|
رد: خطاب شكوى محاسبه2
اللي قاهرني يا لينكس ، إن المادة مهيب ذيك الصعبة.. بس هو متعمد التصعيب بشكل واضح.. حتى أشوف كل المنتديات مسمّين اختباره اختبار (ليس شيئاً مما سبق) من كثر ما كرر هالخيار اللي يقلب المخ.. للأسف أنا كنت أذاكر وأحل معه الأسئلة أثناء المحاضرة وحلي تمام.. وقليل إني أغلط .. حتى كنت متفائلة جداً بالمادة قبل أدخل أختبر.. بس أول ما دخلت وبديت أشوف الأسئلة.. صار كأني أشوف شيء أعرفه بس موب فاهمة منه ولا شيء .. ومع الوقت تذكرته يوم كان يتهدد ويقول والله العظيم ماراح يكون الاختبار نفس الاختبارات السابقة.. وقلت بنفسي عزّ الله بـرّ بحلفه.. بس الحلف على فعل الغلط وش يسمى ؟؟ يتحدانا بالتصعيب واللف والدوران ليه ؟؟ يعني يبي ينقال والله طلّعهم الدكتور خالد مبدعين وعباقرة زمنهم ؟؟ وإلا وش يبي بالضبط ؟؟ أنا ما أقول إلا ( الله لا يسامحه ) لا هو ولا اللي حاطين في رأسهم إن التصعيب بيخلي الطلبة نابغين.. وموضوع الفلوس ما جاء ببالي إلا مع كثرة طرحه من قبل الطلبة هنا.. والظاهر إنه فعلاً هو اللي وراء جنونهم هذا.. الله ينكد عليهم زي ما نكدوا عليّ وغمّوني.. |
رد: خطاب شكوى محاسبه2
شوفووو حل مع هالماده لازم من الترم الجاي نجمع النماذج ونشوف الملخصات اللي ندرس منها يا غلط منا ولا من الدكتور هالسباك انا اكره المصاريه :44: حسبي الله عليهم ماكثرو دكتور سعودي يحطونه ويخرجون دكاتره سعوديين
|
رد: خطاب شكوى محاسبه2
اقتباس:
الظاهر درجة النجاح 30 أنا خذت 28 بس وحملتها.. وفي رياضيات1 حاملتها أخذت 30 ونجحت ! |
رد: خطاب شكوى محاسبه2
يحط لنا الغاز حسبي الله عليه مرتين يالضالم احملها وكلها ٥٩و٥٨ كرهتها هالماده من كثر خداعه بالشرح يشرح ونحل معه تتفاجى باسءله ثانيه بالاختبار مثل سالفة الصحه واللياقه حسبي الله عليه اكلونا بفلوس جامعتنا هدفها مال ليس تعليم
|
رد: خطاب شكوى محاسبه2
درجة المشاركه كامله بس الاختبار النهايي مدري كيف حاسب درجاته علي السوال يمكن ٣درجات ولا درجتين مدري :12:
|
رد: خطاب شكوى محاسبه2
اذكروا الله يا جماعة الخير محاسبة2 مادة دسمة جدا وتحتاج مجهود كبير ويجب أن يعتمد الطالب على الفهم وليس الحفظ الدكتور ما له ذنب حتى تدعون عليه جميع أسئلة الاختبار من المنهج ولم يأت بسؤال واحد من خارج المنهج والدكتور ما قصر في الشرح والتوضيح |
رد: خطاب شكوى محاسبه2
الحمد لله أنا عكسكم نسبة حمل المادة عندي كانت 70% بس الحمد لله عديتها ب 65 نازلة كثير بس احسن من حملها
و الله يوفقكم ان شاء الله:16: |
رد: خطاب شكوى محاسبه2
مين يعطيكم محاسبه 2
|
رد: خطاب شكوى محاسبه2
انا الحمدلله عديتها وكانت اقل درجه عندي بس اهم شي اعديها
دكتور فاشل م يعرف يشرح والاسئله كانت صعبه جداً عديناها ب توفيق من الله وب الاختيارات العشوائيه مهو من زين الشرح وبعدين وش هالنظام الطالب يحمل ماده مرتين عشان درجتين ولا 3 ! انا هالمصاريه مره م امشي معهم حنفي خلاني احمل الرياضيات 1ع درجتين وقلعتها ل اخر المستويات ان الله احيانا |
رد: خطاب شكوى محاسبه2
انا مثلكم طلعت نوعا ما مبسوطه من الاختبار بس باقي لي ثلاث درجات على النجاح ونقصها علي من المشاركه مع اني كل شي حالته ومتأكده منه ... لو مانقصو من مشاركاتي بدون حق كان نجحت فيها
بصراااحه ظلم ظلم ظلم ابي درجات مشاركاتي لازم يعيدون النظر فيها :39: |
| All times are GMT +3. الوقت الآن حسب توقيت السعودية: 02:48 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام