ملخص زيارتي للعمادة و مقابلتي للعميد + نصيحة لمن أصابة الظلم بالمشاركة و درجات الاختبار

[نيوف]

السلام عليكم و رحمة الله و بركاته

طبعاً انا نجحت لله الحمد و المنة .. و اتمنى اللي ما حالفة الحظ يعوض بالسمسترات القادمة

كان إعتراضي على نقص في درجة مشاركة احد المواد

في البداية وجهوني لمكتب الدكتور مصلح مشرف نظام التشغيل الالكتروني

دخلت عندة و ادخل رقمي الاكاديمي و طبع لي برنت يفيد اني ما كتبت الا مشاركتين

ناقشته و قال بشوف مادة ثانية و تشوف كيف و قلت ما همني اللي كاملين و رد باسلوب تعبان ( هذي اندكيشن لي )

طبعاً سوا المحقق كونان و يقول شوف مناقشاتك كلها بيوم واحد و اربع ساعات !!

طبعاً هذا شي ما يخصه و مو محددين وقت نناقش ولا له خص

قلت السستم يخطئ انا ابي دليل افتح لي النظام وورني من صفحتي اني ما حليت

قال رح تظلم للمكتب اللي جنبي ( مكتب العميد )

انا دخلت و لقيت الاخ احمد الشعيبي الرجال ما يقصر

شاف درجاتي و قال ناجح انت ، قلت حقي 8 درجات صح ولا مو صح

عاد حاول معي يمين يسار قلت ما اقتنعتني اثبت لي اني ما حليت النقاشات ،، لو اني ما حليتها ما تعبت نفسي

شيل ابوك حط ابوك آخر شي قلت بخش ع العميد

خشيت ع العميد و كان صدره رحب و محترم لابعد درجة ، شرحت له الموضوع

و قال لازم تتاكد انه انكتبت قلت شوف قد صارت لي هالمشكلة و ما تكلمت ،

الحين في نهاية الاختبارات اخشش و اتاكد من كل شي انه محلول عشان ما اكذبكم ولا اكذب نفسي

هل فيه امل تراجعون ؟؟ و ترجع لي درجاتي ؟؟

قال لي لا بسس انت اذا مرة مشكك سو ( برنت سكرين) لكل مشاركاتك و تعال

قلت هذا يضمن حقي ؟ قال ايه نعم ..

قلت شكراً لك و الترم الجاي ما راح يفووتني شي

زبدة الكلام : إنه الترم القادم يا اخوان عندك حلين للنقاشات لأن كل الطلاب اللي واجهتهم هناك كانت مشكلتهم النقاشات !!

،،يا إنك تصور الشاشة لكل مشاركة اذا كان عن طريق الافتراضي

او تطبع الايصال لكل مشاركة ع حسب كلامهم البلاك بورد يعطي إيصال بعد كل ممشاركة ، وانا ما احبذ التعامل مع هالبرنامج ولا لي فيه

و بالنسبة لايقونة التظلم اللي بتفتح بكرة و بالذات موضوع درجات المشاركة ،، عشان ما تكون صدمة

صدقوني ما راح تستفيدون شي و مو معناته اني اقول لك لا تتظلم ، بالعكس تظلم بأي شي بخاطرك


اما بالنسبة للتظلم في درجات الاختبار حسب كلامهم راح ينزلون لك صورة ورقة اختبارك و حلك

و اخواني اللي فيه حيل يراجعهم يروح ، بيورونك ورقة اختبارك و موضوع الرسوم 300 ريال كله كذب * كذب

لا رسوم ولا شي تخش و تقلط عليهم و تنحل امورك

و بالنسبة للي اخطأ بسجله المدني + الرقم الاكاديمي لا بد يراجعهم و تتصلح امورهم

لان حسب كلامهم اذا صار تعارض بين سجلك المدني الصحيح و رقمك الاكاديممي الخاطئ بيعطيك صفر لين تراجعهم و تعدلها ، و ينطبق الأمر على اللي نسى يكتب معلوماته اساساً

في الختام اتمنى انه يكون واضح لكم ،، و المعذرة لاني اكتب من الايفون ما معي لاب قلت انزل الموضوع حار بحار عشان ما اتكيسل بعدين و يتم التطنيش

تحياتي و أي سؤال انا حاضر و بالشوفة

[منتسب هنا]

يارجال نصابين انا حالهم كلهم في نص ساعة ومعطيني 30 في كل المشاركات

[نيوف]

المشاركة الأصلية كتبت بواسطة منتسب هنا

يارجال نصابين انا حالهم كلهم في نص ساعة ومعطيني 30 في كل المشاركات

الدعوة مو كذاا ، فعلاً ما طلع لي بالمادة ذي الا مشاركتين و هنا المشكلة اللي رفعت ضغطي ، لان وربي متاكد حال كل شي و مشيك مليون مرة

بس هو مثل اللي يدقني ( حالها بيوم و ووجهه قوي )

هذي مادة جايب فيها 30 فهمت اخوي

بالعربي اسلوبة تعبان الله يهديه

[اوراق مبعثره]

طيب كيف كان حلك في الحوار كلمه ولا تحل السؤال
ارجوك رد

[اوراق مبعثره]

انا اليوم راح زوجي والظاهر جا واحد من الرياض وقالوه حالهم في يوم واحد

[نيوف]

المشاركة الأصلية كتبت بواسطة اوراق مبعثره

طيب كيف كان حلك في الحوار كلمه ولا تحل السؤال
ارجوك رد

لا حلي كامل ، لو عندي اللاب رفعت لك صورة النموذج و تشوف

بالنسبة للي يكتب كلمة ، فيه واحد علموني عنه وكان متظلم و راجعوا اجاباته لقوها كلها شكراً

فقرر الاخ مصلح قال باعلقها ع الحائط برى مع اسمك بس تعوذ من ابليس الرجال شقق الورق و مشى هههههه

[نيوف]

المشاركة الأصلية كتبت بواسطة اوراق مبعثره

انا اليوم راح زوجي والظاهر جا واحد من الرياض وقالوه حالهم في يوم واحد

ماهو عذر المفروض رد عليهم و قال لهم انتوا مو حاطين تايمر و ان النقاش يسكر بعد اسبوع من نزولة

مالهم حق نهائياً لو مو ينغلق بوقت معين يقدرون يحاسبون

والمادة اللي شاف حلها كله بيوم ماخذ فيها 30 انا

هذا يسمونه اسلوب الزحلقة ، المفروض خش ع العميد

[اوراق مبعثره]

الله يعين بس اتوقع ما يقرون الحوار

[لينكس]

الزبدة انك ماطلعت باي نتيجة مبررات من قبلهم مالها داعي ، كل هذا من اجل تغليطك

[نيوف]

المشاركة الأصلية كتبت بواسطة لينكس

الزبدة انك ماطلعت باي نتيجة مبررات من قبلهم مالها داعي ، كل هذا من اجل تغليطك

والله يا قلبي عارف اني ما بأطلع بأي نتيجة

بس عشان اتجنب هالاخطاء الترم الجاي

اجي ارزز الصور حقت مشاركاتي كلها بوجيههم

و على الله ا الفرج ،،

ع الاقل احس اني سويت شي ، و ارضي ضميري مو اقعد اتحسب عليهم و ادعي