ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   خبرونـا عن أنطباعكم ومواقفكم في صيفي الحسـا :) (https://vb.ckfu.org/t480025.html)

sabreena 2013- 7- 28 04:36 AM

رد: رد: خبرونـا عن أنطباعكم ومواقفكم في صيفي الحسـا :)
 
اقتباس:

المشاركة الأصلية كتبت بواسطة jasmenn (المشاركة 9314957)

هذا بس بالصيفي تخلص وتطلع اما بالاختبارات العاديه لازم يمر نص الوقت عشان تطلع :42:


لا مو بس الصيفي حتئ بالاختبارات العادية/ بعد نص ساعه من الاختبار تقدر تطلع، عشان كذا يقولون الدخول بعد نص ساعه من بدء الاختبار ممنوع بتاتا :-d

فضيل 2013- 7- 28 04:52 AM

رد: خبرونـا عن أنطباعكم ومواقفكم في صيفي الحسـا :)
 
انا رحت الأحساء لإستلام الوثيقة! المهم كانت رحلة غير سعيدة.

أولاً، استخدمت برنامج الملاحة syge وضيعني لأني مفروض الف مع مفرق الإحساء من بدري من جنب الرياض، المهم رحت زيادة حوالي مية كيلو، يعني زودت ساعة في السفر

طبعاً وصلت الهفوف بعد التعب الساعة الثامنة وافطرت في مطعم متأخر عن موعد الفطور.

المهم رحت لشقق مفروشة في المبرز وسكنت وفي الصباح رحت الجامعة ( وضيعني بعد برنامج الملاحة تبع الآيفون) لكن الظاهر من كثر الحفريات، المهم وصلت بعد جهد جهيد الى الجامعة، ورحت لمبنى القبول والتسجيل ومن بعده لمبنى عمادة التعليم عن بعد، وكنت فرحان على بالي اخلص اخلاء طرف واستلم الوثيقة وامسك طريق الرياض، لكن للأسف قالو لي باقي لك مقرر لازم تاخذه قلت لهم اكيد فيه خطأ قالوا لي هذاك مكتب الدكتور مصلح روح له، رحت له وقال لي ادخل ع العميد وعلى طول رحت العميد الفريدان، وماقصر رحب وقالي باقي لك مقرر ، قلت انا اخذت مقرر يوازيه قال لي لا هذا اجباري قلت لكن مافيه اعلان انه اجباري المهم طلعت لأني ما أحب أناقشه زيادة.

ورحت للدكتور مصلح وكان جزاه الله خير متعاون ورغم انه صائم لكن ماسك العمادة كلها. وفهمته وطالع في الجهاز وقالي معاك حق المادة اختيارية وجنبها (أو) يعني مفروض انك متخرج، لكن خذ الورقة وارجع للعميد وكلمه ورجعت للعميد وقالي هذه المادة بعد اجتماع مجلس الكلية جعلوها إلزامية، ولازم تختبرها، قلت كأني أخذتها في جامعة الملك سعود من زمان قال جيبها، واحنا نحاول نعادلها مع انه يبي لها اجتماع مجلس الكلية! قلت له اجتماع علشانها قال نعم، وشكرته ومشيت، وبعدين حاولت في د. مصلح يكلمه وكلمه لكن ما أقنعه

قلت لدكتور مصلح الحين أتأخر على الماجستير قال نحاول نساعدك في الماجستير هنا انتظام.

المهم، مشيت الشقة وبعد المغرب مشيت الرياض وصراحة رحلة طويلة وتعب (وبعد انا ما احب السرعة) فصارت أطول من اللازم!.

خالديه وبس 2013- 7- 28 05:38 AM

رد: خبرونـا عن أنطباعكم ومواقفكم في صيفي الحسـا :)
 
اقتباس:

المشاركة الأصلية كتبت بواسطة نوف بنت سعود (المشاركة 9314809)
ياليتني دارية عنكم كان أخذت منكم كريتين تمر كان ودي ادخل على اميمتي رطيبات

لوكنت اعرفك والله كان جبتلك رطب واللي تبينه بس ان شاء الله المرة الجايه تقولين لي..
نورتي الحساء وعقبال الفل مارك يارب

لينكس 2013- 7- 28 06:34 PM

رد: خبرونـا عن أنطباعكم ومواقفكم في صيفي الحسـا :)
 
اقتباس:

المشاركة الأصلية كتبت بواسطة نوف بنت سعود (المشاركة 9314809)
ياليتني دارية عنكم كان أخذت منكم كريتين تمر كان ودي ادخل على اميمتي رطيبات


ليه ماخبرتينا من البداية انش تبين رطب ؟

كان جبته وعطيته موظف الاستقبال ومشيت


:35:

ابراهيم الخالدي 2013- 7- 28 07:10 PM

رد: خبرونـا عن أنطباعكم ومواقفكم في صيفي الحسـا :)
 
الصراحه كانت متعبه وممتعه
يارب انه مايضيع تعب اختباراتي مش ولا بد الله يستر بس

أمواج الامل 2013- 7- 30 07:59 AM

رد: خبرونـا عن أنطباعكم ومواقفكم في صيفي الحسـا :)
 
اهم شي اننا شفنا جامعتنا الموقرة والشباب شافوا العميد بدا لنا :8:

الكل كان موصيني على رطب وتمر من الاحساء بس ما عرفت وين إلقاه :39: بس لقيت في محطة على الطريق هندي يبيع ليمون حساوي شريت منه مع انه نفسي كان بالتمر:9:
الجايات اكثر ان شاء الله

غرشـوب 2013- 7- 30 08:35 AM

رد: خبرونـا عن أنطباعكم ومواقفكم في صيفي الحسـا :)
 
تجربــه ممــازه جدا وسأكررهـا مرات عديدة بمشيئـة الرحمــن

مشينــا أنا وأحد الأصدقاء من الدمــام قبل أذان المغــرب بنصف ســاعه . ومحملين بالسمبوسه والشوربـه والتمـر والقهــوه .. والبعض من الملخصات لمــادة الأخلاق الأسـلاميه ... أفطرنــا قبل بقيق بـ 10 كيـلو .. ركنــا السيــاره ونزلنــا بسطتنا وعدتنا وسمينا بالله ودعينــاهـ التوفيق في الحيـاة الدنيـا والأخرى..وأفطرنــا وذاركنـا قليلا .. ثم صلينــا المغرب والعشـاء ..ثم أكملنـا طريقنــا الى الأحسـاء.. وصلنا للأحســاء تقريبا الـ 8 وبضع دقائق .. وبإستخدام القارمن وصلنــا للجامعه واكتشفنا بأنه قسم الطــالبات .. لعبنا بالقارمن وطلع لنا مكان اخر بالجــامعه ولكـن به تحويله..ولا نستطيع إكمــالها.. السـاعه الان 8 ونصف لم يتبقى سوا ساعه ونصف ع الأختبــار..لم نجد حلا سوا دورية المرور وسألنــاه ووصف لنــا الطريق..مشينــا ع الوصف ونتفاجئ بقسم الطــالبات مرة أخرى :32:
وبعد سؤال أمن الجامعه الذي أخبرنا بأن شطر الطلاب بجــانب الطالبات ولم يبعد عنه سوا بســور فقط :42::42:
وصلنا للجامعه قرابه التــاسعه.. وقفنا السيــاره ونزلنــا بسطتنــا قهوتنا ومذكراتنا و التمــر ..استمرت المذاكره 40 دقيقه قبل الدخول للقــاعه..استغرق الأختبـار قرابه الســاعه خرجنا منه 11 و 5 دقائق توجهنـا بعدها الىمطعم فيتــامين لتناول الشــاورما مع الموز بالحليب:42: ومنها الى سوق القيصريه المكتض بالمتسوقين..أعجبني الأجواء الرمضــانيه في الاحساء .. بساطه النــاس..روح المســاعده لديهم..بعدها الى الدمام مره أخرى وصلنــا قرابه الثانيه فجرا..

تجربــه كانت ممتــازه..خلصنــا مــادهـ كانت متطلبـه علينــا.. كنا نتمنى أخذ المزيــد من المواد ولكن في كل مرة نواجهه رسـاله الشعب ممتلئــه
العـام القــادم سأكرر التجربه بمشيئة الله...

لينكس 2013- 7- 30 08:57 AM

رد: خبرونـا عن أنطباعكم ومواقفكم في صيفي الحسـا :)
 
اقتباس:

المشاركة الأصلية كتبت بواسطة أمواج الامل (المشاركة 9324906)
اهم شي اننا شفنا جامعتنا الموقرة والشباب شافوا العميد بدا لنا :8:

الكل كان موصيني على رطب وتمر من الاحساء بس ما عرفت وين إلقاه :39: بس لقيت في محطة على الطريق هندي يبيع ليمون حساوي شريت منه مع انه نفسي كان بالتمر:9:
الجايات اكثر ان شاء الله


وش رايش بالليمون
اممممممممم

حامض صح ، أمح

:42:

الان وقت الرطب
اوقات البيع اكثر شي في وقت العصر قبل اذان المغرب بساعتين او ثلاث ، في الطرقات ( على الارصفة ) عند المزارع ، وحتى في محل الخضار فيه .

ذكريني السنة القادمة على خير ان شاء الله

ومالش الا طيبت الخاطر

:29:

العضيد1 2013- 7- 30 09:03 AM

رد: خبرونـا عن أنطباعكم ومواقفكم في صيفي الحسـا :)
 
على ذكر التمر والرطب، فيه مثل معروف يقول (يبيع التمر في هجر) كناية عن الرجل يسوق الشيء في غير مكانه، أو يبيع البضاعة على من يبيعها أصلاً. لكن الظاهر المثل هذا صار ما ينفع.
لقيت في أحد شوارع الهفوف محل مثل الكشك، كاتب لوحة (خلاص القصيم). خلاااااص.
لو كان يبيع سكري، ممكن تمشي بحجة التنوع. لكنه يسوق خلاص قصيمي.
وبهذا يُسدل الستار على المثل (يبيع التمر في هجر).

الخلاص عند الذواقة هو خلاص الأحساء فقط. لا خلاص خرج ولا قصيم ولا مدري مين.

أم هادي88 2013- 7- 30 09:20 AM

رد: خبرونـا عن أنطباعكم ومواقفكم في صيفي الحسـا :)
 
تجربة رائعه, ممتع كان المشوار وزوجي للاحساء من الدمام :41:
وخريطة جوجل كانت رفيقة دربنا وماضيعنا:43:
وان شاء الله يتكللها النجاح:34:


All times are GMT +3. الوقت الآن حسب توقيت السعودية: 08:36 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه