![]() |
رياضيات 2 والكارثة
السلام عليكم ورحمة الله وبركاته
اتمنى من كل الي ما اجتازو رياضيات 2 المشاركه في الموضوع الكل يعلم ان الدفعات القديمه فقط مطالبين بهذه الماده والكثير منهم اجتازوها وبقي اعداد قليله ربما لا تتجاوز 100 طالب وذلك يعني ان اختبارها راح يكون تحريري تحريري مع دكتور لا يجيد اللغه العربيه مع احترامي له اتمنى من الجميع المطالبه بتغيير الدكتور واتمنى المشاركه في الموضوع من الطلاب الذين لم يجتازو الماده فقط حتى نعرف العدد المتبقي |
رد: رياضيات 2 والكارثة
الحمد لله عديتها
|
رد: رياضيات 2 والكارثة
اقول لك حاجة ،، ما راح اسجلها مادام هذا المدرس موجود .. الطاهر مدرس وليس دكتور هذا حل .. والحل الثاني : اني اخليها بسمستر لحالهاا واجيب مدرس يشرح افضي نفسي لهاا ,, مع اني ولله الحمد مشيت وفهمت اللي اصعب منهاا وبدرجات حلوة الا العله هذي |
رد: رياضيات 2 والكارثة
من واقع تجربه :
انا جبت لي مدرس خاص واهتميت بالشرح تبع الدكتور الطاهر .. لكن المدرس هو اللي نفعني وشرح لي كيفية حل المسائل والتمارين .. وانا انصح كل واحد مااخذ الماده لصعوبتها عليه انه يستعين بمدرس رياضيات متمكن حتى يقدر يعديها .. لاحد يقول لي شرح الدكتور الطاهر !! لانه بصراحه هو من جنوب السودان من دارفور واللهجه العربيه مكسرة ويدمج الانجليزيه معاها بالشرح .. مشكلته الدكتور الطاهر متمكن من الماده لكن لنفسه ماعنده ملكة توصيل المعلومه للغير مثل الدكتور اسامه حنفي الله يسهل عليه.. وهاذي المشكله اللي ادارة الجامعه ماهي راضيه تتحرك فيها .. والضحيه هم الطلاب والطالبات .. دكتور ماحد يستفيذ منه غيروه !! لكن ؟؟؟؟ ويبقى السؤال ؟؟ |
رد: رياضيات 2 والكارثة
انا اختبرت المادة الترم الي راح وعديته الحمد لله ، الاسئله كانت متوسطه وفيه شي من الصعوبه ، صحيح ان الدكتور الطاهر ابراهيم موب مثل حنفي الله يذكره بالخير ، لاكن انا عندي قاعده في الحياة ، اعتمد على نفسك في كل شي ، انت ذاكر واتعب ونشالله اقل شي بتجيب درجة النجاح ، وانت الان بالمستوى الثامن يعني اكيد مررر عليك مدرسين شرحهم سيء وقدرة تتعدي الماده وتتجاوزه ، توكل على ربك واخذ الماده ، ولا تاجل عمل اليوم الى الغد . :2:
|
رد: رياضيات 2 والكارثة
انا ان شاء الله باخذها هذى الترم :33:
الله يسهل علينا :41: تحياتي :43: |
رد: رياضيات 2 والكارثة
اقتباس:
بس لابد من تجمع حتى نتفق على تنزيل المادة علشان نتساعد فيها يغض النظر عن الدكتور تخيل تنزل المادة لوحدك |
رد: رياضيات 2 والكارثة
خلونا نتفق على سمستر معين علشان ماحد يتورط في اختبار مقالي :7: ويجيب العيد
بالنسبة لي مخطط انزلها المستوى الجاي بأذن الله الا اذا اتفقنا جميعاً على غيره, |
رد: رياضيات 2 والكارثة
الحمدلله عديتها بدون مذاكره
دخلت ياتصيب ياتخيب لأني اكره شي اسمه رياضيات |
رد: رياضيات 2 والكارثة
وانا راح انزلها الترم القادم :33:
|
رد: رياضيات 2 والكارثة
عطوني الفاكس خلوني اعرف اتفاهم معه... :32::20:
ـــــ ــــــ ــــــ ــــــــ سعادة استاذ مقرر الرياضيات 2 بجامعة الملك فيصل - التعليم عن بعد السلام عليكم ورحمة الله وبركاته .......اللهم اني صائم. ......................... والسلام عليكم ورحمة الله وبركاتة ,,, ــــــ .................................................. .............................الموقع .................................................. ............. ..يبي يفتك من مقررك المخيس |
رد: رياضيات 2 والكارثة
الله يسهل علينا انا معكم بالي تتفقون عليه :16:
|
رد: رياضيات 2 والكارثة
اتمنى يكون فيه احصائية لمن يريد تسجيل المقرر
|
رد: رياضيات 2 والكارثة
يسعد لي صباحكم جميعا بألف خير . . :29: انا كمان عندي هالماده العله ومبتلشه فيها ودي انزلها بس الدكتووور مو نازل لي من زووور :41: المفرووض دام الجامعه معترفين ان المقرر يحتاج تغير وان الطلاب مستصعبين الماده وانهم بيدرسونها من اجل تغير المقرر على حد قولهم المفرووووض حتى الدفعات القديمه بعد ما تاخد الماده على اساس انهم معترفين ان المنهج صعب وان طالب ما يستوعبه حطو لنا مادة اضافيه وتكون اختياريه الي عدا الرياضيات ما ياخدها وبنفس عدد الساعات مثلا يحطون لنا ماده تدريب ميداني مثلا .. واكثر الطلبه ودها تتتدرب كدا نفك الازمه الي حنا فيها قربنا نتخرج وحنا خايفين ناخد هالماده شختك بختك بندخل الاختبار ياريت في احد من الطلاب يوصل صوتنا للأداراه انا مليت من كثر ما راسلتهم وحطو في الموضوع استبيان من اجل نعرف عدد الطلاب الي ما اخد الماده ويكوون مثبت في كل المستويات وشكرا لصاحب الموضوع وعطاكم الله الف عافيه :34: ومبارك عليكم شهر رمضان الكريم :2::29: |
رد: رياضيات 2 والكارثة
الحمدلله عديت الترم السابق اخرتها الماده كثير والمحاسبه2 والانجلش والحمدلله افتكيت
ماحب الرياضيات وكلهم عديتهم :20: |
رد: رياضيات 2 والكارثة
من جد مشكله هل ماده الحمد الله عديتها
بس دكتورها ماينبلع وهي اختياري كيف لو تحريري الله معكم ويعنكم أتوقع انتم تأخذوا مدرس ويالله راح تفههووون أسالته |
رد: رياضيات 2 والكارثة
وعليكم السلام ورحمة الله وبركاته
حياك الله عزيزي ... أنا اجتزت المقرر ولله الحمد والمنّه ولكن من وجهة نظري أنه يتم إنهاء المقرر عاجلا غير آجل .. لو كل طالب راح ينتظر رحيل دكتور من مقرر حتى يسجلها أتوقع راح نعمّر في الجامعه ... وهذا ما حصل معنا في التحليل من أخبار رحيل الدكتور أو بقاءه وفي النهايه المقررات متشعبه وراح تسبّب تعارض وخلافه أخذها خير من تأجيلها ولكم حرية القرار والله يكتب لكم الخيره من أمره .... موفقين يارب :16: |
رد: رياضيات 2 والكارثة
الحمد لله اخذتها الترم اللي فات وعديتها بدرجه حلوه لكن والله العظيم اول ما شفت شرح
الدكتور الله يحفظنا وانتم واياه ويرزقنا الجنه اجمعين اخذت لي معلم شرح لي الرياضيات وفهمت كل شيء وربي اني طلعت اول واحد وعرفت ان الرياضيات سهله جدا بس الله يهدينا واياه الدكتور شرحه مو واضح جدا واتمنى للجميع التوفيق |
رد: رياضيات 2 والكارثة
وانا راح انزلها الترم القادم
|
رد: رياضيات 2 والكارثة
يا اخوان رجاء نبي نتفق هل ناخذها الترم هذا او لااااااا
هالمقرر مسوي لي قلق ماهوب طبيعي مرتين اخذ الماده و ارسب فيها لعبت في المعدل |
رد: رياضيات 2 والكارثة
وانا معاكم راح انزلها الترم القادم مرتيين احملها :12::12:
|
رد: رياضيات 2 والكارثة
بنسبه لي مؤجله لين ربي يحلها :39:
|
رد: رياضيات 2 والكارثة
خلونا نقدم اعتراض للجامعه على هالماده الي مسويه قلق .. هم متأكدين ان يبغالها تغير يشلوها عنا وعف الله عما سلف .. ونقدم لهم حلوول وبدائل يمكن يتساعدون معنا .. هذا مو عدل يشلونها عن دفعات ودفعات لا وهم متأكدين ان لازم تتغير ..
ياليت لو اي احد يقدر يتواصل مع الجامعه وهالمره الموضوع جدي قربنا نتخرج وهالماده متغصغصه بالجدول كل ترم نأجلها لين متى يعني .. :42: |
رد: رياضيات 2 والكارثة
وش رايكم نشن حمله على لفريدان في تويتر يعطينا تطبيق ميداني اختياري للي يبي ياخده ويكون بديل مناسب لرياضيات 2 ويحذفوه عنا .. كثفو الرسايل بها الخصوص كل القرارات والاخبار ما تجي الا من تويتر عليكم فيه :19::21:
خلونا نبدأ من الحين قبل الدراسه يا ما قرارات تغيرت بالحملات خلونا نشن حملتنا من اليوم |
رد: رياضيات 2 والكارثة
وش سويتوا ؟؟؟
اخذتوها او لا ؟؟ |
رد: رياضيات 2 والكارثة
راح أنزلها بحول الله و عنايته و متفائل خير
|
رد: رياضيات 2 والكارثة
الماده مو صعبه حيل
بس الدكتور الله يهديه عربي مافيه معلوم انا كنت اخذ القوانين واطبق وافهم نفسي واشرح لنفسي حتى تدخل المعلومه صح والا اذا بتعتمد عليه وعلى شرحه ماراح تفهم ابد والافضل للي مايحب الرياضيات ومايفهم عليها يجيب مدرس متمكن من الماده ويوصل المعلومه صح بالتوفيق |
رد: رياضيات 2 والكارثة
الماده سهله جدا لاتخافوووو عليكم بالملخص رياضيات 2 ونماذج السابقه وفهم المسائل فقط بتركيزز راح تجيبوون اقل شي a بأذن الله سبحانه
|
رد: رياضيات 2 والكارثة
انا مستجد جديد ابي جواب منكمعلم اجتماع فيها رياضيات ؟
|
رد: رياضيات 2 والكارثة
اسال الله العلي القدير التوفيق للجميع ..ربي يسهلها عليكم ويرزقكم النجاح ودرجات حلوة ان شاء الله
بصراحه حبيت بس ادعي لكم واتمنى لكم التوفيق لان انا مش مطلوبة مني المادة اساسا بس نصيحه تابعوا المحاضرات اول بأول وذاكروا اول بأول وحلوا تمارين كثيييييييير على كل قاعده تاخذونها لان الرياضيات مهما فهمتوه اذا ماحليتوا مسائل كثيرة ماتثبت المعلومة وممكن تتلخبطون او تدخل القواعد في بعضها وحاولوا من البدايه تستعينون بأي حد مستواه كويس بالرياضيات مو لازم يعني مدرس او مدرسة انا شخصيا اتذكر ايام المتوسطة كنت ميح بالرياضيات بس لما رحت الثانويه تحديت نفسي وقررت اني اكون شاطرة بالماده بديت اركز كويس مع المدرسة واذاكر اذاكر باستمرار ومااراكم شي او ااجل أي واجب او مذاكرة واسأل عن أي شي ماافهمه وزادت ثقتي في نفسي والحمد لله تحولت من طالبة ميييح بالرياضيات الى طالبة متفوقة جدا بحمدالله صرت متميزة على مستوى المدرسة وكل مدرساتي يشهدون لي ولان ثقتي بنفسي صارت عاليه ولان مخي تعود يشتغل صرت افهم واستوعب الرياضيات حتى مع المدرسة الي اغلب البنات يتحلطمون عليها ومايفهمون كويس من شرحها نصيحتي اكذبوا على انفسكم واوهموها واقنعوها غصب طيب انكم تحبون الماده عشان تتقبلونها وذاكروا ذاكروا ذاكروا باستمرار وحلوا مسائل كثير ربي يوفقكم ونسمع عنكم اخبار طيبة يارب. |
All times are GMT +3. الوقت الآن حسب توقيت السعودية: 07:56 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام