لما دخلنا الجامعه كان فيه شروط بيننا وبينها
 

اللي ابفى اقوله ومقهوره منه سالفه المقالي اللي طلعت الحين احنا لما دخلنا الجامعه اللي نعرفه كان الاختبار موضوعي الحين لما وصلنا المستوى الرابع يغيرونه مو من حقهم لان بيننا وبينهم شروط احنا الحين مثلا مانقدر نطالب اللي معدله مرتفع يحولنه انتظام لانه لما سجلنا في الجامعه كان الشرط واضح انه ممنوع كان اذا ودهم يتفلسفون مو على الطلاب القدامى كان حطوا شرط الحين جديد للطلبه الجدد عشان اذا واحد يبغى يسجل يسجل مو لما يوصل لكم مستوى يتفاجا عارفه بعضكم بيقول الخبر مو اكيد ليه تستعجلون احنا اداره اعمال وعددنا كبير حتى الاقسام الثانيه جغرفيا وتاريخ من حقهم انه مايكون مقالي هذا شيء
الشيء الثاني بكيفهم يخذفون مواد ويضيفون مواد احنا زادو لنا ماده واللي ارقامهم تبدا مدري بكم يحذفون لهم مادتين وين العدل هذا مو حقد على اللي حذفولهم بالعكس الله يوفقهم دنيا واخره بس يعدلون بيننا
الله يتقبل صيامكم وقيامكم ويجعلنا ممن وفق لقيام ليله القدر
ويوفقنا في طلب العلم

رد: لما دخلنا الجامعه كان فيه شروط بيننا وبينها
 

رد: لما دخلنا الجامعه كان فيه شروط بيننا وبينها
 

ريحي نفسك على الآخر يا متفائلة

وخليكي متفائله:16:

رد: لما دخلنا الجامعه كان فيه شروط بيننا وبينها
 

مادري وش جاب طارئ الفيتو في الموضوع. نصيحه لك برررررررررررد

رد: لما دخلنا الجامعه كان فيه شروط بيننا وبينها
 

الجامعه اذا تبغى تسوي شيء تسويه ماهمها اقل من100 او اكثر
خلوني اقوم اسوي فطوري ابركلي

رد: لما دخلنا الجامعه كان فيه شروط بيننا وبينها
 

طيب لا تعصبين

كل شي بالهدآوه:5:

رد: لما دخلنا الجامعه كان فيه شروط بيننا وبينها
 

الاسئلة الموضوعية او المقالية هي تخصص دكتور المقرر ولا هي من شروط الجامعة او مادة في بنود التعليم العالي تقدر تطالب فيها
الطالب فقط يستقبل الاختبار ويجاوب سواء موضوعي او مقالي:29:


بالتوفيق،،،

رد: لما دخلنا الجامعه كان فيه شروط بيننا وبينها
 

ما أتذكر إن حنا اشترطنا على الجامعة بإن الأسئلة تكون موضوعية و لا ماراح نسجل
دخلنا الجامعة و المفروض نتوقع أي نوع من الأسئلة حتى لو شفهية و ليس تحريرية

أنا لما تخرجت من الثانوي درست في جامعة الملك فيصل و كنت منتظمة طبعا لكن ربي ما قدر لي أكمل

المهم إن أغلب الدكاترة ما كانوا يقبلون يعلمونا بنوعية الأسئلة يعني تدخلين الاختبار و تتوقعين كل شيء

اختبرت الترم الماضي تعاقد و تفاوض الأسئلة مقالية و ماكانت صعبة صحيح في رهبة مختلفة عن باقي المواد و السبب نوعية الأسئلة
لأن حنا ثلاث سنوات و حنا نختبر بطريقة الأسئلة الموضوعية لكن هذا ما يخلينا نقول للجامعة انتي خالفتي الشروط اللي بيننا ..

والله يا أختي لا تهمك نوعية الأسئلة و تخلينها عائق ذاكري زين و إن شاء الله ربك ما يضيع لك تعب

رد: رد: لما دخلنا الجامعه كان فيه شروط بيننا وبينها
 

بس معروف في الجامعات اذا سووا شيء يمشون عليه مو كل ترم يطلع شيء جديد

رد: لما دخلنا الجامعه كان فيه شروط بيننا وبينها
 

معك حق المفروض الإلتزام بالشروط .. مو لما الواحد يسجل ويتعب نفسه يتفاجأ بالتغيير
لأننا ما سجلنا بجامعة معينه الا عشان لهم طريقه معينــه .. الله يكون بالعون ويوفقنا
>> خفت صراحه مع اني لسى مسجله :38: