ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   أفيدوني الله يرضى عليكم ^.^ (https://vb.ckfu.org/showthread.php?t=480999)

zzzz 2013- 7- 29 09:48 PM
أفيدوني الله يرضى عليكم ^.^
 
السلام عليكم ورحمة الله وبركآته :


أبي استشيركم بموضوع تسجيل الموآد , انا خلصت سنه تحضيري ورايحه مستوى ثالث تخصصة علم اجتماع بأذن الله ,
بس حملت ثلاث مواد من التحضيري الي وهي { الأحصاء _ الأنقليزي _ تلاوة وتجويد }


والحين مو عآرفه شلون اسجل موادي هل ادخل المواد اللي حملتها ولا أخليهآ مثل ماقال لي البعض بعدين :(
انا حملت الأنقليزي العام بَ المستوى الأول و المفروض بَ مستوى ثاني اخذ انقليزي قراءه ومحادثه بس مَ دخلتهم لأن لازم انجح ب العام ,
والحين كلش مو عارفه شنو اسوي :(
ا
لمهم الي يعرف وعنده حل او مار عليه نفس حالتي يفيدني الله يرضى عليكم و أكون شاكرهه لكم.

:2:أنتظركم:2:

المنادي 2013- 7- 29 09:52 PM
رد: أفيدوني الله يرضى عليكم ^.^
 
يجي من يفيدك بتخصص إجتماع

والله يوفقك يارب

Adel F 2013- 7- 29 09:53 PM
رد: أفيدوني الله يرضى عليكم ^.^
 


ليش تخلينها ؟
شوفي نتيجة تأخيرك للانجليزي العامة .. ماتقدري تاخذي الانجليزي في المستوى الثاني ..

نصيحتي لك : أي مادة تحملينها .. سجليها دايركت في المستوى اللي بعده ..
التأجيل والتأخير ماله فايدة ، أنتي دراستها اليوم أو بعد سنة .. فـ ليش التأخير ؟
على الأقل المستوى اللي بعده .. تكون لسى معلومات المادة موجودة في ذهنك ..

..*

FaHoOoDe 2013- 7- 29 09:56 PM
رد: أفيدوني الله يرضى عليكم ^.^
 
تقدر تنزل اي ماده تبي وتاجل الي تبي

برق الشمال 2013- 7- 29 09:57 PM
رد: أفيدوني الله يرضى عليكم ^.^
 
عليكم السسلام ورحمة الله وبركاته

المستوى الثالث سهل جداً والمواد اللي حملتيها عندك خيار حلو

انك تأجلينهم وذا فيه صيفي الترم القادم تنزلينهم

بالنسبه للانجليزي عادي عندك امكانيه تاخذي انجليزي كتابه
انا المستوى الخامس ولسى ماخذيت تلاوة وتجويد

او انك تنزلي ماده من اللي حملتيها في الترم الثالث والترم الرابع تنزلي الماده الثانيه الي حملتيها وعلى نفس الموال

فهد الظهران 2013- 7- 29 09:57 PM
رد: أفيدوني الله يرضى عليكم ^.^
 
ابي منك دعوة صادقه

الوكاد احد خواتي تدرس معك علم اجتماع

وخلصت مستوى اول وعدت جميع المواد والانقلش ع الحفه


شرت عليها انها ماتاخذ انقليزي قراءة وكتابه ولا الاحصاء

لان عندها مشكله في الانقلش والاحصاء للحين الدكتور الجزار ( النجار) خليتها تاجلها ترم ترمين لين تشوف وش وضع المادة ووضع المدرس


انتي واضح عندك مشكلة في الانقلش فطنشيها لين الله يفرجها
وتقدرين تنزلين اي مادة من الانقلش سالفة متطلب مادة سابقه ماهو موجود عند هالجامعة يعني شيلي من راسك سالفة متطلب مادة سابقة
وبعد لاتنزلين الاحصاء لين يتغير الدكتور ويجي دكتور جديد وتشوفين طريقة اسئلته

فانصحك بالشي هذا
وياحبذا تاخذين 18 ساعة مره ماتقدرين لاتنزلين عن 16 ساعه
اي مادة تركب معك من رابع او خامس حطيها لاتروحين لبيعد مستويات

واذا انتي من اهل الشرقية او الاحساء لاتنزلين المواد العامة ( فقة وسيرة - اخلاقيات اسلامية - قضايا معاصرة ) خليها مع الصيفي

واذا مره مستحيل تروحين صيفي حاولي تلعبين على هالمواد تسكرين فيها ثغرات لان مالها متطلب ولا يحزنون


وفقك الله لما يحبه ويرضاه

zzzz 2013- 7- 29 10:14 PM
رد: أفيدوني الله يرضى عليكم ^.^
 
اي بقوووووهه عندي مشكله مع الأنقلش والأحصاء واحس حتى لو دخلتهآ السنهه هذي ماراح أعدي منها وبحملها مرههه ثانيهه ,

ومشكككورين الككل ع الررد وأبشر بَ الدعوهه الصادقه أخوي لك وللكل :2:

وشكلي بسوي نفس م سوت اختك بحتريهم يغيرون الدكاترهه او اخذها صيفي .

ومشككورين مرهه ثانيه ع الافادآت عسهاها بميزآآن حسناتكم يآآرب :2:

zzzz 2013- 7- 29 10:35 PM
رد: أفيدوني الله يرضى عليكم ^.^
 
طيب يعني الحين اسجل موادي عادي نفس خطة الجامعه والي حملتهآ اروح الأحساء اخذها صيفي كذا يكون اوكك وضعي :39:!!

Adel F 2013- 7- 30 12:20 AM
رد: أفيدوني الله يرضى عليكم ^.^
 

راجعي الموضوع ، بيفيدك ..

http://www.ckfu.org/vb/t480991.html

..*


All times are GMT +3. الوقت الآن حسب توقيت السعودية: 07:04 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه