السلام عليكم ورحمة الله وبركاته

الموضوع ممتاز جدا شكرا لك ي صآحب الموضوع


بالنسبة للماستر فيه خيارات كثيره متاحه للي حاب يكمل

الابتعاث الخارجي + الابتعاث الداخلي

وفيه عندنا خيار آخر اللي هو الدراسة بالكليات الاهلية مثل كليات الشرق
طبعاً يفضل انها تكون معتمده ومعترف فيها من التعليم العالي

الفكره بالكليات الاهلية المعترف فيها بالتعليم العالي انك تقدر بعد دراستك اول ترم التقديم على الابتعاث الداخلي بالتعليم العالي وتكمل بنفس الكلية اللي انت سجلت فيها بس على نفقة التعليم العالي


المهم الخيارات كثيرة ومتاحة اهم شي الطموح والاصرار والعزيمة



بالنسبة للتعيين بالتدريس للطلاب المتخرجين انتساب
مافيه شي مستحيل او ميئوس منه

وبالنسبة لرواتب المعلمين

الغير تربوي 7500 والتربوي 8100 , وكل 1 محرم من كل سنة يزيد راتبه 500

طبعاً تخصص التربية الخاصة يفرق حصولهم زياده على خمسين بالمية من الراتب الأساسي اللي هو 8100 + 50% من الراتب الأساسي
وتعديلهم السنوي اللي هو 520

طبعاً بنظام التدريس فيه شي يسمونة قفزه وهي كل خمس سنوات يزيد الراتب الف ريال

حبيت أنبه على شي اللي هو الراتب التقاعدي بالنسبة لي اشوف ان التدريس افضل من ناحية الراتب التقاعدي
راح تستلم راتبك الاساسي يعني مستحيل ينزل راتبك عن 7500

انا حاليا اشتغل بقطاع حكومي وراتبي ولله الحمد اعلى من 10000
بس لا قدر الله وتقاعدت بينزل راتبي لـ 4000
يعني ما راح استفيد شي

لازم نفكر بالمستقبل ونأمن شي لنا قدام



تحياتي وودي لكم وربي يوفقكم