:
ياعزيزتي نقول الصيفي يناسب منهم على وجه تخرج وللمستويات المتقدمة بارك الله فيك مافيه يوم فيه إختبار مادتين في الترم الصيفي كل يوم مادة أنا أستغربت سالفة التعارض لكن هذا ما حصل لمن سجل من طلاب إدارة الأعمال ما فيه أحد منهم سجل ثلاث مواد أبداً |
رد: إدارة الأعمال نصيحة الترم الصيفي ما يناسبكم
أنا مع إحترامي لك وللشخص اللي إستشرته .. أخالفكم الرأي
إذا أخذت المواد الحين وأنت ما عندك شي أول شي تستفيدهـ أنك خلصت مواد أساسيه 6 ساعات .. يعني لو فكرت تغير تخصصك محسوبه لك وتستفيد منها في كل مكان الشي الثاني تخفف الحمل عليك في الاترام الجايه الشي الثالث أنت ضامن نفسك أنك ما راح تحمل ولا مادة في الأترام الجايه .. وضامن أن معدلك بيبقى يسمح لك تحمل 18 ساعه كل ترم وتتخرج بالوقت المناسب لك .. أضف إلى هذا كله الترم الصيفي في مدة دراستك في الجامعه كلها 4 أترام فقط وفي حالة إنك مسجل في الترم الثاني يكون عندك 5 أترام صيفيه في 6 ساعات يعني مابين 24 إلى 30 ساعه لو أستغليته بشكل جيد أنت عجلت بتخرجك ترم قبل زملائك اللي ما أخذو صيفي .. أتمنى تتقبل وجهة نظري :$ |
رد: إدارة الأعمال نصيحة الترم الصيفي ما يناسبكم
اقتباس:
رائك على رأسي بس من يقول لك أن لإدارة الأعمال ثلاث مواد !!! أي نعم موجودة على الموقع لكن ما شفت أي شخص سجلها الثلاث أقصد من طلاب 213 أو حتى 212 اسأل وشوف فيه أحد سجل ثلاث مواد وست ساعات |
رد: إدارة الأعمال نصيحة الترم الصيفي ما يناسبكم
يب فيه كثير يأخي .. بس الخلل كان في الطلاب اللي طافهم التسجيل بسبب تأخرهـم .. برضو لو تشيك ع المواضيع بتلاقي كم عضو سجلو أمس .. " أعتقد لأن فيه طلاب حذفو تسجيلهـم وصارو بدالهم "
وكانت الإشكاليه أصلا في قضايا ثقافية معاصرة لأنها مادة للمستوى الـ 8 واللي أغلبهم على وشك تخرج فشي طبيعي أنهم جميعهم سجلو المادة .. والدليل شوف الإستطلاعات اللي سووها في المنتدى عن مواد إدارة الأعمال كان نصيب الأسد لمادة قضايا ثقافية معاصرة .. أضف إلى ذلك .. الجامعة فتحت الترم الصيفي للمتخرجين والقريبين من التخرج بالدرجة الأولى وهم اللي أتيحت لهم الفرصة بالتسجيل في يوم الخميس لدفعة 2010 و الجمعه لدفعة 2011 و السبت لدفعة 2012 هذا اللي حبيت أوضح بس . . |
رد: إدارة الأعمال نصيحة الترم الصيفي ما يناسبكم
حلو أنا معك أنو أغلب طلاب 2013 و 2012 لم يسجلو الماده بسبب أنو الشعبه أقفلت ..
بس مع ذلك للحين باقي وقت ليوم الجمعه الجاي ويمكن توسع الشعبه وتفتح مرهـ ثانيه .. وفوق هذا أنظر للجزء الممتلئ من الكاس أنو أكثر الطلاب سجلو مادتين .. وقدرو ع الأقل يخففون ولو بشي بسيط هالمرهـ وإن شاء الله الأترام الجايه يكون فيه مواد أكثر .. ومجال أكبر للطلاب أنهم يسجلون أقصى ما يمكنهم في الترم الصيفي |
رد: إدارة الأعمال نصيحة الترم الصيفي ما يناسبكم
اقتباس:
اقتباس:
أتفق معك في كثير من كلامك لكن أشوف أن 4 ساعات في مواد عامه وسهلة جداً ما تستاهل المشاور من الرياض للأحساء وفي رمضان ويمكن على قولتك الأمور تتغير الأيام الجايه ويصير ممكن التسجيل 6 ساعات عندها يحلها ربك نفكر بالموضوع ثاني مرة بالتوفيق للجميع |
رد: إدارة الأعمال نصيحة الترم الصيفي ما يناسبكم
اقتباس:
الا كثير سجلو 3 المواد ولاتوجد تعارض وايام الاختبار الاثنين والثلاثاء والاربعاء |
رد: إدارة الأعمال نصيحة الترم الصيفي ما يناسبكم
ممكن نعرف تواريخ الاختبارات مت ى بالضبط :31: والله احتسنا شلنا هم المشوار ولا المواد الناس يقولون انها سهله
|
رد: إدارة الأعمال نصيحة الترم الصيفي ما يناسبكم
موب حكاية سهله والا صعبه
الحكايه هل انت تضمن انك مااتحمل ولا مااده ويأخرك هالشي |
رد: إدارة الأعمال نصيحة الترم الصيفي ما يناسبكم
الصيفي زين شين لكن جاء بوقت موب وقته
واغلب اللي متحمسين الحين نشوفهم كيف وضعهم برمضان بالنسبه لي قبل ماده وحذفتها والماده الثانيه الاخلاق كنت ماخذها واذا على التخرج وش مستعجلين عليه كل همي بس يعادلون لي موادي والامور سهالات :14: |
رد: إدارة الأعمال نصيحة الترم الصيفي ما يناسبكم
حلو اللي بالسنتين الاولى مايسجلوون
لاحقين ع سمسترات ثانيه وصيفيات آخرى بس المساكين االي ع وجه تخرج ومايفصلهم غير سمستر او سمسترين حرام اعطوهم فرصه :12: عط سسسداح فرصه |
رد: إدارة الأعمال نصيحة الترم الصيفي ما يناسبكم
اقتباس:
مشكورة بس أعطيني واحد من 213 إدارة أعمال سجل ثلاث مواد القضايا ياعزيزتي قفلت من أول يومين قبل يسمح لـ 212 و 213 بالتسجيل الفئة المستهدفه بالصيفي لهذا العام هم الخريجين ومن هم على وجه تخرج وهذا واضح حتى بتصريحات عميد الجامعة وواضح في إعطاء الأولويات لهم وأقول لهم خذوا راحتكم مايك فري والطريق لكم مفتوح للتسجيل الله يوفقكم ويوم من الأيام بنكون مكانكم إن شاء الله |
رد: إدارة الأعمال نصيحة الترم الصيفي ما يناسبكم
بصراحة اللي على وشك تخرج ولا اخذ صيفي هم اللي يكسرون الخاطر والمفروض يكون لهم تعامل خاص تقديرآ لظروفهم (الله يكون في عونهم) :16: |
رد: إدارة الأعمال نصيحة الترم الصيفي ما يناسبكم
اقتباس:
سلم على خويك الذيب وقل له يقول ابو تميم ولو حملت مواد في الاترام القادمه كيف الوضع سلاااااام |
رد: إدارة الأعمال نصيحة الترم الصيفي ما يناسبكم
يالسكري وانا اخوك الدنيا فرص وتجارب ما تشوف العالم جايين من الشمال ومن الجنوب ومن الغرب علشان يخلصون مادتين والا ثلاث وانت في الرياض ما يمديك تزرق تخلص هالمادتين وبعدين كلها يومين واذا خلصت من الاختبارات خذ لك لفة على الهاف مون
وبعدين خويك يناقض نفسه دام انها سهلة مش رايح تخذ منك وقت ليش ما تاخذها واذا قرب الاختبار تعال وذاكر شوف يالسكري انت بين خيارين اما انك تضغط نفسك الاترام الجاية او انك تزيد ترم وخويك هذا لالالالالالا عاد تقوله انك بتسجل ترم صيفي وش يضمنلك انه فيه ترم صيفي السنوات الجايه اصلا وتقبل عتابي بصدر رحب و الله لا اعرفك ولا شي ولكن من باب النصحية |
رد: إدارة الأعمال نصيحة الترم الصيفي ما يناسبكم
اقتباس:
كثير سجلو ووانا وحده منهم للقريبين التخرج ام البقيه توهم ومنهم حذفو لهم مادتين عكسنا وبيصادفهم صيفي كثير |
رد: إدارة الأعمال نصيحة الترم الصيفي ما يناسبكم
ينفع ليش ما ينفع
وسجل وخلك منه بتختصر عليك وقت والصيف الجاي ان شاء بيحطون مواد تخصص وقتها ولو اخذت هذي مع الصيف الجاي بتخلص قبل التخرج اترك عنك اللي يقول ما تنفع بس تفرق من شخص مستعجل على التخرج وشخص مو فارقه معاه متى يتخرج انا واحد من الناس ان شاء الله خلال السنه الجايه خالص يعني بدال ما اخذ 7 مواد لكل ترم صرت اخذ 6 مواد لكل ترم |
رد: إدارة الأعمال نصيحة الترم الصيفي ما يناسبكم
مافي امل اخذ صيفي :)
|
رد: إدارة الأعمال نصيحة الترم الصيفي ما يناسبكم
أنا من دفعة 213 و سجلت المواد الثلاث يمكن زي ما قلت لأني من الأحساء بطقطق عليهم :17: |
رد: إدارة الأعمال نصيحة الترم الصيفي ما يناسبكم
اقتباس:
انا وصاحباتي 7 طالبات البعض اخذ 3 مواد الي ما اخذ الاخلاق والباقي مادتين واحنا من دفعة 213 مستويات مبتدئة على قولتك نبي انخفف على نفسنا حتى لو كانت مواد عامة بالعكس راح تنفعنا في المستويات القادمة وعلى فكرة نحن مش من سكان الاحساء و احترم رآيك الشخصي :29: |
رد: إدارة الأعمال نصيحة الترم الصيفي ما يناسبكم
اخوي السكري يعطيك العافية
وهذا الشيئ الوحيد اللي خفف علي أزمة الاختبار في الأحساء .. أن المواد مؤ في التخصص بس تبي الجد.. برضوا تخفف عليك عدد ساعات في كل مستوى يعني لو أخذتها الحين رح تسجل المستوى القادم مواد من مستويات متقدمة وبدل ما تدرس 7 مواد رح تسجل 6 من باب التخفيف وأتوقع تفيدكم انتم بعد في التعارض القادم لكن نقول لعلها خيرة والله يوفق الجميع |
رد: إدارة الأعمال نصيحة الترم الصيفي ما يناسبكم
يا جماعه اتوقع الترم الصيفي هذا راح يكون شبه تجربه وراح يشوفوا الجامعه انطباع الطلاب عنه واذا كانت الامور على ما يرام اكيد راح يستمر وينزلوا المواد الخاصه بالتخصص
تحياتي للجميع انتهى |
رد: إدارة الأعمال نصيحة الترم الصيفي ما يناسبكم
يالغالي اذا بكل صيفي بتاخذ اقل شي 4 ساعات احسبها علي ثلاث سنوات 12 ساعه يعني تقريبا ترم كامل محذوف منك
|
رد: إدارة الأعمال نصيحة الترم الصيفي ما يناسبكم
طيب انا اشوف ماناخذها صيفي لانها عامه وان شاء الله سهله وبزيادة الساعات يرتفع المعدل :29:
|
رد: إدارة الأعمال نصيحة الترم الصيفي ما يناسبكم
للأمانة الجامعة أعلنت سابقا أن الترم الصيفي هدفه للمتخرجين , و حتى نظام الانتساب يسمح لك بتنزيل مفتوح للساعات في آخر ترمين
تحياتي .. |
رد: إدارة الأعمال نصيحة الترم الصيفي ما يناسبكم
انا عن نفسسي احسس انو تخفيف بالمواد وهيكك
ونفكك من همها حتى انا سجلت قضايا واخلاق بالصيفي وفقه والسيره توني ماخذتها هالمستسر يعني توني مخلصتهها :34: |
رد: إدارة الأعمال نصيحة الترم الصيفي ما يناسبكم
وان شاء الله الصيفي الجاي يحطون مواد اللي 3 ساعات :21:
|
رد: إدارة الأعمال نصيحة الترم الصيفي ما يناسبكم
يا خوي سكري انا نزلت ثلاث مواد الاخلاق الاسلاميه وقضايا معاصره وفقه السيره وكل ماده ساعتين يعني ست ساعات وانا من دفعت 212 عام 2011م والاختبارات الاثنين والثلاثاء والاربعاء يعني كل يوم ماده وين التعارض معاه فيه جدول نزل غير الي نزل في موقع الجامعه واحنا ما ندري اتمنى انك ما تفوت الترم الصيفي نصيحه اخ ومحب لك واتمنى الكل يستفيد من هالترم وتقبل مروري يالغالي |
رد: إدارة الأعمال نصيحة الترم الصيفي ما يناسبكم
فكر فيها انك تخفف ساعات هي فالنهاية وراك وراك ، مو لانها تخصص او لا ولا لانها سهله مثلا
|
رد: إدارة الأعمال نصيحة الترم الصيفي ما يناسبكم
وجهه نظرك , دامك توك بدايه المشوار
حنا 7و8 ساعتين تفرق معانا ربي ييسرها :9: |
رد: إدارة الأعمال نصيحة الترم الصيفي ما يناسبكم
لو سجلنا هالسنه صيفي وخلصنا مادتين او ثلاث
والسنة الجاية ربما يتغير الوضع ويحطوا مواد تخصص واخذنا مادتين او ثلاث وهكذا معناها اختصرنا الدراسه في 3سنوات او 3سنوات ونصف |
| All times are GMT +3. الوقت الآن حسب توقيت السعودية: 11:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام