ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى طلاب التعليم عن بعد جامعة الملك فيصل (https://vb.ckfu.org/f183)

- - بالنسبه لتسديد الرسوم (https://vb.ckfu.org/t483425.html)

الجوووهره

2013- 8- 6 10:41 PM

بالنسبه لتسديد الرسوم

يآجمآعه أنا طالبة مستوى ثاني يعني ما أعتبر جديده

لو جيت بسدد الرسوم اليوم أو بكره ممكن أو بيقول لي انو ماتحدثت أو ماينزل لي كم الرسوم

ما أبي أستعجل بشي , ومتى الوقت المناسب إللي أسدد فيه , ومتى ينتهي وقت تسديد الرسوم للقدامى ؟؟

شيروا علي جزآكم الله ألف خير

سـّـوِيرآڽ

2013- 8- 6 10:43 PM

رد: بالنسبه لتسديد الرسوم

الافضل انك تنتظرين لبعد العيد

اذا تحدث الوضع المالي عندك بالخدمات الطلابيه ونزلت لك فيه الرسوم المطلوبه منك سددي

حالياً لا تدفعين شيء / بالتوفيق :2:

سـّـوِيرآڽ

2013- 8- 6 10:46 PM

رد: بالنسبه لتسديد الرسوم

و بالنسبه لمتى آخر يوم بالتسديد

خذي هذا رابط بوابة التعليم عن بعد احفظيها عندك بالمفضله

بتلاقين فيها التقويم والاعلانات وكل شيء يخصنا :34:

http://www.kfu.edu.sa/ar/Deans/E-Lea...ages/gate.aspx

بالتوفيق :2:

الفلاح

2013- 8- 6 10:47 PM

رد: بالنسبه لتسديد الرسوم

اخر موعد السداد للطلبه القدامى 26 ذي الحجه
اما الطلبه الجدد 26 شوال

Adel F

2013- 8- 6 10:58 PM

رد: بالنسبه لتسديد الرسوم

الله يلحقنا خير .. عندك مهله إلى 26 ذو الحجة ..
والأفضل التسديد بعد بداية الدراسه ..
من الآن الى 9 شوال تسجيل المواد .. ممكن تضيفي مادة وممكن تحذفي مادة .. الخ
اذا انتهت فترة التسجيل وبدأت الدراسة في 25 شوال .. سددي ..
وفي النهاية عندك مهله طويله متى ماحبيتي تسددي .. سددي ..

..*

الجوووهره

2013- 8- 6 10:58 PM

رد: بالنسبه لتسديد الرسوم

إن شاء الله الله يبرد قلبك ويرضى عليك ويوفقك .. طيب عندي إستفسار ثاني الحين سجلت المواد الحمدلله بنفس أرقام crn إللي موجوده في تبع تسجيل المقررات أيقونة الجدول والمقررات بس دخلت المنتدى وحصلت وحده كآتبه المواد بس الارقام غير عن الموجوده بالجدول حقت crn وش أسوي عشآن التسجيل حقي يكون صحيح بإذن الله

Adel F

2013- 8- 6 11:01 PM

رد: بالنسبه لتسديد الرسوم

أدخلي على ( السجل الأكاديمي ) في ( نظام البانر ) ..
اذا حصلتي المواد التي سجلتيها كامله .. ماعليك من أي جدول آخر فيه أرقام أخرى ..

..*

الجوووهره

2013- 8- 6 11:10 PM

رد: بالنسبه لتسديد الرسوم

مشكور الله يرضى عليك إجاباتك تبرد القلب
الله يرزقك أضعاف ماتمنيت :16:

الجوووهره

2013- 8- 6 11:20 PM

رد: بالنسبه لتسديد الرسوم

طيب أخوي أنا أشوف الناس حايسه بتحديثات الجدول أنا سجلت وخلصت لأني بكون مشغوله في الأيام الجايه

إستفساري هو ان على تحديثات الجدول تتغير أرقام crn ولا بس تتغير أيام الاختبارات والمواد

Adel F

2013- 8- 7 12:40 AM

رد: بالنسبه لتسديد الرسوم

إن حصل تغيير فـ راح يحصل تغيير بأيام الاختبارات فقط ..
ولايمنع قبل 9 شوال .. تخشي وتشيكي على جدول الاختبارات وقارنيه بموادك ..

..*

خالديه العنزي

2013- 8- 7 02:56 AM

رد: بالنسبه لتسديد الرسوم

السلام عليكم ... انا انقبلت ادارة اعمال ... لكن لسه ما سددت الرسوم ولا ارسلت الاوراق

اشوفكم تتكلمون عن تسجيل المواد .... كيف اسجل

ارجو الرد

الفلاح

2013- 8- 7 03:05 AM

رد: بالنسبه لتسديد الرسوم

اقتباس:

المشاركة الأصلية كتبت بواسطة خالديه العنزي (المشاركة 9366033)

وعليكم السلام ورحمة الله وبركاته

الطلبه الجدد اول ترم تسجيل المواد من قبل الجامعة وما عليك الا ان تحضر المحاضرات وتحل المشاركات والواجبات عند بدء الدراسه في نهاية الشهر

اما بالنسبة لارسال الاوراق تبدأ من 6 شوال الى غاية 10 شوال وبعدها لايقبل البريد استلام الاوراق وارسالها

والتسديد عندك لغاية 26 شوال

والف مبروك القبول وعقبال التخرج ان شاء الله

خالديه العنزي

2013- 8- 7 03:14 AM

رد: بالنسبه لتسديد الرسوم

ربي يسعدك اخوي ... كيف اعرف انهم سجلوني في المواد ... وكيف اقدر احضر المحاضرات لازم كل يوم

بصراحة ماعندي وقت انا موظفه و دوامي طويل

ودي احد يفيدني اكثررررررر

Adel F

2013- 8- 7 03:22 AM

رد: بالنسبه لتسديد الرسوم

خالديه .. في البداية أرسلي الوثائق وسددي الرسوم ..
واذا بدت الدراسة في 25 شوال .. الله يلحقنا خير وقتها راح تعرفين كل شيء ..

لكن ( المحاضرات والواجبات والمناقشات ) منتي مجبورة في يوم محدد .. أغلبنا موظفين زي حالتك ..
لك الفصل كامل متى مالقيتي فرصة وحملي المحاضرات وحلي الواجبات والمناقشات ..
وموجود الموعد النهائي لإغلاق الأنظمة في التقويم الزمني في بوابة التعليم عن بعد ..

..*

الفلاح

2013- 8- 7 03:29 AM

رد: بالنسبه لتسديد الرسوم

اقتباس:

المشاركة الأصلية كتبت بواسطة خالديه العنزي (المشاركة 9366072)

ممكن يفيدك الرابط ومثل ما قال اخي عادل راح تعرفين كل شيء اذاا بدأت الدارسه كل شيء سهل

http://www.ckfu.org/vb/t482390.html

All times are GMT +3. الوقت الآن حسب توقيت السعودية: 08:45 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه