|
ارجوا المساعده.. كل تعبي بهالجامعه ضاع
السلام عليكم ورحمة الله
اخواني اخواتي صار عندي مشكله اليوم تم ارسال جميع شهاداتي واوراقي بالبريد ووصلتني رساله من الجامعه انه تم قبول انسحابي وانا ماقدمت اي طلب للانسحاب والحين ابي اعرف كيف اتصرف الجامعه مايردون واحاول ادخل برقمي الجامعي ع موقع الجامعه ومايسمح لي ادخل حرام يضيع كل تعبي بسبب خطا من الجامعه واتمنى اذا فيه احد صار معه نفس مشكلتي وانحلت يطمني والله مقهوره من هالخربطه |
رد: ارجوا المساعده.. كل تعبي بهالجامعه ضاع
يا الله. وش هذا.
رح الجامعة بملفك كله في أقرب وقت. لا يكون أحد دخل حسابك وتعبث فيه وأنت ما تدرين؟ |
رد: ارجوا المساعده.. كل تعبي بهالجامعه ضاع
المشكله مرتبطه بدوام حتى نهاية الاسبوع ماعندي اجازه ومستحيل اسافر هل ممكن احد ينوب عني
|
رد: ارجوا المساعده.. كل تعبي بهالجامعه ضاع
أكيد, أي واحد من معارفك يروح لهم بالملف ويعلمهم وش حصل.
لكن ودي تتأكدين إن كان أحد يدخل حسابك غيرك؟ مصيبة لو الجامعة ارتكبت هذا الخطأ الفادح جداً. |
رد: ارجوا المساعده.. كل تعبي بهالجامعه ضاع
الله يستر ماتصير لنا على اخر شي قبل مانستلم الوثيقة . والله بلاوي بلاوي الله يعين . حاولي تكلمي الشعيبي ولا الدكتور مصلح .
|
رد: ارجوا المساعده.. كل تعبي بهالجامعه ضاع
كيف ممكن اتواصل مع الشعيبي او المصلح
|
رد: ارجوا المساعده.. كل تعبي بهالجامعه ضاع
0542138338 د: مصلح العضايله الله ييسرلك يارب 0534513395 نفس الشي للدكتور مصلح العضايله |
رد: ارجوا المساعده.. كل تعبي بهالجامعه ضاع
الله يعينكم راجعوا الجامعه ضروري
|
رد: ارجوا المساعده.. كل تعبي بهالجامعه ضاع
لاحول ولا قوة الا بالله معقول يصير مثل هالخطأ الفادح والله صارت مسخره
. . سوي لهم انتفاضه تواصلي واستفسري من الكل لا خلين احد ماتراسلينه او تكلمينه اذا مانفع روحي لهم والله يعينك الحسا قريبه . . بعطيك اللي عندي إيميل الفريدان afridan@kfu.edu.sa رقم الشعيبي 0507937304 محمد عبده 0554482451 ايميل العماده del_Help@kfu.edu.sa الله يسخر لك ولا تشيلين هم دام ماطلبتي الانسحاب راح تتسهل امورك لا تنسين الدعاء بهذي الايام الفضيله والله شلت همك |
رد: ارجوا المساعده.. كل تعبي بهالجامعه ضاع
انا جاهز انووب عنك والله وش هالتسيب من الجامعه
|
رد: ارجوا المساعده.. كل تعبي بهالجامعه ضاع
تأكدي هل عطيتي الرقم أحد ثاني وعملك أنسحاب .
الله يفرج همك |
رد: ارجوا المساعده.. كل تعبي بهالجامعه ضاع
اختي ممكن انتي عطيتي احد الرقم الجامعي و الرقم السري وهو عملك بالغلط
او دخلتي من جهاز لمس و انضغط بالغلط انا صارت لي كذا بس الحمدلله اني م كنت مسدده الرسوم اشوف الشاشه اقرا لازم تسدد الرسوم قبل الانسحاب من الجامعه و صرت انتبه كثير من اجهزة اللمس طمنينا يالغاليه و الله انشغل بالي معاك باذن الله يرجع كل شي كما كان |
رد: ارجوا المساعده.. كل تعبي بهالجامعه ضاع
اخطاء الجامعة وارده ودايمه.. انا الترم اللي طاف قبل الاختبارات بااسبوع لقيتي محاضراتي ما تطلع ولا شي وفجاه لقيتي حالتي تأجيل الترم :4: افااا طبعا وقمت راسلتهم ومحد رد للأسف لاهين الله يعينهم المهم رحت لهم وكلهم تفأجوا وقالوا هذ1 مو من عندنا من فوق من عمادة القبول والتسجيل!! كيف يالربع قالوا ما ندري!! المهم ارسلوا موظف بطريقة سريه يستطلع وش الموضوع وانا بس زي الاطرش في الزفه ورجع وقالوا لي اوك تعدلت حالتك الي فعال وكان فيه خطأ وحصل خير.. طيب والي متى!! الله اعلم كل اللي عليك ترسل احد يدخل على الفريدان ويدخل ع النظام ويعرف وش صار وانه ما طلبت انسحاب!! واذا رفض يدخل علي مدير الجامعة .. بس اللي يراجعهم يجي من صباح الله يلحق عليهم اول بااول لانهم مشغولين بااجتماعات ومتذمرين من الطلاب... عموما اول حل الشعيبي أحمد :21: < كفوو قليله في حقه وبعده الدكتور مصلح .. ما فاد .. الدكتور الفريدان... وكان الله بعونك وعون الجميع |
رد: ارجوا المساعده.. كل تعبي بهالجامعه ضاع
يالله ترزقنا الصبر بس ..
|
رد: ارجوا المساعده.. كل تعبي بهالجامعه ضاع
الله يسهلك
باعتقادي ان الخطاء مو من الجامعه لانهم صعب يجيبون عنوانك وفي حالة الانسحاب يتم ادخال العنوان المراد ارسال الوثائق عليه تقريباً احد مسويلك انسحاب تاكدي من يدخل يوزرك لان حتى لو فرضنا حسابك متهكر من وين يجيب العنوان؟ |
رد: ارجوا المساعده.. كل تعبي بهالجامعه ضاع
باذت الله تنحل مشكلتك تواصلي مع العمادة
وتاكدي اذا كنتي تتعاملين مع احد مراكز خدمات الطلاب لحل الواجبات والمناقشات ان الموظف ما طلب الانسحاب بالغلط اذا لم تجدي حل انتضري لين نروح نختبر الصيفي ونخدمك بالسؤال |
| All times are GMT +3. الوقت الآن حسب توقيت السعودية: 12:48 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام