|
طالبكم افيدوني !!
بسم الله الرحمن الرحيم أولاً السلام علكيم ورحمة الله وبركاته احبتي الكرام انا قدمت في جامعة الملك عبدالعزيز ( انتساب ) وانقبلت فيها ودفعت الرسوم وكان تقديم جامعة الملك فيصل قبلها بشهر تقريباً ولكن ما قبلت في الدفعة الأولى ( انتساب مطور ) طبعاً ... والآن جتني رسالة تفيد بقبولي في جامعة الملك فيصل والحين محتار بين الثنتين مع العلم اني اريد معرفة الفرق بين الشهادتين من ناحية القوة والأفضلية في حال رغبت إكمال الماجستير لأني موظف والحمدلله وليس هدفي هو البحث عن وظيفة بل كما ذكرت لأجل اكمال الدراسة او الإبتعاث ... أفيدوني جزاكم الله عني خير الجزاء ملاحظة / هل استطيع استرجاع الرسوم التي دفعتها لجامعة عزوز ؟؟ |
رد: طالبكم افيدوني !!
عليكم السلام ورحمة الله وبركاته
حبيبي بالنسبه للأفضليه ممكن تكون اجابتي للملك فيصل بحكم اني من طلابها ويجيك شخص من عزوز ويقولك عزوز افضل بحكم انه من طلابها... حسب معرفتي عن عزوز حسب نظامهم القديم الانتساب العادي مو شيء وسيء مررره لدرجة انهم يسمونها قهوة عزوز بس حالياً اعتقد صاروا انتساب مطور مثل فيصل ومثل بقية الجامعات كإعتراف في شهادتها كل الجامعات الحكوميه معترف في شهادتها ولكن قوة الشهاده تعتمد على ارتفاع معدلك يعني من الاخر لاتتخرج اذا ربي وفق وكتب لنا ولك عمر بمعدل اقل من 3.75 جيد جداً هذا بالنسبه للسؤال الاول حسب معرفتي وفهمي بالنسبه لعزوز ماعرف نظامهم ولكن هنا في فيصل تدفع وبعد فتره يكون فيه وقت تحذف وتسترد كامل مبلغك وهو 100% وفيه عقبه فتره يكون مبلغك 50% وهكذا لذلك حسب اعتقادي حتى عزوز فيها هالنظام ولكن يفضل تتواصل مع عمادة عزوز لتحصل على افضل جواب امممم هذا اللي اعرفه وموفق بإذن الله تعالى بس استخير واستشير وماراح يجيك غير اللي يسر خاطرك بإذن الله |
رد: طالبكم افيدوني !!
وعليكم السلام ورحمة الله وبركاته ,,,
أخوي بالنسبه للفرق بينهم : الإنتساب التقليدي ( مافيه بينك وبين الجامعه أو الدكاتره إتصال غير الكتاب أو بعض الإنتساب التقليدي يكون فيه يوم أو يومين وخصصات للتواصل معهم .. ويكون فيه محاضرات ويجب عليك الحضور وفيه تحضير ..إإلخ .. وهذا ضمان إن الطالب مهتم وموجود معهم .. والآن ما فيه أحد يتجه له كثير وأصلا فيه خطه زمنيه في إلغائه والله أعلم ) الإنتساب المطور ( بينك وبين الجامعه تواصل كبير من ناحية التواصل المباشر عن طريق المحاضرات المباشره .. أو عن طريق المناقشه .. أو تحميل المحاضرات المسجله .. أو حل الواجبات .. والواجبات والمناقشه ليست بكل الجامعات .. في سبيل المثال جامعة الملك فيصل توجد مناقشات وواجبات وتحميل محاضرات وعليها مشاركات .. عموما هالأشياء هذي كلها عن طريق برنامج يسمونه البلاك بورد .. وهالبرنامج فيه كل محاضراتك وتذاكر من خلاله ) الأفضل بينهم .. ( أكيد التعليم عن بعد ) بالنسبه للشهاده ( كلهم معترف فيهم ولا فيهم إختلاف .. ) بالنسبه للماجستير ( أنا صديق لي إنتهى من الدراسه وقدم ماجستير واعتقد راح يبدأ معهم ) وسلامتك : تحيتي |
رد: طالبكم افيدوني !!
الله لا يحرمني منكم حبايبي moghtrb و Silent Light جزاكم الله خير وكفيتوا ووفوتوا سؤال آخر بالنسبة للتحظير والمشاركة والواجبات في جامعة فيصل هل لها وقت معين او ايام معينة او ممكن ادخل في اي وقت واحضر واحل الواجبات ..؟ وانتظر من يفيدني اكثر بخصوص سحب الرسوم من جامعة عزوز |
رد: طالبكم افيدوني !!
اقتباس:
بكل أمانه سحب الرسوم ما أعرفه .. ممكن إنك تتصل على الرقم المجاني للجامعه وتسألهم عن الطريقه .. : بالنسبه للمشاركات والمحاضرات والواجبات والمناقشات لها أوقات مرتبه .. مثال : في كل أسبوع تنزل على كل ماده محاظرتين على الأقل .. وعدد المحاضرات للماده الواحده 14 وفي كل فتره ينزل لنا الدكتور واجب يعني كل بعد ثلاث محاضرات .. وبالنسبه للمناقشات .. لكل محاضرة مناقشه .. وأيضا يوجد ما يسمى بـ ( المحاضرات المباشره ) لكل ماده محاضرات مباشره يعلنون عنها الجامعه .. ولها وقت محدد .. وتقدر تتواصل مع الدكتور مباشره عن طريق الصوت والصوره والكتابه .. وكل الي ذكر أعلاه إذا اتممه ( يعني ) .. ( تحمل المحاضرات .. وتناقش .. وتحل الواجبات .. وتحضر أو تحمل المحاضرات المباشره .. هذي عليها 30 درجه للمشاركه ( داخله في الإختبار ) .. ودرجة الإجتياز في الإختبار 60 .. يعني لو إنك حصلت على 30 أخرى تنجح .. ولكن اكيد انك تطمح أعلى من ذلك : : أتمنى إني أفدتك تحيتي |
رد: طالبكم افيدوني !!
الله يثيبك اخوي silent light ولا يحرمك الأجر ويسهل امورك ولا يعسر عليك امر ..
كلامك كافي ووافي وشافي انا بس اللي مخوفني اني سمعت كثير قالوا ان جامعة فيصل غير معترفة خارجياً وان شهادة عبدالعزيز اقوى ومعترف بها خارجياً او حتى لو انها غير معترف بها خارجياً هل نفس الجامعة فيها اكمال الماستر أو لا ؟ اكرر بالغ شكري وتقديري لك اخي silent light |
رد: طالبكم افيدوني !!
اقتباس:
حياك الله اخوي حنا إخوان ولابد نكون لبعض .. شوف أخوي .. أي جامعة معترف فيها في ( التعليم العالي ) معترف فيها خارجيا .. لأنك اذا بغيت تدرس بالخارج .. يطلبون منك ترجمه وأيضا معامله ..وكلها تقام في التعليم العالي .. لذلك لا خوف .. ولا قلق : : وبالنسبه للماجستير .. تقدر تكمل بأي جامعه .. مو شرط فيصل .. وبالنسبه لفيصل .. ما عندي درايه هل هم يفتحون أم لا .. ولكن سمعت كثير إن فيه طلاب تخرجو ماجستير منهم وبالله التوفيق |
رد: طالبكم افيدوني !!
جامعه فيصل فيهااا 30 درجه بمتنااول الايدي من خلال
المشاركات والواجبات والمحاضرات والاختبار النهائي من 70 درجه جامعة الملك عبدالعزيز لايوجد فيها مشاركات ولا واجبات والامحاضرات بل اخر الترم اختبار من 100 درجه جامعة الملك فيصل مراكز الاختبارات متعدده بجميع مناطق المملكه جامعة الملك عبدالعزيز مراكز الاختبارات ب جده واعتقد الرياض جامعة الملك فيصل الرسوووم على عدد الساعات كل ساعه 165 رياال جامعة الملك عبدالعزيز رسوووم ثابته وقدرها 3000 ريال لترم |
رد: طالبكم افيدوني !!
silent light يا شيخ روح الهي يطمنك مثل ما طمنتني ويسعدك ويسهل دروبك و [يزوجك] << أهم شيء :8: كفيت ووفيت وجاري سحب الرسوم من عزوز والإنضمام لفيصل بإذن الواحد الأحد |
رد: طالبكم افيدوني !!
اقتباس:
جزاك الله خير اخوي عزيز مجد ما قصرت افدتني كثير معلوماتك زادتني حماس للإلتحاق بجامعة فيصل دمت بود |
| All times are GMT +3. الوقت الآن حسب توقيت السعودية: 04:12 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه