اللي ما سجل بالصيفي من دفعه 2010 او 2011 يدخل ويسجل الان
 

بسم الله الرحمن الرحيم

بدخل بالموضوع ع قوله المصاريه دوغري :27:اي طالب او طالبه من دفعه 2010 او 2011 ما سجل في الترم الصيفي لا ييأس فيه عنده طريقتين ::31:

1- يتصل ع تليفون الجامعه ويطلب تحويله العماده ويسجل عن طريق التليفون .
2- يروح للجامعه الله لا يهينه لمكتب سكرتير العميد ويسجل بنفسه ولا ياخذ الموضوع منه الا 3 دقايق بسسسس :17:. بس الله يعينه ع الخط والشموسسس :5:>>>> راح وبنشر ع الخط الساعه 12 الظهر بعد كوبري بقيق:18: >>>> وش دخل هالشي لا تسالوني بس من القهر والله :44::23:.

وتقبلوا تحياتي ولا تنسوني من دعوة في ظهر الغيب ,,, :29::29:

رد: اللي ما سجل بالصيفي من دفعه 2010 او 2011 يدخل ويسجل الان
 

الله يجزيك خير ويعطيك العافية
بس للأسف كيف يسجل الواحد والنتيجة مابعد طلعت؟

رد: اللي ما سجل بالصيفي من دفعه 2010 او 2011 يدخل ويسجل الان
 

عادي يبو عبدالله سجل وين المشكله ااساسا المواد انت مجبر عليها ولست مخير فتخلص 6 ساعات افضل من لا شي يعني صدور النتيجه لا راح يقدم ولا ياخر من قرارك .... تقبل رددي وتحياتي :29::29:

رد: اللي ما سجل بالصيفي من دفعه 2010 او 2011 يدخل ويسجل الان
 

الحمد الله ع السلامه

يالله اللي حريص ويبي صيفي يمسك خط

والله يعينه

رد: اللي ما سجل بالصيفي من دفعه 2010 او 2011 يدخل ويسجل الان
 

يا شيخ أنا امس دقيت مشوار الين الحساء و جيت ما فيه غير الدكتور مصلح و قال مافيه شئ اسمه تسجيل يدوي و اليوم خميس مافيه دوام و انا جاي ع شان شغلي الخاص و قال من وين جبت الكلام هذا قلت له من الملتقى و قعد يهزاء في الملتقي و في الطلاب الذين يجيبوا إشاعات و كلام ع الفاضي و في الأخير طلعت من المورد بلا حمص من غير المشوار و صاحي من بدري و التعب و داق فوق الخمسمائة كيلو و الله يعين بس

رد: اللي ما سجل بالصيفي من دفعه 2010 او 2011 يدخل ويسجل الان
 

اشاعات والمشرفين يتفرجو وتاركين المواضيع تسرح وتمرح

رد: اللي ما سجل بالصيفي من دفعه 2010 او 2011 يدخل ويسجل الان
 

أخوي أبو إبراهيم،

ما عمرنا سمعنا بجامعة يداوموا الخميس!
أبي أعرف مين اللي ركبها في راسك وخلاك تمسك خط يوم الخميس؟


أنا رايي انك ترابط عند البانر والله يعينك:7:

رد: اللي ما سجل بالصيفي من دفعه 2010 او 2011 يدخل ويسجل الان
 

اخوي انا دفعت ٢١١

وكلمتهم على هاتف الجامعه


قالي مافيه شيء ولا فيه تسجيل عن طريق الهاتف

وقام يعلمني تاريخ الجامعه


قفلت بوجهه


يعني انت عل تتكلم بواقع تجربه او اعتقاد

رد: اللي ما سجل بالصيفي من دفعه 2010 او 2011 يدخل ويسجل الان
 

مايضيع الملتقى الا هالاشاعات:30:

رد: اللي ما سجل بالصيفي من دفعه 2010 او 2011 يدخل ويسجل الان
 

اخوي طيب دفعة 2013

يقدرون يسجلون ولا مالهم رب

رد: اللي ما سجل بالصيفي من دفعه 2010 او 2011 يدخل ويسجل الان
 

نريد توضيح من العماادة من فاته التسجيل كيف الطريقه

اما الاتصال والذهااب للجامعه لايفي بالغرض الكثير يبعد عن الجامعه ااالاف الكيلواات

رد: اللي ما سجل بالصيفي من دفعه 2010 او 2011 يدخل ويسجل الان
 

طلع من المولد بلا حمص

المثل مصري و في مصر من مظاهر الأحتفال بالمولد بيع الحمص و الحلويات
و أي شخص يذهب للمولد يشتري حمص و حلويات
ومعنى طلع من المولد بلا حمص معناها أنه خرج من موضوع ما بدون أن يحصل على شيء

أدري شطحه

:16:

رد: اللي ما سجل بالصيفي من دفعه 2010 او 2011 يدخل ويسجل الان
 

رد: اللي ما سجل بالصيفي من دفعه 2010 او 2011 يدخل ويسجل الان
 

ما فيه مشرفين من الاساس

فيه مشرفات بس!

وشغلتهم يقفلون المواضيع اللي منها فايدة وفيها جرأه وكلام واقعي

مبزرة خلها على الله وأنا خوك

رد: اللي ما سجل بالصيفي من دفعه 2010 او 2011 يدخل ويسجل الان
 

بيض الله وجهك ياصاحب الموضوع وان دل يدل على حب الخير لاخوانك وماعليك من بعض كلام السفهاء
اكرر شكري لك وبيض الله وجهك
واللي ماهو عاجبه الموضوع مو ضروري يرد واذا مضطر يرد يرد مثل الرجال ولا لايرد:20:

رد: اللي ما سجل بالصيفي من دفعه 2010 او 2011 يدخل ويسجل الان
 

اقول يا شباب الله يهديكم انا رحت الجامعة اكثر من مرة ولا عندهم شي ولا حتى العميد صيفي مافيه الا في البانر واللي ما سجل الله يعينة هذا كلام واحدمجرب
الرجاء من جميع الشباب لا ينقلون كلام وبس
يقول صلى الله علية وسلم ( كفى بالمرء اثما ان يحدث بكل ما سمع )

رد: اللي ما سجل بالصيفي من دفعه 2010 او 2011 يدخل ويسجل الان
 

والله احترنا

ناس تقول فيه تسجيل يدوي وناس لا

ما ندري من نصدق


ولا ودنا نمشور عالفاضي


انا الان فوق 10 ايام احاول تعديل حالتي من معتذر الى فعال علشان اسجل بالصيفي وانا من دفعه 2011

ولا حياه لمن تنادي

ارسلت ايميلات وبقسم الاسئله وكل مرره ردود ترفع الضغط وغير وافيه اطلب شي يردون علي بشي اخر


اقولهم بعدل الحاله الى فعال يرد علي يقول الشغب مغلقه


اقولهم ادري ان الشعب مغلقه بس فعل حالتي يقول رح للجامعه


اجي اقوله وش فايده التقنيه وليش اجي وامشور يرد علي يقول لي بعد اغلب الشغب مغلقه يعني مو كلها ؟؟؟



شي يرفع الضغط وبعدين معهم

رد: اللي ما سجل بالصيفي من دفعه 2010 او 2011 يدخل ويسجل الان
 

انا من سكان الحسا ورحت الجامعة اكثر من مرة ورحت حاولت اقابل العميد ولا فية فايده يقابلك دكتور اردني اسمه مصلح ما عنده سالفة ويقول لك بفتحون تسجيل يوم الاربعاء ولا فيه فايدة ( بس حسب علمي ان فيه شباب قدرو يسجلون الاربعاء ) بالعربي حتى لو تعرف احد في العمادة مايقدر يخدمك الا اذا عندة ادمن فلا تعب حالك استمتع بالاجازة يا بعدي

رد: اللي ما سجل بالصيفي من دفعه 2010 او 2011 يدخل ويسجل الان
 

وبعد ازيدك من الشعر بيت ترى هذي المواد لكل التخصصات اللي في الجامعة مو بس ادارة والمقاعد الي في الصالة عددها قليل لومحدودذلك ما اتوقع يزيدون شعبة جديدة انا مابغى احبطك بس ابيك ما تنصدم اذا ناوي تجي الحسا وتسجل يدوي الزبدة انه ما فية تسجيل يدوي واللي طلع هذي الاشاعة ربي يصلحه ويهديه

رد: اللي ما سجل بالصيفي من دفعه 2010 او 2011 يدخل ويسجل الان
 

طيب عطونا ارقام الجامعه

رد: اللي ما سجل بالصيفي من دفعه 2010 او 2011 يدخل ويسجل الان
 

مثلك عارف الغريق يتعلق بأي قشه و دي أسجل هذه المادة لكي يمكنني التخرج الترم القادم ان شاء الله

رد: اللي ما سجل بالصيفي من دفعه 2010 او 2011 يدخل ويسجل الان
 

لاحقين عالمواد ناخذها بعدين