رد: ضحايا مادة بحث مشروع التخرج .. المحاوله الثانيه هنا ..
 

والله تعبنا من هالبحث انحرمنا من الاجازة وعايشين في هم وغم وخوف سافرت ورجعت وما انتهت سالفة البحث :36:

رد: ضحايا مادة بحث مشروع التخرج .. المحاوله الثانيه هنا ..
 

ارسلت الدرافت النهائي وان شاءالله يكون اوكي
يعطيني الموافقة عليه وارفعه له بشكل نهائي


ياااااارب
الله يجعله خير

رد: ضحايا مادة بحث مشروع التخرج .. المحاوله الثانيه هنا ..
 

موفقة ا ختي بدوية ..
واحب اعرف عن النماذج الخاصة بالخريجين ... كيف احصل عليها ... والإجراءات
وبالتوفيق للجميع

رد: ضحايا مادة بحث مشروع التخرج .. المحاوله الثانيه هنا ..
 

ياسيدي الفاضل الدكتور قاعد يناقض نفسه بكل مره يطلب تصحيح

وطلباته للتصحيح مختلفه عن المطلوب في المحاضرات

شالمطلوب ؟ امشي على ايش ؟

هو يصحح ببرنامج والبرنامج له متطلبات غير المحاضرات

والدوامه ستسمر

ولا بنعرف شالمطلوب نهائيا

هو بنفسه ياناس يغير كلامه في كل مره !

الماده هذي حظ ونصيب مافيها اي فلاحه

رد: ضحايا مادة بحث مشروع التخرج .. المحاوله الثانيه هنا ..
 

طلب مني تغير البحث بالكامل وعندي فرصه خلال هذا الاسبوع ارسله وان شاءالله الليله اخلص منه بس قول لي لو ارسلته الفجر متى برد علي الاخ

رد: ضحايا مادة بحث مشروع التخرج .. المحاوله الثانيه هنا ..
 

بصراحة من كثر ما انا متوترة من البحث ماسكني صداع مو راضي يفك تعقدت قاعدة انطرة يرد علي علشان ارسله الارسال الاخير بس اخاف يطلع لي اخطاء والا يقول للي غيريه :9:
اخت بدوية شنو اعتراض الدكتور على البحث حقج اللي قالج تغيرينه لان من كثر ما يقولج غيريه تعقدت من جد :12:

رد: ضحايا مادة بحث مشروع التخرج .. المحاوله الثانيه هنا ..
 

غريبة انتي قوية في الانجلش ( تذكرين ملخصك لنظرية الترجمة) كنتي هاي وانا درست من ملخصك!

ترا البحث بسيط وألفي من عندك افضل.

وبعدين لا تتشكين هنا واكيد بيتنذل معك زيادة اذا شاف تذمرك، واكيد يعرف انه انتي!!.

رد: ضحايا مادة بحث مشروع التخرج .. المحاوله الثانيه هنا ..
 

آآآمين يارب وإياكم

شلون النماذج الخاصة بالخريجين؟ أنت ماسبق وارسلت صورة من هويتك و جواز سفرك علشان ينكتب اسمك بالانجليزي ع الوثيقة
إذا ما ارسلته ادخل من هالرابط (>>بوابة الخريجين<<)

اقرأ الشروط بعناية وحط موافق عليها
و عب البيانات المطلوبة.. وفيه خانات مخصصة ترفع منها الملفات


أنا طبعت النموذج و كتبت بياناتي بخط يدي.. ورفعتها ملف pdf هي وبطاقة العائلة وجوازي

أتمنى أكون أفدتك



يقول موضوعك كبير ولازم تكونين اكثر تحديد
المرة الاولى < الترم الماضي
كتبت عن methods of teaching English in Saudi schools

بغى ينجلط... يقول لا حددي المرحلة

وحددتها بمرحلة الهاي سكوول

و وافق عليه وكان مبسوط


في المرة الثانية
لمن قدمت له نفس البروبوزال الأول اللي سبق و وافق عليه .. بغى يسوي حجز للظهران يقتلني ويرجع للأحساء
لااااااااا ما ينفع الموضوع كبير ويحتاج ويحتاج ويحتاج غيريه.. لأنه مرفوض جملة وتفصيلاً:32:

غيرته واخترت موضوع حلو وخفيف ومراجعه متوفرة و اقدر اكتب فيه من بنات افكاري < لبى قلبهم :42:

قال اوكي حلو...بس حددي اكثر لاي مرحلة وليش اخترتيه ولمن حددت واخترت

رجع عطاني ملاحظات... منها الكلمة اللي كانت (القشة اللتي قصمت ظهر البعير ) SO WHAT?!!!

كل سطر والثاني سو وات كلنا نعرف هالموضوع...
لكن عدلي ع الاتاتشمنت و يصير خير < معنى كلامه لي


عدلت عليه وكلي أمل بتوفيق الله وارسلته



هذي كل القصة في كفاحي مع بروبوزال الصيف

رد: ضحايا مادة بحث مشروع التخرج .. المحاوله الثانيه هنا ..
 

يارجل خلها على ربك
الدكتور مو طبيعي
يا اما انه ناسي المحاضرات المسجله وش قايل فيها
يا اما انه ناسي وش قايل بالمباشره
يا انه فيه احد ثاني يصحح
او انه فعلا ترك الحبل ع الغارب لبرنامج التصحيح


وربي بس لو ينتبه لأخطائه الاملائيه بردوده علينا يكفي
ذبحنا بالتصحيحات وهو مااااااااااااااش من جنب القده :5:
لأن مافيه برنامج يصحح له كتاباته الشخصانيه على قولة احدهم :5:


شف مثال مقتطع من الباوربوينت عن الانترودكشن
An introduction should not introduce a detailed background of the topic.

طيب

شف وش طالب مني انا بالتصحيح
Here you need to tell us what exactly you want to do.

!!!!!

مع ان هذا الطلب يجب ان يكون في الابستراكت مو بالمقدمه لأن المقدمه يفترض فيها ان تكون
It gives a brief idea about the research question
كمان هذا كلام مقتطع من الباوربوينت !!!

وقيييييييييييييييييس على هالتناقضاااات

كتبت ان اللغه الفرنسيه اقرب للانجليزيه ( من العربيه ) ضمنيا ينفهم قصدي كذا لأن الكلام يدور عن هالمحور ... حط ملاحظه ان هالمعلومه غير دقيقه و عطاني نبذه عن تاريخ الفرنسيه واصلها وفصلها ؟ انا في جهه وهو بجهه

بتقول لاتكتبيها ضمنيا بقول لك والله سياق الكلام كان عاللغتين فرنسيه و انجليزيه ساعتها وحسبته فاهم

انا ماجبت طاري تاريخ اللغات !!!!!

احس كذا شخص يمسكون التصحيح مو بس واحد

رد: ضحايا مادة بحث مشروع التخرج .. المحاوله الثانيه هنا ..
 

لو حمشي ع كلامه بالظبط معناها رح اكرر الابستراكت في الانترودكشن

ساعتها ليش اكتب الثنتين؟

سويت كلامه اللي بالمباشره القذة بالقذه

ولا مشي الحال والله اعلم متى بيمشي؟

طلباته في التصحيح ابدا لا تمت للمباشرات بأي صله

فيه إن وش كبرها بالموضوع