ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   أريد الجواب الشافي (https://vb.ckfu.org/showthread.php?t=495758)

ابو هديب 2013- 9- 9 09:06 AM
أريد الجواب الشافي
 

السلام عليكم ورحمة الله وبركاته

السادة أعضاء ملتقى طلاب الجامعه ..

هذا أول موضوع لي في المنتدى وكنت أتمنى أن أكون شخصاً أفيد ولكن ( حدتني الضروف وقدر الله علي وسجلت في جامعة الملك فيصل وارسلوا لي رسالة عالجوال انه تم قبولك طبعا كأي مواطن يبحث عن العلم حفظت الرقم الجامعي أكثر من حفظي رقم بطاقة الأحوال من طولة كنه رقم شاص .. وبسرعة دخلت عالبنك اسدد من العجلة رد علي البنك وقالي ارفق تو الناس ما بعد بدت في التسديد
كل ما جيت اسدد يقول الاسم غير معرف ومن هالكلام لمدة أسبوع ودخلت على منتداكم وافادني ان فيه مشكلة في السداد صبرنا وبعدين تم التسديد
وهالحين واجهتني مشكلة ثانيه أني ابي اسجل في موقع الجامعه باليوزر اللي عطوني اللي هو رقم الطالب والباسوورد اللي سويته يقولي خطأ في اسم المستخدم أو الباسوورد

حاولت أتواصل معهم عن طريق الرقم المجاني ( السنترال ) وأثبتوا لي المعجزة اللي ما يمكن تصير إلا عندنا اللي هي ان السنترال يكون مشغول طول اليوم صباح ومساء

نهاية الحوار يا جماعة ما ودي اطول عليكم لانه باقي سطرين ويطلع معروض مهوب طرح مشكلة

1- وش الحل في نظركم انا سددت والجامعه تقولي فيه خطأ في اسم المستخدم والباسوورد
2- هل استطيع تغيير الباسوورد خصوصا ان الرقم الجامعي اللي معطيني ما يستجيب لموقعهم
3- هل فيه رقم نقدر نواصل معهم فيه ما يكون مشغول طول اليوم
4- من منكم يعرف احد في الجامعه << أول سؤال يطرحونه المواطنين في اي مجال يبون يراجعون فيه

شاكر لكم تعاونكم

واعتذر على الإطالة وما ادري وين اكتب الموضوع فيه ولو تم نقله يا مشرف تزودني بصورة على الخاص عشان اقدر اتابعه

ام دحووم 2013- 9- 9 09:15 AM
رد: أريد الجواب الشافي
 
الرقم الجامعي لم يفعل والارقام السريه لم ترسل على الجوالات
ماللك الا الصبر الا ان يتم ارسال الارقام السري بعد ذلك تستطيع دخول الموقع

حقق امنياتي 2013- 9- 9 09:22 AM
رد: أريد الجواب الشافي
 
عندهم عطل هم بنظام السداد للحين مسددت
وووبسورد لاتحدثها انا كان يطلع لي كذا وحاولت يوووم وفتح معي بلاك بورد

ِ~ام الحلواتِ~ِ 2013- 9- 9 09:44 AM
رد: أريد الجواب الشافي
 
ماتفعلت لسى بالتوفيق :16:

المدى البعيد 10 2013- 9- 9 09:46 AM
رد: أريد الجواب الشافي
 
اصبر كلنا مثلك

Nsay 2013- 9- 9 11:37 AM
رد: أريد الجواب الشافي
 
يارجل الجامعة هي من ترسل لك الرقم السري

اصبر اصبر وش بك عجل :29:

نفسي عزيزة 2013- 9- 19 09:57 PM
رد: أريد الجواب الشافي
 
مرحبا

عندي قريبي مستجد في التعليم عن بعد إلى يومنا هذا لم يتم ارسال رسالة بالرقم السري او الرقم الجامعي؟

ارجو الافادة بخصوص معرفة الرقم الجامعي

عين الصقر 2013- 9- 19 10:10 PM
رد: أريد الجواب الشافي
 
اقتباس:
المشاركة الأصلية كتبت بواسطة نفسي عزيزة (المشاركة 9590980)
مرحبا

عندي قريبي مستجد في التعليم عن بعد إلى يومنا هذا لم يتم ارسال رسالة بالرقم السري او الرقم الجامعي؟

ارجو الافادة بخصوص معرفة الرقم الجامعي
ياهلا
اخوي الرقم الجامعي تحصله في ورقة القبول يبتدي214


موفق


All times are GMT +3. الوقت الآن حسب توقيت السعودية: 05:02 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه