تبي تعرف معنى الظلم والقهر

[ام الدانه]

السلام عليكم
اليوم كلمت الهيئة السعودية للتخصصات الطبية لاننا مطالبين بأختبار الهيئة للحصول على مسمى اخصائي اجتماعي ونقدر نتوظف بالمجال الصحي
اول شي لازم نتدرب لمدة ثلاث شهور في مستشفى يكون فيه ادارة تدريبيه
ثاني شي شهادتنا غير معترف فيها من قبل الهيئة السعودية
والشهادة المعترف فيها شهادة جامعة الملك عبدالعزيز بجده فقط
طيب يعني وش معنى هذا الكلام درستنا راحت كيذا من غير فايدة حرام من جد بنسبة لي موظفة في مستشفى وكنت اسعى لترقية طيب غيري وش بيسوي الي ماعنده حتى الوظيفة

[محلل مالي]

كان الله في عون الجميع

[TAG~alghla]

الله المستعان
الله يعينك وييسر امورك
حسبنا الله وكفى
....

[moghtrb]

موضوعك صدمني ام الدنه


اممممم طيب كملي ماستر طالما موظفه وتبينها للترقيه منها تفيدك بشهاده ومنها تطوير ذاتي لك ومنها تنسي سالفة مو معترف فيها بحكم ان شهادتك راح تكون ماستر

[الطالب الموهوب]

القصور كله من الجامعة نفسها لو تسعى شوي زي جامعة الملك عبد العزيز للحصول على الموافقات والسعي الجاد في تحقيقها لما تعذب الطالب بعد التخرج .

[العضيد1]

طيب ما الفرق بين قسم الاجتماع في جامعة عبدالعزيز وجامعة فيصل؟ هل المقررات تختلف؟.
لا بد أنها تختلف، وإلا فقرار الهيئة مجحف وظالم.

[ام الدانه]

طيب انا موظفة غيري محتاج وظيفة
ولا كل موظف قادر يكمل ماستر موب على كل حال بيقدر
درسنا نبي نحصل شي من ورى هالدراسة
مادرسنا وضيعنا جهد وتعب ومادة على فراغ

[بدر البدراني]

تفائلي خير ان شالله تسعى الجامعه بالموضوع ولو اني قريت في المنتدى هذا ان الشهادة معترف فيها وابحثي بأرشيف المنتدى تلقينه

[الطالب الموهوب]

الغلط الاول الاخي رتتحمله الجامعة . هي من لم تعرف ببرامجها الدراسية ولم تعطي فكرة كامله للحصول على الاعتراف وهم الجامعة كان هو تجميع اكثر عدد من الطلاب فقط ونست الجوانب الاخرى . ولا جامعة حكومية يصير في طلابها كذا ؟؟

[ماجدة حمد]

مساء الخير اختي

بالنسبة للهيئة مقبول عندهم الانتساب بس ،السؤال حنا نعتبر تعليم عن بعد او انتساب