|
رد: اي طالب تعلم اللغه الانجليزيه بالخارج يعطينا تجربته
موضوع ممتازومفيد للي حاب يتعلم لغه
نصيحتي لكم : أربط اهدافك بزمن معلوم ( جميع اهدافك بالحياة ) يعني هدفك هو تعلم اللغة الانجليزيه لا بد من تحديد وقت محدد باليوم والشهر لتحقق الهدف بأذن الله عن نفسي لغتي الانجليزيه متوسطه يعني امشي حالي بحكم عملي بشركة ومخالطة الاجانب،، حاليا أنا وضعت هدف والى الأن مابديت فيه اللي هو تعلم اللغة الانجليزية بالتزامن مع الدراسة بحيث أني أتخرج من الجامعة وتكون لغتي ممتازه أسف على الأطاله وأتمنى لكم التوفيق، آرق التحايا للجميع:16: |
رد: اي طالب تعلم اللغه الانجليزيه بالخارج يعطينا تجربته
أنا لي تجربة الصيف الماضي
كانت بنيوزلندا مدينة ويلنجتن ( العاصمة ) طبعا كنت رايح على اساس أني اخذ ستة اشهر صراحة كملت شهرين ورجعت فورا المصاريف معقولة نوعا ما ولكن اكبر مصيبة تواجهك في نيوزلندا هي قوة الاكسنت + مبتعثين محطمين ( اللي له سنة واللي له سنة ونصف ولا قدر يجيب 5.5 في اختبار الايلتس ) + المعاهد تدرب على مستوى عالي من اللغة وتخليك تعتمد على نفسك طبعا السكن كان مع عائلة كيويه ولكن ما استفدت منهم أي شيء وهذا امر مهم في اختيار العائلة أنا شفت تجارب مبتعثين سكنوا مع عائلات عندهم اطفال واستفادوا ولكن انا للاسف سكنت مع عائلة الاب 60 سنة الام 55 سنة الابناء ذكور 21 و 19 و 17 ما اشوفهم ابد الكبار داشرين والصغير جالس ع البلاستيشن طووول اليوم حتى وقت الاكل ما اذكر جلسنا مع كثير رغم ان الاجواء كانت باردة والمفروض الناس راكدة بالبيت لذلك تجربتي كانت شبة فاشلة لانه كان في مخيلتي غير ما رأيت |
رد: اي طالب تعلم اللغه الانجليزيه بالخارج يعطينا تجربته
سم انا دارس في لوس انجلس وواشنطن امر وش تبي اسال
|
رد: اي طالب تعلم اللغه الانجليزيه بالخارج يعطينا تجربته
اقتباس:
طيب كم كلفتك وكيف سافرت >> يعني وش احتجت من اوراق وكيف سكنت مع الاسره وكذا (بعتباري بنت فان جاهله في هذي الامور :12::12:) |
رد: اي طالب تعلم اللغه الانجليزيه بالخارج يعطينا تجربته
اقتباس:
طبعا مع رسوم الدراسة فالمعهد يخيرونك اذا تبغى مع عائلة او تدبر نقسك بالسكن طبعا انا اخترت مع عائلة والمعهد بنفسه هو اللي نسق لي العائلة بالنسبة للحجز فانا ركبت على طيران صيني اسمه الكاثي باسفيك طبعا سعره معقول مقارنه بغيرها طبعا قيمة التذكرة كانت 7500 ريال والمعهد + السكن تقريبا 23000 ريال وصرفت في شهرين حدود 7 إلى 8 الاف ريال من غير التمشية والهدايا ما احتجت اي اوراق سوى صورة من الجواز للتسجيل بالمعهد طبعا السعوديين يقدرون يدخلون نيوزلندا بدون تأشيرة وفالمطار تمنح تأشيرة لمدة 3 أشهر |
رد: اي طالب تعلم اللغه الانجليزيه بالخارج يعطينا تجربته
موضوع مفيد ياليت الاخوان يفيدونا بالمعاهد فى المملكه
ولمياء ياليت تعطينا التفصيل اكثر عن الدراسه فى ماليزياء والمصاريف |
رد: اي طالب تعلم اللغه الانجليزيه بالخارج يعطينا تجربته
موضوع مفيد جداً
من النوادر احصل موضوع مفيد منتظر أراء آخري |
رد: اي طالب تعلم اللغه الانجليزيه بالخارج يعطينا تجربته
موضوع قيّم ورائع
تسلم الأيادي على الطرح اما عند تجربتي فاانا درسة في اكثر من معهد في الرياض والحمد لله استفدت لكن اللغة بحر احتااج الكثير من الممارسة لن عند الأجابه على الورق اكون متمكنه ولكن لما اتكلم مع اجانب اجلس شوي افكر وارتب الجمل في مخي فهذي هي مشكلتي :18::7: |
رد: اي طالب تعلم اللغه الانجليزيه بالخارج يعطينا تجربته
يقول الباحث ( كراشن ): يوجد فترة سكوت لمتعلم اللغة الثانية تصل الى سنة ونص او اكثر، وبعدها يبدأ في الكلام !
مشكلتنا، ان الواحد يبي يروح هناك ست شهور ويصير بلبل، ويسجل في الجامعة هذا كلام عالم عن فترة تخزين اللغة في العقل الباطن، وبعدين الانطلاقة :21: |
رد: اي طالب تعلم اللغه الانجليزيه بالخارج يعطينا تجربته
اقتباس:
اول ترم 7 ساعات وآخر ترمين 22 ساعة والثامن 21 ساعة المهم خلصت الجامعة في 4 سنوات بالضبط ، وهذا كلامك ( اربط اهدافك بزمن معين ) :21: |
| All times are GMT +3. الوقت الآن حسب توقيت السعودية: 11:05 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام