ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   افيدونا بكل ما يخص مستوى ثاني " أداب " (https://vb.ckfu.org/showthread.php?t=471501)

ســــلآف 2013- 6- 14 06:49 PM

افيدونا بكل ما يخص مستوى ثاني " أداب "
 
السلام عليكم ورحمة الله وبركاته
اسعد الله جميع أوقاتكم بالخير والبركه
:16:
مبرووووووووووك النجاح للجميع
وإجازه سعيده وكل عام والجميع بألف صحه وسلامه

*
*
لي طلب منكم وهو تعطونا نبذه عن مستوى ثاني " كلية الآداب "
كل ماده ومدى سهولتها أو صعوبتها ... لكي نرتب جدولنا
ترتيب حلوووو بين سهل وصعب ويا رب ما فيه شي صعب
امام الارادة والعزيمه .....

ياليت تفيدونا من واقع تجربه
وياليت تزودونا بالملازم المعتمده والصحيحه
لاني زرت ارشيف مستوى ثاني ضعت بين كثر الملازم :4:
كل مجموعه منزله ملزمه .....
نبغي نرتب لنا المهم والأهم حتى نبدأ بدايه صحيحه بدون تشتت

دلونا على كل شي يفيدنا ربي يوفقكم ويبارك فيكم
لكم جل تقديري واحترامي مقدما ...

http://www.m5zn.com/newuploads/2013/...318be80eae.jpg

:16:

لون عيونك 2013- 6- 14 07:01 PM

رد: افيدونا بكل ما يخص مستوى ثاني " أداب "
 
ياليت تطلعني على الخطة الدراسية لقسمك وهذا المفروض قبل ما تسجيل بالجامعة
الخطةبتشاهدين جميع المواد الي في قسمك من اول مستوى إلى المستوى الثامن
ووفقنا الله وياك

ســــلآف 2013- 6- 14 08:50 PM

رد: افيدونا بكل ما يخص مستوى ثاني " أداب "
 
ابشر اضفتهااااااااااااااااااا

غيداآء 2013- 6- 14 08:59 PM

رد: افيدونا بكل ما يخص مستوى ثاني " أداب "
 
ماشاء الله عليك ياسلاف متحمسه وهذا شي حلو :21:

اول شي بقولك نصيحه بتلقين اختلاف بمدى صعوبة وسهولة الماده من كل شخص ف لا تتأثرين لان كل شخص له قدراته

انتي اللي تحكمين عالماده اذا سهله او صعبه :21:

ولا فيه شي صعب مع المذاكره والاجتهاد اول بأول ...


لي بااك ... :16:

Khaled.SU 2013- 6- 14 09:18 PM

رد: افيدونا بكل ما يخص مستوى ثاني " أداب "
 
انجليزي قراءه مادة سهله جداً تعتمد على حفظ الكلمات و استخراج الاجابات من القطع فقط
الانجليزي كتابة فيها قواعد و اكثرها اخذناها في المستوى الاول بالانجليزي العامه و الباقي مجرد اماكن الفاصلة و هالاشياء و هي سهله جداً بعد

فقة السيرة ي ليتها مادة متسلسلة بنفس الموضوع مادة فعلاً ممتعه سيرة النبي اللهم صلى وسلم علية و بعض الغزوات لا اكثر و الدكتور اسئلته واظحه جداً و الخيارات متباعده يمديك تميز الصح بالمذاكره العادية

الاحصاء مادة تلخبط و فيها صعوبة لكن بتذاكرين و تجتهدين زين بتعدينها بأمتياز لا تعتمدين ع الاسئلة الماضية بشكل مباشر فقط افهمي الطريقة و حليها بنفسك و الباقي بيكون من اسئلة و تمارين الكتاب على الاغلب و ركزي بالمحاضرات و شرح الدكتور

علم الاجتماع مادة معقده بعض الشي كلها تعاريف و علماء كثير و الله اني رحت وانا مااتذكر شي لكن ذاكرتها كثيرر و حاولت كثير رحت الاختبارات و ربي سهلها ..

التلاوة و التجويد رغم ان محتواها قليل لكنها كانت اصعب مادة بالنسبة لي و جبت فيها اقل درجة بين الدرجات ركزي عليها و افهميها و احفظي الحروف زين :9:

التذوق الادبي ماده سهله و ممتعه يعطيك ابيات و يطلب معاني الابيات و من القائل و ليش و الصور الجمالية و كذا ..

النحو 2 اسهل من النحو 1 بكثير و اقل ف المحتوى و الدكتور شرحه ممتاز و ملخصه مميز جداً و محذوف منه اشياء كثير

برامج الحاسب وانا اذاكرها شوي و ابكي لأن كلها ايقونات و صعب نستوعبها لكن الدكتور جاب اسئلة اللي ماذاكر بيحل مادة سهله جداً و اي شخص يستعمل الحاسب راح يعدي بكل سهولة

.. الملخصات كلها اعتمدة على حقيبة فجر الله يوفقها و اغلبها كانت للأخ هتان الله يسعده و كانت ملخصات كافية و وافية لكن قبل تعتمدينها تأكدي لو المحتوى او الدكتور ماتغير .. و مادة القراءة و المحادثه باخذها هالترم ان شاءلله

ف النهايه نصيحه لك و لباقي الاخوان و الله ان كل شي من البداية تشوفه صعب لكن مع المذاكره و الاجتهاد و التعب كلها تتسهل بتوفيق من الله ف شدوا حيلكم وخلو عنكم التبطح :30:

الجلاد 2013- 6- 14 09:29 PM

رد: افيدونا بكل ما يخص مستوى ثاني " أداب "
 
أنا أخذت 6 مواد
قرائه ومحادثه

مادة حلوة وخفيفه وملخصها قليل تتكلم عن آداب الحديث مع الآخرين وأساليبها

مبادئ علم الإجتماع قرقر واجد

مبادئ الإحصاء صعب جدا على من لم يفهمها ومن لم يدرسها أول بأول وبسيطه إلى حد ما لمن يدرسها جيدا

التلاوة والتجويد للأمانه لم أستمع للمحاضرات ولكن للأسف الدكتور حاط أسئلة كأننا متخصصين تجويد

بصراحة معقدة ومادة تخصصيه ولكنها مو كثير

نجحت فيها على الحفه

برامج الحاسب المكتبيه الله يبارك فيه الدكتور حط لنا أسئلة عسل على القلب

يتكلم على برامج الوورد والإكسل والبور بوينت

فقه السيرة وهو أعظم سيرة وأحلى مادة وهو سيرة الرسول صلى الله عليه وسلم

بشكل مختصر :16:

أخذت فيها 100٪ :1:

عطر الانوثة 2013- 6- 14 09:39 PM

رد: افيدونا بكل ما يخص مستوى ثاني " أداب "
 
اخ خالد شكراً لك ع التوضيح احس اني استفدت من بعض المعلومات

بخصوص التلاوة والتجويد وشلون نحفظه ذا من دون قراءه وتسميع احس غريبه اسئله من دون سماع

اما بخصوص الانجليزي قراءة وكتابه احس انمغصت لما شفتهم بالخطه لكن بعد كلامك ارتحت

المكشلة اني لما اختبرت انجليزي المستوي الاول كنت مذااااكرته اول باول

ورحت وهو الماده الوحيده االي شفت المحاضرات وفهمت االشرح وحفظت وطلع اقل درجة مع انو ع بالي حليت

شي غريب بصراحه

والادهى والامر الصحة ماااحليت شي وجبت درجات كيف ما ادري

سبحان الله:22:

Khaled.SU 2013- 6- 14 09:48 PM

رد: افيدونا بكل ما يخص مستوى ثاني " أداب "
 
اقتباس:

المشاركة الأصلية كتبت بواسطة عطر الانوثة (المشاركة 9151962)
اخ خالد شكراً لك ع التوضيح احس اني استفدت من بعض المعلومات

بخصوص التلاوة والتجويد وشلون نحفظه ذا من دون قراءه وتسميع احس غريبه اسئله من دون سماع

اما بخصوص الانجليزي قراءة وكتابه احس انمغصت لما شفتهم بالخطه لكن بعد كلامك ارتحت

المكشلة اني لما اختبرت انجليزي المستوي الاول كنت مذااااكرته اول باول

ورحت وهو الماده الوحيده االي شفت المحاضرات وفهمت االشرح وحفظت وطلع اقل درجة مع انو ع بالي حليت

شي غريب بصراحه

والادهى والامر الصحة ماااحليت شي وجبت درجات كيف ما ادري

سبحان الله:22:

وهذا اللي مخلي التلاوه و التجويد الاصعب و فوق كذا ف الاسئلة مافيه حركات لكن اشوف ان الفهم و حفظ الحروف للحكم هي اللي بتعطيك النجاح

الانجليزي هو لازم يكون عندك مخزون سابق فيه و بما انك اخذتيه الترم الماضي ان شاءلله بيكون اسهل هالترم

الانجليزي كتابة هو تكرار للأنجليزي العام بس ببعض الاضافات اما الانجليزي قراءه فهو اتفه من اننا ناخذه لان كله بس كلمات نحفظها و نستخرج من القطع

المذاكره اول بأول مفتاح النجاح مهما كانت صعوبة المادة :35:

واضح 2013- 6- 14 09:57 PM

رد: افيدونا بكل ما يخص مستوى ثاني " أداب "
 
مواد سهله اذا بدا الواحد يذاكر من قبل خاصه ماده الاحصاء صعبه شوي وماواد تحتاج تركيز مثل التجويد وعلم الاجتماع ربك يسهلها موفقين :2:

غيداآء 2013- 6- 14 10:08 PM

رد: افيدونا بكل ما يخص مستوى ثاني " أداب "
 
اقتباس:

المشاركة الأصلية كتبت بواسطة khaled.su (المشاركة 9151998)
وهذا اللي مخلي التلاوه و التجويد الاصعب و فوق كذا ف الاسئلة مافيه حركات لكن اشوف ان الفهم و حفظ الحروف للحكم هي اللي بتعطيك النجاح

الانجليزي هو لازم يكون عندك مخزون سابق فيه و بما انك اخذتيه الترم الماضي ان شاءلله بيكون اسهل هالترم

الانجليزي كتابة هو تكرار للأنجليزي العام بس ببعض الاضافات اما الانجليزي قراءه فهو اتفه من اننا ناخذه لان كله بس كلمات نحفظها و نستخرج من القطع

المذاكره اول بأول مفتاح النجاح مهما كانت صعوبة المادة :35:

التلاوه والتجويد كان فيه حركات فوق الاسئله والا كيف حلينا طبعا اقصد حركة النون والميم والتنوين على اسئلة الاحكام

والتجويد يبي له فهم وتطبيق على الايات مو حفظ وبس


All times are GMT +3. الوقت الآن حسب توقيت السعودية: 06:57 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه