|
رد: للأسف نحن غير مرحب فينا في مجال التعليم (مع وجود المصدر)
اقتباس:
انا فاهمه قصدها و ادري انها تود لك الخير بس انا يغيظني ان الناس تهمش دور المعلم و تعتبره شي سهل اي احد يقدر يأديه و التعليم مسؤلية و امانه حملها اكبر مما نتصور و كل شي ممكن تخطي فيه و يتعوض الا التعليم اللي انكسر فيه ما ينجبر و اذا هي شايفه انك متميز هذا اللي غاظني اكثر ليه تبعد عن التعليم و احنا بحاجة للمتميزين الله يوفقك و يكتب لك التدريس كان لك فيه خيره و انه فلان قبلك تخرج ..انت يوم تقدم ما قطعت رزق احد اللي له رزق بياخذه .. الله يوفقنا و يوفقك و يوفق كل مسلم |
رد: للأسف نحن غير مرحب فينا في مجال التعليم (مع وجود المصدر)
إذا شاء ربك قال : كن فيكون .. يمكن بتقديمك يتغاضون عن الفقرة الرابعة
والتوفيق من ربي وكّل أمرك لله فهو حسبُك ونعم الوكيل .. يصير تقديم كثير ويمشون كثير بتوفيق من ربي بدون واسطات ولاهم يحزنون فبفضل من الله وكرمه ومنته يرزقك من حيثُ لاتحتسب ويكتب لك الي فيه خير وصالح :16: |
رد: للأسف نحن غير مرحب فينا في مجال التعليم (مع وجود المصدر)
اقتباس:
انا الحين اشتغل بأخلاص ولي اكثر من 10 سنين مازاد راتبي ، لأنها شركة كحيانة! ولا تقدر المكافحين! وبيني وبينك ( المعلمين اللي كسبوها صح) اعرف واحد درس ليلي وكمل في الامام انتساب وصار مدرس له 10 سنين والحين راتبه 16 الف المعلمين هم اللي الآن متوفقين ويبنون بيوت ! فلا أحد يستطيع الحط من قدرهم! والله الحين مع القرار الجديد بفصل الوافدين (شكلي اغير رأيي) واشتغل معلم او معيد (يبي لها واسطه المعيد ههه) بالتوفيق :21: |
رد: للأسف نحن غير مرحب فينا في مجال التعليم (مع وجود المصدر)
الطموح كنز لا يفنى:
لا يسعى للنجاح من لا يملك طموحا ولذلك كان الطموح هو الكنز الذي لا يفنى ..فكن طموحا وانظر إلى المعالي .. هذا عمر بن عبد العزيز خامس الخلفاء الراشدين يقول معبرا عن طموحه: "إن لي نفسا تواقة، تمنت الإمارة فنالتها، وتمنت الخلافة فنالتها، وأنا الآن أتوق إلى الجنة وأرجو أن أنالها" :2: الله يوفق الجميع |
رد: للأسف نحن غير مرحب فينا في مجال التعليم (مع وجود المصدر)
اقتباس:
الله يكتب لك التدريس و تأكد دامك تشتغل بضمير الله بيبارك لك برزقك |
رد: للأسف نحن غير مرحب فينا في مجال التعليم (مع وجود المصدر)
جزاك الله خير، شكراً ع الدعوة
التعليم يقدرون الواحد ( 500 ) سنوياً |
رد: للأسف نحن غير مرحب فينا في مجال التعليم (مع وجود المصدر)
اقتباس:
على قد الامانه اللي انت بتشيلها .. و كل واحد و ضميره |
رد: للأسف نحن غير مرحب فينا في مجال التعليم (مع وجود المصدر)
العلاوة في التعليم مثل الحلاوة بطعم البترول = ٥٠٠ ر.س سنوياً
|
رد: للأسف نحن غير مرحب فينا في مجال التعليم (مع وجود المصدر)
اقتباس:
لا أحد يستطيع أن ينكر دور المعلم فهو الاساس اللي يقوم عليه أجيال و الآمة أتمنى لك الألتحق بمهنة التعليم في موقع أداري تقيمين فيه معلمات من حضور حصص أشراف مع الخبرة راح تعرفين قصدي بكلامي لم أقل المتميز يبتعد عن التعليم ويعجبني حماسك واتمنى انه يستمر معك في فترة مشوارك العملي و أن لا يرتطم بصخرة الواقع |
رد: للأسف نحن غير مرحب فينا في مجال التعليم (مع وجود المصدر)
السلام عليكم ورحمة الله وبركاته استغرب من بعض الردود يااخوان افهموا اشتراط وزارة الخدمة والتربية الانتظام الكلي هذا دليل على التشكيك في مؤهلاتكم وانها غير معتمدة لانها لو كانت متعمدة لما استبعدوها من الترشيح على الوظائف التعليمية حتى الكليات العسكرية ترفض قبول خريجي الانتساب القديم او المطور يعني بالعربي نصب علينا وسلامتكم |
رد: للأسف نحن غير مرحب فينا في مجال التعليم (مع وجود المصدر)
حبيبي هذا لوزاره التربيه والتعليم ماهي معترف فيها انتساب معرروف من زمان بس الوزارات الثانيه معترف فيها :41:
|
رد: للأسف نحن غير مرحب فينا في مجال التعليم (مع وجود المصدر)
طيب ماسألت نفسك لماذا وزارة التربية لا تعترف بالانتساب
البداية وزارة التربية وبقية الوزارات سوف تتبع طريقها وتستبعد الانتساب |
رد: للأسف نحن غير مرحب فينا في مجال التعليم (مع وجود المصدر)
طيب تخصصي تربيهخاصه مايناسبه الا تعليم وش السوات
|
رد: للأسف نحن غير مرحب فينا في مجال التعليم (مع وجود المصدر)
للاسف الجامعات خذلتنا ووقفت مكتوفة الايدي امام قرار استبعاد خريجي الانتساب والتعليم عن بعد من قبل وزارة التربية والتعليم جامعات لايهمها الا الربح المادي فقط لم اقراء اي تعليق او رد من جامعات الرسوم الدراسية وكأن الموضوع لا يعنيهم حسبي الله ونعم الوكيل |
رد: للأسف نحن غير مرحب فينا في مجال التعليم (مع وجود المصدر)
نتفائل خير ان شاء الله ..
الله مايضيع تعب احد ان شاء الله كل شيء يتحسن وتكون الشهادة لها احقية مواسية للانتظام .. |
رد: للأسف نحن غير مرحب فينا في مجال التعليم (مع وجود المصدر)
اقول ارقدوا في العافيه وخلوكم من هالهليل اللي مايودي ولايجيب.. الآن اغلب جامعات الإنتظام صاروا يستخدمون البلاك بورد كثير واحيان حتى الإختبار صار عن بعد.. فعشان كذا اقولكم ..اغلب الشعب الأن يدرس عن بعد وانتساب.. واعرف كثيييييييييير سحبوا من الإنتظام وسجلوا عن بعد.. يعني الدعوه كبيييره جدا..وبكره باذن الله بس انتظروا سنتين ثلاث معد فيه شي اسمه انتظام.. وبيقبلوننا غصب.. انصح الشباب اللي يبي وظيفه ويبي راتب بدري ..يدخل العسكريه ويكمل عن بعد ..اعرف عسكري توه متخرج من المباحث وشغلته بسيطه جدا والدوره 4 او 6 شهور تقريبا.. وبعدها تخرج واول راتب له 8000 ألالاف ماشاء الله..ويكمل معنا عن بعد.. ............((وفي السماء رزقكم وماتوعدون))..................... والله مافيه بشر راح يوقع لك ع الوظيفه إلا بإرادة الله عز وجل..فلاتحرقون اعصابكم ع شي ليس من اختصاص البشر..توكل ع الله |
رد: للأسف نحن غير مرحب فينا في مجال التعليم (مع وجود المصدر)
طيب لا تنسي تاخذي برواز لتعليق شهادتك بغرفتك بعد التخرج لانه ليس لها مكان غير جدار غرفتك
انا مدري ليش الناس تزعل يا اخوان افهموا شهادتكم غير معترف بها لو كانت معترف بها لم تستبعد وزارة التربية والكليات العسكرية وجامعة الامام خريجي الانتساب من وظائفها |
رد: للأسف نحن غير مرحب فينا في مجال التعليم (مع وجود المصدر)
استغرب منكم تنتظرون الوظائف الحكومية وشحططتها. مافي احسن من الخاص, صحيح راتب اقل واجازات اقل بس راحت بال. مقابلة وبعدها كم يوم ويردون عليك يا نعم يا لا. اما الحكومي بالهم طوووويل. مفاضله وفرز واعلان اسماء واحتمال يقطونك بمدينه او قريه بعيده.
يازين الخاص, جربته وارتحت فيه. بلا حكومي بلا هم. |
رد: للأسف نحن غير مرحب فينا في مجال التعليم (مع وجود المصدر)
غير معترف ولا معترف ،، انتم وش دخلكم !!!
انت معه مسوي شوشرة وناس بدت تتحطم .. يـ اخي انت متحطم لا تحطم غيرك .. وسواء معترف او مو معترف بها ليه محد جابركم انكم تكملون ...!!! وايقونة الانسحاب تاسع جمل .. تكفوووون خلونا نكمل ،، ارحمونااا بلااش تحطيم �������� |
رد: للأسف نحن غير مرحب فينا في مجال التعليم (مع وجود المصدر)
تحبون تحبطون نفوسكم واللي يشوفكم يقول إن طلاب الانتظام توظفوا
قسم مدري وأش الفايدة من موضوع مثل هذا واللي ماوده يدرس أو خايف مايتوظف خلاص يرتاح ولايخسر فلوسه وسنين عمره يختصرها ويدور لوظيفة من الحين شوفوني قدامكم ثلاثة أرباع اللي حولي بس يحبطوني ويقولون ماله مستقبل ماله فايدة وكلام كثير مادروا إن كل الدراسة عندي متعة شخصية وتحصيل للشهادة الجامعية بتخصص هويته من وأنا طفلة طبعاً تصير في أكبر العائلات :oao: موفقين وخلوا منكم الاحباط ولو ولو ومدري ايش:confused: |
رد: للأسف نحن غير مرحب فينا في مجال التعليم (مع وجود المصدر)
استغرب من بعض الردود اللي يقولوا انتم تبغون تحطمونا واللي يقول طلاب الانتظام ما حصلوا وظائف ياناس افهموا الانتساب مستبعد من المفاضلة يعني ماتدخل مع الخريجين في المفاضلة على الوظائف ليه مافكرتم ليش لنا قضية في ديوان المظالم لا وظائف في التعليم ! لا وظائف في العسكرية ! لا وظائف في بنك التسليف ! لا وظائف في معهد الادارة ! لا وظائف اكاديمية في الجامعات ! وتتكلمون عن المستقبل اي مستقبل هذا بشهادة مهمشة من وزارة التعليم العالي والجامعات ؟ انا لا اريد ان احطم احد ولكن نريد ان نسترد حقوقنا المسلوبة نريد ان يصل صوتنا الى ابعد مدى شدوا الهمه واصلوا دراستكم وواصلوا مطالبتكم باعتماد شهادة الانتساب في جميع القطاعات الحومية والخاصة بالتوفيق |
رد: للأسف نحن غير مرحب فينا في مجال التعليم (مع وجود المصدر)
الخدمه المدنيه من زمان وهي صادره قرار ان الولويه للانتظام بعدين الانتساب
شي معروف من زمان حنامالنا غير الدراسه ونشوف حظنا الله كريم |
رد: للأسف نحن غير مرحب فينا في مجال التعليم (مع وجود المصدر)
آها ياررربي وش هذي مواااضيييع تتتزرع آحباط يعني مآكمل.،.......:Looking_anim:
|
رد: للأسف نحن غير مرحب فينا في مجال التعليم (مع وجود المصدر)
اقتباس:
مردهم بيكتشفون ان مستوى التعليم في السعوديه تعبان وأساساً هم عارفين و كل يوم مطلعين برامج حسن وعزز ومدري ايش :139: وهم من سيء إلى أسوء جامعيين وخريجين ثانوي مايعرفون يكتبون إملاء مضبوط والسبب في ذلك رداءة مستوى المعلمين غير ان نص الشعب متعقد من الرياضيات والانجليزي وللحين ماعرفوا السبب فالحين يغيرون المناهج ويدمجون المواد بس مو عارفين انهم بدل يطورون التعليم خربوه |
رد: للأسف نحن غير مرحب فينا في مجال التعليم (مع وجود المصدر)
السلام عليكم حابه استفسر اذا فيه تسجيل طلاب انتظام تحضيري الايام هذي ولا لا واذا فيه ياليت تقولون لي متى بيكون الرجاء الرد ضروري
|
رد: للأسف نحن غير مرحب فينا في مجال التعليم (مع وجود المصدر)
اقتباس:
|
| All times are GMT +3. الوقت الآن حسب توقيت السعودية: 10:32 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام